تابع
قال خالد بن محمد بن خلف العرايف هذه القصيدة يثني على عبدالله بن دهيمش بن عبار : 1750
ابـي اعـتـذر لـه والـعـذر بالـرسالـه *** حيـثـه عـلى قـد العتـب والمشاريـه
بـجـاه الـولـي مـولاي عـز الجـلالـه *** مـاغـيـرهـا مـابـيـن عـم وبنيـخـيـه
الـلـي حـسـبـنـي واحـدٍ مـن عـيـالـه *** واعـطاني العـلـم الصحيح ومعانيه
وأخطيت من كـثـر الغشم والجهالـه *** وكـلـن عـلى ماقيـل عـقـلـه مقـديـه
والـلـه يـعـز الـلـي يـحـل الـشـكـالـه *** الـرّمـز أبـن عبـار يـا حـي طـاريـه
يـكـرم جـنـابـه عـن خطـات الحثالـه *** الـلي عيـون الخلـق شافـت بلاويـه
يا لـيـت أبـو مشعـل تـنـاوش عقالـه *** وأخـوا بـه بعلباه من قبـل أخاويـه
قال عبدالله بن عبار هذه القصيدة جواب لقصيدة خالد بن محمد بن خلف : 1751
كـتـبـت مـردود الـجـواب بـعـجـالــه *** بـسـم الـولـي رب المخاليـق بـاديـه
ومن بعـد ذكـر الـلـه نـرد الـرسالـه *** توصل جناب الـلي تشّرف مهاجيـه
خـالـد رفـيـع الـشـان يـا حـي فـالـه *** أرسـل عباراتـه عسى الـلـه يقـويـه
نـجـل الـذي بـيـنـي وبـيـنـه زمـالـه *** أبـوه محـمـد نـفـتخـر بـه ونـغـلـيـه
أطـلـب عسى المولى يظلّـه ظـلالـه *** عسى الولي من صالي النـار ينجيه
يا خـالـد الـلي ما يحـوش الجـمالـه *** لـو هـو نسل هارون لا تكترث فـيـه
مـن بـه جـرب لابـد يـعـزل لـحـالـه *** ومن خالـط الأجـرب يصيبه ويعديـه
قال خليف بن سعود التمامي الجعفري هذه القصيدة يثني على زميله عبدالله بن
دهيمش بن عبار : 1752
مـاهـي غـريبـه فـزعتك يابـن عـبـار *** لاهـي غـريـبـه تـنـتخـي للـقـبـيـلـه
يامااجتهدت وجبت من جزل الأشعار *** شاعـر علـم ما يوم جبت الهزيلـه
بـحـقـوق ربـعـك مـا تـقـدم لـلأعـذار *** ومـن شانهـم يامـا كتبت الجـزيلـه
في ساعـة الشـدة كمـا المـوج هـدار *** سيـف لـربعـك عـز مـن ينتخي لـه
تحـرص عـلى جمع القبيلة بالأقطار *** وافـنيـت عـمرك مجتهد في سبيلـه
شاعـر وراوي نـلـت غـزه ومـقـدار *** وجمعتهـم بـكـتـاب عـز وفـضـيـلـه
نـارٍ عـلى راس العـلم وافي الأذكـار *** لا قـلـت ابـن عـبـار يكـفـي دلـيـلـه
والـيـوم مـع نـايـف تجـدد بـالأدوار *** بشعـر وعطـأ يمنـاك ماهـي بخيـلـه
تنخى وجـاوب صوتكم كـل الأخيـار *** بجـمـوع وايـل مـحـتميـن الـدبـيـلـه
ربعن بوقت الّلازمه ترخص اعمار *** وشلـون لا صارت بـمـال وحصيلـه
قال عبدالله بن دهيمش بن عبار هذه القصيدة جواب لقصيدة الشاعر خليف بن
سعود التمامي الجعفري : 1753
يا خليف يا أبن سعود يا طيب الكار *** تـعـيـش يـا كسـّاب عـلـم النـفـيـلـه
مـادام تـشكـرني فـأنـا مـنـك شـكّـار *** والشكـر واجـب مـن زميـل لزميلـه
لك قـدر لـك تعظيم يا خليف وأكبـار *** وأشكـر جـنـابـك عـد نبـت الخميلـه
عسى فـداك الـلي مـثـل حـيّـة الغـار *** يـلـدغ وهـو مـلـبـد بـوسـط النثيلـه
