(( هزت كياني والموازين تـــالار ))

تالار مديرة مطـار أربيل في كردستان العـراق
حينما استضافتها المذيعه نجوى قاسم على شاشة الحدث العربيه
تهيّض الهوجاس وولدت تلك الابيات .....

تهيّـض الهــوجاس وابيـوت الأشـعار = ونبـع القـوافي قـام يزمي.غــزيـره
هـزت كيـاني والمـوازيـن. تــالار = وتلـت قبـل قلـبي قـلـوب كــثيـره
بـدرً ظهــر بـين الكواكــب والاقـمـار = صدفـه ظهـر لـي والدقـايـق. قصـيره
ياليت نجــوى ما اســتضافــه بالاخــبار= ‎ايضـاً ولا جابـت للاقـمـار ســيره
العــين عـيـن اللي عـلى كــف صقـار = والخشـم ســيفً لـ ظـهـر مـن جفيره
والعنـق عـنـق اللي تخطـى بالاقـفــار = ‎ريــمً ورد بـالقيض جـمــة غديره
والراس فــوق امتونها شـــد الانـظـار= سـبيب شــقــرا بالاصايــل شـهـيره
والطــول غصن ألبـان ترويــه الأنهـار = لـيا هــزه النســناس فـوّح عـبيــره
هـنيت انا اللي رافقــه طـول الاعمـار = هـاك العنود. الجــافـــل المسـتذيـره
تلــت خفــوقي والمشـاعـر والابصـار = وأصبحـت انا مـابيـن غـيره وحـيره
بيـن الخيـال وبيـن كاســات الامـرار = و بيـن الكمـيـن وبيـن خـيـلً مغـيـره
وانـا بــلايـا واقـعً يفـرض احصـار = و انـا . الذي في دايـره مستديـره
سـريـت مـع حلــمً تـعـلابـي وطـار = ومن ديــرةً غــادر خـيالي لــديـره
حـلّـق عـلى اربيـل وابـلاد هـوشــار = وشـفت المطار وشـفت.مبسـم مديـره
ورسمت في لوحـة خيالي لــ تـالار = صـوره تلوق بوصف هــاك الاميـره
يـفــداه خـامـنئي وقــاسـم والأنصـار = والحـوثـي وعفـاش مـع سـكرتيـره
ويـفــداه كـل عـفـنً ونــذلً وغـــــدار = واهــل النفـوس الحـاقـده والحقـيـره
ويامـن تلــوم اللــي تغـنـى ابتـالار = جعـلك لـهـا فـدوه وعـينـك ضـريـره
مالـمتـني لـو شــفت مابي ومـا صـٰار = يـا شـين. شبت فـالضمايـر ســعيره
تــالار مـنهــا اختــل رادار الأفـكــار = ‎ومنهـا تخـربـط يـالنشــامى مسـيره
واليوم نجوى زودت حجم الأضـرار = ويــالله عســى في تالي الامـر خيـره

محمد بن سوعان الربيّع

11/ محــرم 1439 هـ
1/ اكتـوبر 2017 مـ

الينك صادق يا أخ محمد الجمال يبهر المشاهد رغم أنها متوسطة بالسّن وعليها شرايد زين وقد تغنوا الشعراء بالجمال :
قال القاضي :
والله لو يطلع مكشّف بالأسواق *** في ذمتي ما يمصط الخمس مخلوق
ولكن الدقيس تقول :
برق ماهو عليك لو ضاح له نور *** لا تستخيله لو ربيعك شفاقه
ويقول أحد الشعراء :
برق ماهو عليك لا تستخيله *** لاعاد ما ترجي ظواميك ترعاه
ويقول البدو بأمثالهم ( شوف عينك حظ غيرك ) ويقولون شوفاتهن بالدروب ولا حسراتهم بالقلوب ) الله يعينك لا تزال قلبك أخضر ولكن ماهو موقف أم العيال عندما تطلع على هذه القصيدة

هلا والله ومسهلا
ابو مشعل
صدق استاذي ان قلت لك ان الابيات ولدت لاارادياً جات بلحظه غير متوقعه
لان الجمال زي ما تفضلت يجذب النظر ومن ثم يفتن القلب
كفانا الله شر الفتن اللهم ثبت قلوبنا على طاعتك ولا تؤاخذنا

تلــت خفــوقي والمشاعـر والابصـار = وأصبحت انا مـابيـن غـيره وحـيره
بيـن الخيـال وبيـن كاســات الامـرار = و بيـن الكمـيـن وبيـن خـيـلً مغـيـره
وانـا بــلايـا واقـــعً يفـرض احصـار = و انـا . الــذي فــي دايـره مستديـره

لكن اختصرت الموقف في .......

سـريـت مـع حلــمً تـعـلابـي وطـار = ومن ديــرةً غــادر خـيالي لــديـره
حـلّـق عـلى اربيـل وابـلاد هـوشــار = وشـفت المطار وشـفت.مبسـم مديـره
ورسمت في لوحـة خيالي لــ تــالار = صـوره تلوق بوصف هــاك الاميـره

لاهنت يابو مشعل
اشكرك على تلك الرد الجميل والرائع
تقبلي خالص مودتي وتقديري ,,,