تابع
قال عبدالله بن دهيمش بن عبار هذه القصيدة بمناسبة زيارة الشيخ حارث بن
سليمان بن ضاري الزوبعي رحمه الله للشيخ فواز بن غبين الفدعاني : 215

يا مرحبـا اعداد الحصى مع رمالـه *** واعداد ما تجـري كواكب نجـومـه
حـيـيـت يـا شـيـخ يـشـرّف قـبـالــه *** الزوبعي حـارث فـرحـنا بـقـدومـه
يـا مـرحـبـابـه يـوم شـرّف خـوالـه *** الـلي فخـرهم مـا تلاشت رسومـه
تـرثـت غبيـن الـلي قـديـمه فـعـالـه *** أحـفـاد شيـخ وحـافـظيـن سلـومـه
أهـل العـطيـه والـفـخـر والـشكـالـه *** مضرب مثـل عند القبايل عمـومـه
وأنـت الزعيم اللي إلى جاء مجالـه *** كل العـرب تفخـر بطـاري علـومـه
وأنـت الـذي تـتعب لكسب الجمالـه *** اليا بـاد حيل الـلي ترخت عـزومـه
وأنـت الذي تنجب عـلى حـل قـالــه *** وأن جالـك العـاني تخلّص لـزومه
بعـيـد عـن درب الـغـوا والضـلالـه *** عـويـن من حافظ صلاته وصومـه
فـعـلـك مـشّـرف كـل مسـلـم درالـه *** برج العـلا تصعـد شوامخ حـزومه
دار العـروبـه مـا رضيـت احتـلاله *** تجزع إلى شفت الحقوق مهضومه
مـا غـيـروك أهـل الخـزا والنـذالـه *** حيث الوطـن تحمل عظايم همومـه
أبـوك مـن مـسـه زمـانـه عـنـالــه *** ومن لاذ به مظيوم ما أحدٍ يهـومـه
نـال الـفـخـر والمـجـد والعـز نـالـه *** شيخ وزعيم وبـه شهامه وشومـه
وجـدك تـصـدى للمـعـادي لـحـالـه *** ومـن ذاد عن حد الحمى من يلومه
ضاري سجل المجـد سجـّل نضالـه *** ركـّز عـلى جمع المعـادي هجومـه
ضـاري ضرى للمرجلـه والبسالـه *** وتراجعـت عـنـه الغـزاه مهـزومـه
نصره مـن المولى عـزيـز الجلالـه *** بالسيـف والـبـارود ذلـل خصومـه
لجـمـن عـبـاريـد المشّـوك عـبـالـه *** شرّه عـلى العايـل اليـا كبـر زومـه
راس المعـادي عـن عـلابيـه شالـه *** خلا الحمر بـالخان يصبغ هـدومـه
يـا مـا ويـا مـا حـاولـوا باغـتيـالـه *** وعيوبه الشجعان وشخوص قومه
لاشـك جـولـه بـالـخـدع والحـيـالـه *** غـدربـه الـلـي سـلـمـه لـلـحكـومـه
من ظاهـر المحمود يحمـل رسالـه *** بالـعـز الأقـعـس وثـقـّت ومختـومه
مـوروث من شمروخ وأنتم عيالـه *** منشاه مـن عـذفـا مشاريـق دومـه
مـن عـزوةٍ رجـالـهــم حـي فـالـــه *** يحجي ويـذري عـن لوافح سمومه
شـمـر هـل الـردات يـوم الـصيالـه *** يـوم العـمر يجلب لمن هـو يسومه
عـربـانـهـم بـديـار نـجـد وشـمـالـه *** يرعون قـفـر الـلي تهاشل غيومـه
قصيرهـم لـو عـال يـرفـى خـمـالـه *** يـرفـل ويـنعـم فـي حـياة النعـومـه
دخـيـلـهـم يـدلـه ويـنـسـاح بـالـــه *** وجاراتهم عـن كل عـيب محشومه
قـلـتـه ولا ودي أزيـد الـمـقـالـــــه *** بـه اكتـفي والهـرج يعـرف يمومـه

قال عبدالله بن دهيمش بن عبار العنزي هذه القصيدة يثني على الرّجل
الفاضل سعادة المهندس عبداللّطيف بن حمد بن صالح الخطيب رئيس
بلدية البصر سابقاً ورئيس بلدية المذنب حالياً : 216
الثـنـاء يستـاهـلـه عـبـداللّـطيـف *** حيث أبـو نـواف ما نجحد ثنـاه
سامي الأخـلاق والشهم العفيـف *** جـامعٍ حـكمـه وفطنـه وانـتبـاه
أشهـد أنه عاقل ونـزه وشريـف *** فـعـلـه المشهود يـرفـع مستواه
الذكـاء والفهـم والقـلب النظيف *** الله الـلي مـن كرم فضله عـطـاه
فيه ثقـل الـروز مـا وزنه خفيف *** بالوزن أثـقـل من جبـال السراه
يشتغل باخلاص فهمان وظريف *** من اخلاصه بالعمل ماحدٍ شناه
مـا تهـاون بالعـمل لـوهـو كليف *** ريس ومأمون والمنصب زهاه
كـل مشروعٍ يخـطّـه لـه يضيـف *** لـبّى مطلوب المواطن مـا نساه
البصـر حـدايقـه صارت مصيف *** طـوّر البلـده وعنـد الـلـه جـزاه
الحـدايـق والمشاتـل والرصيـف *** والدروب اللي تخصص للمشاه
كـل ما سوى بشبح العين شيـف *** يبشر المذنـب بـعـزه يـوم جـاه
حـاذق وشاطـر يشابه حـد سيف *** عـالي الهمّه وفزعت من نخاه
طـبـع أبـو نـواف بالـلّازم يقيـف *** فرحت العاني وعـز اللي نصاه
دوم أبـو نـواف للناصي سعيـف *** يا عسى رب الملأ يصلح ضناه
للمـراجـل شـاد بالضـلع المنيـف *** لـه مخيّم في شفـا الطلعه بـنـاه
للضيوف الوافـده حطـه مضيف *** وتجتمع بـه كـل ربعه واصدقاه
بالكـرم والجود جـدّه له وصيف *** سار مع منهج عمامه واقـربـاه
بالجـفا يـوم البلـد مـا كان ريـف *** من لفاهم ضيف يبشر في قراه
من نوادر عزوتي مـاهـو حليف *** يشهد الله صاغ في قلبي غـلاه
من محددت الجمل ريف الضعيف *** عادته يكـرم خـويـه واقصراه
من غريب الـدار مروين الرهيف *** باللقـاء رجالهـم يقهـر اعـداه
مـن قـبيلـه مـا يـعـرفـون النكيـف *** مـن يـلـوذ بنـزلهم يبلغ مـنـاه
يـنـزلـون بـخـالي الـدو المـخيـف *** والقـفاري ذودهم داج ورعـاه

قال عبدالله بن دهيمش بن عبار هذه القصيدة يثني على أسرة الخطيب
أهل الشماسية من الدهامشة ويسند على الشيخ الدكتور جارالله الخطيب : 217

قـال أبن عبـار من فـكـره يجيـب *** سجـل المنظوم بسطور الكتابـه
أرسل المنظوم من شعري نديب *** للأديـب الـلي تشرفـت بـجـوابـه
صـوب شيخ باللـوازم مـا يخيـب *** يـوم مكتـوبـه لـفـاني يا هـلابـه
جاك عذب القاف ماطـبه سريـب *** بـلـغـه لـلـربـع عـني بـالـنيـابـه
نعـم بالأجـواد مـن نسل الخطيـب *** دوم عـادتهم يـعـزون القـرابـه
كـل منهـم بـالـذكى عـقـله لـبيـب *** نـافـليـن باللـطـافـه والحـبــابـه
كل ما جـار الزمن زادوا بـطيـب *** والكرم طبع الحمايل لا غـرابـه
من غـريب الـدار شجاع ومهيب *** يدحر العدوان في يوم المجابـه
من محددت الجمل عز الصحيب *** لابـت الـدهـامشـة يا نـعـم لابـه
من محددت الجمل ضـد الحريب *** كان شبّت باللقاء نـار الحـرابـه
الخطيب رجال بالوقـت العصيب *** كـل مـنهـم بالـلـوازم يـعـتـزابـه
بالشماسية لهـم غـرس وقـليـب *** مع بيوت الملتجي يلقا الذرابـه
جدهم ساسه من الأصل العريب *** من مفوّز لـه وقـار ولـه مهابـه
عادت الأجـواد تـدلـيـه الغـريـب *** من سكن في نزلهم عذّوا جنابه
مابهم غـادر ولا هـافـي نصيـب *** تابعين أعراف وسلوم الصحابه
منهـم الدكـتـور والشيخ الأديـب *** والفهيم الـفـذ لا صارت طـلابـه
وصفهم بالحلم والصدر الرحيب *** وكل منهم مقصد الطيّب اتهقابه
المـراجـل دربهـا عسر وصعـيب *** حصلوها وجنبوا درب المعـابـه
للصحيب أحلا من مشال الحليب *** والمعـانـد مـن نكـدهـم وعـذابـه
من حمايل غيبهم مـا هـو قـريب *** من عـرف رجالهم يبدي عجابه
قـلتهـا والـلـه عـلى خلقـه رقيـب *** الـولي كـل المـلأ تـرجي ثـوابـه
بالمدايح والثنـاء هـرجي مصيب *** ما مدحت الّلاش والعفن الزلابه
ولابدعت القاف لي مقصد مريب *** لا ومن ينشي مـرازيـم السحابه
ثـم اختم القاف في ذكـر الحبيـب *** الـرسول الـلي حـديـثـه يـقتـدابـه

هذه القصيدة شكر وثناء للرجال الذين سعوا في فكاك مطلق بن ثاني المسيكي
السبيعي العنزي وقاموا بزيارة كانت موفقه والحمد لله ونخص بالشكر والعرفان
عواد الكركور القرعاني العقيدي وأبناء أخيه الكرام وجميع العائلة على تكرمهم
بالعفو لوجه الله وجزاهم الله خير الجزاء : 218

بسم الكريم المعتلي قـلـت وابـديـت *** أبـيـات نـلـقـيـهـا عـلى كـل جمهـور
لأهـل الوجاهة من ضميري تمنيـت *** أرجوا يا عـل بدربهم يشرق النـور
اشكـرك يـالـلي لـلـقـضيـه تـبـنـيـت *** عسى الولي يا قـاك من كل عـاثـور
يالـلي لأجـل حـل القـضايـا تـعـنيـت *** والحزن حولته إلى أفـراح وسـرور
يصعب اعـد شخوصهم كان عديـت *** مـا بـيـن أمـيـر وبين شيخ ودكتـور
من زارلـه في واجب الشكر عميت *** الـلي لـحـل المعـضلـه دايـم حضـور
لاشك كان لبعض الأشخاص سميت *** ما ودي أنسى من الشغاميم منعور
والشكـر لـك ياللي تكرمت وأعـفيت *** عساك يـا نسـل الأجـاويـد مـأجـور
أطـلب عسى رب الملأ يرحم الميت *** في جنـة الفردوس ينعـم مع الحـور
أثـني عـلى عواد يا نعم مـا أطريت *** وعيال أخوه صقور من ماكرصقور
ترفع لكم بيضاء مثل ساطع الليـت *** ولكم الشكر تكـرار يا عـيال كركـور
كـل عنـزة تشكرك يا طيّـب الصيت *** وتقـول لك مشكور مشكور مشكـور
العـفـو عـنـد المقـدره وأنـت لبـيّـت *** دعـوة ولي الكون من عقب مقـدور
لـلـه ربـك خـالـق الـخـلـق خـلـيــت *** تبي الأجـر والغانمه ما أنت مجبـور
عفيت عن محرج وفي رايك اقديت *** يرجي فرج مولاه بالسجـن مخفـور
أحسنـت يا عـواد للـطيـب سـويـت *** لك الشكر من قلب وحساس وشعور
كـفـيّـت يـا نسـل الحمـايـل أوفـيـت *** وحضيت بالمعروف ياصايب الشور
عـزالـلـه أنـك بالـفضيـلـه تـكـنـيـت *** أجرك على الله وأنت بالخير مذكور
وجبّت جاه أهـل الفخـر مـا ترديـت *** والشاهد الله ما حصل منكم قصـور
حيث أنت مـن لابة لطاريهم أوحيت *** قرعان من عزوه لهم علم مشهور
ربـع العقيـدي مـا شنوهم شواميـت *** مبطي لهم بالمرجلـه بـاع واشبـور
قـوم صليـبـه ساسهـم كـان قصيّـت *** من نسل غـنـام الصهيبي لـهـم دور
ببيـوتهـم تلـقـا الكـرامـه اليـا جيـت *** أهـل المعـانـي والمعـاميـل ونـجـور
يـوم الحـرايـب بالسيوف المصاليت *** حـدوا شغاميم القبـايـل عـن الـزور
من قـبلي الغـوطة اليا شرق تكريت *** تـشهـد لـهـم عـنـاز ودليـم وجبـور
ابـن هـفـل مقـدامهـم عـالي الـبـيـت *** شيـخ تسلسل من صنـاديـد ونمـور
قلته وأنا لأفعال الأجواد ما أحصيت *** لاشك بيرقهم على الخصم منصـور
وختامها أرجو المعـذرة كـان زليـت *** هـذا كـلامي وأنتـظـر قـول معـذور

قال عبدالله بن دهيمش بن عبار هذه القصيدة يثني على عقلا بن علي السميان
بمناسبة شراء أبل وضح وبناء مجلس في مزرعته بالقصيم : 219

عقلا اشترى من نقـوة النـوق قطعـان *** الوضح يـرغـبـهـن وهـن يستـولّـه
دفـع بـزيـنـات الـلّـبـن غــال الأثـمـان *** يسـتـاهـل الـذود الـعـفـر مـسهـمـلّـه
وضح وفحلهن نضـوة الحيص رمّان *** جـالـه هــديــه مــن صـديـق يـجـلّـه
جـابـه مـبـارك مـن صناديـد رجـبـان *** الــدوســري فـعــايــلـه يــشــهــدلّــه
وشاد وشمخ في مزرعة ساق ديوان *** وأنـا أذكـر الـلـه شامخـه تـقـل فـلّـه
ولاهـي غـريبـه مـن خلايـف سميّـان *** حـيـثـه عـلــوم الـمـرجـلـه عـادتـلّـه
وقـبـلـه شمـخ بـنيـان بـبـلاد جيـزان *** باسمـه وأسـس طـيّـب الـفـعـل حـلّـه
مـكـارمـه تـشـمـل قـرايـب وجـيـران *** مثـل الجبـل يـذري عن الشوب ظـلّـه
مضـافـتـه تجـمع هـواشـل وضيفـان *** بـالـمـوقـع الـلـي كـل نـاصـي يـدلّـــه
يـاكـثـر مـا قـلـّط مـفـاطـيـح خـرفـان *** ورز الـبـشـاور حـدرهـن تــقـل تـلّــه
ويـاكـثـر مـا شالـت صيانيـه قعـدان *** مـن زار بـيـتــه عـادتـه يـحـتـفــلّــــه
ماصك أبو متعب عن الضيف بيبـان *** صاحـب كـرم مـا يقفـل البـاب لـل لـه
فيـه التقّى وفيه الشهامة والأحسان *** سـهـل الجـنـاب مجـالسـه مـا يـمـلّـه
وأن جـالـه المغرم من العوز حيران *** يـبشـر بقـضـي الـديـن كـانـه وصّـلـه
يصعد صعود ولا نزل وسط الأطمان *** ونـزيـه مـا عـاشـر مـن النـاس شلّـه
نسل الحمايـل مـن معـامـق لـويبـان عـقـلا نـفــل عـسـى الـردي فـدوتـلّـه
عقلا عريب الساس من نسل قصران *** شـهـم ونـواظـر حـاجـبـه مسفـهّـلـه
والنعـم بعقب شميل كشري وجذعان *** الـعـزوة الـلي حـاشـوا الطـيـب كـلّـه
ونعم بهل الهـدلا هـل القـدر والشان *** عـون الـصـدّيـق ولـلـمـعـاديـن عـلّـه
وساع الرباع وحزّت الكون شجعان *** يا مسعد الـلي أهـل بالفخـر عـزوتلّـه
عصبـة منيـع ومـن شغاميم فـدعـان *** حـمـر الـنـواظـر مـا تـعـرف الـمـذلّـه

هذه القصيدة قالها عبدالله بن دهيمش بن عبار العنزي شكر وثناء بالشيخ
سليمان الفالح السبيعي أبو نواف لموقفه مع عقلا السميان العنزي : 220

شكـر الثـنـاء تستاهلـه يا سليمـان *** حيثك يا أبن فالح تحوش الجماله
حليت عقـد اشكال عـقلا السميـان *** وأنـت الذي تنصى عـلى حل قالـه
عقـلا كريم ومن مناعيـر جـذعـان *** رجل مجـرّب مـن رجـال الشكالـه
أدرك فـخـر لعـيـال وايـل بجـيـزان *** كـلـن يـنعـم لـه الـيـا جـاء مجالـه
يا شيخ معـروفك وضعتـه بديقـان *** القرم أبو متعب عسى الخير فالـه
عملت طيب بموقعه مانت خسران *** يـستـاهـلـه قـرم كـريـمـه سـبـالـه
نظهـر ثـناك بكـل مجلس وديـوان *** جـمـالـتـك مـاهـي بـعـقـلا لـحـالــه
جمـيع رجـل ينتبـه عـرق فـدعـان *** يشكـرك يامـن كـل معـروف نـالـه
تسلم يبو نايف على فعل الأحسان *** الطيب لك من ساس جـدك سلالـه
ما هي غـريبه منك مجناك سبعان *** أهـل الكـرم والمـرجـلـه والبسالـه
شبهتـك لحيص المحـامـل بليهـان *** مثل الجمل لـو يثقـل الحمل شالـه
مجناك من لابه لها الطيب عنـوان *** لا جـاهـم المضيوم يلـقـا الدخالـه
واليـا هجـدهم تـالي الليـل ضيفـان *** الـكـل بـالـربـعـه تـطـامـى دلالـــه
تـنـدى صيانيهم من مفطح الضان *** ينصاهم الرجـلي وراعي الزمالـه
هـذي فعـايلهـم عـلى مـر الأزمـان *** سـلـم بـه الـوالـد يـعـلـم عـيـالـــه
ولا أنت يا سليمان يا ذرب الأيمان *** الطيـب سلمك ما خـذيتـه عـتـالـه
قلت وعـلى قولي دلايـل وبـرهـان *** وأنت الذي يا شيخ مـدحي زهالـه
والـلـه مـالي قصد لاشـك عـرفـان *** ماني لفعلك يا أبيض الوجه زالـه
ترفع لك البيضا على راس ما بان *** مشموخ عيطا مـن عـوالي جبالـه
يالعامري يا صاحب القدر والشان *** لـك الشكـر عـن لابـتي بالـوكـالـه

قال عبدالله بن دهيمش بن عبار هذه القصيدة يثني على الرجل الفاضل عقلا بن علي بن
سميان أبو متعب بعد أن قرأ قصائد الشعراء الذين يثنون عليه وقد جمعت في كتاب : 221

يالـلـه يالـلي رزق عـبـدك ضمـنـتـه *** ومن ضل عن درب الضلاله هديته
بـديـت فـي ذكـرك وقـافـي وزنــتــه *** أدرى الملام وصاحبي ما هـجـيـتـه
ومـا ينطق لساني عن الشين صنته *** لفـظ الكـلام مـن الشـوايـب نـقـيتـه
فـكـري تهـيّض والمشاعـر شحـنتـه *** سـجـل تـمـجـيـد الـقـرابـه قــريـتـه
أثـني على الـلي يوم يسحب بـرنتـه *** ريـف الضعيف وعـز جيران بـيـتـه
عـقـلا أن كـانـك في لـزومك زبـنتـه *** بالضيـق تـبشـر بالفـرج لا نصيتـه
اعـتـق ثلاث رقـاب وأكمـل احسنتـه *** حيثه من أصحاب الحظوظ البخيته
مالك يا أبو متعب حشى ما خـزنـتـه *** وأنـت الـذي خـملـت رفيقـك رفيتـه
عـملـت خـيـر وطالـب العـون عـنته *** تنفـق كـرم غـيـر الـولي ما رجيتـه
طـبـت وبـذلـت وكـل حاسد غـبنـتـه *** وحـزت المفـاخـر والمعـالي رقـيتـه
عشير ضيفـك والخـوي مـا مهـنـتـه *** وسلم الحـمـايـل ماسكه مـا رميتـه
جـيـزان يـوم أنـك نـزلـت وسكنـتـه *** معروف طيبك يا أبـو متعـب سديته
رجـمـت شـيـطـان الغـرور ولعـنـتـه *** شهم وبشوش وكل مغوي عصيته
نـسـل العـديـم الـلي عـطيبـه اطعنته *** شبل الجـذع ما هـو لـك الـلـه نبيته
لاشـك عـقـلا مـن عـرفـت وبخـنـتـه *** ما شال في متـنـه رواميس مـيـتـه
قـل يـالـذي مـفـعـول جـدك رهـنـتـه *** أعـتـز وفـخـر كـان طـبـت وتـلـيتـه
مـا دام جــدّك بـالـمـقــابـر دفـنــتــه *** مـا ظـنـتي ينفعـك عـلـمـه وصيـتـه
كـان أنـت مـا تـتـبع مبـاديـه خـنـتـه *** خـالـفـت منهـاجـه ومجـده محيـتـه
الـلاّش لا تـغـريـك بـالـزيـن بــنـتــه *** تـراه مـا يـفـزع لـو أنـك نـخـيـتـــه
والقـصر مـا ترسي قـواعـد اسمنتـه *** لا صـار بالـقـاع الـهيـار الـفـتيـتـه

قال عبدالله بن دهيمش بن عبار هذه الأبيات ثناء على الرجل الفاضل عقلا بن
علي السميان بمناسبة نشر لوحة كتب حلّة عقلا العنزي في جيزان : 222

سجـلـت منظـومي بـروس الأنـامـل *** أبـيـات فـي عـقـلا سمينـه ودسمه
انطـق كـلام الصدّق مـاني مجـامـل *** واثني على اللي بالفخر بان رسمه
الحيص الـلي ينقـل ثـقيـل المحامـل *** مـن شيلهـا بليهـان مـا كـل جسمه
عقلا أبـو متعب عـلى الطيب صامل *** كـفـه كـمـا الهاشـل الياهـب نسمـه
يـامـا تـكـفّـل فـي يـتـامـا وأرامــــل *** حـيثـه أخـذ من طيّـب الفعـل قسمه
بأبـو عـريش القـرم لـه حـي كامـل *** لوحة شرف في مدخل الحي باسمه
مـاهـو عن الطولات والطيب خامـل *** عـقـلا صعـيبـات المشاكـل يحسمه
شهم وعفيف وفيه حسـن الـتعـامـل *** وطبع الشهامة بان بالوجه وسمه
مـاهـو عشيـر لـكـل خـايـب وهـامـل *** عـز لصـديـقـه والمعـادي يعسمـه

و قال عبدالله بن دهيمش بن عبار هذه القصيدة بمناسبة الحفل المقام على
شرف الشيخ عقيل بن مهنا بن جزاع المجلاد من قبل قبيلة الجلاعيد : 223

يـا أهـل سميـرا دونكـم مـا أنتـونـا *** لـزوم نـأتـيـكم معـاجيـل وأسـراع
الـفـرصة الـلي فـي لـقـاكـم تـسنـا *** من أجلها نطوي مسافه من القاع
قـلـنـا هـلا بـدعـواتـكـم يـوم جـنــا *** للمحفل اللي لشمل الأقراب جمّاع
بـحـضـور شيـخ مـن ديـاره تـعـنـا *** له بالفخر مبطي هقاوي ومرماع
عـقـيـل أبـو خـالـد سـلايـل مـهـنـا *** النـادر المنسوب مـن نسل جـّزاع
جـده راعـي الـوضحا كـريـم تكـنـا *** بالطيب يـوم الكيل بالمـد والصاع
رمـيـح مـن قـبـلـي بـشعـره تـغـنـا *** بالشيخ عنوان الكـرم طايل البـاع
الـمـوس مـن دم الـذبـايـح يـحـنــا *** مـا وفـر العيتـا ولـو كـان مـريـاع
وكـم حـاشـي قـدام بـيـتـه مـثـنـــا *** لجل الضيوف الدم من منحره ثاع
وأن كعبت مـن كـنـّس الـقـود دنـّا *** وحـل المعـابـك وأنـتخـا كـل بـزاع
مجـلاد يـنحـون الخصيـميـن عـنـا *** أدنـاهـم الـلي بـالمـنـاعـيـر فــّداع
أخوان هـوى فـزعـت الـلي تـمنـا *** فـوق السبايا اليـا شهـر كـل لمـّاع
رجـالـهـم يـفـخـر الـيـا قـال حـنــّا *** شجعان من ترثت صناديد واسباع
مـن سـاس لابـه يدخلون المجـنـا *** دخيلهم مـا هـو مـن أعداه مرتـاع
مـن لاذ بحمـاهـم لـك الـلـه تـهـنـا *** قصيـرهـم مـا حـام ذوده ولا جـاع
دهـامشـه مـا نـال مـنـهـم مـشـنـا *** نقوة حمايل صيتهم ملي الأسمـاع
وأن قـالـوا بـيـوت الحرايب تـبـنـّا *** مبطي بتحديد الجمل علمهم شـاع
نـذكـر قـديـم افـعـالـهـم مـا خـفـنـا *** يوم السنين اللي بها شل الأقـطاع
والحـمـد لـلـه مـا بـقـي قـول كـنـّا *** الشـر ولا والصعب صـار مطـواع
ويصعب علي عـد المشاهير مـنـا *** حسابهـم فكـره من حسابهم ضـاع

قال عبدالله بن دهيمش بن عبار هذه القصيدة بالرجل الفاضل محمد بن
عايد بن عامر المجلاد مدير مطار القصيم : 224

مـبـداي بالـلي مـطلّـع بالـخـفـايـا *** رب الـمـلأ عـلام غـيـب الليـالـي
جـل الـولي مـالـه اشبـاه وحـلايا *** هـو الكـريـم الـلي عـليـه أتكـالي
أعـوذ بـه مـن داهـيـات الـرزايـا *** وأطلب ولي الكـون يستر خمالي
ومن بعد ذكره نستحث الخـلايـا *** تنظم بديـعات الهـروج الصمـالي
الـفـكـر هـام بـواسـعـات الـثـنايـا *** وبـديت أعـبـر مـن كـلام طـرالي
أمـدح شغـاميم الـرجـال الشفايـا *** المدح بشخوص القروم ايحلالي
مـادام بـاقـي لـلـحـمـايـل بـقـايــا *** نظـهـر ثـنـاهـم طيبـيـن الفـعـالي
ولا الـردي لـوكـان حـاكـم قـرايـا *** ما نمدح الخايب عـطاه الـزوالي
منظوم قافي مـع سـلام وتحيـايـا *** لمحمـد الـعـايـد عـديـم الـرجالي
يا أبـو وليـد أهـديـك مـني هـدايـا *** حيثك عزيز وعند الأجواد غالي
أبـيـات من جـزل المعـاني مـلايـا *** لـهـن بمـدحـك يالسنافي مجـالي
مـا قـلتهن قـصدي أدور العـطـايا *** عـن العـطـأ مغنيني الـلـه بمالي
مـار أنـت بعلوم الفخر لـك سوايا *** الـلـه يـعـزّك يـا بـعـيـد المـدالـي
مـع التواضع فـيك حسن النـوايا *** قـلبك من الأحقاد والحسد خـالي
عادتك مـا تـنظـر لقـعـر الهبـايـا *** لاشـك تـنـظـر للنجـوم الـعـوالـي
دايـم عـلى العـليـا تحـث المطايـا *** نلت الفخر لوهو صعيب المنالي
حيثك مديـر الـلي تجـوب النحايا *** بالجـو تصعـد فـوق شـم الجبالي
يـزهـاك تمجيـد الـثـنـا والهـنـايـا *** والعلم وفـقه من عزيـز الجلالي
وأنـت الـذي تـعبـا لـحـل القضايا *** لابان عجز أهل العضود الهزالي
الـله حماك من الدنس والخـطايا *** ولـي الشرف أثـني عليك بمقالي
حـبـاك ربّـك فـي جـميع المـزايـا *** من شبتك حشت العلوم الجـزالي
يا أبـو وليـد أوهـبك رب البـرايـا *** طبـايـع الـرجـل النبـيـل المـثـالي
يا شيخ ما جتـك المراجل حـذايـا *** ورث الـجـدود مـورثـه للعـيـالي
مجنـاك مـن مجـلاد زبـن الونايـا *** أخو هوى ريف الركاب الهزالي
من ساس عزوه ما تهاب المنايا *** أولاد عـلـي مـحـدديـن الجـمـالي
دهـامشه بعـصور شـل الـرعـايا *** يـروون حـد المـرهـفات السلالي
وأن هج زمل اللي بوسط الحنايا *** الـكـل يـدحـم للخـطـر مـا يـبـالي
حـمايـة الـزلـبـات ستـر الصبايـا *** لهـم الفخـر مـوروث أول وتـالي
يـوم الـمغـازي يتعبون الـمطايـا *** بـديـار نـجـد وبالحـمـاد الشمـالي
فـرسان بسـروج الجيـاد السبايـا *** وبـيـوتهـم يـلجـأ لهـا كـل جـالي

وقال عبدالله بن دهيمش بن عبار هذه الأبيات يثني على الشيخ محمد بن عايد العامر
المجلاد مدير مطار الأمير نايف بن عبدالعزيز بالقصيم وبعض المطارات الأقليميه : 225

محمد بن عـايـد بن عـامـر المجـلاد *** كريم وحليم ويعجب الناس بأخلاقه
محمد سليل المجـد موارث الأجـواد *** عريب المجاني ينتبه مجذب اعراقه
رفيع القـدر والشان للمرجله معتـاد *** لنيل الفخر نفسه طموحه ومشتاقه
عـدو الكبر معدود من ساير الأفراد *** على المرجله رجله سريعه وسباقه
تعلّى وبرز علمه على قمّة الأطـواد *** مجمل عسى يفدونه النـذل والعاقـه
مايمشي الاصعود نحو العلا مسناد *** عاف الطمان ولـوح براس شوهاقه

قال عبدالله بن دهيمش بن عبار يثني على اللواء جزء بن مرجي بن غانم : 226

راكـب الـلي جـريـه يفـوق الجموسي *** مـن دولـة الـيــابـان تـوه لــفـانـي
الـجـيـب صـمـم للجـبـل والطعـوسي *** خمس وعشر من مصنعه للمواني
يـنـوز حـيـن تـعـشـقـه بـالـتـروسـي *** وميل المسافـه يقـطعـه فـي ثـواني
يـمــد مـن قـبــل الـبــلابــل تـنـوسـي *** لديار عـرعـر يجهم الفجـر عـاني
لا جـيت أبـو مـرجي لخشمه تبوسي *** وعطه الجواب اللي لفظ به لساني
كـزيـت مـنـظـوم القـوافي عـسوسي *** للفاضل الـلي مـنهجـه مـا خـفـاني
مـا قـلـتهـا لـه اشتـكي مـن تـعـوسي *** الحـمـد للـرحمـن ربـي عـطـانـــي
عـساه فـي حـفـظ الكـريـم محـروسي *** حيـثـه تـقـي وللخـطـأ مـا يــدانـي
لطـيـف مـا هـو مـن كـبـار النـفوسي *** لكـن نـعـدّه مـن كـبـار الـصـيـانـي
جـزء فـهـيـم ولـلـطـبـايـع يـسـوسـي *** شهم وحليم وفيه عـطف وحـناني
ولا هـو مـن الـلي يكنـزون الفـلوسي *** يكـرم اليـا شـح البخـيـل الـهـداني
ولا هو بوجه الـلي يضيفه عـبـوسي *** يقريه مـن عـيت الكباش السماني
فـي مجـلسه تـلـقـا النشاما جـلـوسي *** مـا مـنهـم الخـداع والـبـهـلــوانـي
مجلس نسل مشعـان يـبعـد هجوسي *** وشوفـه يـفرّح خـاطري وايهنـاني
عـز السجيـن الـيـا نـخـاه محـبـوسي *** يـبـذل لـه جهـوده كثيـر الحسانـي
من يشتكي عض الزمن بالضروسي *** يوقف معه عن جور ظرف الزماني
رقــّي بــرتــبـه لـلـسـرايــا يـروسـي *** وخدم بلاده فـي اخـلاص وتـفـاني
أقسمـت بالـلـه مـا يـمـيني غـمـوسي *** أنــه مـقـدّر عـنـد قـاصـي ودانــي
يـاعـل يـفـداه الـخـبـاث الـنـجـوسـي *** سـود القلـوب مـقطعـيـن الـعـواني
ويفدونـه خـتوش الـرجـال الهدوسي *** مثـل الدبش مـا يفهمـون المعانـي
ويـفـداه مـن هـو لـلكـرامـه يـدوسي *** عـن سمعـتـه ودك تـصـم الأذانــي
ويفداه الـلي عن كـل واجب نسوسي *** وش عاد لـو يملـك رصيد ومباني
ويفداه الـلي مبـداه مـذهـب مجوسي *** الـلي الخـلايـق من شروره تعـاني
مـن ساس عـزوه ما بعـرقـه بلوسي *** عـزوة غـريب الـدار طلق اليماني
من دور أخو هوى وراعي النعوسي *** منـزالـهـم بالمـجـد بـأعـلا مكـانـي
قـبــل تـعــج الـقـوم بـسـلاح روسـي *** وقبل الفتيل وقبل عصـر الـردانـي
أن قـام مـظـهـور الـعـذارى يحـوسي *** وصار المعابك في شطير السناني
رجـالـهـم مـثـل الغـضـنـفـر فـروسي *** يـتـعـب سروج مكاظمات العـنـاني
قلته وأخـذت مـن التجـارب دروسي *** ومن يسمع الترتيل عـاف الأغـاني
لاشـك لاحـظــت الـزمـان مـعـكوسي *** مبطـي عـلـى كـل الـمـلأ شقـلبـاني
شبل الأسود الضاريه صـار عـوسي *** والسبع الأدرع يستشير الحصاني
دنـيـاك هـذي مـا صـفـت للسنـوسـي *** والشاه عقب العـز شاف الهـواني
يتبع

[/size][/center]

تابع
قال عبدالله بن دهيمش بن عبار العنزي هذه الأبيات يثني على الشيخ محمد بن عبدالله بن حجاج
أبو سعود محافظ عيون الجواء وذلك بعد أن شاهد كرمه وهو يستاهل الثناء والمدح : 227

أن كـان حـاتـم بالـعـرب لـه ذراري *** العالـم الـلـه من ضنـاه أبن حجاج
عـلـيـه مـن حاتـم رسوم ومـواري *** طـلـق المحيـا نـاظـره يـبلج ابـلاج
أبـو سـعـود لـجـود حـاتـم يـجـاري *** ياما ذبح للضيف مـن كوم وانعاج
الضان تـثغي مـن فـراق الصفاري *** والبـل على حشوانها صابها خلاج
عـز الشريطي كان هـو جاه شاري *** يا كبر حظ الـلي عـلى شبكهم داج
ريف الركاب اللي طواها المساري *** كـان هضلوا ركابهن عقب الأدلاج
مـنـوت هـواتيش الخـلا بالـغـداري *** هـواشلـه تـلفي عـلى بيتـه أفـواج
وأن جاله الطرقي تريّض اجبـاري *** فـرحت مكاظيم الضماير والأمهاج
تشهـد لجـوده مـرهـاف الشبـاري *** وبيض الصحون اللي من الثقل تنعاج
مـن شبـتـه للجـود والـبـذل ضاري *** عـن الـلـوازم مـا تـعـذر ولا مــاج
يمـينـه اكـرم مـن هبـوب الـذواري *** كفه يفيض من النـدى مثـل هـّداج
يـنـفـق حلالـه بالصخى مـا يـداري *** عنده يقين الضيق يقـفـاه الأفـراج
ما هـو من اللي يكنزون المصاري *** ولا هـو من اللي للمواجيب سهّاج
جوده نقي ماهو من أهل المحاري *** ورزقه على اللي يطلبه كل محتاج
ما صاحب أهل النمنمه والمـزاري *** ولا هـو عشير لكـل خـايب وهلباج
وأن جيب له عند الرجاجيل طـاري *** يـلهـج بمـدحـه بالكـرم كـل هـّراج
الـمـدح بمحـمـد نـقـولـه اجـهـاري *** تمجيـد عنوان الكرم مابها أحراج
مـن حـق شمّر تفتخـر بـه تـماري *** شهم الـرجال اللي له الطيب منهاج
رفـرف علم مجده بعالي السواري *** وصعـد بشماخ العلا روس الأبراج
عـيّـن مـحـافـظ بالـقـرار الـوزاري *** منصوب لـلي للوطن حـرز وسياج

قال عبدالله بن دهيمش بن عبار العنزي هذه الأبيات يثني على الشيخ محمد أبن
حجاج محافظ عيون الجواء سابقاً بمناسبة عودته من الرحلة العلاجية : 228

