|
قصائد مسنده من بعض الأخوه الشعراء على زميلهم عبدالله بن عبار
( قصائد مسنده من بعض الأخوة الكرام )
قال الشاعر البشري بن مناحي الهبداني الجعفري يثني على عبدالله بن دهيمش بن عبار : عـبـدالـلـه الـعـبـار يـا سـيـد الـغـاب *** سـبـع الـفـهـد والنّمـر ما يقـربـنـه الظّـن بـك يا طيّـب الأصـل ما خـاب *** من ظـن بـك بالطيـب ما خاب ظنّه لا زأر صوته صار بقلوبها ارعـاب *** سبـاع البـراري هـاربـه مـا يجـنـه من لابـة لا فتـلـت عـكـف الأشنـاب *** من فـوق سـرج مكاظـمات الأعنه بـواجـت البيـداء اليـا كشّـر الـنـاب *** قطعـانهـم عشب المخـاوف رعـنه فدعان تعـرفهـم مجاويخ الأجـنـاب *** عـطـيـة غـبـيـنـي بـهـا مـستـكـنّـه يتلون مصوّت بالعشا مشرّع الباب *** الـيـا عــطـا عـطـيـتـه مـا يـمـنــه مع أول السربة وللجيش ضبضاب *** اليا زغـردن بيض العذارى نخـنّه جواب عبدالله بن دهيمش بن عبار رداً على الشاعر البشري بن مناحي بن سالم الهبداني الجعفري : حي الرفيق اللي من أعزاز الأصحاب *** بالـقـاف عـبّـر عـن مشـاعـر يـكـنّـه أبـن مـنـاحي مـن شغـاميـم الأقـراب *** وجـه لـي الـمـنـظـوم مـافـيـه لـنّــه بالـلي عملت الـوايلي يبـدي أعجـاب *** حيث الثناء في سلم الأجـواد سنّـه يــفــدا جـنـابــه كـل هـايـف وكــّذاب *** الـلـي لـيـا سـمع الـثـنـاء جـر ونّـه يغتاض مـن مـدح القـرابـه ويـرتـاب *** ويجحـد شهادات الـرجـال المسنّـه ولا أنـت من عـزوه تحـمّل للأصعاب *** فـك الـطـلـب لا صـار للـذود حـنّـه العـزوه الـلي منهـم عـقـاب وحجاب *** مـن هـازهـم صم الحـوافـر وطـنّـه الجعـفـري مـاهـي غـريبـه اليا طـاب *** من عـزٍوة ساس الفخـر هم مغـنّه قال البشري بن مناحي الهبداني يثني على عبدالله بن دهيمش بن عبار : يا شـاعـر الـويـلان هـذا اللّقـب لـك *** هـذا اللّـقـب لـك يـا بـعـيـد الهقـاوي ما نطيع بك ناس عـلى الهرج تدبك *** الشمس ما يحجب شعـاعه غطاوي نـاس عـلى الألقـاب تـبي لـهـا صـك *** وبالـلاّزمـه ما يوصولون الحراوي أنـت المحـيـط الأطلسي مابـهـا شـك *** بـينـت فـي راس الـطـويـل النباوي بـيـنـت يـوم أن الـضـواري تـعــارك *** ودحـمـت فـي مـتـن مـتيـن وقـاوي مـن عـانـدك يتعـب ويرغي ويـبـرك *** خـليتـه أطـوع مـن ذلـول اللحـاوي تـرى لـبـيـب الـقـلـب يـفهـم ويـدرك *** لـلـحـق عـدل وللـمـشـايـخ فـتـاوي جواب عبدالله بن دهيمش العبار على البشري بن مناحي الهبداني : جـانـي بـيـوت منـقـحـه مـابـهـا رك *** مـن نظـم شاعـر بالقوافـي نحـاوي مثل الخزامى بارض سيهات وعنك *** ولا مـثـل نـبـت الـنّـفـل بالـصـداوي يا أبن منـاحي يالزميـل افـتخـر بـك *** حيث أنـت يالمنعـور شاعـر وراوي هـيـهـات لحـمـيـاك مـا أظـن تـتـرك *** مـن عـرفـتي لـك يالسنافي حماوي وأن كان عـود لعود يا مسندي حك *** عـادتـك تـفـزع يـا شـبـيـه النـداوي