|
قصيدة خلف المشعان في الحفل ومجاراته
من القصائد التي القيت بحفل زواج الأبناء هايل ونايل هذه القصيدة التي القاها الشاعر خلف المشعان وبناء على طلب الأخوة ننشرها مع الرد وسوف تعرض في قناة صدى ضمن فقرات الحفل وكذلك قصائد جميع الأخوة الذين شرفونا
قال الشاعر خلف بن محمد المشعان هذه القصيدة يثني على زميله عبدالله بن دهيمش بن عبار : قالوا أن الشعر يكمن حسنه بوسع الخيـال قـلـت هـذي مـن سـواليف الحـداثـه خلهـا يظهر الشعر المواقف لا غدى فيها سجـال غير رمز عيال وايـل بالمـواقـف مـن لـهـا يوم كان الشعر سيف ياخذ حقوق الـرجال كـان أبـن عـبـار سيـف عـيـال وايل كلهـا كم قطع به حبل زيف وكم ترفع عن خمـال وكـم نـفـع بـه وايـلي وكـم قـضيـه حـلـهـا وكـم تـفاخـر بالفعـول الـوايليـه باعـتـدال وكـم حـمـول للقبيلـه فـوق متنـه شلّهـا كم جدع به من خصيم وكم صال وكم جال وكـم ثنابه دون ربـعـه لا انتخوبـه صلهـا ويوم بعض الناس تايه بين قيل وبين قـال دوّن بـكـتـبـه مـواقـف لابـتـه حـفـظ لـهــا وأجتهد بانساب وايل واكثروا عنه الجـدال وأبتـدى يظهـر عليـه مـن الخلايـق غـلّهـا الـخـطـأ وارد ولابـه شــك لـلـه الـكـمـــال ومسألـة جـهـده ونـقـده ماني بكفـو لـهـا بس أنا بقول للي عارضوا جهـده سـؤال وينهم من قبـل أبن عـبـار لا يفطن لـهـا وينهم يوم ايتعنا من الجنوب اليا الشمال مجهد نفسه وراء معـلـومة يـوصل لـهـا يوم كانوا يلهثون بشعرهم خلف الـريـال كـانـت حـروفـه سيوف للخصوم نسلّهـا ويـوم كـان مـعـاتبينـه راقـدين بالظـلال كان تحت الشمس يرسم للقبيله ظـّلهـا الوكاد أن القصايد لا غدت حرب وسجال سيـف أبـن عـبـار يـكـفي للقبـيلـه كـلّهـا قال عبدالله بن دهيمش بن عبار هذه القصيدة مجاراه لقصيدة الشاعر خلف بن محمد المشعان : يا خلف مشعان تشكر كل منطوقك صمال أرفـع الصـوت وتـكـلّـم والقـبـيـلـه قـلّهـا حيث قولك يا أبن عمّي كنّه العذب الزلال وكلمتك كل من سمعها مـا هقيتـه مـلّهـا أطـلب الرحمن ربي في تضّرع وابتهـال من تـرك درب الحقيقه يقتـدي وايـدلهـا كـل جهـدي للقبيلـه مـن قـديـم ولا يـزال مجهد ولا هي غريبه عزوتي وأعملّها كل تدويني صحيح وتشهد أولاد الحـلال الـرجـال الـلي تميـّز دقـهـا مـن جـلّـهـا بالنسب من شاف غلطه فاتحين له مجال وكـل نـاقـد بالحقـايـق يا خـلـف كفـولهـا والـذي بـث الدعايه كـلها هيف وضلال ليـت لـو عنده مصادر بالمجالس فـلّها والله أن أولاد وايل أبرى من دم الغزال ما تسمّي بجـد يعـرف ليس هـو جدلها مصدر التاريخ سجل لعنزه عبـر الجيال جـدهـا وعـالي نسبها عـزهـا مـا ذلـهـا ما تزحزح عن نسبها لـو يزولن الجبال مار بعض القوم اشوفه بالوهـم خيّلهـا الكهولـه وضحوا عنصر نسبهم للعيـال حتى خفرات العذاري يا خـلف يـدرلهـا ولا نجامل يالسنافي من دخل قلبه هبال كل من نفسه مريضه مـا تشافى عـلهـا كل منصف كل صادق يعتبر جهدي نضال مـا تنكروا الرجال الـلي الـوفـاء طبعـلهـا ولو بحوثي ما تشّرف كان قررت اعتزال لكـن أصحاب الظلايم مـا نـويت امهّـلهـا وكل من زوّر وحوّر صرت في حلقه خلال قـلتهـا واهـل المكـايـد يا خـلـف حـابـلـهـا |
كل تدويني صحيح وتشهد أولاد الحـلال
الـرجـال الـلي تميـّز دقـهـا مـن جـلّـهـا "صح لسانك يابومشعل ولسان الشاعر خلف المشعان" |
قصائد جزله وشموخ
|
الف مبروك زواج الأبناء يابومشعل الله يوفقهم ويرزقهم الذريه الصالحه. وصح لسان الشاعر الكبير خلف المشعان على هالقصيده المنصفه الجزله كماهي عادة خلف لاعدمناه . وصح لسان شاعر عنزه عبدالله بن عبار على الرد ووفق الله الجميع لما يحب ويرضى ..