الخلق فيها انواع واصناف واجناس *** والـكـل مـنهـم بالـفـعـايـل نقيسه
المـدح بالطـيّـب مـفـاخـر ونـومـاس *** ولا ترى الخايب به المدح خيسه
يستـاهـل التمجيـد مـن يرفع الـراس *** اللي الهواشل في مضيفه منيسه
شـروى محـمـد لـلجـزيـلات هـبّـاس *** ما وفـر الخـزنـه ولا صـر كيسـه
ساسه ذهب ماخالطه صفر ونحاس *** كـنـز الجـواهـر من معادن نفيسه
يالنادر الـلي مخلبـه مثـل الأمـواس *** طيـر السعـد يرمي جزيل الفريسه
نقـول لـك يا صاحب الجـود لابـاس *** دايـم عسى ما تشوف ليلـة تعيسه
رب الملأ يحميك من نظـرة النـاس *** أهل الحسد وأهل القلوب النحيسه
القصر مـا يشمخ جداره بـلا ساس *** والغرس طلعه من مجاني غريسه
طبع الكرم لك ورث والعرق دساس *** وأنتم مقر الطيب يا أهل اللحيسه
تلقا بصيانيهم كمـا تلـول الأطعـاس *** مثل الصوامع في سطوح الكنيسه
من ساس لابـه يـوم للذوّد حـبّـاس *** وقت اللقاء والكون حامي وطيسه
من فوق زرفات الركايب والأفراس *** يثنون يوم السيف تسمع ضريسه

قال عبدالله بن دهيمش بن عبار هذه القصيدة يثني على الشيخ محمد بن عبدالله
الحجاج محافظ عيون الجواء سابقاً والمستشار في أمارة القصيم : 229

مبـداي بسـم الـلي لـه العبـد مملوك *** رب الخـلايـق والــي الـكــون كـلّــه
باسمه كتبت القـاف بمسطّـر البـوك *** وعـذيـت لفـظ القـول عـن كـل زلّـه
الطـيب كايـد والفخـر مسلكه شـوك *** مهـما مشى حافي القـدم مـا وصلـه
يطـولـه الـلي عادتـه يقـرب الحـوك *** بـاسـل شجـاع ولا يـعـرف الـمـذلّـه
طالـه محمد مابهـا ظنـون واشكوك *** مثـل العـلم منصوب فـي راس تلّـه
مـا عـلـم أبن حجّاج مهمل ومتروك *** عـبـر السنيـن ومـرمسـات الأهـلّـه
وافـي مـع القـاده سلاطيـن وملـوك *** وحـافـظ لـديـنه والـوطـن مخلصلّـه
وأن جـاه منيوب من الروع مربوك *** عـقـد الـبـلايـش بالـوجاهـه يـحـلّـه
زبن الذي من لوعة الوقت مضنوك *** يـلـقـاه فـي وقـت الـلّـزم محـزمـلّـه
من دك في صدره هواجس وداكوك *** يـزيـل عـن صـدره ثـمـانيـن عـلّــه
يـوقـف مع الـلي ضده الكيد محيوك *** عن جور ظلم أهـل النفوس المغلّـه
الـلي يلـوك الهـرج من ملسنه لـوك *** غّـره زمـانـه والسنيـن اضـحـكـلـه
ومـن عـال لابـده بـالأقـدام مـدمـوك *** والحكم يقضي فـي شـريعـه ومـلّـه
يا مكرّم شخوص الحمايل اليا جوك *** والضيف حـزّت لـفـوتـه يـحـتـفـلّـه
مـن زار بـيـتـه ياجـد البـاب مفكوك *** غـرب الـقــواره كـل عـانـي يــدلــه
ماشيف قصره يوم مغلق ومصكوك *** طـول المدى ما يقفـل الباب ل لـلـه
شاد المضيف اللي كما حيد مسموك *** لأجـل الكـرم عـمّـر مضايف وفـلّـه
مجلس شرف ما يقربه كـل صعلوك *** ولا داج بـه مـن سايـر الناس شلّـه
ينفـق بجـود ومـرزقـه دوم مبـروك *** ولا اشكل عـليـه المال كثـره وقـلّـه
مـا مقصـده يـرصـد ملايـيـن بـبنوك *** الـمـال فـي كسـب الـفخـر يستغـلّـه
يـبـذل ولا كـفّـه عـن البـذل ممسوك *** ومن طيبه شخوص الحمايل تجلّـه
يلقـا الهـواشل في بهاليل واضحوك *** حواجـبـه طـول الـمـدى مسـفـهّـلـه
عـلى الكـرم عنده شهادات وصكوك *** ولـفـظ الـهـلا والمـرحـبـا عـادتـلّـه
يفرح به الـلي يـربي الضان بشبوك *** عـيـت الكبـاش ربـاط ربـقـه يحـلّـه
وكم حاشي دمه عـلى القاع مسفوك *** مـهـما تـحـن الخـلج مـا قـال خـلّـه
يابـو سعود الناس من طيبك اغلوّك *** عـملـت خـيـر الـلـه يـظـلـك بـظـلّـه
عـنـدك مـقـام الأجـنبي كـنّـه أخـوك *** تـرفى خـمـالـه كـل مـا شفـت خـلّـه
سلم الجدود الـلي على الطيب ربوك *** طـبـع الكـرم والجـود فيهـم اجـبلـّه
الــدرب قـدّامـك مـمـهـد ومـسـلـوك *** مـهّـد لـك الـلي صـاحبـه مـا يـمـلّـه
حيثك ورثت الجود من مارث أبـوك *** يـامـا ويـامـا مـن المـدايـح حـصّلـه
أبـوك مـالـه لـلـمـحـاويـج مـشـروك *** الشهم الـلي بـه تـفـتخـر عـزوتـلـه
ولـو مـا تبعـته كـل الأجـواد لامـوك *** مـن حـقّـك اتجـدد صحايـف سجّـلـه
منسوب من معـدن من الدر مسبوك *** وافـي وفعـل أهـل اللحيسه فـطـلـه
يوم الجفاء والجوع والعـمر مدروك *** فـعـل العلـوم الـغـانـمـه يـشـهـدلّـه

وقال عبدالله بن دهيمش بن عبار هذه الأبيات يصف بكرم الشيخ
محمد بن عبدالله الحجاج محافظ عيون الجواء حفظه الله : 230

مشكور يا محمد أبـو سعود *** الـلـه يـكـثـّر مـن امثـالــك
المـدح فـي حضرتك ماكـود *** أمـدحـك والمـدح يـزهالـك
فـوق المعالي رقيـت سنـود *** بـيـن السماكـيـن مـنـزالـك
عضدك بفعل الولاء مشدود *** والـلـي طـلـبـتـه تـهـيـالـك
تحشم عن العيب والمنقـود *** والخير طـول المـدى فالـك
يا شيخ طيبك عـليه شهـود *** جـعـل السعـد دوم يـبـرلـك
فيك الطنا والسطـر موجـود *** يوجـد تحـت لـفـت عقالـك
فيك الكرم والصخّا والجـود *** تبذل على الطيب من مالك
يا مقـلـط الضـان والمفـرود *** والـبـن والـهـيـل بـدلالــك
وسط المداخن يفـوح العـود *** رب المـلأ يطيـّب اعـمالك
ما أظـن حاتـم غلبـك بـزود *** تـنـفـق ولا طـعـت عـّذالـك
قولـت هـلا سلمـك المعهـود *** وتفـرح بضيفك اليـا جالك
مـن كـل ديـرة تجيك جـرود *** تـستـاهــل الـلـي تـعـنّـالـك
شـرّفـت ديـوانـك الـمشيـود *** وأتعـبـت بالـزهـم جـوالـك
على الكرامه دعوت اوفـود *** ولبـوا نـدا صوت مرسالك
عـلى الفخر تبـذل المجهـود *** ومشوا على سلمك عيالك
أبـوك لـه بالفـخـر مـقـصود *** ربّــاك واعـتـز بـافـعـالــك
أنا اشهد أنـك عـريب جـدود *** معدن ذهـب جدك وخالـك
مجناك من عـزوة المسعود *** شـمّـر عـوانـيـك ورجـالـك
أهـل الحيسة حـمـات الـذود *** يـوم الـزمن بالجهل حالـك

قال عبدالله بن دهيمش بن عبار العنزي هذه الأبيات بمناسبة اجتماع
أسرة السيف ببعض أبناء عمومتهم من قبيلة المسكا من السبعة : 231

الجاش هاض ولطف القـاف تلطيـف *** والفـكـر يـمـلي مـن معـاني كلامـه
شوف الرفاقه يجلب الأنس والكيـف *** الـلـي بـمجلسهـم تـطـيـب الأقـامـه
مـن وجـه الـدعـوة معـزه وتشريـف *** عسى ولـي الـكون يـرفـع مـقـامـه
أبـن سمـاح الوايـلي مكـرم الضيـف *** أحـمد سليل جروح ساس الشهامه
قـدمـت لـه شكـري ولا قـلتهـا زيـف *** قـرم العـيـال الـلـي بـعـيـد مـرامــه
مشكور مـن خـلا الضماير موالـيـف *** الـلي شـمـل ربـعـه يـريـد التمـامـه
كـرّم رجـال السيف والنعـم بالسيـف *** أهـل المـراجـل حـافضين الكـرامـه
لأجـل التواصل مـن جميع الأطاريف *** تـجـمـعـوا والـكـل زاد اهـتـمـامــه
مـا هـمهـم كـثـر التـعـب والتكالـيـف *** الـكل مـتـشـوّق لـشـوفـة عـمـامـه
في حايل وبقعـا لقـاهـم كمـا الـريـف *** يـا بـعـدهـم عـن الـردى والمـلامـه
واليـوم فـي دار الـرجـال المزاهيـف *** الـلي سلـوم الطيب تـفهـم نـظـامـه
وأمدح رجال السيف ماهـم هذاليـف *** من ساس لابـه مـا بعـرقـه رخامـه
لابـة مسيـك مكـملـيـن التـواصـيـف *** عـاداتـهم يـثـنـون دون الـجـهـامـه
يـوم المراجـل بالسيوف المراهيـف *** عوق اللـدود الـلي بـراسه زعـامـه
دخيلهـم يـبـعـد عـن الـذل والحـيـف *** كـنـه بـعـيـطا مـن شـوامخ تـهـامـه
أبن الشليمي شاف غـلب الملاقيـف *** وزبـن عـليـهـم يـوم دانـيـه ضـامـه
وسميـر بـن زيـدان طـاح بمهايـيف *** ومن حين جاهـم صاحبتـه السلامه
يـا كـثـر لـرجـال المسيكي مواقـيـف *** يـوم الـرجـل يفعـل بشذرة حسامـه
الأسحم اللي من هاك اليوم ما شيف *** روحـه فـدا لـلـجـار قـرر اعـدامـه
وعبـدالله جلادان مـا يـريـد تعـريـف *** الترك تـعـرف هـيـبـتـه وأحتـرامـه
وهدلان له في صايب الري تصريف *** راعي الـدوا المنعور مابه غشامه
يصعب نعد المجد بالفعـل اللي شيف *** ومدحي لهم بـه عـز ما هـو ندامـه
والكـل تـعـرف مـيـزتـه بالتصانـيـف *** ربع المسيكي من ضنا عبيد هامـه
مـن عـزوة مـنـزالـهـم بالـمشـاريـف *** يا سـعـد منـهـم بالـلـوازم حـزامـه
أعـني هـل العـرفا لهـم جمع ايخيـف *** دلاق يسحـق كـل مـن جـاء أمامـه
كان اعتلوا فـوق البكـار الهـراجيـف *** نـطـيـحهم مـا يـنـقـلـنـه عـظـامــه
أفعـالهـم مـا هـي عـواري وتسلـيـف *** مـثـل الـقـمـر مـا يـتـقـي الغـمامـه
المجـد يـذكـر بالمجـالـس سـوالـيـف *** مـا يـنمحي حـتى تـقـوم الـقـيـامـه
ومـن يـتـرك العليـا تكاسل وتسويـف *** هـيـهـات مـا ظـني يسـره مـنـامـه
أقـولـهـا ولا حـرّف الـقـول تحـريـف *** ماضي فـعـايـلهـم لـقـولي دعـامـه

قال عبدالله بن دهيمش بن عبار العنزي هذه القصيدة يثني على الشيخ
خليفه ابن عبدالمحسن السيف السبيعي العنزي : 232

قـال الـذي صـاغ البـيـوت اللطيـفـه *** وبـدأ يـعـّبـر مـن ضمـيـره قـوافـي
قلت الصحيح وذارب الشعـر زيـفـه *** ولا نـلـفـظ الـلـي للفضيـلـه يـنـافي
الـطـيـب مـا يـبـلـغ مـداه الهـديـفــه *** ولا يـدرك الطولات خـطو الهـلافي
والمـدح بـالطـيـب نـعـده طـريـفـــه *** ومـن لا يـعـد الحـق مـابـه أنصافي
الـمـدح والتمـجـيـد يـزهـا خلـيـفــه *** يـستـاهـلـه قـرم النشامـا السنـافـي
أبـو مـحـمـد بـالـكـرم عـز ضيـفــه *** مثـل القـراح الـلي مـن الجم صافي
هـام وصعـد شـم الجـبـال المنيـفـه *** عـاف الهبـوج الطامـنـه والمهـافي
يقدم عـلى الصعبه ولـوهـي كليـفـه *** يوم الـردي عـن طايل المجد غافي
أكـرم مـن الناشي اليا هـب هـيـفـه *** طيـبه عـلى وضح الـنقـا بالكشافي
أنـا أشهد أن المرجلـه لـه وضيـفـه *** وأنا أشهـد أنـه بالمـواجـيب وافـي
زاكي الجناب اللي علومه شريـفـه *** نال الفخـر ما هـوعلى الناس خافي
فـي مجـلسه تـلـقـا ونـاسه وكيـفـه *** قولـت هـلا مـع مسمنـات الهـرافـي
يـجـود بالجـزلـه ونـفـسه عـفـيـفـه *** فضلـه عـلى كل الأصاحيب ضـافي
كـريـم سبـلا والضـمـايـر نـظـيـفــه *** كـفـه يجـود الـيـا هـبـا كـل هـافـــي
طـبـع الكـرم ربـيـع قـلـبـه وريــفـه *** وكسب الفخـر سلمـه بعـيد الهدافي
يـا عـز مـن هـو باللـوازم حـليـفـه *** لا شاف من جـور الـزمان أختـلافي
لـه الصخى والجود والبـذل صيفـه *** عـسى الـولـي يـاقـاه شـر الخـلافي
لو أبي أسجل من مديـحه صحيفـه *** مهـما وصفـتـه بالكـرم غـيـر كـافي
جـده يـرّحـب بالهـواشـل مـضيـفـه *** وأبـوه عـز الجـار ريـف الضعـافـي
ينصاهم اللي من الوهق بان حيفـه *** يـوم السنيـن المجحـفـات العجـافي
وأخوانـه أعـوان الشقيـق وسعيفـه *** الـكـل يـذكـر طـيـبـهـم بـاعـتـرافـي
بـهـم التـواضع والنفوس الخـفيفـه *** وأدنـاهـم الـلي لخملة الجـار رافـي
والسيف ربـعـه هـم سلاحه وسيفه *** مـن لابـةٍ تـروي حـدود الـشـلافــي
يـوم المـراجل بالسيوف الـرهيـفـه *** مـن يطعـنـونـه مـا يشافـيـه شافـي
الـلي يـبـوجـون الـديـار المخـيـفـه *** حـامـيـن بـالأكـوان حـم الـشعـافــي
شجعان بعصور الحـروب العنيـفـه *** تـدبـر اعـداهـم عـن لقـاهـم مقـافي

قال عبدالله بن دهيمش بن عبّار العنزي هذه القصيدة بمناسبة حفل الأستاذ
طلال بن سليمان بن غنيم السيف في أم رقيبة : 233

الفكـر هـاض ونظّـم القـاف تنظـيـم *** بمناسبة بحضورها طاب لي كيف
بالمحفل الـلي بـه كـرامـه وتكريـم *** محفل طلال لكل الأصحاب تشريف
في دعوته عمم عـلى الـربع تعميم *** وجوه الرفاقة من جميع الأطاريف
ربعه على شوفت بعضهم مضاريم *** بيض السرايـر والضماير مواليف
نـعـم بـطلال المحترم خلـفـة غـنيـم *** الفاضل المنعـور من مارثة سيـف
مجنـاه من صلب الـرجال الشغاميم *** تاريخهم معروف من غير تعريف
الـلابـه الـلي ما لحـق جارهم ضيم *** ولا شناهم في سنين القصا ضيـف
نـوادر صـقـور الحـرار الصواريـم *** الـلي عـلى كـل المراجـل مـزاهيف
عـزوة بني وايـل بـوقـت الملازيـم *** ما منهم اللي له عن الفعل تسويف
عـز الصـديـق وللمعـاديـن تحطيـم *** لاحـل ضـرب مصقلات المـراهيـف
حـاميـن قطعـان الجهـام الـدواهيـم *** يا مـا رعـت ذيـداهـم قـفـر مخيـف
مبطي لماضيهـم رسـوم ومراسيـم *** صدق صمايل بالدواير لـه ارشيف
عديت قول الصدق مـا هي تواهيـم *** قـلـت الحقايـق ما كلامي تصانيف
ما خطه التاريخ هـو خـيـر تحكيـم *** والناس ما تـغـدي عليها الأراجيف
ولا ينفـع المثبـور بالمـدح تـفخيـم *** المـدح بالخـايـب تـمـلّـق وتـزييـف
نـعـتـز بـالطـيّـب قـلـيـل الـمـثـالـيـم *** ولا نعـتـزي بالخايـبيـن الهـذاليـف
شروى الذي شد العـزايـم بتصميم *** وصبر عـلى كثـر التعب والتكاليف
فكـره عـطـاه مـن المراجـل تعاليـم *** رام الـفخر مـا يكترث بالمصاريف
عـرض بجـزلات النيـاق المجاهيـم *** نقـوة من خيـار البكـار المزاغيـف
الـني يـزمي بـالـدفـوف الـمـراديـم *** مثـل النـوازي بالجبـال المهـاديـف
حـم الـذرى لا درهمت تشبه الـريـم *** سـود المناكـب نابـيات الأشاعيف
عـلـط الـرقـاب مرفعـّات الطـراخيـم *** وأنا أذكر الـلـه كاملة بالتواصيف
البل لهـا من والـي العـرش تعـظيم *** مـذكـور بالآيـات مـافـيـه تصحيف
يا الـلـه يا مـرسل نبـيـّك إبـراهـيـم *** بسمك نعـوذ من الندم والتحاسيف
نطـلبـك يـا رب الملأ تـنشي الغـيـم *** وتـنـزل عليها الـلي لبرقه رفاريف
يـدهج مراتعهـا المـزون المرازيـم *** سيـل يفيض من الجبال المشاريف
ياخـذ شهـر ما يفصل الوبل بالديـم *** حـتى تصيـر ريـاضها كـلهـا ريـف
تلقا الشعير بمخـزنـه بـار مـا سيـم *** ألا ولا تـشبـح نـظـرك الـمعـالـيـف
ولا تـشـوف بـداخـل الشبك برسيـم *** لا بالشتاء يشرى ولابكنّة الصيف
تـرعـى زماليـق الفجوج المخاريـم *** وترجع من المفلا بدان السراجيف

قال عبدالله بن دهيمش بن عبار هذه الأبيات مسنده على الشيخ تركي بن
عمر بن ربيعان شبخ الروقة من عتيبة : 234

يا مرحبـا حييت يا خلفت اعـمـر *** في بيت شغموم النشاما شخيّر
ياتركي أنت من الذي مابهم شر *** خيّر وتنجب من صماصيم خيّر
من نسل شيخ في نهار اللقا مر *** يـوم العـرب كـلـن لـداره يجـيّـر
من يزبنه ما يشتكي برد أو حر *** بالعصر اللي شاين زمانه يحيّـر
سلايـل ربـيـعـان كـلـن لهـم قـر *** ريف الهواشل مكرمين المسيّـر
ويوم السنين القاحلـة مابها در *** والنوق تنفـر ما يـفـيـد المضيّـر
بالقحط تلقا صحونهم بالشحم غر *** عصيب حيـل وحـدره الـزاد ديّر
قصيركم محشوم ما يلحقه ضر *** يرقـد بأمان مـن العـدو ما تذيّـر
قاده لسلطان العـرب سادة البـر *** رجالهـم عـن منهجـه مـا يغـيّـر
رجالهم من صولة الخصم مافر *** يخشى كلام الـلي بهـرجه يعيّـر
يتبع

تابع
قال عبدالله بن عبار يسند على مليّح بن مطير : 235

يا ملـيّـح يا مطـيـب المجـلاس بالـدكـه
وقت الضحى والمساء بطحاه تفرشبه
مجـلسك مجـلس نشامـا مـابـهـم شكـه
حيث الصحيب التـقي لمصاحبه يشبـه
الـبـر أونـس مـن الـعـمـران وابـلـكـــه
لا ضاق بالـك تمشى في خضر عشبـه
عن الهواجيس وضيق الصدر والضكه
شف أبـو نـواف دوم الـبـر يطفش بـه
عسى يحفظك الـذي حـفـظ حـرم مـكـه
منبـت غـلال الـثـرى خـلقـه تعيش بـه
صاحبـك الـلي تـأمنـه يا مسنـدي زكـه
والخـايـن أحـذر منـه بالك تحـرش بـه
به نـاس مـنهـم تـمـل وتـبـغي الـفـكـه
بعـض الأوادم ثـقيـل وعـشرتـه نشبـه
مـن ويـن مـا تـتجـه يمسك لـك السكـه
هـذاك مـن رافـقـه يـورط ويـبلـش بـه
وأن كان جاك الردي بابـك عنـه صكـه
تـراه مـن عـاشـره لـه يـوم يكفش بـه
لو قلت طاب الـردي طبع الـردى عكـه
مثـل الـذي طـالع الشاخص وشوشبـه

وقال عبدالله بن عبار أيضاَ هذه الأبيات يسند على مليّح بن مطير : 236

متى على الله ينوض البرق يا مليّح *** نبي نجوب البراري مع رجا سويلم
بالديره اللي بهـا الجوال مـا ايصيّح *** ولا تسمع اللي يلوك الهرج ويهيلم
في كـل روض نمد الفـرش وانـريّح *** أطيب من اللي كشت للترك والديلم
لا تـنتـقـدني تـرى المكـنـون متبيّـح *** قـبـلي بـدأ بالقـوافـي والـد الـهيـلـم

ابيات مسنده على مليّح مطير : 237

يا أبـو يوسف كنت لـي تقول هيّـف *** ونجتمع عـلى السوالـف والوناسـه
بـشـرنـي عـساك بالقـلـعـه مـكـيّـف *** دكتـك مـن زارهـا تـجـلـي عمـاسـه
صـار لـي مـدّه وأنـا عنـدك مصيّـف *** ماعـنـدي عـمل ولا عـنـدي دراسه

قال عبدالله بن دهيمش بن عبار العنزي هذه القصيدة بمناسبة دعوة
عيال عودة بن داله الخمشي لجتماع قبيلة الخمشة بمدينة الشملي : 238

لـي الشرف بحضور حفل أبن دالـه *** رغـم الظـروف لدعـوة الربع لبيت
حـفـل الـكـرام الـطـيـبـيـن أعـنـالــه *** ما هي حسافه صوبهـم لـو تعنيـت
حيث الضمير لشوف الأجواد والـه *** القـا الكرامـه عندهـم كـل مـا جيـت
نسل النبـيـل الـلي تـشّرف افـعـالـه *** عـوده على راس النبا يشمخ البيت
كـيـف النـشامـا يـنـوجـد فـي دلالـه *** فـنجـال مـا كيـفـه ارقـيلـه وباكيـت
وساروا على منهج طريقه عـيالـه *** أدناهـم الـلي قيل يا نعـم ما اطـريت
عـيـال عـوده يـدركـون الـجـمـالـه *** صيد الرجال اللي لهم بالفخر صيت
مشكور مـن يجمع عواين رجـالـه *** تـجـمـعــوا كـل الـرفـاقـه بـتـوقـيـت
عـزوة هل الجدعا نحضر احتفالـه *** العـزوة الـلي فـي لـقـاهـم تـهـنـيـت
مثل الجبل يذري عن الشوب جاله *** الـلي بهـم وقـت الشـدايـد تـعـزويت
وأن جاهـم الجـاني يـدور الـدخالـه *** دخـيـلـهـم مصيـون مـا قـال ذلـيّـت
المـدمـي المطـلـوب صفـوا بـجـالـه *** مهما بلغ جرمه يقولون ما خطيت
والضيف ياخـذ واجـبـه فـي كـمالـه *** يقلـط عـلى عـيت الكباش العناتيت
مـا منهـم الـلي صـد للضيـف زالـه *** يـوم العـدول مـن المكايل مبـاحيـت
وقـصيـرهـم يـدلـه ويـنسـاح بـالــه *** مهما يطـول الـوقـت مـا قـال مليّت
قـصيـرهـم لـو عـال يـرفى خـمـالـه *** يحشم جنابـه عن كـلام الشواميـت
وأن جاهم اللي من الزمن باد مالـه *** قـالـوا تـبشّر بالـرفـد يـامـن أبليـت
الـكـل يـنـفـق مـن غـوالـي حـلالــه *** يـوم الـزمن جافي قبل يطلع الزيت
والـلي يحالـف جمعهـم طـاب فـالـه *** يـقــول نـلـت بـعــزهـم مـا تـمـنيـت
هـم ملتجأ الـلي غيّر الوقـت حـالـه *** صفـوة صناديـد الـرجـال الـزنـاتيت
خـصيـمهـم مـفـلـوج فـي كـل قـالـه *** حظـك ردي يالـلي عليهم تهقويـت
مـا يـوم حـطـوا للـمحـامـي وكـالـه *** بالسيـف الأمـلـح ذلـلـوا كـل نتنيـت
أعـني مـدابـيس الـوغـى بالصيالـه *** أهـل الحميا الـلي لطاريهـم أوحيت
أهـل الصخى والمرجـلـة والبسالـه *** يـوم النخـاوي والحـدا والمصاويت
لا ثـارت الجدعاء بعـصر الجهـالـه *** نالـوا فخـرهـم بالسيوف المصاليت
سـلايـل سـلـيـمـان نـعـم الـسـلالــه *** أفعـالهم مـا أحصيـه لـو كان عديت
يوم الفخـر فـوق النضى والخيالـه *** فـرحـت ضميـرك كـان بالجـد ناديت
الـلي يـنـاطـح جمعهـم مـن هبـالـه *** يـقـفي بـحسـرات الـنـدم والتـناهيت
واليوم في حكـم الشرف والعـدالـه *** لمـوا طـوارف شملنا عـقـب تشتيت
أطلـب من المولى عـزيـز الجـلالـه *** الـلـه يـثبـتهـم عـلى الحـق تـثبـيـت

قال عبدالله بن دهيمش بن عبار العنزي هذه القصيدة بعد أن سكنت في منطقة
القصيم وشاهدت كرم وحفاوة أهل القصيم قلت هذه القصيدة أثني على أهل القصيم
من كرام الحمائل من الحاضرة والبادية وأنوه عن أعمال رجال العقيلات الذين اشتهروا
في رحلاتهم ومواقفهم المشرفة وأخلاصهم لدينهم ومليكهم ووطنهم فقلت : 239

مبـداي بالـلي أرزاق الخلق كافـلهـا *** رب الخلايـق بديـع الكـون بـاريـهـا
ذريـة آدم عـلـى المخـلـوق فـضلّهـا *** وما كـنّت صدورهـا يعـلـم بخافـيها
الخـالـق الـلـي لـنـا الأنـعـام حـلـلهـا *** مـن مـد جوده جميع الخلق يعطيها
وبعـد ذكـر الله بدعت أشعار قـايلهـا *** منظـوم مـن خاطـر الأفكـار يمليهـا
أختـار من عـذب القوافي صمايـلها *** عـن نقـد سامعها وعن نقد قـاريهـا
قيفـان نظمتهـا مـا أبـغـي مقـابـلهـا *** مـن يـفتهم مقصدي يـدرك معـانيها
قيـفان بأهـل الفخـر تلقى بمحافلهـا *** شبـابـهـا وشيـبهـا بالشعـر أحيـيهـا
تـهـدى لـلي قصـد المعاني يحلـلهـا *** بأهـل الشهامه والكـرامـه مسويهـا
أزكى التحية مـن الأعـماق مرسلها *** تحـيـةٍ مـن صميـم الجـاش مهـديها
عساك يـا سامع المنطـوق تـنقـلهـا *** لأهـل الديار الـلي من القلب نغـليها
دار القصيم الـلي نـويـت أتـنـاولهـا *** بالمـدح لكن مـا هقيت أنـي أوفـيهـا
يا سعـدهـا بحكم فيصلهـا وفيصلهـا *** فيصـل بـن بـنـدر الصنديـد والـيهـا
حكـم بالأنصاف والبلدان ما أهملهـا *** بـه تفتخر حضرهـا وتفخر بواديها
وفيصل بن مشعـل الدكتـور جـملهّـا *** نسل الملوك الـلي عـريبه مجانيهـا
والكـل منهم قصارى الجهد يـبذلهـا *** نـتـايـج جهودهـم بـانـت مـواريـهـا
سلام يـا حـضـر القـصيم وقـبايـلهـا *** الـلي سكن بالقـرى والـلي حواليها
سلام لشخوص القصيم وحـمـايلهـا *** سـلام لأعـيانها وحـضرة عـوانيهـا
سـلام يـا بـلاد القـصيـم ومـنـازلـهـا *** سلام يـا ساكـن الـديـرة وأهـالـيهـا
سـلام لسـوار القـصيـم ومـداخـلـهـا *** سـلام لـبـروجـهـا وعـالي مبانـيهـا
سـلام لخـبـوب القصيـم ومساهـلهـا *** سـلام لجبـالـهـا وشامـخ روابـيـهـا
سـلام لـغـروس القصيـم ومشاتـلهـا *** سـلام لـرمالـهـا والـلي نـبت فـيهـا
سـلام لـفيـاض القصيـم وخـمـايلهـا *** سـلام لـريـاضهـا ومـربـع مفـاليهـا
سـلام لـعـدود القـصيـم ومنـاهـلـهـا *** ســلام لحـجـارهـا واتـلاع واديـهــا
سـلام لحـفـود القـصيم ودحـامـلـهـا *** سـلام لخبوتـهـا ومـرتـع سـوانيهـا
دار القصيم أطلب من الرب يجعلها *** يـعـتـز قـاصدهـا ويـرتـاح نـاصيـهـا
دار الكـرامـة يـعـل السيـل يـدهـلهـا *** رب الملأ من مـزون الغيث يسقيها
مـن ديـمـة نـاشيـة تـرزم مخايـلهـا *** بالهاطل الـلي جذوع القشع يحييهـا
ريضانهـا تخضـر وتـجـري مسايلها *** حـتى بـهـا الـورقاء تـردد أغـانيها
تسمع تـغــرّد بـالـخـمـايـل بـلابـلهـا *** وتسجع بصوت شجي البال يوحيها
دعوة عسى الله والي العرش يقبلها *** رب المـلأ دعـوات عـبـده يـلبـيـهـا
الـديـرة الـلي مـا خسر مـن توهلهـا *** تجـمع حمايـل بليـغ المـدح زاهيهـا
مثل المسوح الـلي تهاشل مشايلهـا *** سكانهـا عـن حـرام الكسب تغـنيـها
العـوني الشاعـر المشهـور مثـلـّهـا *** تشبه خلـوجٍ نـدب بالصوت راعيها
يـوم اخلجت دارهم جوهـا بـواسلها *** بسيـوف مـن دم الأعادي تـحـنيـهـا
جـحـافـلٍ نـخـوة المضيـوم صولـّهـا *** يـوم الحرايب مـا ربح من يناحيهـا
وأن ولـعّـت جـذوة مقابـس فتايلهـا *** عـدوانهـا صالي اللاّهـوب يشويهـا
أن صالت جموعها وخابت عواذلها *** ما نال من دارهـم من صال باغيها
أولاد عـلي عـنـاد الخصم يـزعـلـهـا *** أن حان وقت اللقاء ما أحد يلاقيها
وأن كان نار الوغى شبّت مشاعلها *** ما يكسر جموعهم من هو يعاديهـا
تحمي حـمى الـدار والثارات تدبلهـا *** وقت المعامع بغـالي الروح تفـديها
دار الأسـود الـلي تـشّـرف فعـايلهـا *** دار الـرجال الـلي من الضد تحميها
دار الــرجـال الـلي كـثيـره نـفايـلهـا *** الـكـل يـفـخـر بــهـا لا حـل طـاريـها
دار الرجال الـلي عـلى سلم أوايلهـا *** الـلي عـلى الطـايـلـه طالـت يمانيها
دار الرجـال الـلي قـديـمـه مراجلهـا *** اللي عـلى فعـل المـراجـل مشاحيها
دار الرجـال الـلي عـريبـه مخاولهـا *** عـزوة عـقيـل الـلي بعيـده مـداليها
دار الـرجـال الـلي تجـوب بقـوافلها *** مـا ديـره الا رجـال عـقيـل تـأتـيـهـا
الـديـرة المخصبة تجـلـب مكـايـلهـا *** وتفرج لناس زمان الجوع ترجيهـا
تشهد لـهـا نجـد ما تـنسى جمايـلهـا *** من كـل الأنـواع بالمونـة اتـغـذيهـا
ويوم القصا بالسفر تتعب رواحلهـا *** فـوق النجايب بعـيد الـدار تطـويهـا
يسعون وقلوبهم عـلى الوطن ولهـا *** ولا منهم الـلي ملك الأجداد ناسيها
الهنـد والسند ربـع عـقيـل توصلهـا *** وبلاد غـزه تـدوّج فـي ضـواحيـهـا
ما هي سياحة لأجل مشاهـد الملهـا *** لـكـن تجـارة لـوازم نـجـد تـشريهـا
أوقـاتـهـا بطـاعـة الرحمن تشغـلهـا *** ومجالس تجلـب الهـاشل قهـاويهـا
أهل مضايف ماعن الضيف تقـفـلها *** قوم بعصر الجفاء تـنـدى صيانيهـا
تنسب لهـم أطيب الأفعـال وأجـزلهـا *** نعـم الـرجال الـلي بعـيده هـقاويهـا
يا مكثر الـلي عـروض المال سبلّها *** ما هو رياء يرجي من الله حسانيها
تعـتـز بسلومهـا وتحسن تـعـامـلهـا *** والكل يفخـر بهـا ويشكر مساعيهـا
وصف الفعـايـل حقيقـة مـا أتخيلهـا *** سوالـف عقيل كـل النـاس تـرويهـا
أشيـد فـي مـدحـهـا والنعـم يشملهـا *** فـوارس تـرهـب العـايـل عـزاويهـا
أبـي أخبر الـلي سلوم عقيل يجهلها *** مـن شاد بالمـدح والتمجيد يعـنيهـا
أمجـادهـم مبـطي الـتـاريـخ سجلّهـا *** كانت حديث العرب عنها بنواديـهـا
قـوم مـن إخـلاصها بـيض فـوايلهـا *** بـقـلـوب رب الـمـلأ للخيـر هـاديهـا
سادات والـلي يسود القـوم عاقـلهـا *** أفـعـالهـا بـأعـلى المراتـب تـعـليهـا
تمسّـك بـديـنهـا وتخـلص لعـاهـلهـا *** الـلي شعوب الوطن حقـق أمـانيهـا
يـوم أبـو تـركي أيـاد الشـر كـبّـلـهـا *** طوّع عتات العـرب وأنهى مغازيها
أنعـم عـلى الأصدقاء واعـداه ذللهـا *** ورجـالـه المخلصه طبـعـه يكافـيهـا
جـل المناصب مـن القصمان شكلهّا *** واثق من أخـلاصها ويعرف تفانيها
أهـل التقّى فـوق السماكين يشهلها *** وأهـل الطغى والكيـد يقلع مضاويها
قـاد المسيـرة وسـار الليـث بـأولهـا *** يـبي الجزيـرة مـن الـريبـة يصفيها
حـّوط عـلى بـرها وحـرر سواحلهـا *** حـتى أثـبت حدودها وحـدد موانيها
المـقـرني عـزهـا وحـلـل مشاكـلـهـا *** حـكـم وشرع الـولي طـبّق مباديهـا
المقـرني داره عـن الشوب ضلـلهـا *** دار الجزيره مـا تجـد مـن يضاهيها
اللّيث أبـو تركي عـن الشر عـدّلـهـا *** كـل الشعوب الحق والعدل يرضيها
الحاكـم الـلي صحاري نجـد حـوّلهـا *** ابعـد ظلام الـدجى ونـوّر صحاريها
والـلي الأمانة على الأمتان تحملهـا *** أنجـال صقـر العـرب ربـي يـقويهـا
من ساد منهم حمول الشعب شايلها *** وأهـل الغدر حكم الشريعه يجازيها
هـم عـزها ومجدها وقادة جحافـلها *** ضد الطغاة وضد من شار مغـويهـا
مـن أسـرة نـالـت الأمجـاد بأكملـهـا *** يشهـد لهـا بالفـخـر تاريخ ماضيهـا
الـلـه عـلى خـدمـة البيـتيـن وكلـهـا *** مـن فـضـل رب المـلأ كـلـن يهنيهـا
بالحـق الأبلج هـل الريـبـة يجادلهـا *** وأهـل الغـوى والعيا يقطع علابيهـا
وصلواعلى اللي علوم الدين فصّلها *** المصطفى مرشـد الأمـة وقـاضيها

قال عبدالله بن دهيمش بن عبار هذه القصيده أشادة بالرجل الفاضل محمد
الدخيل البرازي السهلي ابو بداح وهو من الرجال الذين عرفتهم من
خلال مجاورتي لهم وعرفت عنه الشهامة والكرم وحسن الأخلاق : 240

طاب الشعر يا خاطري هـات غـيبك *** ما دام هاجوس الـروابـع سرابـك
يـا خـاطـري عـبّـر وربـك حـسيبـك *** وأحـذر تـبـالـغ بالمـديـح بخطـابـك
القـاف لشخوص الحمايـل نـديـبـك *** أضهر ثناء الطيّب وسجل اعجابـك
يالقاف دامك موهبه وش نـبي بـك *** أن مـا دحـت أهـل الفخـر مالنـابـك
منـدوب في رد الجميـل اكتـفي بـك *** نـوّخ عـلى بـاب البـرازي اركـابـك
ريـف الهواشل عادتـه يحتـفي بـك *** أول وجـوب قــراه قـولـت هــلابـك
يا محمـد أبـو بـداح يـا قـل عـيـبـك *** يستـاهـل التمجـيـد حضـرة جنابـك
فـخـرك يا نسـل الحمايـل وطـيـبـك *** مـن طيب عود ياأبن الأجواد جابك
تحشـم بعـيـد الساس كـنـه قـريبـك *** ولا خـاب من هو يالبرازي هقابـك
بك عيب ما يمسك دراهمك جيبـك *** الا ولا تـقـفـل عـن الضـيـف بـابـك
ما خفـت ميلات الزمن لـو تصيبك *** حيثك صبور ولا تراخت أعصابـك
شهم وبشوش وبالردى ماحكي بك *** وكـل الـعـلـوم الغـانـمـة تـلتـقـابـك
وانت الذي نبـت عـلى العـز شيبـك *** تتعب على الجـزله من أول شبابك
ما يوم يا أبـو بداح برت بصحيبـك *** وضميرك أبيض من بنايق ثـيـابـك
الـلي يـدور المـرجلـه يـقـتـدي بـك *** وأنـت الـذي وقـت الـلـزم يعتـزابك
وأن كـبـرت الـقـالات تفلج طليـبـك *** وبـك حـل لعقود البلش لـو تشابـك
سموك مقـنع بالمحاجج رضي بـك *** مـن لـه دعـيـه يحتـرمـك ويهـابـك
مخلص وتيهات الغوى ما اتغديبك *** نلت الفخـر يا عـز من هـو لجـابـك
اطلـب عسى رب الخـلايـق يثـيبـك *** يـرفع قـدر شـانـك ويجـزل ثـوابـك
وأطلب عسى الله مـا يردّي نصيبك *** وعساك ما تفـقـد غـوالي احبـابـك
وعسـاك مـا تـسمـع كـلام يـريـبـك *** وعسى ولي الكـون يجبـر نصابـك

قال عبدالله بن دهيمش بن عبار هذه الأبيات يثني على الرجل
الفاضل محمد بن دخيل الله السهلي أبو بداح : 241

تـرى الـلـي قـلـبـه نـظـيــف *** هـذاك الـشـيـخ أبـو بـداح
حـــيـثـــه نــزيـه وعـفـيـف *** احــلا مـن نـبـع الـقـــراح
كــل أيــام مـحـمــد كــيــف *** شـهــم وكــريــم ومـــّزاح
انـا اشـهــد أنــه شــريــف *** مـاهــو بـالـعــالــم قــّـداح
يـا كـثـر حـبّــه لـلـضـيــف *** دايــم لـلـمـهـجـل ذبـّــــاج
فـي شتـاء ولا فـي صيـف *** أن مـا ذبــح مــا يــرتـاح
صار لربعـه مـثـل الـريـف *** مـاهـو بـخـيـل وشـحـّـاح
لـو يـمـلـك بـنـك التسليـف *** بـــــدده ورصــيــده راح
وأنــا اتــشـرّف تـشـريـف *** فـي رفـقـة طـيـر الفـلاح
لـو سـمحـت بـلا تـكـلـيـف *** ود الـرسالـه يـا صـــاح
يـا مشعـل مـاهـي تصنيف *** امـدحـه بـهــرج مـبـاح
أبـوك مـا طـيـبـه تـزيـيـف *** دايــم لـلـعــلـيـا شـبـاّج
خـلـك دايـم لـه ســعــيــف *** تـكسب غـنايـم وأربـاح
وقت اللّازم مـثـل السيـف *** عضيد ولأبـوك سـلاح

وقال يثني على عبدالله بن بداح السهلي أبو بداح : 242

راكـب الــلـي مــا يـقــيــف *** يسري والجوف المصباح
ينصى سكاكه دون طريف *** سافـر مـن غـرب الأسياح
يسبـق الـلـي لــه رفــيــف *** يـشـبـه خــفّــاق الـجـنـاح
مـرسـل في مدح وتوصيف *** يوصل خـطي لأبـو بـداح
عـبـدالـلـه عـون الضعيـف *** الـمـكـرم مـبسـوط الـراح
كـفّـه مـثـل طـاش السيـف *** مـاهـو نضـح ولا ضحاح
يـمـلا جــوف الـمـهـايــف *** مـن بـن وهـيــل فـــوّاح
يخشى الملامـه والـحـيـف *** مـا قـال أرجـوك السّماح
عـرفـه مـا يـبـي تـعـريـف *** من اقصى الجوبه لرماح
عــلـى عــدوانـه عـنـيــف *** وبالشجاعه لـبس وشاح
فـهـيـم وذكـي ولـطـيــــف *** عـسى وقـتـه دوم أفـراح
عــز الــدانـي والـحـلـيـف *** ولاهـو للصاحـب فـضّـاح
جـاره خـمـالـه مـا شـيـف *** لـو شـاف الخـمله مابـاح

وقال عبدالله بن دهيمش بن عبار يثني على سعد بن دخيل الله السهلي : 243

راكــب الــلـي لــه وحــيـــف *** كــنــه مـــزن بـــرقــه لاح
اسـرع مـن جـري الـعـسيـف *** مـع بـيـداء الـدو الـبـيـــاح
تـنـصـى حـطـاط الـرغـيـــف *** بـالـصـيـانـي فــوق فـطـاح
سـعـد يـنـفـق مـصـاريـــــف *** مـا طـاوع شـور الـنـصـاح
الـحــمــل عــنــده خــفــيــف *** لـوهـو ثـقـل ضلـع نسـاح
دايـم مـا يـعـرف الـتسـويـف *** ولـلـحـمـل الكـايـد نـطـاح
مـن عـزوه جمعهـم يـخـيـف *** يـزهـاهـم مـدح الـمـــداح
ربــعــه مـاهــم هـــذالــيــف *** شجعـان الياصـار صيـاح
عـصـر الـغـزو والـنـكـيــف *** جـابـوا حـلال الـمـصــلاح
دمـهـم عـلاج الـهــريـــــف *** لا عــضـه غـلـث الـنـبـاح
فـي حــدود الــمــراهــيــف *** صالـوا بسيـوف وبرمـاح
خـصـمـهـم يـنـزف نـزيـف *** بـالـمـعـامع راسـه طـــاح
قـلـتـهـا ولا قـولـي هـيــف *** صدق وصمايل واصحاح
انـظـم الـشـعـر الـظـريــف *** يـشـبـه لـنـظـم المـسبـاح

هذه الأبيات المتواضعة مهداه للشيخ مبارك بن فراج البرازي السهلي
من وجهاء أهل البطين رحمه الله قالها عبدالله بن عبّار العنزي : 244

يستـاهـل التـمجيد حضـرة مبـارك *** النادر الـلي مـن شخوص البرازات
نسل الزبـيـر الـلي بعصر المعارك *** فارس مضر يروي حدود الرهيفات
يحـق لـك يا أبـن الـزبـيـر أفتخارك *** بالجـد الـلي عـقب لنسله كـرامـات
أنـت الـذي مـن عضّه الغلث زارك *** عقب الوهق والياس صارت سلامات
من عـقب ما عقـله به الهـم شارك *** فـرّجـت هـمـه وأنـثـنـا بـالـمسرات
عـذروبـك المعسر الـيـا طـب دارك *** تـعـطيـه مـن مـدت يـمينك ألوفـات
تـنـفـق يـمـيـنـك مـا تـعـلّـم يسـارك *** تعـطي الفقيـر وتبذل المال بسكات
أنـت الـذي بالطيـب تـرفـع اشعارك *** تتبع قديم السلم بالعصر اللي فات
فـعـل المـراجـل يا أبـن فـراج كارك *** يا ما ذبحت مـن الخراف السمينات
أنـت الكريـم الـلي تـشّرف اخبـارك *** ريف الركاب اللي تبوج المسافات
يجـذب هواشيل الخـلا ضوح نـارك *** عـادات جـدك بالسنين القـديـمـات
طالت على علوم المراجـل اشبارك *** يـا أبـو مـهنـا يـا زبـون الـونـيـات
دايـم عـلـوم الـمـرجـلـه بـعـتـبـارك *** تجهـد لكسب الطايله كـل الأوقـات
العـالـم الـلـه مـا شكى مـنـك جارك *** ولا يوم شخصت النظر بالقصيرات
حـيثـك فـهيـم وصايـبـات اشـوارك *** تـنـقـض مباهيـم العقود العسيرات
سـدّك غـميـق ولا تـبـيّـح اسـرارك *** وعليك من رمز الفهامـه عـلامـات
دايـم عـلى درب الحـقـيقـه مسـارك *** يفداك الـلي طبعه شناوي وشمّات
يـا عـل رزقـك بـالـحـلال أيـتـبــارك *** وأطلب عسى يرزقك رب البريات
سعـيـت والكسب الحـلال اخـتـيارك *** ما حشت رزقك بالدجل والحيالات
مـا قـلـت منظـومي أريـد أخـتـبارك *** أقـولهـا ولا لـي مـن المدح غايات

هذه القصيدة أهداء لأنجال الرجل الفاضل مبارك بن فراج البرازي السهلي
رحمه الله تهنئة بمناسبة زواج الشاب أحمد بن مبارك البرازي وأخص
أخيه الشيخ عبدالله بن مبارك السهلي رئيس مركز البطين في القصيم
وأعمامه وأخوانه وجميع أسرة الفراج وقبيلة البرازات واسأل الله
أن يديم أفراحهم باليمن والمسرات : 245

يا حي كرت من الشغاميم جاني *** خلفـة مبارك مرسلينه عـيـالـه
نويت ألبي دعـوة الـلي دعـاني *** أبن فـراج المحترم طـاب فـالـه
يا ربعنا من قـدركم جيت عاني *** وبالشّعر أهني حيث هذا مجاله
أحمـد نقـدّم لـه جـزيـل التهاني *** واجـب علينـا نشاركه باحتفاله
عساه يـبلـغ مقصـده والأمـاني *** ونطلب يا عـل القرم شفّه يناله
دعيت والدعوة لهج به لساني *** عسـاه دايـم دوم مسـرور بـالـه
سلايـل مبارك عـريـب المجاني *** له الفخر من ساس جدّه وخاله
العـزوه الـلي مجدهم ما خفاني *** نسل البرازي يدركون الجمالـه
جمع البرازي من قديم الزماني *** لـهـم فعايل يـوم عصر الجهاله
بـرازات لـهـم بالمعـالي مكـاني *** يـوم العـرب كلن يميـّز رجـالـه
برازات فازوافي جميع المعاني *** بـهـم صفات المرجله والبساله
الشيخ أبن لحيان بالفعـل بـاني *** يذكر نهار الحرب شب اشتعاله
حيـث أبن بشر سجـلّـه بالبناني *** وبالكتب أبن بسام دوّن فعـالـه
خزيّم أشهـر من سهيل اليماني *** شيخ ويقود جموع ماهو لحاله
يتلونه الـلي عالجوا من يعـاني *** الهارف اللي الغلث زاود هباله
يجري بوسط عروقهم دم قـاني *** ألينه أصفى من العسل بالبياله
وهـبه من المولى ولابـه مثاني *** كـرامـه مـن الـرب جّـلا جلالـه
الجـد الأول في خلاص وتفـاني *** حظي بـدم المصطفى يوم جاله
شهدت أنا بالـلي سمعته بأذاني *** عـبـر العصور موثقين المقاله
علم الفضيله عن فخرهم كفاني *** أقـولها والقـول نـذكـر صمالـه
قال عبدالله بن عبار مسنده على العمده سعود بن مهل الجعفري : 246

يا سعـود أبن مهـل لـك الشكـر يالـعـمـده
تشكـر يا أبـو فيصل عـلى فعلك الـوافي
شروى جنابك شبيه السيف فـي غـمـده
يذخـر اليـا حـل القضى وكـدر الصـافي
يـامـن تـشيـد بـمنهـجي دوم واتـحـمـده
الـلي عـلى بعـض العـرب يعتبـر خـافي
مـن راد تـاريـخـنـا يـمـحـاه وايـهـمــده
تلـفـيـق مـن يـنـكـره لا زلـت لـه نـافـي
ما ياجب الصمت عن ما صار والجمـده
مـن يـنـدب العـزوه ومن يقـعـد الغـافي
قـضّيـة أهـل الخـطـأ تبـغي لـهـا صمـده
ملـزوم ننهض قبـل يسفي بـنـا السافي
أهـل النفوس الـلي مـن الحسد منكمـده
ما يجحـد الفضل نسل أجـواد واسنافي
واللي عيونه عن شوف الحق منرمـده
مـا يـعـتـرف بالحـقيـقـه يالـلـه الكـافي
أشوف بعـض العـرب يا سعود منخمده
يا حـيـف يا تـرثـت بعـيـدين الأهـدافي
الجـمـر مـا ظـني يـولـع عـقـب سـمـده
هيهات ما يعـلق الضرمه وهـو طـافي
لومي عـلى الـلي صدّق الكذب وعتمده
أهـل الظـلايـم نجـوس وحـظهم هـافي

قال عبدالله بن دهيمش بن عبار العنزي هذه القصيدة بمناسبة اللقاء بين
رجال من قبيلة عنزة ورجال من قبيلة الدواسر تلبية لدعوة الرجل الفاضل
خالد بن سمحان البياعي العنزي : 247

من خاطري أهـدي بيـوت القـصايـد *** شكـر وثـنـاء لعـيـال تـغـلـب وزايـد
خـطـلان الأيـدي طـيـبـيـن الـعـوايـد *** يـستاهـلـون الـنـعــم كـل الـدواسـر

تـغـلـب وزايـد والـقـروم الجـميـلات *** أهــل المـكـارم والفـعـال الحـميـدات
رجّــالهـم صـنـديـد يـوم الـقـوامـات *** يـبـيـع روحـه بـالـلـقـا مـا يـكـاسـر

أفـخـر بـطيـبـهـم واشـيـد بـمـديحـه *** رجـالهـم بالـكـون يـنـطـح نـطـيحـه
ويـوم السنين الـلي المكايل شحيحه *** غـيد النخـل تـنبـت عـنـاقيـد بـاسـر

عذروبهم دحر المعادي عـلى الخيل *** والضيف يقرونه من مفطح الحيل
وأن جاهم اللي من زمانه شكا ميل *** ريف الضعيف اللي له الوقت عاسر

لـهـم الفـخـر لاجـيـب للمجـد طاري *** رجـالـهـم شغـمـوم للطـيـب ضـاري
حـمـايــة الـوادي سـبـاع الـبــراري *** ضـراغــم‎‎ُ مـثـل الأسـود الـكـواسـر

يـوم المفاخـر بالمـراجـل والأفـعـال *** فـوق السبايا وأحـمـر الـدم شـلاّل
مـن هـازهـم يلقـا صناديـد وأبـطـال *** يخشى خطـرهـم كـل باتع وجـاسر

وأن لاحـوا الفـرسان فـوق السبايـا *** ونـادا مـنـادي حـايـمـات الـمـنـايــا
والـريـق نـاشـف مـا يـبل الـشفـايـا *** وتوايـقـن هـنـف العـذارى حـواسـر

رجـالـهـم بالـكـون يـرخص حـيـاتـه *** مـا يـنطح كـان أنـتخى فـي خـواتـه
مـا هـو بخيـر الـلي تصيبـه هـواتـه *** يــوم الـخـصيـم لـمـن تـولاه يـاسـر

بـافـعـالهـم تـشهـد جـمـيـع القبـايـل *** مبـطي لـك الـلـه فـعـلهـم لـه دلايـل
يـوم العـرب مـابـيـن صايـل وجايـل *** عـصـر الغـزاه ودور شـل المناسـر

جـمـع الـدواسـر دارهـم محـتـميـنـه *** أهـل المكـارم والـعـقـول الـرصينـه
والمـرجـلـه ماهي لـك الـلـه هوينـه *** يطـولهـا الـلي عـن ذراعـيـه فـاسر

أولاد تــغـلـب فــي ربـيـعــه قـرايـب *** واضح نسبهـم ما تـشوبـه شوايـب
يـا بـعـدهـم عـن الـردى والـمـعـايـب *** مـا رابهـم تلفيـق بعـض السماسر

أنـسابهـم مـن ساس تغـلـب ربـيعـه *** والـلي تعبّـث بالنسب مـا نـطـيـعـه
تـاريخـهـم مـوروث مـاهـو صنـيعـه *** كـل الحقايق وضحت لأبـن جـاسـر

قـلتـه وأنـا مـن ساس لابـه صليبـه *** أولاد وايـل عـزوتـي واعـتـزي بــه
لـهـم الـفـعـال الـنـادرة والـعـجيـبــه *** أهـل جـمـوع لجمـع الأضداد كـاسر

أفـخـر بـهـم وأعـتـز نـعـم الـقـبـيـلـة *** أولاد وايــل كـاسـبـيـن الـنـفـيــلــه
وكـل القـبـايـل يـقحـمـون الـدبيـلـه *** ومن يشمت الأجواد مفلس وخاسر

أعـتـز بالـلي فعـلهـم يـرفـع الـراس *** لاجـيـب طـاريهـم أفـاخـر بنـوماس
يوم الفخر يطلب على قـب الأفـراس *** فـعـل النقّـا لقلوب الأضداد حـاسر

واليـوم حـنـا كلـنـا أخـوان بـالـديـن *** فـي ظـل حـكـم الطـاهـريـن التقييـن
اشبـال مـقـرن ضـد كـيـد المعـاديـن *** وسيف العدل لقلوب الأضداد ماسر

والخـاتمه نشكر جنـاب أبن سمحان *** القـرم خالـد صاحب القـدر والشان
بالـمـدح والترحيـب نظّـمـت قيفـان *** وأعتز وأفخر في شخوص الدواسر

قال عبدالله بن دهيمش بن عبار هذه القصيدة بمناسبة أجتماع أسرة آل الطيار أهل الزلفي ومن تفرّع منهم : 248

قـال الـذي بافـعـال الأجـواد شايـد *** ومن طاب فعـله بالثناء يمدحونه
ما قـلت بالمنطوق ناقـص وزايـد *** ولا خيـر بالـلي ما كلامه يصونه
سجلـت منظـوم البـيـوت الجـدايـد *** أشكر بها اللي مقصدي يفهمونه
والمـعـذره مـاني لـلأمـداح جـايـد *** ومن لا يجيـد أوصافكم تعذرونـه
أنـتـم فخـركـم مـا تحيطـه قصايـد *** لكم مفاخـر يقصر الوصف دونـه
أنـتـم لكـم بالطيـب مبطي عـوايـد *** وأنـتـم طـريـق الطايـله تسلكونه
قالوا حصول النـعـم بالناس كايـد *** لاشـك أقـول الـنعـم تستـاهـلـونـه
معكم عـلى جـزل الفعايـل شهايـد *** للجـار عـز وضيفـكـم تـكـرمـونـه
نبـراس عـلـم وحافضين العقـايـد *** والحيف وعلوم الردى ما تجونه
من ساس عزوة بالسنين الشدايد *** دخـيـلهـم عـن طـالـبـه يحتمونـه
وصـل القـرايب فيـه عـز وفوايـد *** أهـل التقى عـرق الرحم ياصلونه
لـو المساكن عـن بعـضهـا بعـايـد *** الشمل يجمعـه القـلـوب الحنونـه
دوم لبعـضكـم بالـتـكـاتـف سنـايـد *** عون القريب اللي بحاجة معـونه
الشمـل جمعـه تـم مـاهـي وعـايـد *** عـلى المعـزة شملـكـم تجمعـونـه
من يزرع المعروف يجنى حصايد *** والـلي صنيعه سؤ تكثـر اغبونه
ومن دور الطولات بالمجـد سـايـد *** والحـر نفسه ما تطيق المهـونـه
لـكـم ضمايـر مـا تـعـرف المكـايـد *** أهـل تـقى ودرب الهدي تتبعونـه
أنـتـم بـديـده مـن خـيـار الـبـدايــد *** طـيـايـرة بـرج الفـخـر تعـتلـونـه
نسل الشهيد اللي عن الدين ذايـد *** جعفـر صمد يوم الوغا كان كونه
الباسـل الـلـي لـلـطـوابـيـر قـايــد *** كـتـّـاب تـاريخ العـرب يـذكـرونـه
يتبع

تابع
قال عبدالله بن دهيمش بن عبّار العنزي هذه القصيدة يثني على سمو الأمير متعب بن فهد الفرحان آل سعود
حفظه الله ويشيد بأهل بلدة البطين ويعتز بالبطين ويقتخر أنه أصبح ضمن سكّانه فيقول : 149

ياهل البطين أصبحت أنا من عـددكم *** وصحبة خيار القـوم ماهي حسايف
وجــدت مـن كــل الـقـبـايـل ابــددكـم *** صـفـوة حمايـل مـا خلطكم هـدايـف
يـا أهـل البطين الـلي لفاكـم وجـدكـم *** الـدار رحـبـه والـضـمـايـر ولايـــف
لنـا الشـرف نـفخـر بـكـم وانحمدكـم *** صـدق وحقايق مـابهـا هـرج زايـف
يـقـولـه الـلي بـالـثـنـاء مـا جحـدكـم *** يـثـني عـليـكـم بـالـعـلـوم الطـرايـف
مــن بــد سـكـان الـقــرايـا وحـدكــم *** مضرب مثـل والكـل بالعـيـن شايـف
يـلقـا الحفـاوة والكـرم مـن قـصدكم *** الضيف يفـرش لـه زلـول وقطـايـف
الضيـف لـوهـو بالغـداري هـجـدكـم *** يقـلـط حشيـم بـواسعـات المضـايـف
الطـيـب ورث عـيـالـكـم مـن بعـدكـم *** مـا منهـم الـلي بالمـهـافـي تـهـايـف
يـربـي عـلى حسن الطبـايـع ولـدكـم *** للـمـرجـلـه يـسعـا وللـهـون عـايـف
اشـهـد شهــادة حـق مـن يـنتـقـدكـم *** أنـه ظـلــوم وهـافـي الـحـظ هـايـف
أهل القرى يا أهـل البطين اتحسدكم *** صارت بلـدكـم مـن خيـار المصايف
ردوا عـلى الـلي عـن بلدكـم نشدكـم *** قـولـوا بـهـا نـفخـر بـملي الشفايـف
يا حـظـكـم يا أهـل البطيـن وسعـدكم *** صرتـم بـدار الـلـي يشيـل الكـلايـف
أبـو فـهـد هـو ذخـركـم هـو سنـدكـم *** مـودع ثـقيـلات المحـامـل خـفـايـف
نـعـم الأمـيـر الـلـي بـقـولـه وعـدكم *** أوفـى الـوعـد وبـحالـكـم دوم رايـف
أجـهــد وزال الـلـي يـسبـب نـكـدكـم *** وأنزاح روع اللي من الوقت خايـف
مـتـعـب لـدرب الـعـز يـأخـذ بـيـدكــم *** طـالـب ووفـر للشـبـاب الـوظـايـف
أبـو فـهـد خـفـف عـلـيـكـم جـهـدكــم *** راح الوهـق والكـل منكـم تـكـايـف
لـه شـف يـكـسـب ودكـم مـا فـقـدكـم *** فـيـه الخـصال الطـيّـبـة والوصايف
مـتـعـب بـذل جـهــده وطــوّر بـلدكـم *** ويـاجـب عـلينـا نشكره بالصحـايف
مـن سـاس لابـة رسخـوا معـتقـدكـم *** سنـة نـبـي الـحـق مـاهـم طـوايــف
أشـبـال مـقـرن هـم ركـايـز عـمـدكم *** صانـوا بلدهـم بالسيوف الـرهـايـف
وأن كـان كـالـوب الليـالـي سـردكـم *** هـم عـز من حافـه من الوقت حايف
عـاش الـزعيم الـلي بفضلـه رفـدكم *** وسلـطـان سلطـان المكـارم ونـايـف

قال عبدالله بن دهيمش بن عبّار هذه الأبيات تهنئة للأخ صياح بن دعاس بمناسبة حفل زواج أنجاله الثلاثة : 250

مبـروك لـك مبـروك يالقـرم صيّاح *** عسى تدوم أفراحكم يا أبن دعاس
عـساك تـرفـل بـالسعـادة والأفـراح *** وعساك دايم فـي معـزّة ونـوماس
نـدعي للأنجـال الثـلاثـة بالأصـلاح *** عساهم بحفظ الولي خالـق النـاس
رب الملأ يسعـد مساكم والأصبـاح *** نقولها من قـلب وشعور واحساس
مـن قـلـب ندعي للشغاميم بنصـاح *** حيث أنـهـم من لابـةٍ ترفع الـراس
دعـوة فخـر يـفخـر بهـم كـل مـدّاح *** أهـل الحميـة والبطـولات والبـاس
الـلابـة الـلـي جـمعـهـم دوم نـطّـاح *** للخصم يوم الجمع بالجمع ينحاس
يثنون دون اللي من خيالـتـه طـاح *** يوم الهنادي بالثنادي لها اضراس
سلايـل سليـمـان مـهـديـن الأرواح *** لا هاجت الهيجا على قب الأفراس
لاصار دون الذود بالقـفـر وحـواح *** من غار يبي الفود يرجع بالأفلاس
الـذود مـن دونـه صناديـد وسـلاح *** خصيمهم يدعس جـنـابـه وينـداس
ويوم الشفايا بحـزت الكـون كـلاّح *** الـكـل مـنـهـم للـمـنـاعـيـر طسـّاس
بالوقت الأقشر ما يمانيهم شحـاح *** يقـرون يـوم الكيل في وزن وقياس
أدنـاهـم الـلي لكاسر البيـت شتّـاح *** عـز الغريب اليا شكا هـم واعماس
هـم فـرحة الطرقي إذا مزهبه بـاح *** ريف الهجافا لالفوا عقب الأدماس
يقـلط عـلى ترحيب والهيـل فّـّواح *** مـن دلـةٍ يخلط بهـا خمسة اجنـاس
دلـو القصيـر اليـا ورد كـل مـيّـاح *** عـن المعـاوق مـيـزوها بالأجـراس
يتلون شيخ للفخـر يلبس اوشـاح *** نسل العـواجي بالمناعير لـه ساس
مقدم هل الجدعا بعيدين الأشبـاح *** ذخـر القبيلـة لا ابترم عـقـد لـولاس
أمجادهـم تمـلأ سجـلات وأصفاح *** مـا ظنتي تحصى بصفحات قرطاس

قال عبدالله بن دهيمش بن عبار هذه الأبيات يبارك للأخوة عبدالرزاق بن عنتر بن حمّاد
العربان وخالد بن شحاذه بن معتاد المهيدي بمناسبة فوزهم في المجالس البلدية : 251

جـينـا عـلى حـفـل الـرفـاقـه بـميـعـاد *** أعـرض مجال وصار للشعـر داعي
جـيـنـا نـبـارك في نجـاح أبـن حـمّـاد *** جـعـلـه مـوفـق في جـميع المساعي
عـبـدالـرزاق الـقـرم عـريـب الأجـداد *** بالمرجله علمه مع النـاس شـاعـي
وخالـد سليل أهـل الفخـر نسل معـتاد *** عسـاه دايـم يـعــتـلـي بـارتـفـاعــي
يـامـن لـكـم بـالطـايـلـه شـف وأمـراد *** أسعـوا لتحقيق الهـدف بأنـدفـاعـي
مجناكم شخـوص الحمـايـل والأجواد *** من روس لابه يضهدون الشجاعي
حمر النواظر لا حضر كـون واطـراد *** عـز الجنب لا طـوّح الصوات راعي
الـلي حـمـوا تـالي الجهـامـة اليـاقـاد *** طرش النشير وجال وسط المراعي
تسمع حنين الخلج مع شقـح الأذواد *** وتسمع بنزل أخصامهم حس نـاعي
لـهـم عـلى جـيّـان الأخـصـام ميـرّاد *** فـعـل وعـليـه شهود مـاهـو صناعي
نفخـر بعـزوتنا عـلى روس الأشهاد *** لا جـالـت الـخـيـلـيـن والـعـج ثـاعـي
والـيـوم سـاد الأمـن فـي كـل الأفـراد *** بجهـود الـلي يـأمـر وأمـره مطاعي
المقـرني صـفـوة سـلاطـيـن وأسيـاد *** سـاد العـدل والشعـب مـدرك أواعي

قال عبدالله بن دهيمش بن عبار العنزي يثني على الشريف إبراهيم بن محمد المهيلب : 252

مبـداي بـالـرحمن فـي مطـلـع القـاف *** من خاطري سجلت عذب الملافيض
أثـني عـلى إبـراهيـم بعـيـد الأهـداف *** عن واجبه ما غمّض الجفن تغميض
أبن المهيلب هاشمي نسـل الأشراف *** من عزوةٍ عند العرب صحفهم بيض
شيـخٍ بـرز مـجنـاه مـن صلب منّـاف *** حيـدٍ شمخ به ضل عن لاهب القيض
له عرق باللي منهجه عدل ونصاف *** المصطفى فوّض على الحق تفويض
الـلي أرسله رب المـلأ للمـلأ سعاف *** ورسّخ قواعـد راسخه عقب تقويض
لـهـم مقـادم بالـفـخـر نـعـم الأسلاف *** ما منهم الـلي خفّض الراس تخفيض
بيت الندى ريـف الهواشل والضياف *** وقـت القسا يـوم الحواجب معاكيض
رجالهـم مـن صولـة الخصم ما خاف *** بالكون يـوم الشلف مثـل القواريض
أركوا على عداهم مشاهيب ورضاف *** بالملّـة الـلي تنجض الجسم تنجيض
عـلى المعادي سم من مقـذف ازعاف *** ما جاملوا سـود القلـوب المباغيض
صـافـيـن مــا فـيهـم مخـادع وبــّلاف *** وأن عاهدوا مـا هاجهم كل تحريض
ما شاركـوا بـيـن الجمـاعـات بخلاف *** وقـلوبهم مـا تحمـل الحـقـد والغيض
لهـم الفخـر مبـطي تقـاليـد وأعـراف *** صانوا شرفهم عن ملامه وتعريض
والـلي يـريـد العـلـم بالـنـاس ينشاف *** المـرجـلـه تحتـاج جـري ومـراكيض
واليـوم عـنـوان الكـرم للكسل عـاف *** ناض وصعد للمجد من دون تنهيض
ما مقصـد إبـراهيـم تبـذيـر وأسـراف *** الـلـه يجـيـره من جميع العـواريـض
أرخص حلالـه في عـذيات الأصناف *** الـنـوق مـا للنـوق بالـمـال تعـويـض
طـب وتخيّر مـن عريضات الأكتـاف *** نقـوات نخبـه طبّعـت عـقـب ترويض
الـوضـح شمّـاخ الذرا حـم الأشعاف *** لا جـت تـوامـا كنـهـا طـافـح الـفيـض
وفـر لـهـا كـل الـوسايـل والأعـلاف *** حـتى مـن البشـمـه تـزتـه لعـافـيـض
جعل السنين الـلي بها قحط وعجاف *** تذهـب وتريف دارنا عشب وحميض
رب الملآ يضفي على الدار الأرياف *** لأجل الهجافا تدهج الروض وتريض
وختامها صلوا على زين الأوصاف *** اعـداد مـا تـقـرأ الحـروف الحوافيض

قال عبدالله بن دهيمش بن عبار يثني على الشيخ إبراهيم المهيلب : 253

اسند على المنعوت بالطيـب والظفـر *** واجاري الـلي من الشواعير قال به
أثـني عـلى إبراهيـم بالقـاف وافتخـر *** النـادر الـلي مـن شخوص المهالبـه
الصيرمي مجناه من مصقـر الصقر *** طيـر السعـد تفـرى الثـنـادي مخالبـه
ليـث ن تـحامـاه الأسـود الـيــا زجـر *** تـهـابـه اسـبـاع الـعـريـن وثـعـالـبـه
الهـاشمي مـن دوحـة الـعـز مشتهـر *** شبحـه بعـيـد وحـقـق الـلـه مطالـبـه
أبـو محـمد ريـف مـن يشكي الـدهـر *** مـلاذ لـلـي جـور الأيـام غـالـبــــــــه
اكـرم مـن الـرعـاد لا هـل بـالـمــطـر *** مـن مزن ديم وعاصف الريح جالبه
يفـداه مـن هـو جمّـع المـال واحتكـر *** كـفـه غـروز ويـابـسـات مـحـالـبـــه
الحسو مـا يشبه عـلى جاري النهّـر *** مـن ضحـل ينبـوعـه تلابـط دغـالـبـه
وقاع الصبخ ما تنبت الورد والزهـر *** وش عـاد لـو سالت شغـايا مسالبـه

قال عبدالله بن دهيمش بن عبار العنزي هذه القصيدة يثني على الشيخ
إبراهيم بن محمد المهيلب رجل الأعمال المعروف : 254

الجـاش يـمـلي من شهاليـل نـقـروح *** مـن جـم فكـري ينظـم القـاف تنظيـم
لـولا الكـرام بطـاري المـدح مـابـوح *** ولا أقول مـن نظـم القـوافي تـرانيـم
أثني عـلى الـلي بطيّب الفعل ممدوح *** واشكر جناب أبن المهيلب إبـراهـيم
أبـو مـحـمـد بـالـمـراجـل لـه شـبـوح *** من طلعته صمم على الطيب تصميم
عـز الـرفـيـق اليـا كـبـا كـل مـكـبـوح *** يلجـأ لـه المحـرج الـيـا حـدّه الظيـم
الـلي مـضـيـفـه للمسـايـيـر مـفـتـوح *** ومـن جـاه يبشر فـي تهّـلي وتكريـم
طـلـق المحـيـا خـاطـره دوم مشروح *** ماهـو من أصحاب الوجيه المكاظيم
متواضع وفكـره عـن الكبـر منصوح *** واخـذ مـن دروس التجارب تعـاليـم
يـرفع مـقـام النفس عـن كـل ساموح *** ويخشى مـلام الـلي يـدور المثـاليـم
عـوايـده يـصعـد عـلى قـمّـة صـروح *** شـاد وشهـر عـلمـه بـكـل الأقـالـيـم
عساه في حفظ الـولي خالـق الـروح *** يحـمـيـه خـلاق المـلأ مـنشي الغـيـم
أمـدح جنابه واشهـر القـول بوضوح *** حـيثـه يـعـد مـن الـرجال الصواريم
والمدح يقرن بالفخـر من عهد نـوح *** يـنـولـه الـلـي يـنـصـّي بـالـمـلازيــم
مـا يـدرك التمجيـد والمـدح مـريـوح *** ولا يـرفـع الطامـن مـدايـح وتفخيـم
الـمـدح مـا يـستـاهـلـه كـل مشـفـوح *** ما يـدرك الطوله وعـن واجبـه نـيـم
يزهي لمن بـيته كمـا الحيـد مشتوح *** طـيـبـه نـقـي مـاهـو تصّنع وتـرهـيم
تـجـذبـك نـاره بالغـداري لـهـا ضوح *** وفي مجلسه ضول الـبـداه المعازيـم
شـرواك يامن تكسب الطيب بنجـوح *** يا أبـن المهيلـب يا سليـل الشغـاميـم
سعـيت بجهـودك وحصّلـت مصلوح *** والـرزق مـن رب الخلايـق مقـاسيـم
حقـقـت مطـلوبـك وحاسدك مكسوح *** والحسـد للحاسـد مـهـونـه وتحـطيـم

قال عبدالله بن دهيمش بن عبار العنزي هذه القصيدة بمناسة دعوة الشيخ رويضان بن
عليق الرويضان لعدد من وجهاء وأعيان القصيم في منتجعه في منطقة أوثال نهار
الجمعة ليلة السبت الموافق 12/ 2/1433هـ : 255

