الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه المكتب الإعلامي أخبار أبناء قبيله عنزه
أخبار أبناء قبيله عنزه يختص بالأخبار المميزه لأبنائنا
 

إضافة رد
 
   
أدوات الموضوع انواع عرض الموضوع
 
قديم 01-20-2018, 07:39 PM   #1
صاحب الموقع
 
تاريخ التسجيل: Mar 2008
المشاركات: 10,236
افتراضي وفاة الشيخ عودة بن حييان

{كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ }آل عمران185 الآية

أنتقل إلى رحمة الله تعالى الشيخ عوده بن حييان العبدالله الجبوري معرّف قبيلة الجبور من السلقا وأحد كرماء هذا العصر المشهورين من قبيلة عنزة وهو من سكّان الترمس في منطقة القصيم رحمه الله وأسكنه فسيح جنّاته والهم اهله وذويه الصّبر والسلوان وبهذا المصاب الجلل نعزي أبناءه وأحفاده وأبناء أخوانه وأبناء عمّه وقبيلة الجبور وقبائل السلقا كافة كما نعزي أنفسنا بفقد هذا الرجل الفاضل ولا نملك ألا على الدعاء وإنا لله وإنا إليه راجعون



عبدالله بن عبار متواجد حالياً   رد مع اقتباس
قديم 01-21-2018, 11:18 PM   #2
مؤرخ قبائل السلقا
 
تاريخ التسجيل: Apr 2010
المشاركات: 1,130
افتراضي

رحم الله الشيخ عودة بن حييان وغفر له وأسكنه فسيح جناته وإنا لله وإن اليه راجعون
ابو مشاري الرفدي غير متواجد حالياً   رد مع اقتباس
قديم 02-04-2018, 10:16 PM   #3
صاحب الموقع
 
تاريخ التسجيل: Mar 2008
المشاركات: 10,236
افتراضي

هذه الأبيات من شعر عبدالله بن دهيمش بن عبار رثاء بالشيخ عوده بن حييان
رحمه الله ويسند على الشاعر حسين بن علي البوبلي :

يـا حسيـن عـوده كـل مـنـا يـعـزّابـه *** فقده يا أبن علي علينا اكبر مصيبه
من فقد عوده عسى الله يجبر نصابه *** عـقـب الفجيعه جايح الهم يسريبه
الـلـه يصبّـر أنجـال الشيخ واقـرابـه *** صبرالجمال اللي على الكايد منيبه
دمع العيون الـلّي من الموق سكّابـه *** هيهات ما ترجع الغايب من الغيبـه
نطلب لـه المغـفـره ونـعـزي الـلاّبـه *** رب الـمـلأ يغـفـر خـطايـاه وايثيبـه
يا الـله طلبتـك يالولي خفف حسابـه *** يالواحد اللي خافي السر تدري بـه
نطـلـب عساه بيمينه يحـمـل كـتـابـه *** رضوان مع جـمع الصحابه يحييبه
أبـو عـبـدالـلـه شموخ المجد يرقابـه *** هـو الـذي تضرب الأمثال في طيبه
نـزه الشوارب ما ذكـر فـيـه معـيابه *** ألا عـلى فعـل المكـارم نـبـت شيبـه
عـلمه تبيّن عـنـد الأجناب واصحابه *** وفعـل المراجل مـا تـغـرّه مواجيبه
لا جـالـه الضيف رحّـب بـه وهّـلابـه *** مـع لـفـوتـه يلهـج لسانـه بترحيبه
شهم وكريم ولا خسر مـن تهقوابـه *** من جـود كـفّه غالي المال يصخيبه
مـا خـيّـب الـعـانـي ولا رد طــلاّبـــه *** ولا همّه العوز حتى لـو فـرغ جيبه
ديـوان قصره بـنـاه وشّـرع أبـوابـه *** ديـوان عـوده ديوان العـز والهيبـه
يشهد له الترمس المعمور واهضابه *** والمجلس اللي سر من كان يلفيبه
الـلـه يـعــلـم كـم وافــد تــعـشّـابـــــه *** وياكـم حاشي للمسايير يـقـري بـه
العـيـت يشكي من الأرهـاق قـصّابـه *** ومن مر طرقي بيت عوده معازيبه
والـبـن فـي مجـلسه مـا مـل صبّابـه *** رايـب ولا يحـتـاج خـثـره وترويبه
مثـل القطـامي يشل الخرب مخلابـه *** الصيرم الـلي جـزيل الصّيد يحريبه
مرحوم يا عودٍ نجب عـوده وجـابـه *** عـرق الفضيله ينتبـه مـن مجاذيبه

التعديل الأخير تم بواسطة عبدالله بن عبار ; 02-05-2018 الساعة 10:27 AM
عبدالله بن عبار متواجد حالياً   رد مع اقتباس
قديم 02-10-2018, 01:41 PM   #4
صاحب الموقع
 
