تراثنا يحتاج ياناس تفعيل - - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

03-15-2013, 11:17 AM

أثنين صعبات(ن) بوجه الرجاجيـل**وقليل من يسعـى بسعيـه وصلهـن

(الطيب) ( والفرسَه) على شرد الخيل**ياقل مـن يثبـت عليهـن عملهـن

ياسهلـن بالقـول فـي المساهـيـل**وياكبرهن للـي كفـو مـن أهلـن

ومن لاحملهن ماشرب دلـة الهيـل**وثقال قل مـن الرجـال احتملهـن

يبي لهن من يرتكـي كنـه شعيـل**جمل المحامل بالصعايـب فحلهـن

الطيب صبر ٍ في نهـار الغرابيـل**وراع الجمايـل مثمـرات بنخلهـن

والفـارس لربعـه ذخـر بالمقابيـل**عوق العديم اذا المضـارب دخلهـن

اليـا تلاقـو بالسيـوف المصاقيـل**البيض ينخن بالنصـر هـو أملهـن

السيف يصـرخ والنشامـا مذاهيـل**واذواد ربعه مـن اعـداه انتشلهـن

أثنيـن صعبـات ٍ كبـار ومهاويـل**كم جاهلـن يجهـل بجهلـه جهلـن

ذكرتهن في مامضى سالـف الجيـل**والا زمـان اليـوم ماهـو زمنهـن

اليـوم دبابـه وحـرب الاصاطيـل**وخمسة عشر أف ٍ نشاهـد دخنهـن

ولاء زمان الخيـل مـع المخاليـل**عصر الحضـاره والتقـدم دفنهـن

عصر التطور غير الحـال تحويـل**وعيالنا بعـض العوايـد حضنهـن

يلبس فرنجي مشيته ميل فـي ميـل**وعوايداً تجلـب لنـا مـن درهـن

وتراثنـا يحتـاج يانـاس تفعـيـل**بعض الشباب اليـوم بـدل بدلهـن

نشوف شوف العين ماهـي أقاويـل**بالمجتمـع فاحـت روايـح نتهـن

الغـرب سلمـه جابينـه محاصيـل**ياليت مـن فكَـر افكـاره وزنهـن

هذا فكر مـدروس ماهـي تماثيـل**هـذا البـلا بنفوسنـا هـو غبنهـن

أكبـر خطـر تقليدهـم يالمهابيـل**ملبوسهـم تلبـس وتدفـع ثمنـهـن

لبس الافرنجي دون حاجه مخاجيـل**يالـي تباهـا ماهـو هـذا وطنهـن