الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الشعر الشعبي المكتوب
الشعر الشعبي المكتوب خاص بالشعر الشعبي لقبائل ربيعه
 

إضافة رد
 
   
أدوات الموضوع انواع عرض الموضوع
 
قديم 01-26-2012, 10:55 PM   #1
عضو منتديات العبار
 
تاريخ التسجيل: Jan 2012
المشاركات: 137
افتراضي حنا أكلب (ن) في الرخا والا على (الشده)

السلام عليكم ..


أخوتي حياكم الله جميعا يسرني هنا أن أشارك بقصيدة للشاعر سعيد ابن مقبل المنيعي الاكلبي تطرق فيها للتعريف بخصال أكلب وبعضا من شمائلهم آمل أن تحوزعلى رضاكم ..

لامن كل(ن) تفاخر في نسب جده
رقيت روس الجبال الشم طرباني

ولامن كل(ن) تنومس من فعل بده
جيت أول الناس مانيب آجي الثاني

حنا أكلب (ن) في الرخا ولا على الشدّه

قبايل(ن) في اللوازم تقضي الشاني

رجّالنا لو ضروف الوقت تحتده

ماتنهزع هامته ذل(ن) وحقراني

وتاريخنا في الكرامة فايح(ن) ندّه

من عصر نوح(ن) إلى مايفني الفاني

والراية اللي لها لنظار منلدة

حنا لها بالوفا ربع (ن) وخلاني

وتامن بنا ديرة (ن) ماهيب منضدَّه

مادام فيها إعيال ( كليب سكاني )

كم راح لعيونها غمر(ن) على عدِّه

لين أثمرت عقبهم ورد(ن) وريحاني

وكم عايل(ن) دونها وسمه على خدِّه

وسم(ن) يسولف به القاصي مع الداني


وكم طامع (ن) جاء يبيها بايح(ن) سدِّه

ردوه منها وهو جايع وظمياني

يوم الجهل في القبايل واصل (ن) حدِّه
والناس تصبح على غزو(ن) وقيماني

يمسي فقير(ن) وباب الجوع ماسدِّه

ويصبح غني (ن) معه مال (ن) وحيلاني

حنا لها يوم كل (ن) فعله يعده

لاثار من دونها عج (ن) ودخاني

مانقبل الضيم والماخوذ نرتدِّه

ويعوِّد المعتدي حافي وعرياني

والضيف نحفظ مواجيبه ونعتدِّه

راعي محل (ن) وحنا منه ضيفاني

يلقى تراحيبنا اللي كيف ماودِّه

ترحيبة الطيب لأهل الطيب عنواني

ونحط له حايل(ن) في الصحن ممتده

كرا مة الضيف من ذربين ليماني

والجار نطلب رضاه ونشتري ودِّه

الجار عند أكلب (ن) ماهوب يِنهاني
يعيش من بيننا وامن على كدِّه

وصية (ن) للنبي في خير الأدياني

واليا زبنا الدِّخيل همومه تفدِّه

نحول بينه وبين الذِّيب سرحاني

بالهيبة اللي تفك الضِّد من ضدِّه

وسلومنا اللي على حق (ن) وبرهاني

يع




مع إحترامي وإجلالي لإبن عمي الشاعر القدير الذرب سعيد بن مقبل المنيعي إلا أني أخالفه في نسب أكلب إلى تغلب وتلك وجهة نظر شخصيه
ابن بريم الأكلبي غير متواجد حالياً   رد مع اقتباس
قديم 01-27-2012, 03:50 AM   #2
شاعر
 
تاريخ التسجيل: Jul 2010
المشاركات: 667
افتراضي

صح لسانه وسلمت على نقل القصيدة الفاخرة ويستاهلونها قبيلة أكلب وهي تستوي بهم وبافعالهم ...

أما بالنسبة للفخر وقول الشاعر عيال كليب فهذا جائز لأنه من ربيعة وتغلب من ربيعة والجميع أبناء عمومة ويحق للشاعر يفتخر بالجذم ولوا بعد ...

قصيدة وافيه وهّاجة صح لسانه ولافض فوهــ ....
الرجال العنزي غير متواجد حالياً   رد مع اقتباس
قديم 01-27-2012, 11:46 AM   #3
المراقب العام
 
تاريخ التسجيل: Nov 2010
المشاركات: 605
افتراضي

بن بريم

سلمت أناملك على نقل القصيده الأكثر من رائعه
وصح لسان شاعرها ونعم فيه وفيك وفي قبيلة
أكلب العزيزه ونعم الرجال



تحايا
__________________

نقره لعرض الصورة في صفحة مستقلة
حمد الضوّي متواجد حالياً   رد مع اقتباس
قديم 01-27-2012, 08:17 PM   #4
فئه صاحب الموقع
 
تاريخ التسجيل: Aug 2008
المشاركات: 1,538
افتراضي

أنعم وأكرم بكم بني العمومة والفخر كله بكم أينما كنتم يا بني ربيعة..

وذكرتنا بملحمة مؤرخ قبائل ربيعة حينما قال حفظه الله وأمد بعمره



أبدي باسمك يالخلاق =وأطلـب يسرك والأوفـاق
يا من لعبـــاده رزاق= يا رفاع السماوات‏
يا عالـم غــيب الأسـرار=نطلبك العـفـو من النـار
تكـفـينا شـر الأشـرار=وبك نعوذ من السيات
يامن بيديك الأسبـاب=يـا الله تـكفينـا العـذاب
وتـلهـمـنـا رشـد الصـواب=نستغفرك من الزلات
ومن بعد ذكر المعبـود=بــديـت بـهـرج مـاكـود
عن الحاضـر والماجـود=وعن ذكر المجد اللي فات
اللي عن وايـل نشـاد=نشرح له ماضي الأمجــاد
يـنظـر تـاريخ الأجـداد=من قديم مسجلات
ربيعـة عقـب إسماعيل= نسـل إبراهـيم الخـلـيـل
بـالـزبـور وبـالإنــجـيـل=وبالقرآن وبالتورات
سلسلت أنساب الويلان=خـلفـة نزار أهل الشان
من معـد خلفـة عدنـان=من سام ونوح سلالات
تغـلب وبكـــر و عـنـاز=قـوم صليـبـة وأعـزاز
يشـهـد ذي قــار وخـزاز=صدق والتاريخ اثبات
تاريـخ مابـه تشكيـك=عـنـه المسعـودي يـدريـك
والأصفـهـاني يعـطيـك=عن ربيعة معلومات ‏


ننتظر بكل عز وفخر وشرف مآثركم القديمة والجديدة بني العمومة
وصح لسانك ولسان قائل هذه القصيدة التي فيها الشبه الكثير فيما قيل ويقال من أبناء ربيعة فالنفس والروح والهمة واحدة ومتشابهه ولا تختلف والعز والفخار واحد أينما كانوا في مشرق الأرض أو مغاربها ..
محمد بن دوهان متواجد حالياً   رد مع اقتباس
قديم 01-28-2012, 07:09 AM   #5
صاحب الموقع
 
تاريخ التسجيل: Mar 2008
المشاركات: 10,236
افتراضي

الأخ أبن بريم شكراً على أيراد هذه القصيدة الفخرية بقبيلة أكلب العريقة وسبق وأن كانت لي مساجلات مع الشاعر سعيّد بن محمد بن ثنيان الجبيراني الأكلبي وقد ضمنتها كتابي ديوان الوائلي وسوف أنشر هذه القصائد :

( القصيدة الأولى )


*- وهذه القصيدة قالها الشاعر سعيّد بن محمد بن ثنيان الجبيراني الأكلبي يسند على عبدالله بن دهيمش بن عبار الفدعاني العنزي:
سـر يـا قـلم وأكتـب تحـيـة ومـقـدار --- مثـل العسل تـبـري سقـام العــلايـل
تـحـيـة مـن الأكـلـبـي لأبـن عــبـــّار --- عبدالله المعـروف وافـي الخصايـل
أبـن دهيمش مكـرم الضيف والجـار --- يا عـسى تـفـداه العـفـون البخـايـل
الـلي عـن الماجوب يبـدون الأعـذار --- ولا يـبـاعـد شـورهـم بـالـحـلايـــل
أبـن دهيمش مـن عـزيـزين الأذكـار --- حـيثـه تـرفـع عـن دروب الـرذايـل
مـن ساس لابـة تلطم الخصم لا جار --- فـي مـرهـفـات مصقـلات السـلايـل
شجعـان بالفـرسة طويليـن الأشبـار --- فـدعـان مـا فـيـهـم مـلـفـق دخـايـل
فدعان من وايل لهـم صيت وأخبـار --- يـا نـعـم والـلـه يـا سـلالات وايــــل
شجـرة بني وايل من خيار الأشجار --- تـفـرعـت مـنـهـا شـيـوخ الـقـبـايـل
مـنهـا مـلـوك المملكـة هـيبـة الـدار --- حـكـام نـجـد مـطـوعـت كـل عـايــل
غيث عـلى الصاحب وشرٍ للأشـرار --- ولا خـيـر فـي هـرج بـلـيـا دلايـــــل
الـلي لهـم في منهج الطيب مشـوار --- فـي كـل مـوقـف يـاخـذون الأوايــل
الشرح واجـد فـي طويلين الأعمـار --- مـا قــلـت مـنـه الا رمـوز قـلايـــــل
وايـل ومـن وايـل صنـاديـد وأكـبـار --- مـا ينحـصي تـعـدادهـم بـالـوسـايـل
جمـيع فارس بالمواقـف لـه أنصـار --- منهـم وفـيهـم والـفـخـر بالـكـمـايـل
أنـسـابـهـم متسلسلـه بيـن الأقـطـار --- وتـاريـخـهـم مـثـل الجبـال الثقـايـل
والشعـر من شعار وايـل بالأحضـار --- رغـم الـتـبـاعـد مـا تـغـيـّر فصـايـل
ما صار في الأنساب والأصل تغيـار --- مـتـمـاسـكـيـن بـالأسـر والـعــوايـل
حتى الوسوم اللي بهاجراف وهجار --- الـلـي تـفـّرق بـيـن كـل الـرحــايــل
حـصـلـتـهـا بـمـولـفـات ابـن عــبـار --- يشكـر عـلى جهـده وكـل الحصايـل
وحـنـا لـنـا فيكـم عـلاقـات وأشعــار --- أكلب بني تغـلـب ومـن نسـل وايـل
ربعي بني تغلب هـل الصيت والكـار --- أهـل الوفى والطيب وأهل الجمايـل
عـادات ربعي تكـرم الضيف والجـار --- من غيـر نقص فـي عيال الحمايـل
تغـلـب لـهـم تـاريخ يـلفـت للأنـظـار --- أكـلـب بـني تـغــلـب وللـقـول قـايـل
مـنـا كـلـيــب مـولـع الـنـار بـالـنــار --- الـلي عـلى الأعـداء يشـب الملايـل
ومـنـا مهلهـل قـايـد الـحـرب لا ثـار --- الـزيــر ركـاب الـمـهــار الأصـايــل
ومـنـا السفـاح التغلبي نمـر الأنمـار --- وأبـو فـراس اللي يحوش النفـايـل
وعمروا ابن كلثوم في رجم الأشوار --- فـعـلـه يطـوّل مـن يـدور الطـوايـل
قضى على ابن هند ما هاب الأخطار --- جـبـار مـا ضاقـت عـليـه المحـايـل
أفعـال تغـلب كادنـي حصرهـا أكثـار --- لا شـك مـا هـي تـنحصي بالمثـايـل
والشرح بعلوم الفخر ما بهـا أنكـار --- ولا نيب فـي مـا قـلت بالحـق مـايـل
نفخـر بالأنسـاب الكريمـة والأذكـار --- ونفخـر بمـن ينسب جـدوده بـوايـل
ورجالنـا مـا هـو عـلى الغبن صبّـار --- وحـريـبـنـا نـوفـيـه صـاع المكـايـل
والـجـار نـسمح لـه ولـو كـان بـّوار --- ولا نـطــالـع غــرتــه بــالـدغــايــل
والعـاني الـلي يشتـكي لاهـب الحـار --- عـن كاهلـه شلنـا الحمـول الثقايـل
الطيب مثل الساس يبنا على احجار --- وبـيـت بـلـيـا سـاس يصبح دحـايـل
والحمـد لـلـه ساسنا صلـب وأجـدار --- قـمـة جبـل مـا بيـن صنعـا وحـايـل
وراس الجبل ما يدهله غير الأحرار --- وايـل ومن جـاء من سلالات وايـل
واختامهـا سجـلـت منظـوم الأشعـار --- وصلوا على من جاب كل الفضايـل
على الرسول المصطفى خير مختار --- نبـيـنـا الـلي جـاب خـيـر الـرسـايـل

* قال عبدالله بن دهيمش بن عبار الفدعاني العنزي هذه القصيدة رداً على الشاعر سعيّد بن محمد بن ثنيان الجبيراني الأكلبي حيث ورد في قصيدته أنتساب قبيلة أكلب إلى بني تغلب حسب أعتقاد العوام والصحيح أن أكلب بن ربيعة بن نزار بينما تغلب من أحفاد جديلة بن أسد بن ربيعة أخي أكلب
بـديـت في عـلام ما تخـفي الأسـرار --- محـيي العظـام الـلي عليهـا النثايـل
أدعـيه باسمه خالـقي سـر وأجهـار --- وأعـوذ بـه عـن كـايـدات الـهـوايـل
الـواحـد الـرحـمـن لـلـذنـب غــفـّـار --- يعـتـق عـبـاده مـن لـهيـب المـلايـل
مـولاي رفـّاع السمـاء سبعـة أدوار --- ملكـه يدوم ومـا عـلى الكـون زايـل
باسمه بديت وهاض مكنون الأفكار --- وكتبـت مـن نظـم القـريحـة فـوايـل
أحضرت أنا نوت الطلاحي والأحبار --- وأقـلام درزن بيـن ناشـف وسـايـل
وعلى صفاح البوك سجلت الأسطار --- وضحـت مـا خـط القـلم بالسجـايـل
فـاض القريض بخاطري تقـل فـّوار --- مـن ريهجـان القـاف ما هو ثمـايـل
نكـتـب جـواب الأكـلبي رد الأشـعـار --- جـاني من سعـيّـد خطـوط ورسايـل
حي الكتاب وحي من جـاب الأخبـار --- فـلاح جـانـي بـالـعـلـوم الـصـمـايـل
طـرايــفٍ مـا هـي هـذاريـم ثـرثـــار --- مـن شـاعـرٍ مـبـداه يشفـي الغلايـل
أبـن مـحـمـد ريــف مــن جـاه زوار --- زاكي الجنـاب وساعـده دوم طـايـل
تسلـم يـمـيـن الأكـلـبي حـر الأوكـار --- يعـتـز بانـسـاب الـعـرب والسـلايـل
لا هـنـت يالـلي فـي قـرايـبـك فـخـّار --- تـفـخـر بـتغـلـب ثـم تـفـخـر بـوايـل
عرفت ساسك ما أنت بالقص محتار --- قـولـك جـواب لـكـل ناشـد وسـايـل
خـلـفـة ربـيـعـة مـن صماصيم نـزار --- مبـطي فخـركـم بالسنين السمـايـل
أمجـادكـم تـرفـع عـلى قـمـة الـطـار --- بيشـة حـميتـوا ضلعـهـا والمسايـل
لـكـم بـواديـهـا مـغـاريـس وأبــيــار --- مـبـطي حـمـيتـوهـا بـحـد السـلايـل
تاريخكـم مثـل العـلـم فـوق الأسـوار --- يـزمي بروس الشامخات الطوايـل
وحـنا رعينا من وراء ضلع سنجـار --- وفـي ديـرة الشنبل حمينـا المكايـل
نـرعـا من الحـرة إلـى ديـرة انشـار --- نرعـابها بحـدب السيوف الصقايـل
مـن صلـب لابـة هـابـهـم كـل جـبـّار --- عـنـاز مـا نـخـتـار عـنهــم بــدايــل
ترعى بهـم وقت الخطر كـل معطـار --- يـوم الـبـوادي بيـن صايـل وجـايـل
تـلقـا ضنـا عـنـاز في كـل الأمصـار --- لهم الفخـر موروث مـا هـو هوايـل
نجمع شتات جذوعهم بس باشجـار --- دلـيـل لـلـي فـي نـسـبـهـم جـهـايــل
لـو يطعنون بجهـدنـا بعـض الأنفـار --- اهـل الـعـزوم الـفـاتـرات الـهـزايـل
نجـهـد ولا مقصـودنـا كسـب ديـنـار --- ولا نـلـتـفـت لـمـولـعـيـن الـفـتـايـل
شكرتنـا وأهـدي لـك الشكـر تـكـرار --- يـفـدونـك الـلي يـفـتـقـون الخـلايـل
والنـاس كلـن لـه بمـا شـاف منظـار --- بـالـنـاس دق وفـيـه مـنهـم جلايـل
وبالناس من هـو مروغـاني ومكـّار --- تمضي حـيـاتـه بالـدجـل والختـايـل
وبـعـض الـخـلايـق للـمثـالـيــم دوّار --- يبغـون تخـجيـل البشـر بالـفشـايـل
الـلـه يـعـيـذك مـن نـكـد كــل غـــّدار --- ومشكور سعـيـك يا كريـم السبايـل
قـريـت منظـومـك تـقـل قطـف نـّوار --- مثـل النفـل وسط الفياض الخمايـل
قافـك بقي عنـدي عـلى الدوم تذكـار --- والشاهـد الـله مـا بـقـولـك هـزايـل
شـرواك لـه عنـدي حشيمة وتعبـار --- والـلـه مـا قـلـتـه مـرامـي تحــايــل
ولا القـرابـه مـا بـهـا قـول شبـشـار --- أكـلـب ربـيـعـة مكـرمـيـن الـنـزايـل
مبطـي قـرابـتـنـا لهـا رسـوم وآثـار --- عـزوة ربـيعـة مـن كبـار الـقـبـايـل
يـوم الـرقـيـبـة فـوق خـزاز سـبّــار --- يـثـنـون دون الـلي تقـض الجـدايـل
يـوم الزعيم التغـلبي فـي معـد سـار --- حـطـم عــدوه وأنـدحـر كـل عـايــل
أنشد هل التاريخ بالفعل وش صـار --- يعـطيـك منـطـوق العـلـوم الـذبـايـل
والخاتمة صلـوا عـلى سيـد الأبـرار --- شـفـيـعـنـا عـن حـر لـفح الـقـوايـل

التعديل الأخير تم بواسطة عبدالله بن عبار ; 01-28-2012 الساعة 03:52 PM
عبدالله بن عبار متواجد حالياً   رد مع اقتباس
قديم 01-28-2012, 07:15 AM   #6
صاحب الموقع
 
تاريخ التسجيل: Mar 2008
المشاركات: 10,236
افتراضي

( القصيدة الثانية )

