موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

وفاة العميد أنور بن طلب

أنتقل إلى رحمة الله تعالى العميد انور بن طلب الصخيري المصلوخي مدير شرطة النسيم سابقاً ومدير شرطة القريات سابقاً رحمه الله وأسكنه فسيح جنّاته وهذا الرجل من حمائل قبيلة المصاليخ ومن عظماء الرجال ومن نوادر رجال عنزة وقد خدم دينه ومليكة ووطنه بأخلاص وهو فقيدة على الوطن وعلى قبيلة عنزة لما له من مواقف مشرّفة وهو محبوب عند كل من يعرفه نسأل الله له الرحمة والمغفرة والعزاء لأخوانه وأنجالة وإلى حمائل الصخيري وقبيلة المصاليخ ومن ذكرياته رحمه الله سبق وأن أثنيت عليه بهذه القصيدة حيث له مواقف معي :

قال عبدالله بن دهيمش العبار هذه القصيدة يثني على سعادة العميد أنور بن طلب الصخيري المصلوخي أبو خالد صاحب المواقف المشرفه :

نـويـت أبـوح بـمـا يـكـنّـه ضمـيـري *** وأثني على اللي سيرته خير سيره
أنـور ابـن طـلـب حـفـيـد الصخيـري *** الـنـادر الـلـي مـن كـرام الـعـشيـره
لـه طـبـع بافـعـال الـمكـارم جـديـري *** شهم وبشوش وبـه حميه وغـيـره
حيـث بقـطـاع الأمـن عـيّـن مـديـري *** الـلـه مـن اشـرور الخلايق يجيـره
الـقـرم أبـو خـالــد مـقـامـه كـبـيـري *** رقـي عـميـد وفـيـه فهـم وبصيـره
أنـور حـلـيـم وبـالـقـضـايـا خـبـيـري *** يـحـل صـعـبـات الأمـور الـعسيـره
مـن جـاه ناصي لـه عوين ونصيري *** شـرواه يـذخـر بـالـلّـوازم ذخـيـره
فضلـه عـلـي ولـه جـمـايـل بـغـيـري *** والـيـا بـدأ عـنـدي لـزوم استشيره
وقف معي وأوصى الزميل المطيري *** خالـد من أصحاب الوجيه السفيره
للطّيـب يسـعى وللـردّى مـا يسيـري *** الـعـاقـل الـطـاهـر نـقـي الـسـريـره
مـن طـاب يـبـقى للـرفـاقـه سفيـري *** ويجهـد لحـل عـقـود حبـل الجريـره
من يحتـري سعـيـه يجـيـه البشيري *** يفـزع مع الـلي ما بجـرمـه معيـره
ماهو من الـلي عـن لـزومـه ينيـري *** يفـداه الـلي ما ترجي الناس خيـره
نسـل الكريـم الـلي لضيفه عشيـري *** والجـار كـنـه فـي حـلالـه خـشـيـره
جـده قـوي البـاس عـلـمـه شهيـري *** فـيـاض يـذكـر لـلـمـعـادي نـحـيـره
هـو الشجـاع الـلي لـربـعـه أمـيـري *** الفـارس الـمـقـدام عـز الـقـصـيـره
كالحيد يـذري عـن سموم الهجيـري *** يفـرح بـه الـلي شـح زاده ومـيـره
من ساس عـزوة بالـزمان الخطيري *** أولاد حـسـن يـنـطحـون المـغـيـره
نـالـوا فـخـرهـم بالحسام الشطيـري *** بسيـوفـهـم يـرعـون فـي كـل ديـره
وأن كـان جاهم من عـداهم نـذيـري *** حـريـبـهـم دوم الهـزيـمـه مـصيـره
زبـن الـدخيـل وفـزعـة المستجيري *** يـوم القبـايـل بـيـن نـصـر وكسيـره