أحبائي أضع بين أيديكم آخر ماكتبت عسى أن تسمو وتعانق ذائقتكم
وتحظى برضاكم

من نشدني كيف حالك قلت له لاباسي=بخير عايش والهموم بداخلي حـابسها
والسبب ظلمك وجورك يالزمان القاسـي=كسبنا منك التجارب والعُبَـر ندرسـها
الله أكبر يازمــاني منـك شيّـب راسي=شفت نارك تاكل أخضرها قبل يابسـها
ذا وأنـا للعلـم لاناشط ولابسياسي=بس شايف شي كبد اليَعْربي يحمسـها
التطـوّر للبـلاد الكـفـره نبـراسي=والعرب تفرس بعضها والزمن يفرسها
ويكسبون الغرب علم بكل فصل دراسـي=وعُرْبَنا مريوسْها يقلب علـى ريسـها
العرب ياحيلـة الله وضعهـــا محتاسي=طاوعت لإبليس واصبح جنّها لابسها
صدقوا من يرسم الخطه على الكراسـي=وللمشاكل يستثيـر النـاس ويحمسها
وعودوا على بعضهم يضرسون ضراسي=ونجحت خطة حقود ٍ ضدهـم هندسها
وبينهم حبْل التواصل صار له مسّاسي=وإشحنتهم سطوة الغاوين وتغطرسـها
ياعربنا كيف مسلم بالرجـول يداسي=والكرامه كل طاغـي بالقـدم يدهسها
إيتقوّى بسلطته لعــقـــاب ربّـــه ناسي=ويملك أنواع القسى والبطش ويمارسها
مايسوّي هالسوايا إلا الردي والخاسي=ولايذل لشعبه إلا من العبـاد أنجسها
ومن يدوّر زعزعتنـا بشْـره بإفلاسي=كل ماجانـا بخطـه لنْحَـره نعكسـها
يالله إنـك لاتربّـح قـادح المجباسي=وحربته يالله بصدره ردهـا وإغرسها
ويالله تعز البلاد اللـي جبلها راسي=وفي حماك من البلاوي والفتن تحرسها
بظل من حكمه جعل ميزانها متواسي=يالله إحفظ مملكتنا وارحـم موسسها
من هو اللي يستطيع لحلّـت اللولاسي=والمشاكل بالعقـل وإدراكـه يسايسها
غير حاكم مثل ابو متعب عريب الساسي=يجمع لشمل العرب وجهـوده مكرسها
يحلّها بحكمه وبسياسه وقــوة باسي=وإن تعذر حلها بوجه العـداء يقبسـها
والربيع العربي لـو عــسّه العساسي=ويش يلقى غير شِبْ النـار ياجابسها
قلتهـا وللعلـم لاناشـط ولابسـياسي=بس شايف شي كبد اليَعْربي يحمسها