لـو أنـكـر المـجـهـود غـادر ومـكّـار *** تـثـني عـليـه أهـل الأعمال الجليلـه
وحـنـا لبعضنـا من قـديمـات الأدوار *** يـوم الفخـر يكسب بسرج الكحيلـه
ولا هي غريبه حث صلبين الأشوار *** مـلـزوم نـنخـى كـل رهـط وفصيلـه
ومسـاهـمتـنـا حـق يـا نسـل الأبـرار *** نـقـوم بالـواجـب ونخشى الفشبلـه
أقـولـهـا ولا خـيـر بالـلي كـبى وبـار *** ومـن خالـف الأقراب ماله وسيلـه
ونطلـب ولـي الكـون عـلاّم الأسـرار *** يفـرج لـلي يـرجي الفرج كـل ليلـه
قال الشاعر خليف سعود التمامي هذه الأبيات يثني على عبدالله بن دهيمش بن عبار : 1754
بسـم ديـوان الفخـر وأهـل المـهـابـه *** مـرحبـا بـالـرمـز وسـلاح القبيـلـه
شاعـرن وقـت الشـدايـد يـنهقـابــه *** مـن تـعـرّض فـي طريـقـه عـزتيلـه
ابـو مشعـل عـزنـا وقـت الـحـرابــه *** مـن تـعـاوج يعـطي المخطي دليلـه
افـنى عـمـره دون ربـعـه بالكـتـابــه *** حـي راسٍ دوم شــيّــال الـثـقـيـلــه
قال عبدالله بن دهيمش بن عبار هذه البيات جواب لأبيات الشاعر
خليف بن سعود التمامي : 1755
مـرحـبـا يـا خليـف تـسلـم يالـقـرابـه *** يـا رفـيع الشان قـولـك ينصغي لـه
حـيـثـك مـن أهـل التـفّـوق والنجابـه *** جزل يا أبن سعـود وبيوتك جزيلـه
مـن حـمـايـل مـابـهـم ثـلـم ومـعـابـه *** نسـل فضـل طبعهـم كسـب النفيلـه
وأنت الـلي فيه افتخر واشكر جنابه *** يا عسى يـفـداك مـن نـفسـه عليلـه
وارسل الشاعر جزاع بن عويند الخمعلي هذا الأبيات في مقطع صوتي : 1756
أعـبـدالـلـه لـن نـوفـيـك حـقـا *** ولا جـزءاً إلـيكـم مـستـحـقـا
لـقـد قـارعـت أعـداءاً لـئـامـاً *** وبـددت الظـلام فـراح سحقـا
وجــر دعــاتــه ذلاَ وهــونــا *** وسقـت الكاذبين إليـه سـوقـا
فشكـراً ثـم شكـراً ثـم شكـراً *** لعـبـدالـلـه إذ شـق الـطـريـقـا
وقال عبدالله بن عبار هذه الأبيات جواب :
بديت بالشكر والعرفان صدقا *** لجزاع ضد اللي لربعه يعـقا
يفداه اللي ينطق بغيبه ونـمّه *** مغتاب يلدغ بالبشر لدغ بقـا
يا أبن عوينـد يا مقـر الحميه *** لاخير باللي عن لزومه تتقا
من يجتهد لابـد تثمن جهوده *** ومن لا ينال الطايله ما ترّقـا
قال عبدالله بن عبار هذه الأبيات موجهه لأبنه بشر : 1757
يـا بـشـر لـيـتـك للخـوافي تـهـايـق *** وتـنـظـر لتكشير الـزمـن بالثنـايـا
الـلـه يعيـن أبـوك يا بشـر ضـايـق *** يـرجـي فـرج خـلاق كـل الـبـرايــا
مهما بـذل يالقـرم مـن جهـد فايـق *** مـثـل الـذي يجـدع بـقـعـر الهبايـا
عـزّاه لـلي مـن شقـا الوقت ذايـق *** صبـر عـلى الكـايـد ولـدغ الحيايـا
المسعـد الـلي سـايـح البـال رايـق *** مـرتـاح فـكـره من جميع القضايا
وقال بشر هذه الأبيات جواب لأبيات والده يقول :
يا والـدي هـذي جـميـع الحقـايـق *** قد حان دوري وأنت عادل معايا
غلاك غارس في ضميري حدايق *** وأنا آخـر العنقود ما أحـداً ورايا
