|
ملخصات من قصائد التصدي للحملة لقصد التوضيح
ملخصات من قصائد توّضح لمن تجهلة بعض الحقائق عندما تعرضت قبيلة عنزة لتزوير نسبها في كتابات عبر اللنت وأصدار بعض النشرات مما يوحي أنها ليس قبيلة تنسب إلى جد وإنما هي عصابات من شراذم ربيعة ومحاولة تصنيفها حليفة وضعيفة ونفي جدها الحقيقي وائل وألحاقها بجد لا تمت إليه بصلة من قبل بعض من تعرّض لنسب هذه القبيلة مما أحدث البلبلة حيث انتقلت البلبلة من الكتابات إلى المجالس وتأثر من هذه الأقوال الرجال الذين يثقون بمصداقية بحوثنا وعندما كثر الهرج والمرج وتنافر القوم ورسخ النسب المزوّر بأذهان العامة أقتضت الضرورة أن أوضح الحقائق فكتبت ردود في بعض المنتديات وفندت المزاعم الباطلة وتصديت للحملة المغرضة بالحقائق الدامغة وكتبت عدد من القصائد وسجلتها بأشرطة ونشرت البعض منها في هذا الموقع كاملة وهذه ملخصات من القصائد نعيد نشرها لقصد التوضيح لمن لا يزال يجهل بعض حقائق الأمور : هذا مقطع من قصيدة توضيح لمن يخلط نسب عنزة وبكر وتغلب : حـنـا عنـزة من دور عامـر وجيلـه ** معنا عـلى الواقـع ختـوم وتـواقيع حـنـا عنـزة مـن نسل وايـل قبـيلـه ** عن مجـدنا التاريخ سجل مواضيع حـنـا عـنـزة والجـد ما هـو هميـلـه ** الجـد مـا نقبـل بـدالـه ولا انـطـيـع حـنـا عـنـزة تـاريـخـنـا مـا يــزيـلـه ** ألا جـبـال طـويـق تـصبـح بـلاقـيع حـنـا عـنـزة مـا نـرتضي بالفشيلـه ** يشهد لنا مشعان وعقـاب وجـديـع حـنـا عـنـزة شجعـان يـوم الدبـيلـه ** أولاد وايـل عـلـمنـا بالـعـرب شيـع حـنـا عنـزة نسل الجـدود الأصيلـه ** واصل نسبنـا ما حصل فيـه تقطيع حنـا عنزة والجـد الـلي ننتـمي لـه ** سـمي شـرسات الأسـود البـواتـيـع أسـد سـاسـه مـن ربـيـعـة سلـيـلـه ** مـا هـي هـقـاوي بالكـلام ومراميع نـفـخـر بـطـاري طيـبـيـن الفعـيـلـه ** لاشـك مـا نقبـل لـلأنساب تـضيـيع مـصـدر فـخـرنـا مـا نـدّور بــديـلـه ** مـن دور آدم مـا عرض جـد للبـيع مـا جـدنـا سـلـعــه نـجـدد مـديــلـه ** جـد عـنـزه مـابـه معـايـب وتـشنيع ومـن لا يعـرف الحـق لازم نحيلـه ** للمصدر اللي يرجعه غصب ترجيع وهـرجٍ بـلا بـرهـان ما ينصغي لـه ** هـرج الغـلط يذهب سوات الفقاقيع أوردت فـي تسعيـن مصـدر دليـلـه ** والقـول مثبـت مـا صنعنـاه تصنيع أنـساب فصلـتـه فـصيـلـه فـصـيلـه ** قصدي فخـر مابي معونه وتشجيع مجـدت وايـل فـي مـلاحـم طـويـلـه ** ولا همني من حـط بالشمل تصديع وقد بثت إشاعة أن أبن عبار غيّر جد عنزة وايل فقلت من قصيدة: تاريخ وايـل لـك الـلـه ما نفـرط بـه ** ما نحرف الواقع ولا نريد تـزويـره ما جـدنـا