يفداك من صدره عليه الحسد ضـك *** وأصبح جـداه الهـذرمـه والقـراوي يا نسل اللي وقت اللّزم لا فـزع فـك *** الـيـا ثـار بـيـن السربـتين النخـاوي لـو ابـني المعـنـا بـني طـوب وبلـك *** يـالـبـشـري بــعـنـاز مـانـي خـلاوي البشري مـنـاحـي يـقـول اللّقـب لـك *** لاشـك لـلألـقـاب مـانـي شـفـــــاوي الشـعـر تـروّج لـه قـنـوات واشـرك *** ويـا كـثـر الـلي يـعـد نـفسه قـداوي في معـد مـا مثلـه ولافـي بـني عـك *** وفي ما زعـم بالناس مالـه مساوي مـدفـع لهـاتـه دك صـرح الجبـل دك *** لاشـك شعـره بالحـرى والـرجـاوي سبق وأن نشرت هذه القصيدة ثم تمت أعادة نشرها لأن حصل مجاراه من أحد الأخوه قال عبدالله بن دهيمش بن عبار هذه القصيدة يثني على الرجل الفاضل رشيد بن مطر الممرح بن موينع أحد وجهاء قبيلة السبعة : يا رشيد بن مطـر بـك المـدح يـزدان *** لـي الشّـرف أثـني عـلـيـك بـمقـالـي يـدوم عـزّك بالفخـر يـا أبـو سلطـان *** حـيثـك فـهيـم وكـل هـرجـك صمالـي والـلي علومـه دوم جـزلات واسمان *** يصعـد عـلى العـليـا ويـرقى المعالي مـن عادتـك تفـزع اليا جـاك حـيـران *** تـبـذل جـهـودك كـان جـالـك مجـالي تجهد على كسب الفخـر قدر الأمكان *** وأنـت الـذي بالوصف قـالـوا مثـالي مـا رافـقـوك مـن الهـذاليـف سفهـان *** ولا عـاشروك الـلي عـملهم ضلالي لاشك لـك مـن خيرة الغـوش صدقان *** بالصّـدق والعـفـّه وطـيـب الفـعـالـي محبوب عـند الناس حضره وبـدوان *** بتوفيـق مـن ربّـك عـزيـز الجـلالـي ولـوما فعولك طيب ما صار لك شان *** فـرضت قـدرك عـنـد صيـد الـرجالي للـمـرجـلـه بـالـبـيـت شـيـدت ديـوان *** يـلـفي عـلـيـه الأجـنـبـي والـمـوالـي يـامـا لـفـاه مـن المسـايـيـر ضيـفـان *** مـن لاذ بـه مـسـرور بـالـه وسـالـي يـزهـاه صنع السيـف ودلال رسـلان *** ويـزهـاه منسوج الكـنـب والـزوالـي ويامـا ذبحـت مـن الهـرافي لضيفان *** ما قـلـت أبـي أوفـر حـلالـي ومـالـي عـسى فـداك الـلاّش والـنـذل كـوبـان *** الـلـي جـمـيـع عـلـومـهـم هـمـلالـي أنـا أشهـد أنـك صاحي الفكـر فهمـان *** نـزيـه عـن هـرج الخطـأ والجدالـي أنتم احفاد زريـق من عـقـب شيخان *** خـلـفـة مـويـنـع مـن بـعـاد المـدالـي مـن مرشد الممرح بواسل وشجعـان *** أجــواد نـسـل أجــواد أول وتــالــي خالـك محـمـد عـادتـه فـعـل الأحسان *** نـال الفخـر لـوهـو صعيـب المنـالي أن مـا تصـافـوا لابـتـه بـات سهـران *** يـبـذل عـزيـز الجـاه والـجـاه غـالي نطلب عسى له عند رضوان مسكـان *** يـنهـل مـن العـذب القـراح الـزلالـي هذه القصيدة قالها الشاعر خالد بن دواس الممرح مجاراه على شهادة عبدالله بن دهيمش بن عبار في حق العم محمد الممرح وذكره لبعض من علومه وعلوم مجلسه الغانمه وأيضاً عندما ذكر مناقب العم محمد الممرح رحمه الله وحبّه لجماعته واقاربه وهذه الأبيات عبارة عن شكر