يا ابـوي مـا بالحـق شيـاً يضايق *** وأنـت الـذي تنظـر بكـل الـزوايـا
يا والـدي يحفظـك رب الخـلايـق *** الـواحـد المعـبـود جـزل العـطايـا
يا أبـوي قافـك بالمجـاراه شايـق *** تسلـم ولـك مـني سـلام وتحـايـا
قال عبدالله بن عبار :
أنا اشهد أنك ما أنت يا بشر مايق *** ويكفيك اسمي في سجل الهوايـا
متـعـلـم وتفـهـم جـميـع الطـرايـق *** عـد النظـر واشبح بـكـل النحـايا
من لا قدر ما جاب خـادم وسايـق *** وش يعـمل الـلي ما جيوبه ملايا
ماني عـلى مطلبك يا بشـر طايق *** عساني أقدر عقب عيـد الضحايا
أصبـر لعـلّـه يـنـتهي كـل عـايـق *** واليـا قدرت أبشر بجـزل الهدايـا
هذه الأبيات وردت ضمن الرسائل الخاصة في توتر من سلمان
السرحاني 1758
يالوايلي وين أنت عطب المضاريب *** عبدالله أبـن عـبـار عـريب السلايل
يا نسل مـرويـن السيوف المحاديـب *** أهـل المـواقـف ثـابـتـيـن الفـعـايـل
يا قـلـت يالفـدعـان تـرقـا المـراقيـب *** واشرفت مـن زود الفخر كل طايـل
أنـت المـزبّـن يا حـصـان الأطـالـيـب *** ما للصعايب كـود روس الحمـايـل
أفـزع فـدوك الناقـصيـن الـزواريـب *** اشتال حـملي وأنـت للحمل شايل
الطيـب دايـم يـفعـلـونـه هـل الطـيـب *** ولا الـردى لأهـل الردى والتحايـل
يا عبدالله وراء الضلـوع المحـاديـب *** ذيـبٍ عـوى يـنخـاك والشـك زايـل
واسلم عدد ما تطلع الشمس وتغيـب *** ومـاهـل مـاطـر صادقـات المخايـل
قال عبدالله بن دهيمش بن عبار جواب للشاعر سلمان السرحاني : 1759
سلمـان عسى يوفـقـه عالـم الغـيـب *** يشكي من ظروفـه وضيق المحايل
أرسـل لـي بيـوتـه ويطـلـب مطاليب *** ولا وضّح المقصـد سليـل الحمايـل
أن كان قصده مـال ما بالطلب عـيب *** ما أحـد يلوم الـلي بـه الوقت مايـل
لـه عـزوةٍ ما يسهجـون المـواجيـب *** سـرحـان لابـه مـن اعـزاز القبايـل
والـلي يحـلـّون القضـايـا المعـازيـب *** هـم الـذرى عـن حاميـات المـلايـل
هـذا جـوابي واعتذر لي من الـذيـب *** وضحت لك معناي وش أنـت قايـل
الـلي اشتهـر بأوسـاط كـل الأجانيـب *** من سمعتـه يالقـرم مـا نـال طـايـل
السمعه الـلي غـربلـت فـارغ الجيـب *** ينصى ولا يـقـدر يحـوش الجمايـل
قال الشاعر محمد بن غضيان بن حمرون السهلي هذه القصيدة يثني
على عبدالله بن دهيمش بن عبار : 1760
الـلّي يـسبّـك يـا أبـن عـبـار غلطـان *** ما انتـه عـلى درب الغلط والمسبّـه
أنـت السنافي يا أبـو مشعل كحيـلان *** عـلى الأسـود الـلي بـغـابـه تـشبّـه
لـنـا الفخـر بـك يـا مـواريـث ويـلان *** الـلي يـبـي يلـحـقـك مـا خـاف ربّـه
درع القبـيـلـه بالمـواقـيـف والسـان *** يـوم الـردي يـنسى الـلـوازيـم تـبّـه
تـرفـع لـك البيضـا عـلى كـل مـابـان *** عـبـدالـلـه الـعـبـار كـلـن يـحـبّـــــه
كـل عـنـزي لك يا أبـن عبـار منـدان *** بـك نـفـتـخـر والـلي يـسبّـك نـكـبـه