سلعـة لمـن راد يبسط بـه ** الـجـد ثـابـت ولا نـقـبـل بـتـغــيـيـره واللي وقع بالخطأ ما اظن يغبط بـه ** والعـاقـل يـسنعـه عـقـلـه وتفكيـره كانه غرق بالجهل لويسمع الخطبه ** القـول ما يفـتهـم قـصده وتفسيـره من خط حرف الغلط لابد من شطبه ** من حيث موروثـنا ما جاز تحويره موارث جدودنـا هـو كيف يغـلط بـه ** لاشـك مـن حـرفـه ملـزوم تحذيـره حنا عنزة مجدنا ما احـد أيتخبط بـه ** وايل لنـا عـزوة وبالمجد لـه سيره من خيبر الحرة اليا شرقي الرطبـه ** لسلوك تشهد لنـا السكان والديـره كـم ديـرة ذودنـا داج وتـمـغـط بـــه ** مـن طور سينا نبوج لقبلي مغيـره العـلم مثـل البحـر من قـال حوطبـه ** غـلطان مـا يـدركه لـوعـد تقـريـره ومن يفقد الشم ما يستروح العطبه ** والضرس كان انخر ما فاد تخديره وقصرٍ عداه الذرى يا عل ينغط بـه ** البـوم عسى الـولي يعجـل بتدميـره والبيت ما ينسكن كان انشلق قطبه ** اليا وقع مقدمه يصبح كما الصيره وهذا مقطع من قصيدة توضح لمن يتأثر بالمسلسلات ويربط مجد القبيلة بها نـويـت أوضح كـل خـافـي ومكنـون ** واشرح مناهيج الـدروب السنيعـه حنـا عنـزة ما هـي تخامين وظنـون ** مـن صلب وايل من سلايل ربيعــه ما مجدنـا بفـلـم المهلهـل وشيبـون ** ولا صيتـنـا بتعليق خطـوا المذيعـه تـمثيـل فـلـم الـلي تمكيـج بصالـون ** فـي شـاشـة التـلـفـاز يجهـر لميعـه تاريخنـا مبطي لـه الـنـاس يـقـرون ** والـلي تـخبـط بالنسب مـا نطيـعـه القـرطـبي يشهـد لنـا وابـن خلـدون ** مـثـل الجـبـال الـراسـيـات المنيعـه مـرويـن من دم العـدى كـل مسنـون ** والـلي يـنـاطحنـا يـعـود بفـجـيـعـه أولاد وايـل بالـلـقـاء تـقـحـم الكـون ** وأن عـدوا الأبـطـال هـم بالطـليعـه الصيـد مـنهـم بالفـعـال أيـتـبـاهـون ** معهم من شخوص الحمايل وديعـه وديعـة مبطي لهـا عصـور وقـرون ** مـا يـقبلـون الـمخطيـة والهـزيـعـه وقلت هذا المقطع من قصيدة تدور حول موضوع الإشاعات المضللة : الـحـر طـبـعــه لـلخـطـأ مـا ايـدانـي ** وصـدرالحليم اليـا انظلم زاد ضوقه كـل الـقبـيـلـة عـدهـم مـن اخـوانـي ** مخـلص ولا نـقبـل خـديعـه وبـوقـه والـلي بـلـمـات المجـالـس شنـانـي ** يـبـي النسـب عـلى مـزاجـه وذوقـه يـبـغـي يـحـط لـعـزوتـي جـد ثـانـي ** والكـذب مـالـه عـنـد الأجـواد لـوقـه قـص النسـب هشـام والأصفهـانـي ** مـبـطـي ولا تـو الـعـبـاد امـخـلـوقـه الـعـلـم وضـّح كـل مـا كـان فـانــي ** والـلي مـضى يصعـب عـلينا لحـوقه وقـولٍ بـلا مـعـنـا حـلـوم وأمــانـي ** ضـريع ما يجنـا الثمـر مـن عـذوقـه وهذا مقطع من أحد قصائدي نافياً ما