الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر عبدالله بن عبار العنزي
الركن الخاص بقصائد الشاعر عبدالله بن عبار العنزي كل ما استجد من شعر شاعر قبائل ربيعه الشاعر عبدالله بن عبار والإسناد عليه
 

إضافة رد
 
   
أدوات الموضوع انواع عرض الموضوع
 
قديم 04-12-2019, 08:23 AM   #1
صاحب الموقع
 
تاريخ التسجيل: Mar 2008
المشاركات: 8,834
افتراضي قصائد جديده شكر وثناء ومساجلات

قصائد جديده شكر وثناء ومساجلات

قال عبدالله بن دهيمش بن عبار العنزي هذه القصيدة شكر وثاء لمعالي الفريق فياض بن
حامد بن رقاد الرويلي لمواقفه الطيبه :
عـبـر الوسائل سافـر الشعـر مرسول *** شكـر وثـنـا لفـياض قـرم الرجاجيل
فياض الـلي منـه الوفاء دوم مأمـول *** اشكر جنابـه واجهـر الشكـر بالقيـل
فـيّـاض أبـن حـامـد لـه الشكر مدبول *** ترفـع لـه البيضا مع الصّبح والليـل
فـيـاض أبـو دحـام مـا يخـلـف القـول *** حيثه من شخوص الرجال المشاكيل
فياض الـلي للمعـضلـه يـوجـد حلـول *** عـنـده صعـيبـات القـضايا مساهـيـل
فيـاض الـلي ينقـل عـلى متنـه حمول *** مثـل البليهي يـرتـكي لأثـقـل الشيـل
فياض الـلي ينصاه بالعطف مشمـول *** يجـهـد ومن ينخـاه مـا يشكي الميـل
فيّاض مـا يغضي ولـو كـان مشغـول *** دايـم يـرّحـب فـي وجـيـه المقـابـيـل
فياض أخو محسن عن الكبر مكفول *** يـاعـل تــفـداه الـعـفـون الـدعـابـيــل
فيـاض عـنـد النـاس غـالي ومقبـول *** ونـال الثـقّـة عـنـد الملـوك المعاويل
فيـاض مـجـده بالمعـالي سمـك طـول *** نـال الفخـر بالعـزم والحـزم والحيـل
فيـاض سيـف وشاطـر الحـد مسلـول *** بـتّـار مـن حـدب السيوف المصاقيل
فـيـاض حـر اليا هوى يعطب الجـول *** مـخـالـبـه مـثـل الـشبـاري كـواتـيـل
فـيـاض جـعـل الـلي يـعـاديـه مشلول *** حـيثه رفيع الشان نـادر مـن الجـيـل
فيّاض عـلمـه مشتهـر ليس مجهـول *** المـرعضي مجناه من عـزوة رويـل
يـوم الـبـدو كانـوا مـقـاطـيـن ونـزول *** بـاجـوا مـن النقـره لشرق الطريبيل
وفـي كـل دار بـريفهـا يـرتـع الشـول *** يسرح بـديـره مـريـفـه عـلّهـا السيل
كـان أنـهـم شـدوا عـلى كـل مـرحـول *** قـطعـانهـم مـثـل الغـيـوم المضاليـل
مـوزيـل رافـقهـم مـن الحـول للحـول *** ولا مجدهم بس الـذي خـط مـوزيـل
من زايد ابن جلاس من مسلم زحـول *** المجـد من عصر الجدود المساميل
مـن وايـل لـعـنّـاز والأصـل مـوصـول *** مـا نبشّـوا عـن ساسهـم بالتحاليـل

أرسل لي الشاعر المعروف محمد البوجان الشراري من أهل القريات هذه الأبيات تعبير أخوي صادق يقول :

يسعـد مساك الـلـه يمسيك بالخـيـر *** يالله عساك بخير يا طيّيب الصيت
يا أبن الرجـال النادرين المشاهيـر *** وايل هل الوقفات يا نعم ما اطريت
والكم يا أبن عـبـار حشمه وتقدير *** وأسأل عساك بخيـر يا مفني العيت
واقـبـل تحيـات الـوفـاء بالتعـابـيـر *** ابيات يا ساس الرجوله لـك ابـديت

قال عبدالله بن دهيمش بن عبار العنزي هذه الأبيات مجاراة لأبيات الشاعر محمد البوجان الشراري

يـا محمد البوجـان نسـل المناعـيـر *** رحبـت في صدق المشاعـر وهلّيت
حيث أنت من ريف البداه المسايير *** أولاد مـكـلـب فـي حـمـاهـم تـربيـت
أهـل الكـرم بـأيـام شـح المساعـيـر *** مـن زارهـم يسمع هـلابـك وحييـت
عـاداتـهـم مـا يـكـرهـون المخاسير *** القـا الكـرامـه عنـدهـم كـل ماجيـب

عبر توتر ارسل الأستاذ الفاضل عبدالله الموسى الخرشاوي هذين البيتين بمناسبة فوز
بعض الأبناء وتفوقهم يقول :

ماهي غريبه نال فن الخطابه *** في مدرسة علم الخطابه تعلّم
عبـدالله العـبـار عـز ومهـابـه *** والكل يسمع لـه إذا هـو تـكلّم

وقال عبدالله بن عبار رد على الأستاذ عبدالله الموسى :

جـاني لطيـف القيل يا مرحبابـه *** وفكـري لمردود القوافي توّلـم
مرسول من قـرم وعزيـزٍ جنابه *** عبدالله الموسى للأضـداد بـلّـم
عبدالله بن عبار متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
قصايد ومساجلات جديده من شعر عبدالله بن عبار عبدالله بن عبار الركن الخاص بقصائد الشاعر عبدالله بن عبار العنزي 2 05-08-2018 05:31 AM
( مقاطع من قصائد جديده ) عبدالله بن عبار الركن الخاص بقصائد الشاعر عبدالله بن عبار العنزي 2 01-17-2018 07:16 PM
قصائد جديده من شعر أبن عبار عبدالله بن عبار الركن الخاص بقصائد الشاعر عبدالله بن عبار العنزي 0 10-08-2017 08:40 AM
قصائد جديده عبدالله بن عبار الركن الخاص بقصائد الشاعر عبدالله بن عبار العنزي 0 11-16-2016 07:18 AM
( مقاطع من قصائد جديده ) عبدالله بن عبار الركن الخاص بقصائد الشاعر عبدالله بن عبار العنزي 0 08-25-2016 01:49 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:07 PM.


Powered by vBulletin® Version 3.8.8 Beta 3
Copyright ©2000 - 2019, Jelsoft Enterprises Ltd 
vEhdaa 1.1 by NLP ©2009