موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

وفاة صيّاح بن دعاس الضوي الجعفري

أنتقل إلى رحمة الله تعالى الرجل الفاضل صياح بن دعاس الضوي الجعفري رحمه الله وأسكنه فسيح جنّاته والهم أهله وذويه الصّبر والسلوان وهذا الرجل من نوادر رجال قبيلة عنزة كرم وأخلاق ورجوله وعفّه وشهامة ولم يكن فقدة على أسرته وعزوته فقط بل هو فقيدة على قبيلة عنزة عامه وعلى أصدقائه ومعارفه من جميع القبائل وزملائه وبفقد صيّاح نعزي أبنائه وأسرته وكل من يعرفه من رجال القبيلة كما نعزي أنفسنا ولا نوفيه حقّه من الثناء مهما قلنا ولا نملك ألا على الدعاء له بالعفو والمغفرة من رب العزة والجلال وأسأل الله أن يجبر نصاب الجميع بفقده وأن يعوضه في جنة عرضها السماوات والأرض وأن يتقبّله ربه قبولاً حسناً مع الشهداء وإنا لله وإنا إليه راجعون وقلت هذه الأبيات بالفقيد صياح بن دعاس الضوي الجعفري
العـلـم الأقشـر بالـرسايـل قـريتـه *** صيـاح وافـتـه المـنـيـه بـسكـتـه
نـايـف نـعى فـقـد الفقـيـد ونعـيته *** حـل المقـدّر والوعـد حان وكتـه
صيـاح مـن هـول الفجيعـه بكيته *** ودمع المحاجـر ينهمر ما مسكته
وكل عنزي ينعاه من طيب صيته *** دايم عـلى درب المراجل احركته
هـو الـذي مـا قـال جـاره شنـيتـه *** يـا حيسفـا لـيـت المنيـه اتـركتـه
مرحوم يالـلي يحتـفي كـان جيتـه *** يـكـرم ومالـه مـا تلاشت ابركتـه
أبي اطلب اللي طايعه ما عصيته *** والمسلك الـلي يغضبـه ما سلكته
يالـلـه يا حـامي مـن الفيـل بـيتـه *** يامن بعـال الكون عرشك سمكته
رحماك بالـلي في جوارك خـذيته *** أنـت الـذي كـل النـواصي ملـكتـه
أدعـوك يالـلي كـل داعـي عطيته *** بالخلد مع سكن الصحابه شركته
عـسى ذنـوبـه والخـطايـا محيتـه *** يامن ستار أهـل المعاصي هتكته

ومن ذكرياته رحمه الله هذا المقطع من قصيدة قلتها بمناسبة ومنها ما يلي :

يـا طـيّـب الأفـعـال يـالـقـرم صـيّـاح *** اشكـر جنابـك يالكريم أبـن دعـاس
رب الملأ يسعـد مساكم والأصبـاح *** نقولها من قـلب وشعور واحساس
مـن قـلـب ندعي للشغاميم بنصـاح *** حيث أنـهـم من لابـةٍ ترفع الـراس
دعـوة فخـر يـفخـر بهـم كـل مـدّاح *** أهـل الحميـة والبطـولات والبـاس
الـلابـة الـلـي جـمعـهـم دوم نـطّـاح *** للخصم يوم الجمع بالجمع ينحاس
يثنون دون اللي من خيالـتـه طـاح *** يوم الهنادي بالثنادي لها اضراس
سلايـل سليـمـان مـهـديـن الأرواح *** لا هاجت الهيجا على قب الأفراس
لاصار دون الذود بالقـفـر وحـواح *** من غار يبي الفود يرجع بالأفلاس
الـذود مـن دونـه صناديـد وسـلاح *** خصيمهم يدعس جـنـابـه وينـداس
ويوم الشفايا بحـزت الكـون كـلاّح *** الـكـل مـنـهـم للـمـنـاعـيـر طسـّاس
بالوقت الأقشر ما يمانيهم شحـاح *** يقـرون يـوم الكيل في وزن وقياس
أدنـاهـم الـلي لكاسر البيـت شتّـاح *** عـز الغريب اليا شكا هـم واعماس
هـم فـرحة الطرقي إذا مزهبه بـاح *** ريف الهجافا لالفوا عقب الأدماس
يقـلط عـلى ترحيب والهيـل فّـّواح *** مـن دلـةٍ يخلط بهـا خمسة اجنـاس
دلـو القصيـر اليـا ورد كـل مـيّـاح *** عـن المعـاوق مـيـزوها بالأجـراس
يتلون شيخ للفخـر يلبس اوشـاح *** نسل العـواجي بالمناعير لـه ساس
مقدم هل الجدعا بعيدين الأشبـاح *** ذخـر القبيلـة لا ابترم عـقـد لـولاس
أمجادهـم تمـلأ سجـلات وأصفاح *** مـا ظنتي تحصى بصفحات قرطاس