موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

موقع قبيلة عنزه الرسمي: الموقع الرسمي لقبائل ربيعه عامه و عنزة خاصه (http://www.bnabar.com/vb/index.php)
-   الشعر الشعبي المكتوب (http://www.bnabar.com/vb/forumdisplay.php?f=54)
-   -   خاطرة شتويّة (http://www.bnabar.com/vb/showthread.php?t=12202)

عبدالله الموسى الخرشاوي 01-09-2021 11:05 PM

خاطرة شتويّة
 
السلام عليكم و رحمة الله و بركاته .....
ــــــــــــــــــــــــــــــــــــــــــــــــــ ــ





سجّ القلم و الجاش عندي تخـــــاوو
،،،،،،،،،،،،،،،،و انا معاهم للمطاريــــــق شفّــــــى



البرد وايا الليل و مقابــل الضــــــو
،،،،،،،،،،،،،،،،،و صلو الجمر على المعاميل ضفّى



فنجالهــــا يبــري همــومٍ تلاجــــــو
،،،،،،،،،،،،،،،،على خفــــوق من العنا ما تعفّــــــى



في خايعٍ أهل الدبــــش ما تلاقــــــو
،،،،،،،،،،،،،،،،ريح الثرى بعد المطــــر به يهفّـــى



لا غاب نو و بالسماء داقشــــه نـــو
،،،،،،،،،،،،،،،،و بروق هاجوس الفكر ما تكفــــّــى



أقول ليت بليلهــــم يـــوم راحـــــــو
،،،،،،،،،،،،،،،،يَطفــي لهيــبٍ بالحشــا له يحفّـــــــى



سجّت وعادت لي وهي رايحة تــــو
،،،،،،،،،،،،،،،،و شبّت لهيب و ما قدرت اتدفّــــــى



رعودهــا وســط الحنايــا لهــــــا دو
،،،،،،،،،،،،،،،،و صبّت هماليل و سريبــــه تقفّـــى



يذكر رجالٍ عنه راحــــوا و لا جـو
،،،،،،،،،،،،،،،،الكل منهـــــم بابيــض الفعـــل وفّى



على الطريق اللي مشوا يوم قفــــوا
،،،،،،،،،،،،،،،،ضاع الكلام و في ضميري توفّـــى



...........
تقديري للجميــــــــــــع ،،،،

عبدالله بن موسى الخرشاوي
أبو فهد
1442/5/25هـــ


الساعة الآن 01:53 PM.

Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 

vEhdaa 1.1 by NLP ©2009