انا اشهد أنك قاهر الخصم واحصان *** والـداب الـلي يلسن اليا جاك هـبّـه
مـا لـلـردى يـمـك مـداخـيـل بـيـبـان *** حيـث أنـك الـوافـي وباسمـك نـنبـه
عملت خير ولا أنـت يالذيب نـدمـان *** حـيثـك عـملـت المستحيـل بمـحـبّـه
لـو غـاب عن شيل المحامل بليهـان *** مـن الـذي يـبـي يـصـيـر بـمـطـبّــه
الـلـه يـزيـدك صـحـة وسـط الأبـدان *** ويكـفيـك ربـي مـن شـرورٍ تـشـبـه
قال عبدالله بن دهيمش بن عبار هذه القصيدة جواب لقصيدة الشاعر
محمد بن غضيان بن حمرون الجعفري : 1761
حـييـت يـا محـمـد سـلايـل غـضيـان *** وحي الجواب اللي ضميري عجبّـه
تسلم يا أبن حمرون يا طيـر حوران *** يا نسل الـلي يلبس بالأكوان جـبّـه
حيثك سليل فـريح من نسـل فـرسان *** فـارس شجاع ومـن تعـاوج يـدبّـه
وجهت ليـه يا أبيض الـوجـه قيفـان *** مـثـل القـراح الـلي غـزيـٍر مـصبّـه
مجـدتـني وأشكـرك يـا عـالي الشان *** وتقول لـي كـان ألسن الـدّاب هـبّـه
يـالـقـرم قـام الـداب يصفـر لـديـبـان *** وتـجـمّعـوا مـن كـل خـايـع وخـبّــه
لكـن جـميـع حنيش وأرقـط وثعبـان *** مـا تـأمـنــه لـكــود راسـه تـجـبّـــه
والـلـه حسيـب لـكـل غـادر وخـوّان *** الـلي يسـب النـاس مـن دون سـبّـه
تذكّـر أن الحسد من ضعـف الأيمان *** قـلـب الحسـود المـوقـده تلتهب بـه
هيهات لـو حاول عـلى السر كتمان *** لابـد يـبـيـن الـلـي بـصـدره يـضـبّـه
والحمـد لـلـّه حاكـم الشعـب سلمـان *** كـبـح جمـاح الـلـي نـسـبـنـا لـعـبّـه
وهذه القصيدة من شعر أم محمد تسند على عبدالله بن دهيمش بن عبار : 1762
يا مـرحبابـك عـد منبـوت الأشجـار *** عد الحصا وعداد ماخضر شجرها
وعداد ما يمشي على الأرض ديّـار *** وعدد ظهور الشمس هي وقمرها
يابو مشعل يا مكرم الضيف والجار *** وعـلـومكـم بالطيـب كلـن خبـرهـا
هـذي ابـيـات مـهـديـه لإبـن عـبـّار *** الـلي عـذيـات الـقـوافـي سـطـرهـا ا
عجبتني بـروايـتـك هـي والأشعـار *** وسوالـف الـويلان فكـرك ذكـرهـا
اعتـز بأهـل الطيـب والفعـل والكـار *** شجعان بالشدات يظهـر صطـرهـا
الـلـي مجـالسهـم بـهـا بـن وبـهـار *** وسوالف يعجب بهـا مـن حضرهـا
يابـو مشعـل زمانـنـا عـج واغـبـار *** ومـن الحسد ما عـاد ينزل مطرهـا
انشـدك مـا عـينـت وافيـن الأشبـار *** الطيـّب الـلي جـارتـه مـا حـقـرهـا
يالـقـرم والـلـه مـني الفكـر محتـار *** والـعـيـن عـيـا لا يـفـارق سهـرهـا
وقريت ديوانك كما قطـف الأزهـار *** تـسر والـلـه من قـراهـا ونـظـرهـا
مـن الوايليـه جـاك منتـوج الأفكـار *** مني هـديـه لـك وأريـد اخـتصرهـا
وختامها صلـوا عـلى راعـي الغـار *** الـلي الـرسـالـه للخـلايـق نـشرهـا
قال عبدالله بن دهيمش بن عبار هذه القصيدة رداً على القصيدة السابقة : 1763
قال الـذي من صافي الشعـر يختـار *** منظوم فكري جـاد بالقـاف وارهـا
