الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه المكتب الإعلامي أخبار أبناء قبيله عنزه
أخبار أبناء قبيله عنزه يختص بالأخبار المميزه لأبنائنا
 

إضافة رد
 
   
أدوات الموضوع انواع عرض الموضوع
 
قديم 09-09-2018, 08:13 AM   #1
صاحب الموقع
 
تاريخ التسجيل: Mar 2008
المشاركات: 8,872
افتراضي وفات الشيخ عبيد بن ثاني الضبيب رحمه الله

وفات الشيخ عبيد بن ثاني الضبيب رحمه الله
فقدت قبيلة الحناتيش من المقرن من العقاقرة من الفدعان رجلاً من ابرز رجالهم وهو معرّف قبيلة الحناتيش في الرياض الشيخ عبيد بن ثاني بن ضبيب رحمه الله وأسكنه فسيح جنّاته وبهذا المصاب الجلل نعزي أنفسنا ونعزي أخويه الشيخ مطلق بن ثاني الضبيب والشيخ محمد بن ثاني الضبيب كما نعزي عياله وعيال خوانه وأسرة الضبيب خاصة وكافة قبيلة الحناتيش وإنا لله وإنا إليه راجعون وهذه الأبيات فاضت بها قريحتي عند سماعي للخبر وهي تأبين للفقيد أسأل الله أن يتجاوز عنه ويغفر ذنوبه وأن يجبر نصاب أسرته ويلهمهم الصبر والسلوان :

مـات النبيـل الـلي اشتهـر بالشهامـه *** عـبـيـد أبـو مـتـعـب ولـيـه اخـتـــاره
ولامـن جـدى ألا نـودعـه بالسلامـه *** ونـطـلـب لـعـل الخـلـد سـكـنـه وداره
وش عـاد مـا فـاد الأسف والـنّـدامـه *** أنـا اشهـد أن فـقـده عـليـنـا خساره
مـرحـوم يـا رمـز الـذكّى والفـهـامـه *** يامـن بـرع بالـمـرجـلـه والشـطـاره
كـبـيـرنـا الـلـي نـقـتـدي فـي كـلامـه *** مـن يرغـب الـراي السلّيم استشاره
ما سـار أبـو متعـب بـدرب المـلامـه *** الطـيـب والمعـروف سـلـمـه وكـاره
مـن جـاه يـبشـر بالـهـلا والـكـرامـه *** عـون الرفيق ولا شكـا مـنـه جـاره
قـرم الـرجـال الـلـي عـزيـٍز مـقـامـه *** عـنـده عـلـى حـل الـمـعـانـي جـداره
الـنـادر الـلي مـن الـرجاجيـل هـامـه *** عـسى العـوض بالـلي يسير بمساره
نعـزي مـتـعـب بـالـفـقـيـد وعـمـامـه *** ونـعـم سـايـر عـزوتـه بـالـعـبــــاره

ومن الذكريات التي كتبتها بالشيخ عبيد بن ثاني الضبيب هذه المقاطع من قصائد مطوله ضمنتها ديواني ديوان الوائلي وقلت :

راكب اللي من معـرض البنز ناقيـه *** يــنـدر مـثـيـلـه بالمـواتـر وحـليـاه
من لحموا بديه على طار شاصيـه *** مــاعــد مـيـل ولا دريـول تـعــلـواه
شـد الخـواجـه تـو غـلـف كراسيـه *** توه وصل مشحون من طاش ميناه
تـبـارك الـله منـظـره كـنـه اجـنـيـه *** ولا كـمـا وصـف الهنـوف المخـباه
ثميـن ما يـقـدر يـسـومـه ويشريـه *** غـيـر الـذي مقـدار حـقـه ابـمخـبـاه
راعيـه مـا ينـلام لـو كـان مـغـلـيـه *** جمـيع ما يـدفـع على البنـز يسـواه
الـيـا تـحـرك نـازح الـبـعـد يـدنـيـه *** جـريـه سريع ويبهج الصدر ممشاه
جريه سريع وجرهد البيـد يطويـه *** هملول صيف وعاصف الريح يقفاه
يـقطـع سماهيـد السهـال المهامـيه *** هـو منوة اللـي لـه لـوازم وعـنــّـاه
جـبـتـه نـديـب وللمهـمـات عـابـيـه *** جـاهـز مجـهــز والتـوانـك امـعـبـاه
عليـه اللي حيـن ازهمـه قـال لبيـه *** يلـفـظ كـلامـه سـم ما قـال لـي هــاه
شغموم ضاري للسفـر والمنـاويـه *** ما عـال عـن مسلك طـريقه ولا تـاه
مـنـدوب كـزيـتـه بـخـطـي ايـوديـه *** يـلفي لـبـن ثـانـي مـرامـه ومـنهـاه
قـم يا نـديـبي وصـل الخـط راعـيـه *** حيـثـك لبـيـب اتـبـلـغ العـلـم ملـفـاه
وأن سهل الله بأسرع الوقت تأتيـه *** مـع شبـت البـرديـن مـلـزوم تلـقـاه
حيـثـه الـيـا طالـع خيـالـك ايحـيـيـه *** قـولت هلآ بالضيـف دايـم سجايـاه
أول بـدأ الفـنجـال طـبـعـه ايسـويـه *** تـلـقـاه رايـب زاد حـبـه عـلـى مـاه
وبعده يجيب اللي الشريطي مربيـه *** من شبك تاجر بأخضر القـت غـذاه
سلم الـذي بالطيب عـّرب مجـانـيـه *** أبــوه ثــانـي كـان هــذي سـوايــاه
الضيـف مـا لقــاه مـقـرن عـلابـيـه *** ولا سـاق فـنجـال النشاما ابيسـراه
احـذر يحورف بالعشا مانـت تانيـه *** حـرم عـلى المنعـور لا يذبح الشـاه
إلا عــن الـدلـه وبـراد شـاهــيـــــه *** مـا فـيـه مـانـع كـان ودك تـقـهـواه
لاشـك يا لمنـدوب نـعـطيـك تـنبـيـه *** الـهــرج ســر ولا تـعـلـم بـفـحــواه
بيـنـك وبـيـنه بالسوالـف اتـناجـيـه *** لا يعـلمـون الـناس بـس أنت وايـاه
سلـّم عـلـيـه وسـلم الـخـط بــيـديـه *** وقــلـه يـفـكـه بـالعـجـالـه ويـقــراه
وقـلـه جـواب الخـط يالقـرم نبغـيـه *** عـجّـل بـمـردود الخطـاب انـتحـراه
ملـزوم رد الـقـاف والـعـذر مـابـيـه *** العـذر يـا ريـف الـهـواشـل ابـلـيـاه

*وهذا مقطع آخر من قصيدة أخرى :

قـم يا النديب اركـب بعـيد المراويـح *** ونـيـت هـاف لنـازح الـبـيـد جـمّـاح
إلـى مشى يطـوي بعيـد الصحاصيح *** يـلـفـي عـلى الـلـي للمهاجيـل ذبـاح
يلفي لأبو متعـب عـلى هبـت الريـح *** الـلـي ابـيتـه خاطـر الضيـف ينساح
تقلط عـلى عـذي الكنـب والطراريح *** فـي مجـلسه يـنسـر بـالـك وتـرتـاح
خـذ لـه جـواب منقح القـاف تـنقـيح *** مـن خاطـري مـا هـي هذاريـم ذراح
صرحت بـه من غاية الفكر تصريح *** اعرض مجال وصـار للشعـر ميلاح
قـلـت الـكلام بجـد مـا هـو تـمـازيـح *** كتبت عـذي القاف بخلاص ونصاح
مهـديـه لـلي فـاهـمـه دون توضيـح *** حـيثـه فهـيم ويفهـم القصد والـنـاح
جاك الجواب وزبـدة الهـرج تـلميـح *** والقـول واضح ما يبي شرح شراح
مـا قـلتهـا قـصدي شماتـه وتجـريح *** افهم كلامي واعرف القصد يا صاح


عبدالله بن عبار متواجد حالياً   رد مع اقتباس
قديم 09-09-2018, 09:52 PM   #2
مؤرخ قبائل السلقا
 
تاريخ التسجيل: Apr 2010
المشاركات: 1,075
افتراضي

رحم الله الشيخ عبيد بن ثاني الضبيب وأسكنه فسيح جناته وخالص تعازينا لأهله وأسرة الضبيب الكريمة وإنا لله وإنا اليه راجعون , وصح لسانك يابومشعل على ماقلت .
ابو مشاري الرفدي متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
وفاة الشاعر فياض بن زرم الشملاني رحمه الله عبدالله بن عبار أخبار أبناء قبيله عنزه 1 09-17-2017 09:31 AM
وفاة الشيخ النوري بن فواز الشعلان رحمه الله عبدالله بن عبار الركن الخاص بقصائد الشاعر عبدالله بن عبار العنزي 1 04-30-2016 02:03 PM
وفاة الشيخ ثامر بن عبيد بن غبين رحمه الله عبدالله بن عبار أخبار أبناء قبيله عنزه 2 05-14-2015 06:50 PM
وفاة الشيخ نايف بن محروت الهذال رحمه الله عبدالله بن عبار أخبار أبناء قبيله عنزه 4 04-15-2015 04:21 PM
وفاة ولي العهد السعودي رحمه الله مفضي الوحداني أخبار أبناء قبيله عنزه 3 06-16-2012 07:16 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 07:51 PM.


Powered by vBulletin® Version 3.8.8 Beta 3
Copyright ©2000 - 2019, Jelsoft Enterprises Ltd 
vEhdaa 1.1 by NLP ©2009