* وقال الشاعر سعيّد بن محمد بن ثنيان الجبيراني الأكلبي هذه القصيدة يسند على عبدالله بن دهيمش بن عبار الفدعاني العنزي:
يا الـلـه يـا الـلي كـل مؤمـن يسـالـه --- يـا واحـد بـأيـده حـلـول الـتعــاقـيـد
هـات القـلم يـا سعيـد بكتـب رسـالـه --- سلام سالـم مـن جـمـيع الـمنـاقـيـد
خصـه لراعـي المرجلـه والشـكـالـه --- كسـاب قولـت نـعـم بيـن الأجـاويـد
عـبـد الـلـه اللي كـل مجهـود طـالـه --- رغـم عـلى الأنـذال غـبـر المقاعيـد
بـلـغ سلامـي لـه وقـل كـيـف حـالـه --- ثـم قـدم التـقـديـر والشكـر تـمجـيـد
قــرم عـريـب السـاس جـده وخـالـه --- مـن راس لابـة يوصلون المواعيـد
كـم شـيـخ قـوم مـيـتـمـيـن عــيـالـه --- أيـام ضـرب الشلـف وأم الـعـبـاريـد
وأتـصبح الـعـدوان وتـشـيـل مـالــه --- ولهم عـلى روس الأعادي مهاجيـد
أهـل الشجاعـة والـكـرم والـجـزالـه --- وعـنـوانهـم بالـمجـد مافـيه تـقـليـد
راس العرب وأصل العرب لا محاله --- مذكور بالتاريـخ مـن قبـل أبـو زيـد
ضلـع مـنيـف ومـن زبـنـه أرتـكالـه --- يزبن بـه الخايف ويزبن بـه الصيـد
الشـرح فـيـهـم مـا تقـصـر حـبـالــه --- وأفعالهم مـن فـوق ما قـلت وتزيـد
مـن صـلـب عـنـاز ولـلطيـب نـالــه --- يـوم القبايـل بـيـن صـدر ومـواريـد
ومـن بعدهـا بشـرح صميم المساله --- توضيح عـن وضعـي نعـده بـتأكيـد
لبـن دهيـمـش طـوّل الـلـه مـهـالــه --- ريف الضيوف ومنبع الجيـد للجيـد
يا سعـد مـن جـاء بالمحـل وعنـالـه --- لا بـركت حـمـر الحـضـانـا مسانـيـد
قـلـه سـعـيّـد فـي زمـانـه مـيـالـــــه --- والضيف ما يقـلط على غير تسنيـد
الرجـل تعرف حـاجتـه مـن سـؤآلـه --- واليـوم أوكـد لـك بـجــدٍ وتـجــديــد
أسـنـدت لـك حـمـل ثـقـيـل مـشـالــه --- حـملي ثـقـيـل ولا تـشيلـه مفـاريـد
وأنـت الـجمـل شيـال حمـل الثـقالـه --- لا بـركـت سـود الكـتـوف الملاهـيـد
يا أبن دهيمش صـار بالحـال حـالـه --- لا عـاد بـه فـزعـه ولا بـه منـاجـيـد
أخـوك يـنـشـد كـل نـجـم بــدالــــــه --- وعـيـت تـعـلـمـه النجـوم المشاهيـد
الـوضع يـا مشكـاي تهـدر أجمـالـه --- واجمـالـنـا لـو كـان تـهـدر مقـايـيـد
الوضـع يـا مشكـاي وسـع مـجـالـه --- وأرمـي وأنـا شاطـر ولكن ما صيـد
اللـؤ لـؤ والـمـرجـان دونـه ظـلالـه --- مـوج البحر دونه وأنا وصلي بعيـد
الليـل لا أظلـم يستـحي مـن ضلالـه --- الـلـه يجيـرك مـن شبوك المصاييـد
الـعـلـم جـاك بـمـيـلـتـه وأعـتـدالــه --- والكـفـو مثلـك عـارف بالمـقـاصيـد
أخـتـرتـكـم مـن بـيـن نجـد وتـبـالـه --- خيـرت ثقه يا القرم والعذر ما أيفيد
نـاصيك وأبـغـي وقفتـك فـي عـداله --- حيـث أن مـا للمشكلـه غيـركم سيـد
والـحـل عـندك نـقضـتـه وأنـفـتـالـه --- وأنـت الـذي عنـدك مفاتيح كـل أيـد
أشكي عليك الحـال حسب الـزمـالـه --- مـن وقـتي الـلي هـدد الحيل تهديـد
الـكـفـو نـشـكي لـه ونسـمع مقـالـه --- وقتي وقف لي في جميع المراصيد
ولا تـؤاخـذني بـحـرص وجـهــالــه --- ولا تـؤاخــذنـي بـكـثـر الـتـنـاشـيــد
وصـلاة ربـي عـد مـنـشـي خـيـالـه --- عـلى رسـول مـن تـقـدا بـه أسعـيـد
* قال عبدالله بن دهيمش بن عبار العنزي هذه القصيدة رداً على سعيد بن محمد الأكلبي :
سـمـيـت بسـم الـلـه عزيـز الجلالـه --- الـواحـد الـلي يبـدي الخلـق وأيعيـد
شـم الحيـود أرسى شـوامـخ جبالـه --- ومـد الـفيافـي والسهـول السماهيـد
وانـشى الغمـام الـلي تـزبـّر خـيـالـه --- بـرقه ينوض ويرزمن بـه رواعيـد
مـن غيـث هملولـه تفيض الدحـالـه --- ويملأ الخباري والحوايا المصاميـد
ويـرتـاح بـال الـلـي يـنـمـي حلالــه --- حـزت يشوف الروض كنه سجاجيد
هـو الـذي رزق الـمـلأ مـن نــوالــه --- نستـغـفـره ونـوحـد الـرب تـوحـيـد
ومـن بعـد ذكـر الـلـه كتبـت المقالـه --- سجلت من نظمي جواب القواصيـد
جـانـي جـواب الأكـلبـي طـاب فـالـه --- الـلـه يجـيـره مـن جـميع التـنـاكيـد
الـشاعـر الـلي كـل شـعـره جـزالــه --- بأولاد وايـل يـبـذل المـدح وأيـشيـد
يـمـدح بـنـي وايـل ويـذكـر أفـعـالـه --- يـوم السيوف ويوم عصر البواريـد
من عـزوة أكلب طيّب الـلـه أعمالـه --- صفـوة ربـيعـه حـافـظين التـقـالـيـد
أكلـب إلـى ركـب الـرشـا بـالمحـالـه --- وقـت اللقـاء ضـد العصاة الملاحيـد
أكـلـب ربـيـعـة مـا بساسـه جـهـالـه --- تاريخهـم واضح مثـل شامخ الحيـد
سـاس الكـرم والمرجـلـه والبسـالـه --- ويـكـبـدون الخـصـم بالكـون تكبيـد
يـا مسنـدي جـاك الجـواب بعـجـالـه --- نكتـب مـرد القـاف مـن دون ترديـد
قـبـل الفكـر يـا القـرم تكثر أشغـالـه --- الـوقـت يـمضي والليـالـي سـراميـد
شكيت لـي شكوى صعيـب أحتمـالـه --- ونصيتني دون العرب خص تـفـنيد
تـرى زمـيـلـك مـا زلـه مـن شكـالـه --- ما يذخـر الواجب ويـدي المجاهيـد
وده يـحـوش الـغـانـمـه والجـمـالـه --- وأن مـا تمكـن مـا تفـيـد التـواجـيـد
عـزّاه لـسـعــيّـد مـن الـلـي جـرالــه --- ما جت لـه الدنيا على كيف ما يريد
وش يعمـل الـلي قـدرتــه قـد حـالـه --- حاول ينوض ولا حصل له مجاويـد
يـا سـعـيـّد الـطـيّـب الـيـا قـل مـالــه --- عـن واجبـه مجبـور ياخـذ تصاديـد
الحيص لو يقـدر عـلى الحمل شالـه --- لاشـك نـخــنّـه لـيـالـي جــويــريــد
حيـص الجـمال إلـى ثـوى عـزتـالـه --- يـبـرك ولـوهـم ثـوروه بـعــوامـيــد
مهـمـا أعـلفوه مـن الـدرابي كعـالـه --- إلـى بـاد حيلـه مـا تـفـيـده لهـاميـد
والـلي عجـز ما أظـن حملـه قـوالـه --- والـيا تضجـر يفـرحـون الحواسيـد
أن جـاد تقـصر مونـتـه عـن عـيالـه --- وأن أعتـذر يخشى ملامة وتسويـد
ولا كـل مـن يبحـث عـن العـز نـالـه --- درب المـراجـل حـال دونـه لـواديـد
والحـل تصعـب نقـضتـه وأنـفـتـالـه --- ويا ليت لـو عنـدي مفاتيح كـل أيـد
لاشـك مـن دون الـمـقـاصـد قـفـالـه --- من دونها أسوار القصور المشاييد
ومن طـاح يا مشكاي محـد انتبالـه --- والوضع يبغي يا فتى الجود تمهـيد
بالناس مـن تقـضي لـزومـه رجالـه --- وبالناس من يسند على زيد وعبيد
ومن لـه وسايـط كـل مطلـوب جالـه --- نال الطلب بالحال مـا هـي مواعيـد
ومـن لا تـعـلـم لـلـدجـل والـحـيـالــه --- وقـلـد سلـوم الصـايـعـيـن النماريـد
مـا يـوصـل الـغـايـة ولا أحـد درالـه --- ولا جاب في جيبه تواصي وتعميـد
والـلي عـن المخلوق طال اعـتزالـه --- هـيهـات مالـه بـالشـرايـع مـواريـد
لا عـاش مـن يسلك دروب الرزالـه --- ولا خير بضعاف النفوس الرعاديـد
الـكـذب خـيـبـه والـتـصـنـع نــذالــه --- واللوم طبع أهـل الحظوظ المقاريـد
شعـر الـوسيـلة مـا نـطيـق ارتجالـه --- وعلى الحرا ما نعود النفس تعويـد
حـيـث الـذي تـأتـيـه مـنـسـاح بـالـه --- لـو تطلبه صـاب الحواجب تجاعيـد
يـقــول لـك عــم الـغـلا والـبــطـالـه --- والمال قـل وصار بالصرف ترشيـد
الـلي يـسـلـف مـا حصـل لـه ريـالـه --- والـلي تسلف مـا حصل منه تسديد
الـمـال يـا سـعـيـّد يـعـز الـثـعــالــه --- والـفـقـر يا سعـيـّد يـذل الـصنـاديـــد
هـذا تـخـيـّر مـن حـفـيـز الـوكـالـــه --- وهـذاك مـا حـصـل قـرنـبع تقاصيـد
والـرزق وهـبـه مـا يجـي بالختـالـه --- وربـك رزق حتى الـطيور الملابيـد
والـلـي عـلـى رب الـعـبـاد أتـكـالــه --- لو مال بـه وقته عن الحق ما أيحيد
يـا سعيـّد الـواقـع عـطيتك صـمـالـه --- وعندي على قولي صحيح الأسانيد
والعـبـد لـو عـمـّر يحيـن أرتـحـالـه --- الخلق يـفـنا ولا عـلى الكون تخليد
وعلى الرسول اللي بعث بالرسالــه --- صلوا عـدد مـا غـرد الطيـر تغـريـد