رد الجـواب الـلي لـفـاني بالأسطـار *** الـلي عـذيـات المـعـاني صخـرهـا
لـلـوايـلـيـه نـرسـل الـشـكـر تـكـرار *** الـلي فنـون القيل خاضت بحـرهـا
مكتوبهـا جاني وأنـا اشغالي اكـثـار *** ولابدها تشوف الظروف ابصرها
يـا مـرحـبـابـه عـدد مـا هـل مـدرار *** ديـم وسيعـات الفـيـافـي غـمـرهـا
وأن كان تنشد ويـن وافين الأشبـار *** سطح البسيطة حولواعن ظهرها
وسط البرازخ فوقهم رمـل وحجـار *** تحت الثرى جاها المصير وقبرها
والحي منهم صار ثاوي على الـدار *** رجله عن دروب المراجل قصرها
هـذا الـزمن يا نسل الأجـواد يـنـدار *** ولا نأمـن الدنيـا وداهـم خـطـرهـا
كم أم تشكي الأبن مـا هـو بهـا بـار *** حيثه رضع مسحوق ناتج بقـرهـا
بعض شباب اليوم عميان الأبصـار *** دلـت تـبـدل بـالـطـواقـي اغـتـرهـا
واهل الحسد تشبه ضمايرهم القـار *** إبـليس أخـو مـرّه بكـيـده ومـرهـا
أرض الصبخ مابـه بختـري ونـوار *** والعوشزه مـا ينجني مـن ثمـرهـا
والحنظلـه لابـد يظهـر بـهـا أمـرار *** لـو هي على شط الفرات ونهـرهـا
قلتـه وصلى الله عـلى سيد الأبشار *** الـلي مـغـاريس الفـضيـلـه بـذرهـا
قال الشاعر جمال بن الأسود أبو غازي الشملاني هذه الأبيات تهنئية لزميله
عبدالله بن دهيمش بن عبار بمناسبة عيد الفطر المبارك : 1764
شاعـر الـويـلان نرفع لـه تهـاني *** يا عسـاه بخـيـر وأيـامـه سعيـده
اطـلـب الـلي منـزل سبع المثـاني *** يحـفـظـه مـولاه وأيـامـه مـديـده
اشـهـد أنـه مـدرك كـل المـعـانـي *** حافـظ التـاريـخ والمعـنـا يجـيـده
مـن رجـال شيـدوا بالمجـد شاني *** يـوم دورات الليـالـي بـه مـكـيـده
قال عبدالله بن دهيمش بن عبار هذه الأبيات مجاراة لأبيات الشاعر
جمال بن الأسود أبو غازي الشملاني : 1765
يا جمـال اشكـرك يا ذرب اليماني *** عـاد عيـدك يا عسى ربي يعيـده
يابو غازي صافي المنظوم جاني *** طاب صوغ القاف وبيوتك فريده
يا أبو غازي عسى يفداك الهداني *** يالـلي أبـن عـبـار تشيـد بحميده
يا بن الأسود بالضماير لك مكاني *** عنـدك الأنصاف حيث أنك وليده
هذه الأبيات من الهجيني قالها عيد فرحان الشمروخي
الشمري يمدح قبيلة عنزة يقول : 1766
ابـي اتـفـاخـر بـسـم عـنــاز *** حـتّى وأنـا شـمـري منـهـم
الأسـم الـلي بالمفـاخـر فـاز *** تـاريـخـهــم دوم دونـهــــم
اهـل المـواقـيـف والأنـجـاز *** عـنـزة يامـن نشـد عـنـهـم
بذي قار وش صار يا عناز *** هـزامـت الفـرس باكـملهـم
من دون التّبع بدون الألغاز *** والـلـه بـالأمـجـاد مكرمهم
والوايلي كـان اشتب القـاز *** كـل الـمـواطـن مـواطـنـهـم
مـانـي مجـامـل ولا منحـاز *** ثـروات كـسـرى مغـانمهـم
صـغـيـرهـم لـلمكـارم حـاز *** وشـايـبـهـم دايـم مـجملهـم
وخـلاصـة القـول بالأيجـاز *** صقـور الجزيره بعد منهـم
قلته وأنا شمري مـا أيـراز *** شمـر مـن الطيـب منهلهـم