أشيع من أباطيل : مـن قـال ابـن عـبـار فـرّط بـوايــل ** حـظه ضعيف وتايـه البصر غـادي لا تصدقونـه يا شخوص الحمـايـل ** مالـه سنـد يمشي عـلى غيـر قادي الـلـي كـتـبـتـه لـه اسـنـاد ودلايــل ** مـن واقـع التـاريخ عـنـدي مـبـادي الصـدق يـبقـى دوم والكـذب زايـل ** ولا يـحــّرف الـتـاريخ درد ودوادي مـانـي بحـال الـلي يـكـن الدغـايـل ** اهـل الـدسايـس والكـدر والنـكـادي دونـت جـزلات العـلـوم الصمـايـل ** والـلي تجاهـل مـا يشوف اجتهادي ما جبت من عندي علـوم هـزايـل ** وخلـط النسب مـا يعتبر شي عـادي وايل من عصور الجـدود الأوايـل ** الـعـزوة الـلـي دوم دونـه نـفــــادي هو جدنا اللي بذكره الراس طايـل ** معـروف عـنـد الحاضرة والبـوادي حـنـا عـنـزة بـشهـود كـل القبـايـل ** لـنـا الـفـخـر مـنـزالـنـا بـالـشـدادي تاريخنـا أبيض في جميع الفـوايـل ** نـاصع بـيـاضه مـا غشاه السوادي والـلـي يـدوّر عـن اجـدوده بـدايـل ** مثـل الـذي يـتـبع سـراب الحـمادي وهذا مقطع من قصيدة توضح لمن يريدون أنتحال وائل بن قاسط جد لعنزة ويتحاملون على وائل الجد العنزي المعروف لـي قـبـيـلـة مـا يـقـرون الـمعـيـبـه ** من شخوص أهل المكارم والحميه ضنـا وايـل مـابـهـم كـوبـه وخيـبـه ** مـن قـديـم أهدافهـم مـا هـي دنـيـه يدركـون الطـايـلـه لـوهـي صعـيـبه ** والفخـر والمجـد ما جـاهـم حـذيـه الـويـلان افعـالهـم مبـطي عـجيـبـه ** افـتخـر واعـتـز فـي مجـد السميـه وايـل الويـلان مـن عـنـزه صليـبـه ** وايـلي نسـل العنـزي مـن عـنـزيـه لا دعـي ولا حـلـيـف ولا ربـيـبــــه ** وايـلـي مـشـهـور وأمـه وايـلـيـــه وايـلي حـلـف الضعافـه ما رضيبـه ** وايـلي منسوب من عصبـه قـويـه لـو تـلـهـزم يـوم بالـكـثـرة غـليـبـه ** عـاد مـجـده مـا يـريـد المحـقـريـه بـان عـلـمـه والفـخـر كلـن دريـبـه ** مـن بـلـد خـيـبـر إلـى نجـد العـذيـه جـدنـا الـلـي مـن قـديـم نـعـتـزيـبـه ** مـن ضنـا عـنـاز مـا سـاسه هفيـه مـا نـشـك بـجـدنـا ولا فـيـه ريـبــه ** والعـلـوم المسملـه مـا هـي خـفيـه التـخـبـط بالنسـب أكـبـر مـصـيـبـه ** والتلاعـب بالنـسب جـرم وخطـيـه ومـن شمـت هـزّان تـردى نصيـبـه ** واقـع الـتـاريـخ مـالـه بـه دريـــــه مـن يـسـب الـوايـلي ربـه حسيبـه ** زاكـي الـجـديـن واشـجـرتـه زكـيـه وايـل الهـزان لـه صـولـه وهـيـبـه ** جـد ثـابـت مـن زمـان الجـاهـليـبـه وايـل الـهـزان مـن عـزوه عـريبـه ** مـن قـبـيـلـه مـا مـعـامـقـهـا رديـه اكـتـب بـتـاريـخ وايـل واعـتـني بـه ** وأبـذل المجـهـود ما دوّر الجـزيـه ازلـه الـلـي شـوفـتـه دايـم قـريـبـه ** ومن شهد بالـزور ما يشكل عـليـه الـمـجـادل والـمـعـانـد وش نـبـيـبـه ** واضح تـاريخنـا شمس اضحـويـه مـن مشى بالحـق مـا كـاده طلـيـبـه ** ومن يحاجج بالخطأ خسر القضيه كل مـن يـنفض عـن الـزلات جيـبـه ** يـنـبـذ عـلـوم التمهـزي والـزريـه |