وتأكيد وأستشهاد لما قاله الشاعر عبدالله بن عبار كـلام ابـن عــبـار صـدٍق وبــرهــان *** صـاغ الـبـيـوت الـوافـيـات الجـزالي خطّت يمينه في هـل الطيب عـنـوان *** حـيثـه مـن الشعّـار وشـم الـرجالي يـعـرف هـداد الحـر من هـد شيـهـان *** ومن هو ربى في ماكر الطيب عالي القـرم أبـو مشعل مع العـرف فهمان *** سطّـر شمـوخ العـز لأهـل الـدلالـي طاف البلاد وطـاف الأمصار وأوطان *** وجـاب الـعـلـوم الـواكـده والصمالي سـطّـر مـن التاريخ فـي مجـد ويـلان *** ونـوّه عـن الـلي لعالي المجـد طـالي ذكـر من الماضي مفـاعـيـل شجـعـان *** عـلـم يــورث فـي صـدور الـعــيـالـي فخـر العـرب وأمجـادهـا بكـل مـيـدان *** تـسابـقـوا الـويـلان صـوب المعـالي كـلـن يـدور الطيـب والسـوق ملـيـان *** سـوق المـراجـل مـا يـطـبّـه اسـفالي مشكور في جهدك ومذخـور باذهان *** يجـزيـك رب العـرش بجـزل الكيالي وماهـي غـريبه لا ذكرنـا أبـو سلطان *** قـرم يـحـوز الـطـايـلـه بـكـل جــالــي مـا حـط دون الطيـب حـاجـز صلجـان *** ولا صـك بـاب الـدار صبـح ولـيـالـي مجلسه عامـر ما خـلي مـنـه شفـقـان *** لـمـبـهـرات فـوحـهـا دوم صــالــــي مجلسه عـامـر مـا خـلي منـه جيـران *** ويـنصـونـه العـرّاف وأهـل المـقـالي مجلسه عامـر لا خـلـت منـه الأركـان *** حـي بـحـس راعـيـه والـرّب والــــي مقصـد هـل الضيقـات من كـل بحلان *** ومـن ضامته دنيا وبـه الـوقت مالي منصى هل الطولات وشيوخ واعيان *** واهـل الفـكـر واهـل العـقـد والحلالي رافـع لـواء الممرح ومقصود بـبنـان *** مكـمـل مـسـيـر الـخـال بـأول وتـالـي قد قاله أبن الذيب في ماضي الأزمان *** قـبـل الـعـمـام يـسال طـيـب الخـوالي وهـو كيـف متلحف وبفـراش دفـيـان *** يـوم الـخـوال الـعــــم يـا هــمــلالــي محمد الممرح راعي الصيـت والشان *** الـيـا ذكـرتـه بـالـرحـم والـوصـالــي زرع لـه الـلـه فـي ثـرى قـلبه احسان *** وحـب الـبـنـيـخـي والقـرابـه نـزالي يـنشـد عـن عـروقـه اليـا كـان ماكـان *** لـو بـآخـر الـدنـيـا يـاتـيـه ارتـجـالـي وأذكـر شـهـادة حـق بـلـسـان حـمدان *** يـوم أرسـلـه يـم الحـسا بـالسـوالـي أسـأل عـلـى دواس يـا عـقـب سـودان *** أمــانـــة بــرقــابــنــا لــلــزوالـــــي عـسـاه بـالـفـردوس بـجـوار رحـمـن *** فـي جـنـة تـحـت العـروش الضـلالي أوجـزت مـا قـلـتـه مـن دون نقـصان *** فـي حـق ربـعـي طيـبيـن الخـصـالـي ربـعي حمول الخيـل لا صـرت بلشان *** سـقـم المعـادي بـالـلـقـاء والـنـزالـي نسـقي خصيم الـدار لا صـار ظـميـان *** كـاس المهونـه يشربه بطعـم حـالـي واخـتـامـهـا عـذراً إذا كـنـت غـلـطـان *** الـقـاف هـيضـني وجـيـت بمقـالـــي كذلك هذه القصيدة سبق نشرها ثم لزم أعادة نشرها لوجود مجاره لها قال عبدالله بن دهيمش بن عبار هذه الأبيات من ذكريات الصبى : البـارحـه