التعديل الأخير تم بواسطة عبدالله بن عبار ; 01-28-2012 الساعة 03:58 PM
عبدالله بن عبار متواجد حالياً   رد مع اقتباس
قديم 01-28-2012, 07:21 AM   #7
صاحب الموقع
 
تاريخ التسجيل: Mar 2008
المشاركات: 10,236
افتراضي

( القصيدة الثالثة )


* وقال سعيّد بن محمد الأكلبي يسند على عبدالله بن عبار العنزي :
يقـول من شـال العصى والحـديـدة --- جـرّب حـيـاتـه بـيــن مـرٍ وحـالـي
صـارع حـيـاة كـل أبـوهـا زهـيـدة --- مـا فـيـه يـوم جـوهـا قـد صفـالـي
تضحـك معـي ومعـامـلتهـا فـريـده --- وأن جيت با شكيها تـلـوي حبالـي
وأن قـلت خف الحمل قامت تزيـده --- يا كـثـر صبـري للحمـول الثـقالـي
غـلـطـاتـهـا فـي كـل يـوم جـديــده --- وأصبر لها من شان حشمة عيالي
والصبـر غـلـق والمقاصـد بعـيـده --- ومن دون مقصودي دروباً طوالي
وأنا مـن الـلي مـا يحـب الـزهيـده --- نفسي لـهـا فـوق المعالـي معـالـي
في مجتمع ربعي علـومي سـديـده --- وفي المجتمع تعرف حقيقة مقالي
الهرج له عندي اسلـوب وتصيـده --- وأجـابـة الـرجـال قـد الـسـوالــــي
البـارحـة هوجست بارض بعــيـده --- فيها صديق لي مـن أهـل الشمالي
الشـاعـر الـلي كـل معــنـا يـجـيـده --- لأديـب أبـن عــبـار قـرم العـيـالـي
الـلي عـلـومـه بالمجـالس سـديـده --- يحسب حسـاب الأولـه والـتـوالـي
مـن ساس لابـة للمعـادي ضـديـده --- يمن بهم في الخوف نشر الحلالي
أهـل البـيـوت العـالـيـات المـشيـده --- ريف الضيوف ومكرميـن الدلالـي
أفـعـالـهـم بـيـن الـقـبـايـل مجـيــده --- يا نـعـم والـلـه يـا كـرام السبـالـي
سلـم عـلـيهـم عـد نـشـر الجـريـده --- وأعـداد مـا ينشر بهـا مـن مقالـي
ثـم خـص عبدالله بمعـنـا القصيـده --- وأبـلـغ تحـيـاتـي لـقـرم الـرجـالـي
يا ابن دهيمش جـاك مـني نـشيـده --- فيها ملخص عـن ظـروفي وحالي
جيتـك وأنا عـنـدي عـلـوم عـديـده --- وأبغي معك يالقرم بعـض المجالي
أشـكي عـليك من السنين العـنيـده --- من ظلمها ما اشوف نور الهلالـي
قصـدي توجهـني عـلى مـا تريـده --- حيثك تعرف الماء القراح الزلالـي
هذا الذي جيتـك من أجـله وأريـده --- ولا أريـد من جيبك لـو أنـه ريالـي
الـمستحـي مـثـلـك قـلـيـل رصيـده --- ولا يــشــد الا صـبـور الـجـمـالــي
وأنا من اللي صار دينـه مـن أيـده --- مـتـعـوب لأن الـمـال مالـه تـوالـي
نـتعـب ونـظـفـر بالعـلـوم المفـيـده --- والضيـف يلـقـا عندنـا كـل غـالـي
الطيـب فـي كـل المـواقـف نصيـده --- صيـد الصـقـور الحـانكـة للقتـالـي
أقـوم بـالـمـاجـوب وأتـعـب بريـده --- والرزق عـنـد الـلي عـليه أتكـالـي
الـلـي مـلازمـنـا بـحـبـلـه جـويــده --- الـلـي خـزايـن رحـمـتـه لا تـزالـي
* قال عبدالله بن عبار رداً على سعيد بن محمد بن ثنيان الأكلبي :
سميـت بسـم اللـه محـصي عبـيـده --- رب الملأ عرشه على الكون عالي
أرسـل رسولـه في صلاح العـقيـده --- يرشد ويهدي عن دروب الضلالي
نـعـوذ بـه مـن شـر خـلـقـه وكيـده --- وإبليس أخـو مـره خبيـث العمالـي
ويا راكـب الـلي محـركاتـه جـديـده --- وانيـت يعــبـأ لـلسهـل والـرمـالـي
صوت أكفـراتـه يـوم تسمع جليـده --- جلد السحايب من حقـوق الخيالـي
مـن مدلهـم الغـيـث جـلجـل رعيـده --- سـاقـه مـن المنشأ و برقـه أيلالـي
منـدوب من عـنـدي تـوجـه مـديـده --- يحمـل جـوابـي للـرفيـق المـوالـي
وجـه عـلى بـيشـه يـواصـل فـديـده --- يطوي قراشيع الوعـر والسهالـي
من العاصمة سافـر وممشاه سيـده --- مـلـفـاه لـسـعـيّـد بـعــيـد الـمـدالـي
قـرم العيـال الـلي خـصالـه حمـيـده --- الشـاعـر الـلي منهجـه باعـتـدالـي
نـشـكـرك يـا مــداح كــل الـبــديــده --- أولاد وايـــل طـيـبـيـن الـفـعــالــي
حـنـا قـرايـب والـضـمـايـر وديـــده --- وتاريخكـم بالصـدق عنكـم حكالـي
كـل الـتـواريـخ الـقـديـمـة شـهـيـده --- أنـتـم ربيعــة من عمـام وخـوالـي
عـسى تـدوم أيـام عـمـرك سـعـيـده --- أسنـدت لـي شـكـواك وأرستهالـي
وشرحـت كامـل قصتـك بالقـصيـده --- والجهد ما يذخر عـن اللي شكالـي
أرسـل لـنـا يـا مسـنـدي رقـم قـيـده --- لـعــل أحـاول كـان حـلـه هـيـالـــي
حـقـك عـلـينـا نـوصـل العـلـم ميـده --- وأن عاضبت يالقـرم دوّر بـدالـي
مـا كـل مـن يـبـي الجمـالـه يصيـده --- ومن لا لـه أول مـالـه اليـوم تالـي
وين الذي يصدق إلى أعطى وعيده --- بعض العرب يالقرم هرجه خيالي
السيـل يـنـقـع بالصـفـاة الـصـميـده --- والرمل ما يصمد لـو السيل سالي
الـزرع يـفـرق سنبـلـه من حصيـده --- وأرض الصبخ مابه لذودك مفالي
تـرى زميلـك مـا ذخـر مـن جهـيـده --- وبعض الموارد ما تطوله احبالـي
والـنـاس كـلـن فـوق متنـه نضيـده --- والكل يشكي مـن ظـروف الليـالـي
جـور الـزمـن فجـع ضمايـر زبيـده --- مـال بـولـدهـا وهـو خليفـة أوالـي
جتـه المصايب من شقيقه عضيـده --- وعقب الخلافـة هـام في دو خالـي
واليـوم مـن يـبغـي مفـاخـر تـلـيـده --- يـفـوز بالكـوره ويـكسـب مـعـالـي
ولا يـزمـجـر بـالـمـلاهـي وريـــده --- ويتقن مزاميـر الطـرب والتسالـي
تـوازنـت لأهـل العــقـول الـهـريـده --- وصارت قديمات المفاخر سمـالـي
وصلوا على اللي كل طرقه سديـده --- مرسل من المولى عزيـز الجلالـي
عبدالله بن عبار متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
ركن أكلب ابن بريم الأكلبي الشعر الشعبي المكتوب 87 07-19-2022 10:42 PM
أكلب في قلب الدول السعوديه الثلاث ابن بريم الأكلبي المقالات العلميه والبحث العلمي 5 09-25-2020 05:52 PM
قبيلة أكلب بن ربيعة موقع العبار أنساب قبائل ربيعه 32 09-20-2019 10:40 PM
هذي الصداقة والا بلاااا‎ رياض بن سالم منزل العنزي المنتدى العام 3 02-14-2010 07:25 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 07:48 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009