وقلت نافياً ما أشيع أن عنزة انقرضت وتسمّت باسمها بكر وتغلب : يالـلي تقـولون أن عـنـزة منقرضه ** وتبـون في زعـمكم قـومٍ تعـوضها نعيـذهـم بالـذي مـد وبـسط أرضـه ** ما تنقـرض لابتي مولاي يحفضها من فرض رأي الخطأ مانقل بفرضه ** مانسمع اللي علوم الزور يلفضها والـلي عبـث بالنسب لابـد نعتـرضه ** مـن زوّر أنسابنا دعـواه نرفضها اليعربي منسبه يحسب مثل عـرضه ** نعتـز بجدودنا والـروس ننهضها ما جالنا المجد بالتسليف والقـرضه ** وكان عنزة نايمه ملـزوم نيقضها أن كان دقت طبول الحرب بالعرضه ** تلاقت جموعهم وإبليس حرضهّا فيما مضى المعتدي نفناه وانحرضه ** واليـوم ربـي دعـاة الشر قوضها أهـل القلوب الـذي بالحقد منمـرضه ** سود الضمايررموزالظلم نبغضها وهذا مقطع من قصيدة تحذير من يحاول تزوير النسب : يا أبو عمر موقع العبار نـّور ** يوم وافيته يا أبن صنعا مسيّـر التقي لو هو من الجوع أيتضوّر ** ما ترجىّ لا بشير ولا بشيّر من طمر خطيـر يكسر ويتعـوّر ** ومن وقع من طيحته خلّي متيّر مـن جهـل مجنـاه للتاريخ حـوّر ** ولا ينال العـلم من عقله صغيّر ما نـقـر الزيـف والقول المزوّر ** حيث حبل الكذب يا عالم قصيّر من جهـل ملـزوم يقـرأ ويتـنوّر ** ومن تجاهل عـزوته يمكن يعيّر مهمـا زاد العـلم والعالـم تطـّور ** النسـب ثـابـت ولا ظـن يـتغـيّـر مـن تكهّـن أو تخـيّـل أو تصـوّر ** لـو طـلـب دليـل يبلش ويتحيّـر أنصح اللي قل عـرفه لا يتهـوّر ** بالجدود الفـانـيـه كيـف ايتخيّـر يجحد اللي كان قبس الملح ثوّر ** من يشاهد جمعهم هاب وتذيّـر هـم عنـزة كـان قدر الشر فـّور ** بالمعـامـع يحتـمون أم الحويّـر الفخـر بـه طايلـه مبـطي يـدوّر ** مثل فعل الباز بالسرب المطيّـر لـو زمـان اليـوم للسادات بـوّر ** يقلط الخايب ويفهق كـل خـيّـر أستوت لأهل التملّق والمجوّر ** والردي كوبان بالمجلس مزيّر يفتخر من فاز بالجلد المكوّر ** والصويتي باللـزز فـاتـه خضيّـر وقلت أوضح لمن يحوّر الجد ويعتقد أن عنزة ليس لها تاريخ قديم : يـا جـمـاعـه مـا بـدا الـتـاريـخ تـوّه ** ولا أخبـر جـد القبيلـه صار سلعـه ساسنـا عـنـزة ويـا نـعـم الـسـمـّوه ** مثـل حـيـد طويق ما يهـتـز ضلعـه ذكر عنـزة مـن قبـل عصـر النبـّوه ** والعـروق الثـابـتـه مـا جـاز شلعـه عـزوتـي تـاريخـهـا مـا