عـدي عـن النـوم محجـوز *** القـلـب هـام وصايبه غش وانحـاز لـولاي أبـّرد لـوعـة القـلـب بـكـروز *** شـب بضميري شبّت النـار بالقـاز قلب العنا ما يطـربـه صـوت فـيـروز *** صوتٍ يهفه عاصف الريح بجهاز قالوا تجوز وقلت وشلون أبي أجوز *** عن ذكـر ربعٍ لي شريفين واعزاز الـلاّبـة الـلي طبعـهـم ثـقـلـت الـروز *** فـي ساعـةٍ مـا فـيـه عـاذل وحجّاز وجدي على شوفة هل المجد والفوز *** حمر النواظر ريـف من كان معتاز ربــي قـلـعـني يــم ذالــف وهـامــوز *** بأرض القعافز كل يوم أسمع العاز يا قـلـب هـيّـد كـل ديـرة بـهـا عـنوز *** ما فيه غـربـه وأنت مابـيـن عـنّـاز وجدي على الـلي كنها مطرق اللّوز *** والـخـد طـرس مـعـلـقـيـنـه ابـرواز مـا تـرتـدي ملبس بـناطيل واجنـوز *** مـصيـونـه ولا نـاظـرت كـل غـمّـاز العنق عنـق الـريـم والـزول مركـوز *** بالحسن عن بعض الغـنادير تمتـاز قال الشاعر مبارك بن إبراهيم العليان هذه القصيدة مجاراة لقصيدتي الموضحه أعلاه : البارحـه تـقـل أتـقـلّـب عـلى قـزوز *** الـنـوم مـا قـرّب لعـيـنـي ولا جـاز كن بضميري مـلّـة الجـمـر ملهـوز *** مــن واهـج كـنـي بــتـنـور خـبّــاز من غـرتـه دنياه بس يجمع كـنـوز *** يــوم مـن الأيـام تـلـقـاه مـعـتــــاز أن ادبرت تعطيك من لوعـته جوز *** وأن اقـبـلـت خـلّـتـك بالحيـل تمتـاز النـاس تحسب للـرجاجيـل وتـروز *** رجـل فـهيـم ولا عـن الحـق ينحـاز ورجل غبر كنّه من إبليس مكزوز *** التـافـه الـلي بعـرض الأجواد نبّـاز ورجـل فهيـم وللمهـمات محجـوز *** تلـقـاه لامـنـه غـذى الـبـوم والـبـاز ورجـل كـلامه بس نمّات ورمـوز *** يـا لـيـت ربـي يـقـلـعـه لـم الأحـواز والجرذ جرذ ولو يقدّم لـه المـوز *** وبعـض البشر لا دبـروا دبّـة الـقـاز يارب تسترنا عن الناس والعـوز *** وتجعـل هـقاويـنـا بعـيـدات واعـزاز من فاز بالجنه فهي مطلب الفوز *** ولا بـالـهـدنـيـا دنـيـه ولا فـــــــــــاز |
تابع ( قصائد مسنده من بعض الأخوة الكرام )
الشاعر الشاب عبدالكريم بن عايد بن عوينان الرويلي وجه لي عدد من القصائد مشكوراً يثني ويعبّر عن مشاعره الأخوية الصادقة وقد رديت على بعض قصائده ومن قصائده التي لم يتسنّى لي الرد عليه هذه القصيدة : سـلام يـالـلي تـفعـل الطـيـب يـمـنـاه *** سعـد الـرفيـق الـلي زمانـه عـثابـه يا سيفنا الصارم عـلى هـامـة اعـداه *** يا فـزعـة الـلي يـنتخي واعتـزابـه منسوب من عزوه هل القدر والجاه *** وأهـل القـنـا والسيف يـوم الحرابه عـبـدالـلـه العـبـار والـمـدح يـزهـاه *** نفخـر بـه ومـدحي وشعري زهابـه أبــوه عـسـى جـنـة الـخـلـد مــــأواه *** والـنعـم أبـن عبـار ريـف الـقـرابـه من حيث أبـو مشعـل قـليـل حـلايـاه *** الـلي عـلى الطـولات يـتعـب ركابـه قـرم الـعـيـال الـلي تشـرف سجايـاه *** يـستـاهـل الـمـادح عـزيـز جـنـابــه له مجـلس