وقال عبدالله بن دهيمش بن عبار هذه الأبيات يشكر عيد بن
فرحان الشمري عاة مدحه لقبيلة عنزة : 1767
مشكـور يـالـلي مـدح عـنـاز *** يالشـمـري تـعـتبـر مـنـهــم
مـجـدتـنـا يـا شـبـيـه الـبــاز *** مـن حـيـث عـنـاز تـبخـنهـم
عزوتك شمر يالقـرم اعـزاز *** طيبهـم مـن طـيـب معدنهـم
من دور مطلق هـو وطهماز *** فـعـايـل الـطـيـب ديـدنـهــم
شـمـر ديـاقـا واثـقـال ارواز *** هيهـات تحـسى محـاسنهـم
ويـوم الـزمن مطرد والـزاز *** مـا يـربـح الـلي يـكـاونـهـم
شجـعـان مـا عـابهـم هـمـاز *** يـا حـظ مـن هـو يخـادنهـم
رجـالـهـم بـالـكـرم يـمـتـــاز *** للضيـف تـذبـح ضـوايـنهـم
وان جـاهـم البـايس المعتاز *** يـعـطـون والـلـه يعـاونـهـم
من الجـزيـرة لشرق حجـاز *** مـا أحـد يـقـرب امـاكـنـهــم
قال الشاعر عبدالله بن لافي أبو لافي السويلمي هذه القصيدة يثني
على عبدالله ابن دهيمش بن عبار : 1768
فكري تصافق واصطفق صفق الأفكار *** وقـام ايتهـيّـض بـانـدفـاع القـريـحـه
فـاض وتـنّـثـر وانـدفـق مـثـل الأنهـار *** وضاقت علي وفجوج ربـي الفسيحه
وسـهـرت أنـا ليـلي من الغبـن محتـار *** وطـار النعـاس ونـوم عيني شحيحه
وشـبـيـت نـار ثـم بـهـرت مـبـهــــــار *** وسـويـت فـنـجـال ونـفسي جـريـحـه
عسى يطـفي مـا حصل بـي وقـد صار *** مـن هـاجـس وسط الضماير مطيحـه
باسباب كلمـه عاجهـا عـوج الأشـوار *** نـقـلـهـا وجضعهـا سـوات الـذبـيحـه
يـقـول أبـن عـبـار مـن عـرض شعـار *** شـاعـر ولـكـنـه عـلــيـنـا فـضـيـحــه
يـلـعـب بـنـا لـعـب الـوغـاديـن بحجـار *** ويـنسـب لـنـا المـتـرديـه والنطـيحـه
قلت العـفـو ثـم العـفـو يا أبن الأخـيـار *** هـرجـك عـواج ولا عـلومـك مليحـه
لا والـلـه ألا قـرم صـعـصـيـع مـغــوار *** ولا والـلـه الا يـسـتـوي لـه مـديـحـه
أنـا اشهـد أنـه مـن زحـازيـح وأحـرار *** وعـزالـلـه أنـا نفتخـر فـي نـجـيـحـه
عـبـدالـلـه العـبـار واضـح كـمـا الطـار *** حيثـه مـن اصحـاب الوجيه الفليحـه
مـا ينسي الـلي من الشواعـيـر بيطـار *** يـوم يهجـون أهـل الوجيـه القبيـحـة
ولا ينسي مـن هـو غـدا درع واسـوار *** مـن دون ربـعـه ولابـتـه مستـريحـه
ومـؤلـفـاتـه كـلـهـا أخـبـار واذكــــــار *** عـن ماضي الـويـلان يـذكـر فصيحه
ومـفـاخـر الـويـلان بقـطـوف الأزهـار *** وأصـدق دلايـل مـجـلـدات صـريـحـه
جـمّع جـميع اخـبـارهـا بشتّى الأقطـار *** يـنهـج ويسـري للأخـبـار الصحيحـه
من نجد اليا عـرعـر اليا حـد الأغـوار *** ومـن الـزبـاره لـلـحـجـر لـلـطـليـحـه
عـيـبـك تـرى أنـك تـجـازيـه بـانـكــار *** وعـيبي تـمـر عوجاك عنـدي مريحه
راعي الـوفـاء لا تجحده يلحقـك عـار *** هـذي نصيـحـه كـان تـبـي النصيـحـه
قال عبدالله بن دهيمش بن عبار هذه القصيدة جواب لقصيدة الشاعر
عبدالله ابن لافي أبو لافي السويلمي : 1769