هـو مشـّوه ** نترك الحلف الضعيف بألف قـلعـه الـقـبـايـل بـيـن ضعـف وبـيـن قـّوه ** والـزمـن يأخـذ بهـم نـزلـه وطلعـه بعـنـزه تـلـقى الشجـاعـة والمـرّوه ** بالـمـلاقى خصـمهـم يـزداد هـلـعـه مـن صعد راس الطويله مـا تـمـوّه ** يرقـب المـرقـاب مـا يخـمـر بتلعـه مـا أنـتسمى بالـجـدود ولا انـتـفـّوه ** وحنا ستر الـلي لبس بالجيد دلعـه وأن عـلا صوت المنـادي والمـدّوه ** باللقـاء والـريـق مـا ينطـاق بلـعـه كـان نـيـران الـمعـامـع شـب ضـوّه ** نـقـتـرب منهـا وتطـفي كـل ولـعـه نـرشـد الـلي تـاه عـن منهـاج نـّوه ** لا يـقـطـّع عـزوتـه تسعـيـن مـلعـه لـيـت من حـرف نسـبنـا كـف سـوّه ** ما نبي يظهـر براس المجد صلعـه عـن لـغـا الشامـت نسـدد كـل هـوّه ** والمغطى نـتـركـه مـا نـريـد جلعـه والرجـل يعـرف صديقه مـن عـدوّه ** مـا يصادق من جفـاه يـريـد خلعـه وهذا مقطع من قصيده أخرى : أفخر بربعي لـو المخلوق من تربه ** من نال علم الفخر للغوش مهزابه مجهد ولا مقصدي علمي يشهربّه ** ولا هـمني قـولهـم شاعـر ونـساّبـه والـلي طمـن للوطـأ ربعـه تعيّر به ** يجلب عـلى عـزوته عـارٍ ومعيابـه مـن بار بك جنبه لا تشفـق لقربـه ** هـذاك لـو تـزبنـه مـا فـيـه لـك ثـابـه لا صار ما ينتخى في حزت الكربه ** وقت الرخاء قلعته وش عاد يبغابه وهذا مقطع من قصيدة أوضح لمن يريد أدخال عنزة بوائل بن قاسط : عندي دليل الصدق والجد ما أيعار ** أنـا خصيـم الـلي يـريـد الـطـلابـه عيب أنتحال الجـد نقـولهـا اجهـار ** أقـولـهـا عـن لابـتـي بـالـنـيـابـــه من اعتزا بعزوة ربيعه لنـا أنصار ** أما النسب ما فـيـه مـزح ودعابـه كثّر التخبط بالنسب يجلب اضـرار ** ويلـزم لمـن زوّر نـسبـنـا مجـابـه والـلي تخبـط بالنسب منهجـه بـار ** وايـل أبـن قاسط لنـا كيـف جـابـه وايل بن قاسط بالأنساب مـا صـار ** مـا هـو لـعـنـزة جـد لـكـن قـرابـه جـد عنزه مشهور من قدم الأدوار ** والجـد الـلي بالحلف مـا يعتـزابـه الحلف ما نرضاه واجدودنا احرار ** حلـف الضعافه نـتـركـه مـا لنـابـه حنا عنزه نحشم عن العيب والعار ** نـنسب لـوايـل والأسـامي تـشابـه حـنـا لك الـلـه ما عـن الجـد نختـار ** لا حـلف يجمعنا ولا هـو عصابـه الـحـمـد لـلـه جـدنـا عـامـر اخـيـار ** سليل من سمي عـلى ليـث غـابـه نسـل ربـيـعـة مـن صماصيم نـزّار ** وأحـفـاده التـاريخ سلسل أنسابـه بـشـر ضنـاه عبـيـد وعيـال عـمـار ** هـم الـذي منهـم تسلسل اعقـابـه ومسلم ضناه قـروم وافين الأشبار ** أنجب وهب وجلاس يا نعـم لابـه وهذه الأبيات ضمن رسالة لتوضيح الحقائق عن النسب الصحيح : يـا نـديـبي جهـز الخـط المـزرّف ** وارسله يالقـرم لرجال الشهامه وزعـه لـعـيـال وايـل لا تـطــّرف ** من عموم الربع أومقدم جهامه بـلـغ الشيّـاب والصـبي المتـرّف ** وقـل أبـن عـبـار يهديكم سلامه مـن تدّنت شوفتـه مجـده تـقـرّف *** ومـن ترفع نـال قـدره واحترامه عـيلـم الهـداج نـبعـه مـا يـغـرّف *** والحسو والرس ما غزوا مقامه من حبى يا لابتي كوعه تجـرّف ** ومن يدلبح ذل يوصف بالرخامه المجالس تهترش مثل المهّـرف ** مـن يـرّوج للدعايه وش علامـه من تمسك بالخرافـة قيـل خـّرف ** ومن جهل مجناه تغشاه الملامه كـل جاهـل قـام يكتب وايتصّـرف ** والتعبّـث بالنـسب يـرث نـدامـه العلوم الزايفه توضع على الرّف ** والنسب مايتقنه من به غشامه أورق أغصان المشجّر ثـم ورّف *** منبته ثـابت وجـذعـه لـه دعامه أفـخـر بتـأليـف كتـبي واتـشّـرف ** وأحمد الله منهجي عـز وكرامه لـوبهـا تـزويـر أو قـول محـّرف ** والـلـه أنـي لا أحذفهـا بالقمامـه جدنـا وايـل ما هـو نكره معـّرف ** مـا مكانـه لهـزمـه لاشك هـامـه وهذا مقطع من قصيدة أوضح أن عنزة لا تسمى بغير جدها : حـنـا بـغـيـر اجـدودنـا مـا انـتسّـمى ** حنـا عنـزة ما ننـتحل نسب قاسـط يالـلي مسامعـكم عـن الحـق صـّمى ** ما تعـرض جدود العرب بالمباسط الـزيـف يـبـطـل والحـقـايـق تـنـمّى ** والبيـت ما يبنـا عـلى غـيـر واسط وهذا مقطع من قصيدة أوضح الحقائق لمن يحاول تغيير جد عنزة : من شـوه التـاريخ مـاني مـداريـه ** حيث الخطأ بالجـد يحتـاج تعـديـل من خالف الواقع عسى الله يهديه ** بالأصـل مـا نقبـل تـدلس وتضليـل يا ليـت لـوهـم ينصحونـه بنيخيـه ** عـن الخطـأ لا يـبـدّل الجـد تـبـديـل الـلي تمـادا ولا سمع قـول نـاهيـه ** غـروه قـوم يـنـصبـون المحـابيـل والهرج الـلي مالـه براهين مابيـه ** أبي أذكـر الواقع قبل يطفح الكيـل ما جـدنـا سلعـه يبـيعـه ويـشـريـه ** صفوة ربيعة من سلايل إسماعيل حلف الضعافة مـا نـبي دوم نتليـه ** حنا عنزة والراس ما ينتكس ذيـل حنـا عنـزه والجـد نفخـر بماضيـه ** لـنـا عـلى روس الشوامخ منازيل وهذا مقطع من قصيدة تخص التأليف ومعانات الكاتب : مـادام لـتــراث الـحـمـايـل شـريــده ** نـجـمع شتـاتـه عـن دواعـي نـفـاده مـا ودنـا يـذهـب ضـيـاع وفــقـيــده ** حـيـثـه فـخـر تركت مشايخ وسـاده أهـل الـفعـول المسـمـلات الجـديـده ** مـن طـاب منهـم ينـتـبـونـه أجـداده مـثـل الـحـيـود الـراسيات المحـيـده ** عـنـهـم سجـل الـعـز ثـبّـت اسـنـاده بالعـصر اللي عسى الولي ما يعيـده ** لـهـم بـجــزلات الـفـعــايـل ريــــاده الـلـي لـهـم عـز ومـفـاخـر