حـيـاكـم الـلـه فـي مضافـة رويضـان *** القـرم منعـور الـرجـال أبـن عـلـيّـق
أبـو فـهـد يـفـرح اليـا جـوه ضيـفـان *** شهم وكريـم وفيـه زين النبا ولـيـق
وأنتم شخوص من مشاهير الأعيـان *** مـثـل الـنـوادر مطـلـقـات المسابيـق
أهـل الـوجاهـه وأهـل القدر والشان *** نقـوة خيـار القـوم مـا أنتـم مطافيـق
الكـل يـوصـف بالفضيلـة والأحسـان *** ونيل الشرف يأتي من الـرب توفيق
أهـل يـقـيـن وعـنـدكـم ديـن وأيـمـان *** ديـدنكـم الشيمـة وحـفـظ المـواثيـق
نفخـر بطـاريـكـم الـيـا قـيـل قصمـان *** مبطي عـلى كسب المراجل مشافيق
لـكـم عـلى العـلـيـا مـنـازل ومسكـان *** ولكـم مفاخـر شامخـه كنهـا طـويـق
أنتـم أحفـاد عقيـل يـوم الـزمـن كـان *** الناس تشكي شح الأرزاق والضيق
يـوم السنيـن الـلي بـهـا شـد ركـبـان *** تـجـري رواحـلهـم بـكـل الطـواريـق
في ما مضى داجوا على كل الأوطان *** شمـال ومـغـرّب وقـبـلـه وتـشـريـق
فـي كــل ديــرة لـلـعــقـيـلات ديــوان *** فـيـه الـدلال وفـيـه عـذي الأبـاريـق
وفيهـا لـذيـذ المائـدة وسـط الأجفـان *** هـي شف هتّاش الخلا ناشف الريق
من ضافهم ما بـات مقـوي وجيـعـان *** مـا سـكـروا بـيـبـانـهـم بـالمغـالـيـق
ويوم الزمان اللي بـه الناس قـومان *** والصمع عـبـروده يقـص المعـاليـق
عصر القنـا والشلف ومطّـّرق الزان *** والسيف وحراب الـرمـاح المزاريق
عصر الحـرايب والمغازي والأكوان *** كـم غـازي صدوه عـن دارهـم سيق
واليـوم من فضل الولي كلنـا أخـوان *** بجهود جامع شملنـا عـقـب تفـريـق
عبـدالعـزيـز المقـرني نسـل مـرخان *** أنـقـذ شـعـوب بالجـاهـلـة مـغـاريـق
يـوم الـمـوحـد ضـمـهـا والسعـد زان *** خـلا المواطـن كنـه البـاش والبـيـق
أثني عـلى اللي بالفخـر علمهـم بـان *** بأقـوال صـدق مـا بهـا هـرج تلفيـق
وأرجو السموحه كان بالقول نقصان *** مهما مدحت لكامل الوصف ما طيق
قـلتـه ولا درت الـوسيلـه مـع أنسان *** والعـبـد رزقـه عـنـد رب المخـاليـق

* قال عبدالله بن دهيمش بن عبار هذه القصيدة يهني بها خلف بن عليق
الرويضان بمناسبة نجاته من حادث مرور : 256

نحمـدك يـا رب المـلأ خالـق النـاس *** يالـواحـد الـلي ما بقـدرك تشاكيـك
الشاهـد الله قـلت بشعور واحساس *** عـلى السلامة يا أبـو محمد انهنيك
ماجور جعلك يا خلف ما ترى بـاس *** نطلب عسى ياقـاك ربـك ويحميـك
الله يجيـرك من صواديـف الأتعـاس *** عسى الولي يشفي عيالك ويشفيك
عسـاك ما تشكي محسه وهوجـاس *** وعـلى الجـوايح دوم ربـك يقـويـك
زرنـاك لـكـن حـال يـالـقـرم حـراس *** قالوا لنا ما يسمح الضـرف نأتيـك
كل يوم ننشد عنك يا معرب الساس *** نغـليك والله يـا أبـن عـليق نغـليـك
مـعـزتـك بـقـلـوبـنـا مـالـهـا قـيـاس *** حـيـثـك نـبـيـل ولا تعـدد حسـانـيـك
جدك وأبوك اعزاز والعرق عساس *** نعـتز في طـاري أخوانـك وطاريك
بالطيـب حصلتـوا مفاخـر ونوماس *** حاضرك يخبر عن مفاعيل ماضيك
والكـل منكـم سمعـته ترفـع الـراس *** عـنـد البعـيـد وعـنـد دانـي بنيخيـك
من صلب لابة يوم للحـرب مقـباس *** سقـم المعـادي بالرماح المشاويـك
اللابـة الـلي تلبس الـدرع والطـاس *** حـمـايـة الساقـات مـاهـي دبـالـيـك
ما راعهم كثـر الطوايف والأجناس *** يـا ما رعـو قـفـر الديـار المهاليـك
وصلوا عدد ما يبذر الزرع غـراس *** عـلى الـذي بالـنـور شع الأ تاريـك

يتبع

تابع
قال عبدالله بن دهيمش بن عبار العنزي هذه الأبيات يثني على سعادة الدكتور سعد بن محمد الماضي لمواقفه الطيبة : 257

سعـد ينـال الشرّف مـن زار ديوانـه *** المجلس اللي شخوص الربع يأتونه
المدلجي مـنـزلـه مـا صـك بـيـبـانـه *** فـي مـوعـد الشبّه مضيفـه يزورونه
يستقبـل أصحابـه وربعـه وجيـرانـه *** ما ينعقد حـاجبـه من طيـب مـكنونـه
جـميع الأجـواد عشرانـه وصدقـانـه *** الـبـدو والـحـضـر ديـوانـه يـدلـونــه
الطيّـب ايصادقـه عـدّه مـن أخـوانـه *** لا شك يبعد عن الـلي الناس يشنونه
دلـيـل مدحي بـأبـو ماضي وبرهانـه *** شهـادة الـلي من أصحابه يعـرفونـه
حـبـاه ربّـه ولـي الـكـون سـبـحـانـه *** كـل أهـل العـرف والمعـروف يغلونه
ربـه عـلى المرجلة والطايلـه عـانـه *** من حيث عـلم الفخر ما ينثني دونـه
حـاز أبـو ماضي مقام العـز بإيمانـه *** ينهـل من الصافي النقروح بحفونـه
كم واحدٍ يشكر جنابـه عـلى احسانه *** من طـاب يمدح وأهـل الحظ يطرونه
ربّـى عـلى كـلمـة الترحيب صبيانـه *** لاشـافـوا الـوافـد المقـبـل يحيـيـونـه
المرجله والفخـر والطيـب عـنـوانـه *** الـوايـلي غـايتـه بالصّـدق مبخـونـه
الـزور والهيف مـا يلفـظ بـه لسانـه *** ينطـق مهاجي عن الـزّلات موزونـه
الـلـه رفع قـدره وعـّلا الولي شانـه *** لـه سلم ما يشبح عـلى العيب بعيونه
ما بـار بالصاحب الـوافي ولا خـانـه *** نفسه عن الخبث والأحقاد مصيونـه
يـبـذل جهـوده لمـن ينصاه وامكانـه *** مـثـل البليهي يشيل الحـمـل بمتونـه
روس الروابي بعالي الحيـد مسكانه *** والحـر وكـره مقـرّه فـوق صعنونـه
فعل الصخى والكرم من طبع جدانـّه *** تاريخ جـدّه جـميع الـنـاس يـقـرونـه
جـده حمى ديرته من غـزو عدوانـه *** شيخ الحسانا الـلي حسامه يهابونـه
بالقحط يقري من نمى الغيد ضيفانه *** زمان نصف العـرب ما تاجـد المونه

قال عبدالله بن دهيمش بن عبار هذه القصيدة يثني على الشيخ متعب بن محروت
الهذال شيخ مشايخ عنزة حيث أيد الشيخ سعد بن عباس الفدعاني أمين رابطة
عشائر عنزة بالعراق لتشكيل رابطة تجمع شمل عنزة وتضيف اسم العنزي بعد أن
كانوا جاليات متفرقة وقد بلغ عدد الرابطة مليون ونصف فقلت : 258

أبـدي كلامي بالـولي مبدع الكون *** هـو الكريم الـلي المـلأ يطلبونـه
كـل العـبـاد لمـالك الملـك يرجـون *** يرجون عفوه والفـرج يحترونه
وبعد ذكر الله باح بالصدر مكنون *** هام الفكر والبال هاضت شجونه
وسجلت قاف مكمل اللفّظ موزون *** الفكـر صاغه مـن روايع فنونـه
أمدح جناب الشيخ والناس يدرون *** علـم الفخـر والمجد ما يجحدونه
أفخـر بأخو بتلا وأنـا منه ممنون *** عسى الولي من كل عايق يصونه
متعب سليل المجد ما يقبل الهون *** شبحه بعيد ولا رضي بالمهونه
متعب مـن الـلي للقبـيلـه يـعـزّون *** وكل عنـزة ربعـه سناده وعونـه
الشيخ جده يـوم طاعن ومطعون *** كم راس فارس طوحه عن متونه
هـذال جـدّه شاخ لـه عـدة قــرون *** شيخ المشايخ عـزوتـه يتبعـونـه
نـفخر باللي مسعاه للربع مظمون *** ربعه على حل المشاكل يـجونـه
الشيخ متعب عـزوته لـه يطيعون *** واللي كلامه صدق مـا يسمعونه
أولاد وايـل بـالـولاء لـه يـديـنـون *** يمشون فـي رايـه ولا يخالفونـه
الـرابطـة للشيـخ بالعهـد يـوفـون *** أهـل وفاء ما منهم الـلي يخونـه
الشيخ اللي عليـه بالشكر يـثنون *** عـلى الفـعـول الطيبـه يشكرونـه
وسعد أبن عبّاس بالطيب مبخون *** بفعـل الكـرم والمرجله يمدحونه
سعـد أمين وصادق العهد مامون *** مخلص ونـفسه للـرفاقـه حنونـه
خلا عنزة عقب الشتات يتصافون *** بالجد الأقصى بعد ما حيل دونـه
للـرابطـة صاغـوا مبـادي وقانون *** لأجـل القبيلـه شملهـا يجمعونـه
اللي انتسب للرابطة فـوق مليون *** ومن شذ عن ربعه تزاود غبونه
ونعتـز بالـلي من الرجال يتحامون *** من أجـل مجد جدودهم يبعثونـه
ولا الردي لو كان من نسل هارون *** ينـزل مقامه والعـرب يسمجونه
ما نطاوع اللي لشمل عناز يشظون *** الـلي هـدفهـم جمعـنـا يفـرقونـه
الشمـل يشظـونه هـلابيج وعفـون *** الـلي القرابـه واجبـه يسهجونه
بعض الرخوم المجتهد له يسبون *** يصعب عليهم مسلكه يوصلونـه
أهل الفضيلـه في جهوده يشيدون *** وأهل القلوب الحاقده يشمتونـه
عـلى النسب صبيـان وايـل يعيون *** والجـد كانـه منتحـل مـا يـبـونـه
لومي عـلى اللي ينتفخ تقل بالون *** اللستـك الـلي بالـهـوى ينفخونه
عـليـه عوجـان المشاور يشيرون *** عـلـى اتجـاه اهـدافهـم يبرمونه
يسمـع كـلام الـلي بـربعـه ينمـون *** والحق الأبلج ما تشوفه عيونـه
لا جاهـم الـلي بالـدعايات مفـتون *** يصدح بهـرج الزور ويصدقونه
من ينخدع في طهبلت كل ملسون *** اللي على الأقراب تضرس سنونه
الظلـم جـرم وغامط الحق ملعـون *** والمفـتـري كـل البشـر يلعـنـونـه

قال عبدالله بن دهيمش بن عبار هذه القصيدة يثني على عيّاد الخرشاوي : 259

بـالـقاف قـال وبـدأ القصّـاد *** أبـيـات مـن نـبـع تـفـكيـره
يـهـدى لـقـرم فهـيـم فــواد *** الـهـرج يـفـهـم تـفـاسيـره
أعـني بـه المحـتـرم عـيّـاد *** عـز الخـوي طـيّب السيره
حـيـثـه لفعـل الكـرم معتـاد *** يـفـرح بلـفـوة مـسـايـيـره
طيـبـه بفـعـل الكـرم يـزداد *** مـا صـر غـالـي دنـانـيـره
دعــولـه الـركّـع الـسـجّـاد *** بخشوعهـم عـقب تكبيـره
رب الـمـلأ يـرزقـه بـأولاد *** من منسبٍ ما قبـل غـيـره
خزيزته مـن عريب اجـداد *** أصفا من الماس والنيـره
الـلـه يـفـكّـه مـن الحـسّـاد *** ومن شر سؤ البلا يجيـره
يبقى لأخوانه وابوه إسناد *** كانه حصل بالـزمن ذيـره
عـزمه عن الطايله ما بـاد *** ولا يـتـعـبـنـه مشــاويـره
أخـبـرك يالـلي عـنه نشّـاد *** من فضـل ربّـه وتيسيـره
له قلب مابه حسد وأحقـاد *** مـن عـفـتـه زاد تقـديـره
الـلي يعـرفه بأخلاقـه شاد *** بالمدح الـلي طاب تعبيره
أبـوه مـن خيـرت الأجـواد *** دايـم تـطـامـى مبـاهيـره
لـه شـف بالطياله وأمـراد *** كفّه صخي ما منع خيـره
سليل خـرشا ونسل حمّـاد *** عـديتهـم مـن مشاهـيـره
علم الخرشاوي مع الأفراد *** البـدو مع ساكن الـديـره
مـن لابـة يـتـلـفـون الــزاد *** ما حسبوا لو غلي ميـره
يـوم الزمن به غثا وانكـاد *** والنـوق تكـثـر مناسيـره
عـلى السبايا لاصار طـراد *** حـريـبهـم يصبح بحـيـره
صالـوا وجالـوا بكـل بـلاد *** مـن حـد حطّيـن لمغـيـره
تـاريخهـم سجّـل الأمجـاد *** عـنهـم يـوضـح تـقـاريـره

( أبيات مهداه إلى مشعل العبار ) بمناسبة الهدية التي اهداها لنا الأبن مشعل بن
عبدالله العبار وهي عبارة عن جيب لاندكروز مديل 1012م قلت هذه الأبيات : 260

يا مشعل الـلي اشتهر بـبـروز *** شبهتـه الحيـص مـن زمـلي
يا ابـو مشاري كـفيـت الـعـوز *** نـقـلـت عـن كاهـلي حـمـلي
يا ليـت عـنـدك ذهـب وكـنـوز *** تـكـرم لـغـيـري وتـكـرم لــي
لـك الـشـكـر يـا ثـقـيـل الـروز *** عـلـيـك طـبـع الـكـرم يـمـلي
جـتـنـي هـديـتـك لانــد كــروز *** عـسـاك يـالـقـرم تـسلـم لـي
مـن طـوكيـو جـالـنـا مـكـزوز *** شــراه مـشـعــل وقــدّم لـــي
مـن شركتـه مـا نـفـخ بقـزوز *** مـن مصنع الجـيـب صمملي
عـز السفـر فـي شهـر تـمـوز *** الجـيـب بالقيـض يـرهـم لـي
الجـيـب متـعـود (ن ) لـلـنـّوز *** بـالـدرب لـو مسلكـه رمـلـي
على الجسكار أبي أزورعنوز *** مـن ديـرة طـريـف لـلشمـلي

قال عبدالله بن دهيمش بن عبار هذه القصيدة يثني على الشيخ فيصل بن الأمعط العواجي : 261

الشيـخ الأمـعـط شيخنـا جـاب مثـلـه *** الشيخ فيصل شيخ من مارث شيوخ
منظـوم قـافـي لأبـو صالح بـعـث لـه *** شـواّش ممـدوح الخصايل ومطنوخ
فـيـصـل ولـد ذيـب الـسرايـا ورثـلـه *** مـجـداً قـديـم وبـالسجـلات مـنسـوخ
جـده وأبـوه أسقا الخصيم ودغث له *** حـفنـه سفوف وبالزرانيخ مطبـوخ
الـشيـخ أبـو صـالـح عـدوه يـخـثـلـه *** يعود مثل الـلي عـلى الـوجه ملموخ
مـن بـيـت مـا يشبـه عـرازيـل هثـلـه *** بـيت العـواجي كـنّـه الحيـد مشموخ
فـولاذ مـا سقـفـه مـن اخشـاب أثـلـه *** ساسه صخر مابه تصاديع واشدوخ
والشيخ الـلي عـذّي عن العيب حثلـه *** فيصل تـبـع مـنهـاج لباست الجـوخ
الـيـا خـبـث عـفـن السجايا خـبـث لـه *** مـا خادعه من هايف القوم مطفوخ
وأن جاه الـلي ضد القـرابـه نكـث لـه *** ما طاع هرج اللي يلوخ اللغّى لـوخ
ماهـو من الـلي وهمـه من بحـث لـه *** طاع المشير وحط ختمه على فروخ
الـلي جحـد مجهـودنا وش حـدث لـه *** يا ليـت لـو يسمع حـديث أبن فنتوخ
والـلي بذر غرس الشتيل وحرث لـه *** يرجي غريسه ينبـت التيـن والخوخ
مـضّى زمـانـه بالبحـوث ومكـث لـه *** زمـان مـع ذكـر الـرعوجي ‎‎وبـاروخ

قال عبدالله بن دهيمش بن عبار العنزي هذه القصيدة يثني على الشيخ خلف بن غريب العواجي الجعفري يقول : 262

تعبير مـن فكري بـه الشعـر مـرفوق *** شكر وثنا يكتب على بيض الأوراق
لـلي سلـك درب المـراجـل بـلا عوق *** خلف غريب اللي على الطيّب سبّاق
خلف عن الماجوب ما يغضي الموق *** يـبـذل كـرم مـاهـو مـنـافـق ومــلاّق
علمه سطع مثـل القمـر شع بشروق *** مشتـاق للمعـروف والفـعـل مـشتاق
شبحه بعـيـد وغايـة القصـد ملحوق *** والمجد ما يـدرك بـلا جهـد وأرهـاق
حصّل شـرف بـه ترتفع هامته فوق *** يصعـد ولا يقبل عـلى الـراس مدناق
نـزه الشوارب ما تعـوّد عـلى البوق *** عاف الطمان ولاح في راس شوهاق
رام العـلا ماهـو عـن الشف مفهوق *** يبي الفخر مع ساقت الجـود ينساق
لـه منـزلٍ بـيـن الـرجاجيـل مـرموق *** فـيـه الكـرم فـيـه الشهامـة وصـدّاق
في واجـبه يمشي عـلى كـل طاروق *** والهـون لشخوص الرجاجيل مـالاق
اليـا نصاه الـلي من الوقت مصفوق *** الـبـاب دونـه مـا يـسـكـر بـمـغـــلاق
يلقى الكرم والجود مع خيـر منطوق *** فـي مـجـلـَس مـا داج بـه كـل هـلاق
المدح يزهى لصاحب الجود لـه لوق *** بـسّـاط كـفـه مـا يـمـل مـن الأنـفـاق
يابـو سعد بالطيب لك شف واشفوق *** تـبـذل ورزقـك عـنـد وهّـاب الأرزّاق
ومن طاب فعله لـه مواجيب وحقوق *** نشكر جنابه مـن صماصيم الأعماق
والسلم الـلي يمتـاز بـه كل مخلوق *** عـلـم الفضيلـة والتواضع والأخـلاق
نفسك عـلى جـمع الرفاقه بهـا شوق *** من عـزهم فكرك عـلى شوفهم تـاق
واللي يفرّق جمع الأصحاب ممحوق *** ومن لا تعزوى بعـزوته يعتبر عـاق
والبيت مـا يـذري اليـا صار مشقوق *** لـو كان فيه رفـاف واطناب وارواق
يالجعفري لك بالفخر ساس وعموق *** مجناك من عـزوة عريقه بالأعـراق
لا ثارت الجدعا وصكّوا عـلى النوق *** وتكاضموا والسيف شرّع بالأعـناق
وتلاقت جـموع مثـل هيضت السوق *** كـم فارس من طعنهم طـاح مـا فـاق
يوم الحمر من مطعن الرمح مدفـوق *** فـي راس حـربـة كـنـهـا نـاب زراق
اليـوم الـلي بـه عاقـل القوم مطفوق *** مـا فيه منع ولابـهـا عـفـو واعـتـاق
كـم عايـل من ضربهم طـاح مشلـوق *** ينـزف صوابه مـن مخابيط الأطلاق
من شاف لمع سيوفهـم كنهـا بـروق *** تنشف لهاتـه مـابـهـا قـطـرة اريـاق
قطعانهم ترعى بصحاصيح وعروق *** تـسرح هـيـت مـا حـافهـا كـل سّراق
تقطف زهـر نـوار مـن كـل صعفوق *** يجنب لها الـلي عايف الروح زهّـاق
على العدا علقم مع الشري مـدقـوق *** من يـقـرب حماهم لـمـر الحـدج ذاق
والـيـوم لا واسـق ولافـيـه مـوسوق *** من حمد ربي مـا بقي هوش وخناق
كـل الشعوب أخوان ما بينها فـروق *** بظل الملوك من الولي جت بألأوفاق

