المشاركة الأصلية كتبت بواسطة ماضي صبر النومسي (المشاركة 4127)

بسم الله الرحمن الرحيم أصحاب هذا المنتدى وزوّاره السلام عليكم ورحمة الله وبركاته نتقدم إليكم بهذه القصيدة التي قمنى بالتعبير بها عن مشاعرنا تجاه إنتقال الشيخ صالح الأمعط العواجي إلى رحمة الله والتي نأمل أن نكون قد وفقنا بما ينبغي منّا بها

عسى السحاب المدلهم المراديف= يصب للماء فوق بيضاءنثايل
يصب للماء بأول الوسم والصيف=طول السنة يقلب جميع المسايل
ماتحتمي شمسه ولايابس الريف= من شان مرقد شيخ شمل القبايل
راع الوفاء ماهي علوم وسواليف=اللي بمثله يضرباًالمثايل
مضرب مثل عند الرجال العواريف=رمزٍ تميّز في جميع الخصايل
قول وفعل همّه ورزّه وتشريف=يتم قوله لنسحب كل قايل
ماحسّب الدنيا وكثر التكاليف= مهما تكون الحال جزل الفعايل
عزّ الصديق ومنوة الجار والضيف= وخزام خشم اللي عن الحق عايل
ترثة مروية السيوف المهاديف=سلايل اللي يحتمون الدبايل
صالح خسارة شعب وأجيال ياحيف=ياصالح الأمعط كريم الشمايل
خانت بك الدنيا ولاهي على الكيف=لوّنها بالكيف ماجاك مايل
والله إلنثني بشهب الملح والسيف= حتى نوريّها العجب والهوايل
هذي مواقفنا وكل المواقيف=تشهد لنا يوم العلوم الأوايل
لاكن مصايب هالزمن والصواديف=من وفّرت يامعربين السلايل
محدٍ قعد بالشرق والغرب والهيف=وأرض اليمن كلٍ بهاالكون زايل
إلا جليل الملك راع التصاريف =يبقى ولايفنى جزيل الفضايل
رب العباد اللي بواف التواصيف= موصوف ولّا النقص للخلق طايل
عسى العوض به مبعدين المناسيف=شيخاننا مقدم صناديد وايل
روس العواجيّه إلى ولع الليف=وإشتد بالميدان صايل وجايل
ذرى القبيله عن ذواري العواصيف=ضلٍ يضلل عن سموم القوايل
قلته وأقوله وأختم القول وأضيف=مرحوم ياالمقدام نسل الحمايل