تـلـيـــده ** وضــحـتـهــا لـلـي يـبــون الأفـــاده جـمـعـتهـا مـا أريـد دخـلي تــزيــده ** ولا لـي طـمع مـقـدار حـبـة رشـاده قصدي فخـر بأهـل الفعـال المجيـده ** نـعـتـز بـالـطـيـّب ونـذكـر أمـجـــاده نـفخـر بـذكر أهـل الخصال الحميـده ** ونـشـيـد بـالـلـي يـستحـق الأشـاده وكـم واحـدٍ فــن الخـطــابـه يـجـيـده ** وربـه عـطـاه المـوهـبـه والجـواده لـكـن عــن الـلابــه أقـلامــه بـلـيـده ** مـا سـال فـي ذكـر القـبـيلـه أمـداده والـلي تـجـاهـل خـدمـتي لـلـبـديــده ** الجـهـد يشـكـر مـا تـفـيـد الجـحـاده يـبغـي يعـوق الـلي يـواصل فـديـده ** والمرجـلـه تـحـتـاج صبـر وجـلاده يـفـرح بغـلطـات الـرفـيـق الـزهيـده ** يشمـت عـليـه ولا يشوف أجتهـاده شبـحـه قـريـب ولا أهـدافـه بـعـيـده ** عينه على الصاحب سوات الجراده جـوده عـلى خطـو القرابـه عضيده ** وأن جـت مـن الأقصين يلز م حيـاده كـانـه غــيـور ودون حـقـه ولـيــده ** يـذود عـن حــد الـحـمى والـسـيـاده لا خـيـر بالـلي مـا يـنـاطح ضـديـده ** مـا يـطـول العـمـر القصير الشـراده وهذه الأبيات رد على الذين يبثون الإشاعات ويغيرون الواقع : افـتـهـم يالـلي تـكـهـن وتـحـزي ** ما بـقي جاهـل غشيم ولا غـبي لا تـعـجـرف لا تـهـكـم وتـهـزي ** لا تـهـاون في جـهـودي وتعـبي أنـظـم اللابـة مثـل نـظم خـرزي ** في نسب به يفتخر كهل وصبي أنـا عنـزي وايـلي نسل عـنـزي ** أتـشــرف وأتــفـاخــر بـنـسـبـي افـتخـر بسهيل وبعبيـد اعـتـزي ** وأستـعـز بكـل جـلاسي ووهـبي وأفخـر بهـزان ما ساسه خـزي ** وعـنـز وعميـرة وبكـر وتغـلبي وعن ذكر طاري ربيعه ماعزي ** قيسي وضبعي ونـمري وأكـلبي يوم كسرى على ذي قار يغـزي ** نصر قومي شاد بـه حتى النبي صـار بالـمـيـدان للخـيـل لـززي ** والهامرز اقبل على مثـل الظبي صاح يطلب من يبـارز مـا لـزي ** قال أبن مسعود أبشر وش تبي رمح حارث حط في جوفه مزي ** وأرتـمى من فوق صفراه يحبي بالوغى الباغي على فعله جـزي ** وفي ربيعـة يفتخـر كـل عـربي وقلت رداً على الذين يزعمون أن عنزة تعتزي بوائل بن قاسط : الـلي يعـود أربع عشر قرن للخلف ** يبي عنـزه تدخل مع الحلـف لازم حنـا عنـزة مـا ننتحل جـد بالحـلـف ** هـامات مـا حـنـا لـك الـلـه لهـازم حنا عنزة لا غـط بالغـارب الضلـف ** حـنـا مدابـيس الـوغـى بالمـوازم حنـا سطام الضـد بالموقـف الكلـف ** لـنـا الفخـر عنـد اكتـراب المحازم اليا سمك عج الرمك بالهوا الصلف ** والخيـل تـرهـم والعشايـر تـرازم اليـا تلاقوا عصم الأشنـاب بالشلـف ** قمنا على حدب السيوف انتعـازم وقلت هذا المقطع من قصيدة : أنا عنزي وأعتـز بأصلي ومجنـاي ** ولا كـل مـن رام الـفخـر نـال تاجـه أخـبـرك يالـلي مـا تـثمـن أحـميـاي ** ربع الرجـل عنـد اللزم هـم سياجـه افخـر بهم عند الأصاحيب واعـداي ** فـرسان يـوم الجـو يكتـم عـجـاجـه زمل التخوت اليـا بـرك كـل رغـاي ** لا غـط بالغـارب ضلـوف الحداجــه مـلاذ مـن جاهـم مـن الظيـم شكـاي ** أرداهـم لضيـفـه تـبهـلـل حـجـاجـه وهذا مقطع من قصيدة أخرى : قـال مـن يـفهـم مباهيـم الرمـوز ** يدرك المقصود والغايات ماهي مـا يعسره حـل صعبـات اللغـّوز ** والخـفا والسر يعـلـم بـه إلاهي ما نصرّب يابس الضرع الغروز ** قـانع بمـد الولي والخيـر راهي من تفكـر شاهد الوضع مهـزوز ** منـوة الـلي دالـهٍ والقلـب لاهي كم شهم من العرب جنسه يعوز ** من زمانه ذاق لوعات الدواهي صـارت الهـزلـة وسيلة للبـروز ** وأزدهر دور المهرج والفكاهي شاطر الملسن على المنبر ينوز ** كنـه الصنديد خـواض الهيـاهي الشرف والعـز اغـلا من الكنـوز ** والرذيلـة للفضيلـة مـا تضاهي مـن حفـظ عـزه مكـرم ومعـزوز ** مستقيم ولا يهمـه هـرج واهي النبيل الـلي على الجـزله يحـوز ** والدروب العوج ما فيها تبـاهي من طمن ممشاه ما ظـني يفـوز ** يدرك الطولات من هام المناهي الدروب العايـزه عنهـا محجـوز ** ولا خبـر للحيف يممت اتجـاهي قلـتها وأعـتـز فـي عـز العـنـوز ** عنـد ربعي عارف مقدار جاهي دام معي مـن الـرجال ثـقال روز ** ما يهم الكذب لو بالناس فـاهي الحـذر يالـربع مـن نـفخ القـزوز ** نافخ الظرمة لقدر الشر طاهي الهمـوز الـلي لخـلق الـلـه لمـوز ** وش علامه ما يطاوع كل ناهي الـمـنـاكـد والمـجـادل مـا يـجـوز ** المجادل عيب مالي به مشاهي أنـذر الـلي يـودع اللابـه حـزوز ** ولا بعض القول ماثار انتباهي |
بيض الله وجهك يابو مشعل
جبل جبل مايهزك ريح سر ونحن من خلفك احترامي وتستاهل التثبيت |
مشكوربيض الله وجهك يابو مشعل
|
مشكور وبيض الله وجهك يا ابو مشعل
تقبل مروري.. رياض العنزي |
جزاك الله عنا خير يالوايلي
|
مشكوربيض الله وجهك يابو مشعل |
وافي ياابومشعل ماعاش من يتطاول على عنزه عنزه عزيزه برجالها وماهي بحاجة احد يثبت لها اصلها لانها معروفهولاتحتاج الى تعريف
جعلك دائما على القوه |
شعر توضيحي با التاريخ يستشهد بكل بيت من هذه القصائد
كدليل واضح للحقائق وحجه دامغه . ولايصح الا الصحيح . والحق يدحر الباطل |
أسأل الله العلي العظيم أن يطيل بعمرك يابو مشعل أنت نسابة ربيعة كافة جزاك الله خير وبيض الله وجهك ورفع قدرك بالدنيا والاخرة
|
| الساعة الآن 03:15 PM. |
Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd