الله يعين اللّي تعدّته بلواه
 

الله يعين اللّي تعدّته بلواه
(و)ما كان حاسب للزمان (و)بلاويه
قلّت بيدّه والعسر حاطط (ا)حطاه
ما عاد عارف كيف للدَّين يوفيه
ما عاد باقي غير يصرخ ياويلاه
(و)يهرب من الدنيا إلى ديار واليه
(و)ما عادته يصرخ ولا الكرب يقواه
ولا الهرب من عادته أو طواريه
إنغبّت النيران من تحت مصلاه
غالي الحطب ما عاد قادر يشتْريه
والبنّ صار مْن الغلا ما يْتحرّاه
دلاله اشتاقت لفوحة قهاويه
استبدل البنّ المهيّل بأشباه
ما بينها والبنّ ما به تشابيه
والجو برد وبارد(ن) بعد مدفاه
ما عاد له غير ذكرياته تدفّيه
(و)من ذكرياته ما بقي غير مرثاه
يرثي بها نفسه ويشرح عناويه
من صغره (و)ضايع ما بين داه ودْواه
داءه عنيد (و)ما لقى من يداويه
أسود تحرّا بعد يسراه يمناه
والخوف يلفي عالعقل في تواليه
مسكين مشفى ما ترك ما تهقواه
(و)مرتين خابت في المباضع هقاويه
خانت بهِ دنياه والحظ عاداه
ما عاد باقي من العمر قدر ماضيه
الله أعطاني وأجزل عطاياه
(و)من حكمته منّي أخذ من عطاويه
وش لي (ب)أخ(ن) قد طاوع ابليس واغواه
لا خير في إنسان إبليس غاويه
وش لي بأخ(ن) شانت عليي نواياه
(ا)منافق أبو وجهين ماني براجيه
خوّان إن جيته يقدّم تحاياه
وان غبت يغدرني (و)تبيّن مساويه
وش لي بأخ(ن) يا ليت أنّي بليّاه
ميّت بعيني قبل ما القبر ياويه
من مات مات (و)طيّب الله مثواه
لكنّ هو حيّ(ن) ومع ذاك أرثيه
وان جيت أقارن (ا)لأمر إحترت باسماه
عاجز عن الوصف القصيد (و)قوافيه
خِلّ(ن) لي بوقت الثقيلات مركاه
(و)أخ(ن) عليه من الغلط كتف أركيه
خِلّ(ن) على الفزعات ياتي من اقصاه
(و)أخ(ن) على الفزعات تقصر خطاويه
خِلّ(ن) على جور الزمن حق تنصاه
(و)أخ(ن) على جور الزمن خاب ناصيه
نذر(ن) علي لله الى حين ألقاه
ماني مغيّر عادة(ن) فيّ ترضيه
(و)لاني مرافق غير من طاب ممشاه
من رافق الجربان بالجرْب تعديه
من لا نشد عنّي أعوفه وأنساه
(و)كل من سلا عنّي من الناس ساليه
كل من حفظ ودّي له الودّ والجاه
(و)من لا يداريني أبد ما أداريه
من لا فقدني ما فقدته ووالله
لا مات لا اعزّي ولا ادوّر عزا فيه
د. فواز عراجي
برالياس في 18/11/2022