|
يوم كان الشعر سيف ياخذ حقوق الـرجال
كـان أبـن عـبـار سيـف عـيـال وايل كلهـا كفوووو وانا أشهد أنه سيفها وسفيرها وأمينها " وكفيل كل عنزي " عبدالله ابن عبار أبومشعل يستاهل التـكـــريـــــم والوقفة الصادقة من عيال وايل عامة وآلادباء والشعراء خاصة |
تسلم يالبناخي وشكراً على هذه المشاعر التي أعتز وأفتخر بها
|
صار بين فحول شعر من عنزه نظم وسجال
وقلت اشارك كلمتي من قبل اقول افطن لها كلكم شعار رمزٍ. للقبيله والشمال يوم تصعب يالبنيخي ترتكون لحلها بالمواقف تظهرون ولا تعرفون المحال كل واحد منكم يقول لقبيله خلها كلكم وقت الشدايد ذخر لعيال الحلال والحقايق واضحه في دقها وبجلها كل وقفات القبيله حاضرين وللمعال جامعين المرجله والشعر قبل عللها ماني مجامل ولاكني الى جالي مجال اعرف شلون الحقايق توصل ونوصلها كتب ابن عبار تقرى من قديم ولا تزال بصمةٍ بأسمه ترى هالوايلي سجلها سجل الانساب والتاريخ وفعول الرجال في كتابٍ يحفظ اتراث القبيله كلها ومن يسولف بالخفى يطرح على نفسه سؤال كيف يحكي في امورٍ ما قدر يوصلها التحيه يم ابن عبار ياقرم العيال كمل المشوار والنفس العليله علها احترامي والسلام لشاعرين ابهم مثال بالقوافي تعجز الا شناب لا تفتلها محمد الصقري |
بيّض الله وجهك يا راعي البويضا ولك مني جزيل الشكر على هذه المجاراه لقصائدنا وأقبل عاطر تحياتي الحارة وللمعلومية فسوف يعرض الحفل على قناة صدى الساعة التاسعة والنصف من مساء الجمعة ويعاد الساعة الواحده ضهراً نهار الجمعة
|
وجهك ابيض وتستاهل انت وابو موسى عسى الله يقويكم
|
قال الشاعر محمد الصقري هذه القصيدة مجاراه للقصائد السابقه :
صاربين فحول شعر من عنزه نظم وسجال ***وقلت اشارك كلمتي من قبل اقول افطنلها كـلـكـم شـعـار رمـزٍ. لـلـقـبـيـلـه والـشـمـال *** يـوم تصعـب يالبنيـخي تـرتـكـون لـحلـهـا بالمواقـف تظهـرون ولا تعـرفـون المحـال *** وكـل واحـد منـكـم يـقـول القبـيـلـه خـلـهـا كـلـكـم وقـت الشـدايـد ذخـر لعـيـال الحـلال *** والحـقـايـق واضـحـه فـي دقـهـا وبـجلـهـا كـل وقـفـات القـبـيـلـه حـاضريـن وللمعـال *** جـامعين المـرجـلـه والشعـر قـبـل عـلـلهـا مـانـي مـجـامـل ولاكـني الـى جالـي مجـال *** اعـرف وشلون الحقايـق توصل ونوصلها كتـب ابـن عبـار تقرى من قـديـم ولا تـزال *** بـصمـةٍ بـأسمـه تـرى هـالـوايـلي سجـلها سجـل الانساب والتـاريخ وفـعـول الـرجـال *** فـي كـتـابٍ يـحـفـظ اتـراث القـبـيلـه كلـهـا من يسولف بالخفا يطرح على نفسه سؤال *** كـيـف يحـكي فـي امـورٍ مـا قـدر يوصلها الـتـحـيــه يــم ابـن عــبــار يـاقـرم الـعـيـال *** كـمـل المـشـوار والنـفس العـليلـه عـلـهـا احـتـرامـي والسلام لشاعـرين ابـهـم مـثـال *** بـالـقـوافـي تـعـجـز الاشـنـاب لا تـفـتـلهـا وقال عبدالله بن دهيمش بن عبار هذه القصيدة جواب لقصيدة محمد الصقري : أبـتـدي مـبـدأ كـلامي بـالـعـزيـز الـمـتـعـال *** الكـريـم الـلي مـزونـه مـن غمامـه هـلّهـا هل مزن الغيث بأمره كل وادي منـه سال *** يسـقي الـقـاع المحـيـلـه والفـيـافي بـلـّهـا عشت يا راعي البويضا يوم دونت المقـال *** عسى تفداك الـرخـوم الـلي كثيـر احـيلهـا يـوم طـالعت القصيده قـلت كـمـال وجـمـال *** وجـاك نظـمي يالسنـافي بالعـجـل ردلـّهـا قـلت منظومي وباعي بالـذي شرواك طـال *** والعـفون أهـل النمايم لـو تهجـد احسنلها أنـت مثـل الحـر يصعـد مـا يلـوبـد بالدحال *** عـادت الصـاروم وكـره فـوق عـالي تلّهـا أنت تعـزا من قبيله لا حضر حـرب وقـتـال *** عزوتك ستر الهنوف اللي تقض اقـذلّـهـا تعتزي بعيال صقر من المصاعب والجلال *** والـدلـمـه والثـويـبـت والـدهمان انجـّلـهـا نعم في أهل البويضا خصمهم صابه جفـال *** خصمهم يبلش بحاله حـربـتـه مـا سـّلـهـا نعـم فـي أهـل البويضا بـهـم يامـن كـل ذال *** كـانـوا أسـود البـراري قـورها وارجلّـهـا والختام اشكر جنابك عشت يا زاكي الخوال *** ياللـبـيـب الـلي افـكارك مـا أحـد يحـتلّهـا |
| الساعة الآن 03:09 PM. |
Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd