موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال عبدالله بن دهيمش بن عبار هذه القصيدة يهيب برجال قبيلة عنزة ويحثهم على التكاتف في دفع دية محمد بن هليّل بن كفش الفدعاني :

أبن كـفش نـادى قبايـل ضنـا عبـيـد *** ويندب لضنا سهيل يا أهـل العوايـد

وينخى وهـب نعـم القروم الأماجيـد *** ويزهـم رجال جلاس من نسل زايـد

وكـل عـنـزة عـمـومهـا دون تـفنيـد *** يـعــم بـالـنـخـوه جــمـيـع الـبـدايــد

يـبـي الفـزع مـن كاسبيـن التحاميـد *** الـلـي لـمــن حــدّه زمـانـه سـنـايــد

عـزم الـرجـال يـبـدد الـظـيـم تـبـديـد *** والمنحـرج هـم محـزمـه والجنايـد

ينخاكم الـلي داخـل السّجن بـه قـيـد *** وأنـتـم هـل النخـوّة بوقـت الشدايـد

والـوقـت لـه مـدّه زمـانـه بـتـحـديـد *** ولا تـبـطـي الأيـام لـوهـي بـعـايـــد

مطلـوب للعشرين مـلـيـون تـسديـد *** ولا تقصّـر العـزوه لـو الحـمل كايـد

فـكـوا مـحمـد وأفـزعـوا يالأجـاويـد *** يامن عـلى الطـولات نـلتـم شهـايـد

يا عـيـال وايـل يالـرجـال الصنـاديـد *** أمـجـادكـم غـيـر الـقـديـمـه جـدايـد

تـاريـخ مـاضيـكـم حـقـايـق وتأكـيـد *** حاشا نقـول المجـد في عـهـد بـايـد

تـكـفـون يالـويـلان مـابـه تـصـاديـد *** مـا منكـم الـلي عـن لـزومـه يحايـد

يـا أهـل السلـوم الطـيّـبـه والتقـاليـد *** جـمع الشمّل نصّـت عـليـه العـقايـد

والمقصد الـلي أولاد وايـل لـه تـريد *** هـو الـتـكـاتـف فـيـه عــدّة فــوايــد

مـن بـه حـمـيـه مـا ثـنـوه اللـوّاديـد *** ومن طـاب فـعـلـه للـرجاجيـل قـايـد

لا تسمعـون أقـوال شـور المـقـاريـد *** الخـامـلـيـن أهـل الـعـزوم الـبـلايـد

والـلي عـن الماجـوب دايـم رواقـيـد *** مامـن فخـر في نـاعـمات الوسايـد

مـن طـاح يلـقى بالحمايـل مـجـاويـد *** والـحـمـد لـلـه لـلـحـمـايــل شـرايـد

من جـاد يستـاهـل مـدايـح وتمجـيـد *** نـظـهـر ثـنـاه ونـشـكـره بالقـصايـد

وأجره على معيد الغصون الهواميد *** مـحـيي هـشـايـم بـالـيـات الجـرايـد