الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر محمد سوعان الربيع
الركن الخاص بقصائد الشاعر محمد سوعان الربيع كل مايخص شعر الشاعر المبدع محمد بن سوعان
 

إضافة رد
 
   
أدوات الموضوع انواع عرض الموضوع
 
قديم 01-23-2018, 04:49 PM   #1
شاعر
 
الصورة الرمزية محمد بن سوعان الربيع
 
تاريخ التسجيل: Jun 2012
المشاركات: 592
افتراضي تاريــخ . والتـاريـخ .. مثـل الـوداعـه

ابيات ارسلها لي الاخ الشاعر الحميدي ابن صنعا الجعفري ابو عمر
وذلك اثناء حضوره معنا في حفل زواج فراج بن سالم هليل النويديس الجراح


ً سـلام ي الفـدعان بواجـت الدار = نوماس وايـل يـوم وقـت المجاعه
لكم عـلى الطايـل مكانه ومعــبار = عـوق العنيـد اللي برأسه بتاعـه
ومضايفً ماهي خـفـيه للانظار = ياهـامـت التاريخ مجــده وقاعه
عـدوكم يشرب قـراطيع الامرار = وصديقكم ماشـاف منكـم قـطاعه
زبن الدخيل اليا انعمت فيه الأبصار= في وسطكم ماهاب خصمه وراعه
عز الخوي والضيف وعزاز للجار = وعـدوكم يلـقى العـنى والشـجاعه
سـتر العــذارا يالتهب واهــج النـار= حمر النواظر للمراجل طــماعه
فعولكم ماتنحصر وســط الاســطار = مع الكـرم والجود عرف وبـراعه
واهــل العطيه مابها قـول وش صار = وكـلً عـلى ما قيـل عنده قـناعـه
الحميـدي ابــن صــنعا

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,

فررديت عليه بهذه الابيات المتواضعه اتمنى ان تحوز على اعجاب الجميع

يا مـرحبــا حـييت يا وافـي الأشـبار = يا مرحـبابـك كـل لحـظـه وساعه
يا مرحبـابـك عـد زخــات الأمطـار = وما غــرد القمري بـراس الرفـاعـه
شـرفـتـنا فـي جيـتـك سر وإجهـار= ياللـي عـلومـك كـل طــيّـب أذاعـه
نفـخر بمثـلك وانتُحـرا لــه اخبـار = حيثك من رجال الـوفـا والشجـاعـه
يابــو عمـر شـرواك فـي لابتـه بـار= يــوم البعض مالـه عليهـا اسـتطاعه
سـلـومً قـديـمه يالحميـدي لـكـم كــار= والـعٰـز. فيهـــا والفـخــر بـاتبـاعـه
ربعـك هل الجـدعا. صواريم سنجار = حمـايـة التـالي. فهــود ً اســبااعـه
جعـافـره للظـيف ريـفً مـع الجــار= عـز الخـوي في وقـت مابه سـناعـه
ربـعً لكـم بالقلـب حشـمـه ومقـدار= ونفخــر بكــم. يا ربعـنـا والجـماعُـه
حـنا لكـم وقت الصعـايب والأخطـار = وأنتم لنـا وقـت اللـزوم ودفـاعــه
أفعـالكـم ما اظـن توفـيهـا الاشـعـار= تمدح بهـا اجـواد العرب عـن قـناعه
سـعدون تـذكـر سـيرتـه عبر الادوار = تـاريـخ يـعـرب ما نـسـاه واضـاعـه
خـالـد مُخـلّـد فالضمـايـر والافـكـار = مثل القـمر يمـلا الفيافي شـٰــعـاعـه
علمه ملك. لُب البصيره والأبصـار = وكـم شيـخ قـومً شــل قـلبــه ولاعـه
وعـقــاب ســيـفً فـالـمهـمـات بتــار= ومن سطوته كم راس خفف صداعه
حٰـًٰـر تميّـز فــالنــوادر والأطــيـار = قــرمً. تـعــدا كــل مكـيـال .. صـاعـه
واليـوم صارت عبــر الايـام. تـذكار= تاريــخ . والتـاريـخ .. مثـل الـوداعـه
والحمـد. للمعبود عــلاّم. الاســرار = صارت اسـهـود امهود عقب. اللقاعه
واليــوم صرنا مـن شــماله للابحـار = ابنــا وطــن واحــد وربــع وجـماعـه
في ديــرةً يحكـم بهـا شـرع الاخيــار = واسره لهم مـنا على السمع. طـاعـه
لابـة هـل العـوجـا. طـويلين الإعـمار = وسـلمـان. قـايـدنا. وحــنـا ذراعــه
في ظلـهـم عشـنا عزيزيـن واحــرار = والعـز رفـرف في وطـنـا. اشـراعـه

محمد بن سوعان الربيع
__________________
نقره لعرض الصورة في صفحة مستقلة
محمد بن سوعان الربيع متواجد حالياً   رد مع اقتباس
إضافة رد


أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:03 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009