يلقى الوناسات من جـاه *** تـلـقـابـه الـعّـراف وأهـل الـمـهـابـه يشوش راسي كـل ما جيـب طـريـاه *** مـثـل الحسام اليـا مسك مع نصابـه الـشـعـر يـتـعـب مـا يـعــدد مـزايــاه *** ولاهـي تـعـدد فـي سطـور الكـتابـه قـصـيـدتـي واجـب عـلـيـه ومـهـداه *** لـلي صعـد بـرج الفـخـر واعـتلابـه ولو أمدحه من بـاب حـب ومبـاهـاه *** قـلـيـلـة فـي حـق ذيـب الـذيـابــــــه واخـتـامـهـا يـاالـلـه ياالـلـه يـاالـلـه *** أنـك تـحـفـظـه يـا سـريـع الأجـابــه وصـلاة ربـي عـد مـا خـط بـــــدواه *** على الرسول المصطفى والصحابه واعـداد مـا بـرى الولي مـن برايـاه *** واعـداد ما هـل المطـر مـن سحابـه وقال عبدالكريم بن عايد القعيقعي الرويلي هذه الأبيات يثني على عبدالله بن دهيمش بن عبار : تعيش يا أبن العم يا نسل الأحـرار *** مـن طيـب ساسك للمراجل دليلـه أنـت الـذي بك نفتخر يا أبن عبـار *** فعلـك يجـمّـل عـزوتـك والقبـيلـه من طيب صيتك لك معـزه ومقدار *** تكسب من علوم المراجل حصيله لك الشكر مدبول يا وافي الأشبار *** لـو ثـقـل حـملـك يالسنـافي تشيلـه حيثك من اللي مايهابون الأخطار *** أهـل الفعـول الـوافـيـه والجـليلـه من عـزوة عنـد القبايل لهـم كـار *** وقـفاتهـم يـوم الـفعـايـل جـزيـلـه الـلي بحـزّات القصى تشعم النـار *** ستـر العـذارى مـرمليـن الحليلـه تعـرف فعايلهم على قب الأمهـار *** وافـعـالهم تـشهـد ولاهـي قـليلـه وقال عبدالكريم بن عايد القعيقعي الرويلي هذه الأبيات يثني على عبدالله بن دهيمش بن عبار : يابن دهيمش باسمك بدعت التماثيل *** نختـار مـن زيـن القـوافي جـزيـلـه حـنـا نـعـدّك مـن حسـاب المشاكيـل *** وأنـت الـذي سجّـلـت مـجـد القبيلـه كسبت قـولـت نـعـم عنـد الرجاجيل *** مـثـل المـطـر علمك اليا سال سيلـه راعي الكرم راعي الدلال المعاميل *** لـه مجـلـسٍ كـل النشـامى تـجـيـلـه من العزوه اللي باللقاء تتعب الخيل *** أفـعـالـهـم بالطـيـب يـعـرف دلـيـلـه فدعـان فـي وقـت اللّـوازم حلاحيـل *** نـقـوة حـمايـل يكسبـون الجـمـيـلـه ستر الهنوف اللي زهاها الخلاخيل *** لا طـار سـتـر الـلي تقـض الجديلـه واختامها بالمسك والعـود والهيـل *** صلوا على المختار راعي الفضيله وقال عبدالكريم بن عايد القعيقعي الرويلي هذه الأبيات يثني على عبدالله بن دهيمش بن عبار : سلام لأبو مشعل عطيب المضاريب *** عـبـدالـلـه العـبـار فعـولـه جـزيـلـه سـلام احـلا مـن لبـن شـمّـخ النيـب *** لـلـي يـدافـع عـن جـمـيـع القـبـيـلـه الـلي صبـر يـدرك جـميع المطاليب *** يصبر عـلى الشدات من قـو حـيـلـه الـلـي كسـب كـل المـراجـل بترتيـب *** يشفق على الطولات راعي الجميله فعلت فعـل الطيـب يا فاعـل الطيـب *** وقـفـت وقـفـه يـالـسنـافـي مـهـيـلـه وأديـت لـلـعـزوه جـميع المـواجيب *** تـشـوم عـن لفـظ العـلـوم الهـزيـلـه تلقا الجزاء عند الولي عالم الغـيب *** حـمـلـت أمـانـه والأمـانـه ثـقـيـلـــه عـند الرجال أهل الوفاء والأساليب *** مـن يفعـل المعـروف يـلـقـا بـديـلـه ترفع لك البيضاء بعالي المراقـيـب *** يا كاسـب الطـولـه وهـي تستـويـلـه انا اشهد ان الطيب دربه مصاعيب *** الا عـلى قـرم الـرجـال ومـثـيـلـــــه يوم أن بعض الناس شكاك ومريب *** مـا نـال مـن فعـل المـراجل حصيله اللاّش لـو هـو مـن أدنين الأقاريب *** وقـت الـلّـزم مـا فـاد مـن يلتجـيلـه واقـبـل تحيـاتي وشكـري وترحيب *** اعـداد مـا هـل المطـر من مخـيـلـه وقال عبدالكريم بن عايد الرويلي : هـلا يـا أبـو مشعـل وربـي يـحـيـيـك *** تــحــيــة اقــولـهــا الــفـيــن مــرّه اعـداد ما سارت عـلى القاع رجليك *** واعـدد نـجـوم بالسمـاء والـمـجـره حيثك عريب الساس مافيك تشكيك *** أبـن الـكـرام الـلـي صـديـقـك تـسـرّه من حيث بالطولات تعرف مماشيك *** الطيب يا أهـل الطيـب عـندك مـقـرّه نطلب عسى الرحمن يقهر معاديك *** مـن عـزوة تسقي الـعـدا كـاس مـرّه تاريخـكـم عـنـه أكثـر الناس تنبيك *** تـوفـون الـيـا مـن الـعـدو زاد شّــره حـريـبـكـم ياقـع بشبـك الشرابـيـك *** مــالــه جــدا لـغــيــر جـيـبـه يــقــرّه كم فارس مذبـوح عـنـد المداريـك *** وكـم شـيـخ قـوم بـالـقـهـر زاد حــرّه ومن الأخوه الذين يراسلوني دون سابق معرفة الأخ محمد الناصر قال هذه القصيدة يسند على عبدالله بن دهيمش بن عبار : يالـلـه يامـعـبـود ياعـالـم الـغـيـب *** ياقـاسـم الارزاق لـكـل سـايـل ياخالـق الـدنيـا بـنـظـام وتـرتـيـب *** من دور ادم والعصور الاويل من بعد ذا نكتب من الشعرماجيب *** سر ياقلم اكتب جديد الرسايل لابن عبار القرم راعي المواجيب *** يامـرحـبـا حيـاك يـانسل وايل متـوجـهـا لـك يا فنار المشهايـب *** غيرك يابن عبارمامن صمايل حنا عيال وايل عاليين المراقيب *** من تركي الهذال وافي الخصايل من نسل العمارات مافيه تكذيـب *** وعـندي على هذا رسوم ودلايل تركي مـضالـه بالفعايل تجاريـب *** وعياله الشجعان فوق الاصايل افعالنـا بالطيـب شـرق وتغـريـب *** قـروم تـركـي كـاسبين النـفـايـل اخـوان رية ما نهاب المساريـب *** لا صـار بالفرسان عـدل ومايـل ملكادنا يشبع به النسر والـذيـب *** نصيد السمينة ما نصيد الهزايل حـنـا مـن وايل بـن عـم وقـريـب *** بالعـلـم والتعـليـم نلنـا حصـايـل وقتنا يابن هـذال صـار للاجانيب *** انا اشهد انك زير ماضي الفعايل ان غاب ابن هذال له ذكر مايغيب *** عشيـرة التـركي كـبـار الحمايـل حنـا يابن عـبـار مـن زمـل امنيب *** وأنت الذي تفهم أنساب القبايل شيوخـنـا الهـذال أهـل المـواجيـب *** ومن اصلكم يا عريبين السلايل وصـلاة ربـي عـد ماكـان بالغـيـب *** عـلـى نـبي مـرسلـن بالفضايـل |
| الساعة الآن 07:48 PM. |
Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd