الشاعر عايد بن ضافي الجلوي .... رحمةالله

هـنيت من يلحـق تمانيه ياحنيف *** قبل يصير لتالي العمـر سامـوح

كافحت مع وقتـاً دروبه تعانيف *** نبي نضد الوقت والوقت مكبـوح

راحن جـديد أيامنا والعجـاريف *** وين الليال اللى بها ضحك ومزوح

الله كـريم يبدل الـوقت بالريـف *** عقب المحل يرجع للأوطان برشوح

درب السحاب اللى لمزنه رفاريف *** بخشـوم غـراً بالدجا خلت له ضوح

أن ربعت نفـودنـا والاطاريف *** والـبر زان وصار بالبر مصلـوح

من شان نرحل للطعوس المشاريف *** و الا الجلد وان صار بالذكر ممدوح

عشبه جديد وكل ماذعذع الهيـف ***ديمه اليا هب الهواء ينعش الروح

اليا اختلط عشب الدحل والقفاقيف *** ماتفرق الريضان من خضرة السوح

مـار الليالي ماعطني على الكيف *** والا ان ودي اتـرك القصر واروح

بيتـاً بله دواً تـجيه الهـذاليف *** أخـير من قصرالبرندات وسطوح

مشيك مع البيدا ومـ دالاشاويف *** مع كل درباً باب الارزاق مفتـوح

شعر. لايجيده الا العمالقه

مـار الليالي ماعطني على الكيف =والا ان ودي اتـرك القصر واروح

بيتـاً بله دواً تـجيه الهـذاليف =أخـير من قصر البرندات وسطوح

مشيك مع البيدا ومـد الاشاويف =مع كل درباً باب الارزاق مفتـوح

عزالله العزيز إنه مازل رحمة الله عليه ..
ونسأل الله أن يرد علينا السنين الزينة ويرحم الإسلام والمسلمين ويغفر ذنوبنا أجمعين ..

سلمت وغنمت أخي الكريم وبارك الله فيك ..

شكراً للأخ الرجال العنزي على نشره هذه الغرر والدرر من شعر الشاعر الكبير عايد بن ضافي الجلوي رحمه فهو شاعر وجداني وقد ذكرني بأحد قصائد القديمات عندما كنا نعشق البادية حيث منها قولي :

وجـدي عـلى السجات بـيـن الفـيافـي *** وجـدي عـلى رقـي الجبال المنيفـه
يـا زيـن مشي البـر لـو كـنـت حـافـي *** لا صار خطو الروض مثل القطيفة
بفـصل الربـيع الـلي بـه الـجـو دافـي *** بس القـطا بالـريـع تـوحـي رفـيفـه
تـلقـا الغـديـرالـلي بـه النـقـع صـافـي *** بـيـن الخـمايـل والفياض المريـفـه
مـنـازل الـبـدوان ريـف الـضـعـافـــي *** أهـل الحجـا كـلـن يـرحـب بـضيفـه

يابو رشيده ان جاك شيٍ هيالك *** انسف على الوجنا زهابك ومدلاك
ان سجت وان سوهجت وان ضاق بالك *** إبعد مراحك عن محاري مغداك
وبالك تخايل من لايخايل خيالك *** لو هو نور الشمس والا القمر ذاك
عليك بالي بالموده صفا لك *** اللي يبيع الغيض ويشري به رضاك

( انا لا اعرف صاحب هذه الابيات )

اشكركم جميعا على مروركم المشرف ... بارك الله فيكم ..

رحم الله الشاعر عايد الضافي
و
الـ1000ــف شكر لك

الرجال العنزي

وننتظر منك المزيد ..

رحم الله الشاعر / عايد الضافي الجلوي الضوي ( ابو عدوان )
رحمة واسعه وأسكنه فسيح جناته

نقل مميز
بارك الله في أخوي

الرجال العنزي
سلمت أناملك