عـبـدالـلـه اللاّفـي لـفـت مـنـه الأشعار *** مـثـل النـفـّل تـنعـشت خـنّـات ريـحـه
في روضة فيحا بها أعشاب وأشجـار *** منـبـوت قيصومـه ومـنبـوت شيـحـه
الـقـرم أبـو لافـي سلايـل حـمى الجـار *** سجـل مـن خـيـار القـوافـي صفيحـه
مـن عـزوةٍ يـا عـز مـنـهـم لـه انصـار *** رجـالـهـم بالـكـون يسعـف طـريـحـه
يامن وقـف مع واضح الحـق باصرار *** والـلي شمـتـنـي عـن نـويـه يـمـيـحـه
يـا أبـن الكـرام أريـد افيـدك بالأخـبـار *** أهـل الحسـد صـاروا عـليـه شبـيحـه
قـالـوا كـلام وصنّفـوا هـرج ما صـار *** وصارت لهم سوله وموضه وصيحـه
هـذي دعـايـة عنـدهـم صـارت شعـار *** ولا صدّقوها أهـل العـقـول الرجيحـه
حـرص عليها الـلي ضميره كما القـار *** يـفـوح مـن صـدره صـديـده وقـيحـه
وقـام يـتـشـدّق كــل هــايـف وهــــذّار *** تـسمـع بـلـمـات المجـالـس ضبـيحـه
الـجـد مـاهـو مـن نـسـيـج أبـن عـبـار *** والـلي ذكـرتـه كـلـهـم مـن شـريـحـه
الـلـه يجـازي من نشر يـبي الأضـرار *** الحـقـد مـن صـدره يـبـوح بـنفـيـحـه
يـنـقـل اشـاعـة بـثهـا بـعـض الأنـفـار *** خطو الـذي يمشي عـلى غيـر ضيحه
مفـروض يجهـر بالـذي يعـني اجهـار *** والـلـي نـسـبـتـه لـلـقـبـيـلـه يـزيـحـه
لازم يـوضـح مقـصـده مـابـهـا اسـرار *** ويشـرح عـن المـتـرديـه والنطيحـه
يشهـد لجـهـدي طـيـّب السّلـم والـكـار *** جبت الفخـر ما جبت عـلـم الفضيحه
عـنـد النشـامـا لـي حـشيـمـه ومـقـدار *** أهـل القـلـوب الطـاهـره والنصيـحـه
والـلي بـهـرج الـزور والـهيـف ثـرثـار *** ظـالـم عـسى رب المـلآ مـا يـبـيحـه
مـن طـعـن بأنساب البشر فـالـه الّـنـار *** لابــد يـنــدم يــوم يـدخــل ضـريـحـه
والناس من خلقت بهـا طـوال واقصار *** والسعـن يكشف ما بوسطه نضيحـه
هذه الأبيات وصلت عبر الواتساب من الشاعر محمد بن نايف بن شتيوي
السلمي يسند على عبدالله بن دهيمش بن عبار يقول : 1770
يا أبن عـبـار الـوقـت هـذا غـرابـيـل *** مـا عـاش فـيـه الا السفيـه وشبيهه
الـلي ما غير شماغ ورويس وزويل *** وشلـون يقـلـط مـع رجـالٍ وجـيـهـه
تـغـيـرت دنـيـاك يـا ذابـح الـحـيــــل *** هـذي حـقـيـقـه يـالـرجـال الـنبـيـهـه
اعطيت موجز دون شرح وتفاصيـل *** وأبـغي جـوابـك يا سـريـع البـديـهـه
قال عبدالله بن دهيمش بن عبار هذه الأبيات جواب لأبيات الشاعر محمد بن
نايف بن شتيوي السلمي : 1771
يا محـمـد النـايـف فـداك الـدعـابـيـل *** لـك الشكـر يالـلي عـلـومـك نـزيهـه
هـذا الـزمـن غـيّـر سلـوم الرجاجيـل *** وهـب السّعد لأهـل الوجيـه الكريهه
واستفحـل المـذمـوم بالـقـال والقـيـل *** ولـو تـنصحـه يـزداد غـيـه وتـيـهـه
صـرنـا هـدف للصـايـعيـن المهـابـيـل *** وهـم عـمـلا السجان لابس بـريهـه
آخر تعديل عبدالله بن عبار يوم 07-13-2022 في 09:27 PM.
|