تاريخ التسجيل: Mar 2008
المشاركات: 10,236
افتراضي

قال حسين بن علي البوبلي الجبوري هذه القصيدة جواب لقصيدة عبدالله بن دهيمش بن عبار في رثاء الشيخ عوده بن حييان شيخ قبيلة الجبور من السلقا رحمه الله :

الـبـارح الـجـفـن نـومـه مـا تهنـابـه *** النـوم عـيـت تـجـي يـمي منـاديـبـه
جفني جفاه الكرى وانا افهم اسبابه *** مـن هاجٍس بالضماير قـام يـوميبـه
النـوم بـيـني وبـينـه صارت حـرابـه *** اختـرت عـنه السهر والنوم ماليبه
اقـوم واقـعـد واخـتم القاف وابـدابـه *** واليا ختمـت القصيد اعـيـد ترتيبـه
ماهو طـرب شاعـٍر والقاف غـنّـابـه *** الا مشاعـر ضميراً جـت محاضيبه
لــولا يـقــيـنـي بـرب نـّـزل كـتــابــه *** والصبر مـع قـوة الأيـمـان ندعـيبه
أنكان بعض الرجال انهارت عصابه *** لكـن يشد العـزوم ويجحد الـلي بـه
يالـلـه يالـلي خـلقـت الخلق بانسابه *** من كـل الأصناف تعـلم سرّه وغيبه
يدعيك عبدٍ سجد لك وسط محرابـه *** يـبـغـاك يالـلـه تـلـبي لـه مطـالـيـبـه
الطـف بعبـدٍ نصاك وفارق احـبـابـه *** تغـفـر ذنوبـه وترحم ضعفه وشيبه
عوده رحل جعل ربي يرحم تـرابـه *** ياعـل عـوده جـنـان الخـلـد يلفـيـبـه
لا والـلـه الا تـنحّـى واقـفت ركابـه *** غيبت عـمـر غايب الغيبه هي الغيبه
ابـو عـبـدالـلـه جـزيل الفعل يعنابه *** شيـخ وفـعـلـه مـع العـالـم نـمـاريبـه
طيب وحبابه ودين وراي وامجابه *** مـفـراص لا كـبـرت الـقـالات نبـديبه
من دون ربعه اليا حلت بنا طـلابـه *** يـرد راس الـمـعـادي مـع عـراقـيـبه
لياحضرفي حضوره يحسب حسابه *** وأن غاب ترجع له القالات واتجيبه
لاشك كـثـر السوالـف مـابهـا ثـابـه *** ابـو عـبـدالـلـه قـلـيـلاتٍ عـذاريـبــه
من بعـدها يا ضميري حضر الجابه *** وين انت ياللي تودي العلم واتجيبه
دونـك جـوابي لأبـن عـبـار تنصابـه *** مـن يـدك ليـديـه لا تـقـعـد توصيبـه
جـانـا خـطـابـه ومظمونـه دريـنـابـه *** يا مـرحـبـابـه هـلا والفين ترحيبـه
سـاق القـوافـي لـنـا والقاف عـزابـه *** الا وحـنـا لأبـو مـشـعـل نـعـزيـبــه
شـاعـر قـبـيـلـه ولـه بالعـلـم بـوابـه *** شاعـر وراوي وصيتـه ذايع طيبـه
بـيـت القبيـلـه بجـهـده ثـبّـت اطنابـه *** عسى الـولي يذكره بالخير وايثيبه
ومدحك لعـوده ما تبغي شي تجزابـه *** هـذا وفـاك وغـلاك يـبـيـن الـليـبـه
دنـيـاك يـا مـسـنـدي يـفـتـر دولابـــه *** لو سانعت يوم ما تصفي مشاريبه
ما داومت للنبي من قـبـل واصحابـه *** وملوك وعروش وديارً عوى ذيبه
وصلوا عدد من دخل بالبيت يسعابه *** عـلى رسول هاجـر من مكه لطيبه
عبدالله بن عبار متواجد حالياً   رد مع اقتباس
قديم 02-18-2018, 12:46 PM   #5
عضو جديد
 
تاريخ التسجيل: Jun 2017
المشاركات: 31
افتراضي

الله يرحمه
عمر الغضوري متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
وفاة الشيخ النوري بن فواز الشعلان رحمه الله عبدالله بن عبار الركن الخاص بقصائد الشاعر عبدالله بن عبار العنزي 1 04-30-2016 02:03 PM
وفاة الشيخ عبكي بن عاقول الموايقي عبدالله بن عبار أخبار أبناء قبيله عنزه 2 06-29-2015 04:56 AM
وفاة الشيخ ثامر بن عبيد بن غبين رحمه الله عبدالله بن عبار أخبار أبناء قبيله عنزه 2 05-14-2015 06:50 PM
وفاة الشيخ نايف بن محروت الهذال رحمه الله عبدالله بن عبار أخبار أبناء قبيله عنزه 4 04-15-2015 04:21 PM
وفاة الشيخ / تركي بن رشيد الهزاني العنزي اولاد وايل أخبار أبناء قبيله عنزه 8 08-20-2012 11:14 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:52 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009