قال عبدالله بن دهيمش بن عبار هذه اقصيدة في حفل الشيخ طلال بن غنيم من مشائخ قبيلة جهينة : 263

نـويت أسجّل مـا طرالي من القاف *** لاشـك مـالـي بالمجـال استطـاعـه
في مـدح ربـع كامليـن بالأوصـاف *** مـديـحهـم وصـفـه يـلـذ استمـاعـه
الـلاّبـه الـلي من صماصيـم لحـّاف *** عـزوة جهينة من سلايل قضاعـه
قـبـايـل لـهـم تــقـالـيـد واعــــراف *** بهم الشهامة والكـرم والشجاعـه
يقولـه الـلي بفعلهم عـد مـا شـاف *** أعـتـز بـالـطـيّـب ولالـي طـمـاعـه
أهـل بيـوت شامخـه كـنـهـا رواف *** الضيف يفرح يـوم يلـفي ربـاعـه
متوارثين المجد من عهد الأسلاف *** الـجــد ودعـهـا حـفـيـده وداعــه
رجـالـهـم طبـعـه كـريـم ومضيـاف *** للضيف يبـذل مـا يحوشه ذراعـه
دايم على الطولات والطيب مزهاف *** طالت على علوم المراجل بواعه
والنعـم بجهينـه بعـيـديـن الأهـداف *** الـلي لهـم فـعـل الجمايل بضاعـه
والنعـم بجهينه مـن الكـاف للكـاف *** كـبـيـرهـم والـلي بسن الـرضاعـه
اللي يقاصرهم من الخصم ما خاف *** يـدلـه وينسى عـزوتـه والجماعـه
يذكر فخرهم كل من عنـده انصاف *** وفي مدحهم عندي يقين وقـنـاعـه
في نزلهم من عزوتي معهم احلاف *** فدعان ريف الضيف يوم المجاعه
يوم السنين اللي صعيبات واعجاف *** مـن دارهـم شـدوا لـديـرة رفـاعـه

هذه الأبيات المواتضعة مسندة على الرجل الفاضل نواف بن عبد بن
ريشان البياعي من شعر عبدالله بن دهيمش بن عبار: 264

واصل يا أبو ثامر علوم الفخر وأبد *** أنت الـذي مالـك عـن الطيـب صـدّه
حـث المسير وخـل مـن طبعـه اللبـد *** والـلـي يـدور الـطـايـلـه مـن يــرده
ما جـاد مـن كـف الـردى جابده جبد *** شيـطـان بـخـلـه بـالـعـلابـي يـشّـده
اقسمت بالـلي كـل مخلوق لـه عـبـد *** أبـوك مـن روس الـحـمـايـل نـعّــده
مـا يـكتـفي بـتقـلـّط السمـن والـزبـد *** الـكبـش حـلـقـه بـالـقـديـمـي يـقـّده
عـقـلـه رصين ولا يهبـد اللغى هبـد *** ومـن طيب فـعـلـه كـل ربـعـه تـّوده
من روس لابه لا حصل به دبل كبـد *** بـيـايـعـه جــمـع الـمـعــادي تــحـده
ويـوم النضى تهذل مثل شرّد الربـد *** الـلي يـناطـع جـمـعـهـم خـاب سـدّه

وقال عبدالله بن دهيمش بن عبار العنزي هذه الأبيات يثني على الرجل
الفاضل نواف بن عبدالله بن ريشان البياعي : 265

تـعـيـش يـا قـرم الـعـيـال أبـن ثـانـي *** حصّلت عـلم الطيّـب يا نسل جمعـه
اشكـر جـنـابـك يا عـريـب المجـانـي *** حـيثك كريم ولـك مع النـاس سمعـه
عسى يفداك الـلي عـن الطيب وانـي *** مـا يـدرك الطـولـه بـيـمـنـاه زمـعـه
تبهـج ضـميـر الـلي تـنـصّاك عـانـي *** والمـرجلـه مـاهـي مضاهـر ولمعـه
أبـوك عـبـدالـلـه مـن أهـل المـعـاني *** شهـم وكـريـم ولـه هـقاوي ورمعـه
الشيخ الـلي يـنـفع بـعـسر الـزمـاني *** عـلمه شهـيـر وللـرجاجيـل شمـعـه
الـنـادر الـلـي مـا بـعــرقـه هــدانــي *** عـفيـف مـا دوّر بـالأدنـيـن طـمـعــه
الـيـا لـفـوا حـاديـهـم الـهـرمــزانــي *** والكـل مـنهـم صـرّد الـمـوق دمـعـه
يذبـح لـهـم عيت الخـراف السمانـي *** والـزاد بشحـوم الهـرافـي يـخـمـعـه
مـن سـاس لابـه مـطـلـقيـن اليـماني *** عـاداتهـم لـطـم المـعـادي وقـمـعــه

أبيات من شعر عبدالله بن دهيمش بن عبار العنزي في حفل النوامسة في قرية لبدة بمنطقة حايل : 266

تـشرفـت بالـداعـي ولـبـيـّت دعوته *** ولي الشرف بحضورحفل النوامسه
نـوامسـه مـن عـزوة نـفـتخـر بـهـا *** بهـم اعتزي والضد ملعـون خامسه
من لابـة عـن واهـج الشوب تـذري *** يـوم الـزمـان الـلي بـه ايـام شامسه
بعصر الحرايب يرفع الراس فعلهم *** رجالهـم عـمـره عـلى الموت رامسه
بهم الكرم للضيف في حزّت القصى *** ومـن ضافهـم يمناه بالسمن غامسه
أهـل المـعـانـي والـربـاع الـفـضـيـه *** والـبـن بالمحـمـاس مـا مـل حامسه
من دلـة فـنجـالـهـا يـطـرد الـوخـم *** شـف الـذي راسه على الهيل عامسه
الشكـر والعـرفـان لعـيـال نـومـس *** صـدق الشعـور مـن الأجاويـد لامسـه
أهل الوفاء والصدّق وأهـل الأمانـه *** ولا منهـم الـلي سابق الجهد طامسه
من يـارد العـيـلم مـن الجـم يرتـوي *** والـرس ينضـب مـا يـعـبي تـرامسه
والحسو مـا تـورد عـليـه الظـوامي *** قـاعـه صفاه وسافي الـرمـل دامسه
قـلتها ولالي عـنـد الأجـواد مـطلـب *** أجهـر بـقـول الحـق مـاني بـهـامسه

قال عبدالله بن دهيمش بن عبار العنزي هذه القصيدة بمناسبة الحفل المقام
على شرف الشيخ خلف بن غريب العواجي من قبل أنجال الشيخ مساعد بن
زيدان النومسي رئيس قرية لبده وأحد مشائخ قبيلة النوامسة من الجعافرة : 267

مبـداي بسم الـلي عـلى الخلق رحمن *** رب الخـلايـق كـوّن الخلـق وانشـاه
وبعـده بديـت القـاف يـوم اللقاء حان *** بالجـمع الـلي نفـرح بشوفـه ولقيـاه
ويوم المجال أعرض ونظّمت قيفـان *** أثـني عـلى الـلي ذكـرهـم مـا نسيناه
لي الشرف بحضور حفـل أبن زيدان *** الشيخ فـارس لـبـوا الـربـع دعــواه
عـلى كـرامـة صاحب القـدر والشان *** خـلـف غـريب الجعفري عالي الجـاه
أعـتـز فـي دعــوة كـريّــم وفـرحــان *** نسل الذي عـلمه بوسط العـرب فـاه
الشيـخ مساعـد دوم للطـيـب عنـوان *** المـكـرم الـلـي تـبـذل الجـود يـمـنـاه
ريـف الـذي منفض زهـابـه وجيعان *** لاجاء من الصحـراء تـراقـل مطايـاه
يلقا الهـلا والهيـل وفـطـاح خـرفـان *** وقولت هـلا هي غاية الضيف ومنـاه
عـوايده يـقـري ضيوفـه مـن الضان *** قصده كـرم مـا وفـر الكـبش والشـاه
شهم وكريم وحافـظ العـهـد مـا خـان *** والـكـل يـشهـد لـه بـلطـفـه وتـقـواه
من يبذل المعـروف في كـل الأحيـان *** الكـل يـفـخـر بـه الـيـاجـيـب طـريـاه
الـلـي اعـمـالـه كـلـهـا بـر واحـسـان *** يبي العفو من سامك العـرش مـولاه
عـساه يـنـعـم بـالـهـنـا عـنـد رضوان *** وعسى الكريم بجـنّـة الخـلـد يجـزاه
عـقـب رجـال بـالـفـخـر طـيبهـم بـان *** الـكـل مـنـهـم صـار مـثـلـه وشـرواه
يستاهلـون النـعـم مـن دون حـقـران *** في كـل رجـل طـاب والمـدح يـزهـاه
ولـو أبـي أعـدد من مشاكيل واعيان *** نومس شخوص رجالهم ما حصيناه
ما ظمّه أسم النومسي ربع وأعـوان *** يـوم أن كـلـن يـعـتـزي فـي دنـايـــاه
متعـاضديـن وكـلـهـم مـثـل الأخـوان *** مـا منهـم الـلي مـا فـزع كـان تنخـاه
نـوامسه مـن ساس عـزوة سليمـان *** ضد الخصيم أن غرّه إبليس وأغواه
نعـم بهـل الجدعا فـوارس وشجعـان *** الـلـي يـدور الـشـر يـوطون عـلـبـاه
أهـل البـيـوت الـلي تقـل شم ضلعـان *** الـلـي عـلـى روس العـوالـي مـبـنـاه
صديقهم مـا يشوف عايز ولا ايهـان *** عـنـد الـذي يـدمـح خـمـالـه ويـرفـاه
ورجـالـهـم لا صـار لـلـخيــل مـيـدان *** يـدمي الخصيم بـحـد سيفـه وشلفـاه
أبطـال في خـوض المعامع وفـرسان *** خيـالهـم بالكون يـدحـم عـلى اعـداه
وفي ما مضى وضحتها للملأ اعـلان *** وسجلـت فـحـواهـا بـقـافٍ بـدعـنـاه
الـكـلـمـة الـلـي قـلـتـهـا بـكـل ديـوان *** الجعـفـري مـاهـي غـريـبـه حـمـيّـاه
مـا قـلـت في تمجيـد الأجـواد بهتـان *** لا والــذي كــل الـخــلايــق تــرجّــاه
والحـمـد لـلـه عصرنـا أمـن وأيـمـان *** فـي ضل حاكـم قـوّم الشرع وارساه
وصلوا على المرسال للأنس والجان *** الـهـادي الـلـي بـالهـدى ربّـه اهـداه

قال عبدالله بن دهيمش بن عبار العنزي هذه الأبيات يثني على الرجل الفاضل
خلف بن كسّاب بن نفج المريحمي الجعفري الملقب شيخ التعارف بمناسبة
تكريم قبيلة عنزة له في منطقة حايل : 268

لـولا الكـرم تاريخ الأجـواد ما جيـب *** ولا بـان عـلـم الـلي تكـّنـوا بالألغـاب
المدح يزهى اللي تعود عـلى الطيّب *** خلف كسب عـلـم الفخـر نسل كسّـاب
أبـن نـفـج مـا وفـر الـمـال بالجـيـب *** يـكـرم وجـمّـل لابـتـه عـنـد الأجـنـاب
يـلـهـج لسـانـه بالـهـلا والتـراحيـب *** دايـم عـن الـزوار مـا يـقـفـل الـبــاب
المكـرم الـلي يـذبـح الضان والنيـب *** عـايش بدنيـا مـا يحسّب لـهـا حساب
مجهـد يـبي يـوفي جـميع المطاليـب *** والرزق من رب الخلايق لـه اسبـاب
الـنـادر الـلـي مـا ذكـربـه عـذاريــب *** نفسه تـهـوم الطـايـلـه كـل الأوجـاب
الـقـرم يـستـاهـل كـرامـه وتـوجـيب *** قـامـوا بـتكـريمـه شغـاميم الأصحاب
اللاّبـه الـلي مـا مشوا مسلـك العيب *** يـا سـعـد مـنهـم لـه دنـيـيـن واقـراب
جـعـافـره شـجعـان مـاهـم زواريــب *** منهم مدابيس الوغى حجاب وعقاب
ولـهـم فعايـل مـا حصوهـا حواسيب *** مـن كثـرها تصعب عـلى كـل حسّاب
يـوم القبايـل تـطـوي البـيـد واتلـيـب *** تسري وتجـري بالفيافي على ركاب
يـوم الـبـوادي عايشه عيشة الـذيب *** عاداتهم دوس المخاطـر والأصعـاب
واليـا تـناخـوا دون حـرش العـراقيب *** رجالهم يدحم عـلى الجمع مـا هـاب
واليوم من فضل الولي عالـم الغـيـب *** أمـن وأمـان وكـلنا أخـوان وأحبـاب
مـا عـاد يـوجـد بـالـقـبـايـل أجـانيـب *** جميعهـم صـاروا فـصيـلـه بالأنساب
والفـضـل لـلـه ثـم فـضـل المعـازيـب *** خـلـّوا جـفـات الـبـدو للـعـّلـم طـلاب
زال وذهب عصر السيوف المحاديب *** نسمع حـديـث بكـل منبـر ومحـراب
يتبع

تابع
قال عبدالله بن دهيمش بن عبار العنزي هذه القصيده بمناسبة الأحتفال
المقام في مدينة القريات من قبل قبيلة البلاعيس من الأشاجعة على
شرف رجال من قبيلة شمّر وحمائل من عنزه : 269

يـوم جـمع مـابيـن شمّـر اويـلان *** يحسب من أيام الفرح والمسّرات
نخبه من رموز القبيله والأعيان *** بـوجـودهم نـوّر صعـيـد القـريات
واليوم طاب المحتفل واللقا حـان *** من حيث لبـوا للبلاعيس دعوات
هذا المجال اللي به الشعر يزدان *** لاقـام بـيـن الغـانميـن أحتـفـالات
عـلى شرف حضرة سلايل ثنيان *** فهـد ولـد شيخ خصالـه حميـدات
شيخ الزميل من الرجاجيل ديقان *** شهم وكريم وبالنقا سامي الـذات
وأبن رمال اللي له الطيب عنوان *** نعـم بحفيد أهـل الكرم والمروات
والنعـم بالكاسب اليـاقيـل شلقـان *** الكـل يذكـر فعلهم وقـت الأزمـات
ومن لا ذكرت من الأجاويدلاهان *** جملت كل شخوص شمّربالأبيات
ولو أبي أعدد من نوادر وفرسان *** هيهات ما يحصون بالعد هيهات
القابهم تشهـد عـلى كـل مـا كـان *** من مجد ورثهم مفاخـر وطولات
القـاب حـازوهـا بحـزّات الأكـوان *** نالـوا بهـا عنـد القبايـل كـرامات
غلبا وحلوين المحازم هل الشان *** وأهل اللحيسه بالسنين القديمات
واليا تناخوا بالسناعيس غـلمان *** غوش لهم في غالي العمرطنيات
واللي لقبهم قيل للـروس سودان *** لقب فخرحازوا عليه الخريصات
شمـر مـن بـلاد الحويقـه لـرمـان *** لهـم مـدالـي بالمنـاطـق بعـيـدات
منـذ القـدم شمـر وعـنّاز جيـران *** مثـل بعضهم في طبايـع وعـادات
والنعم في شمـر طويلين الأيمان *** والنعـم في عـنّـاز حي القـرابـات
الكـل منهـم دوم يـذكـر بالأحسان *** فازوا بها يوم المراجل صعيبات
قبـايـل تعـرف عـلى مـر الأزمان *** نالوا على فعـل المراجل شهادات
يوم الحرايب والمناويخ شجعان *** تشهد لهم حدب السيوف الرهيفات
وبيوتهـم يشبع بـهـا كـل جيعـان *** وقت القصا يوم المكايل شحيحات
ودخيلهم يلقـا عن الظيم مـزبـان *** ولا يدوّرون العـايـزه بالقصيرات
وأولاد وايـل بالفخـر علمهم بـان *** نالوا فخرهم يوم صعب المهمات
ياما بـوايـل من مـقـادم وشيخـان *** أمجـادهم ما تنحصي بالحسابات
تـاريخهـم مبـطي كتبتـه بـديـوان *** ودونت مجـد جدودهم بالسجلات
أذكـر مفاخرهـم ولا قـلت بهتـان *** وأدون الأمجاد بالعصر الـلي فات
بالمـدح والتمجيـد نظمّت قـيـفـان *** مـلاحـم تبلـغ من الشعـر مـيّـات
ومن لا يعد الصّدق لاشك غلطان *** أثبت عـلى الواقع ولا قـلت زلّات
قلت وعلى قولي دلايـل وبـرهـان *** ولا خير باللي حجته مالها أثبات
عناز مضراب المثل كـل الأحيـان *** يوم العرب لهم صوايل وجـولات
تشهـد بقـوتهـم سلاطين عـثمـان *** وتشهد لهم مستشرقين الخواجات
قبايـل يعـزون من صلـب عـدنـان *** صفوة ربيعه ما بهم قـط شكّـات
يوم الفخر بالسيف ومذلّق الـزان *** كـل القبـايـل تعـتـزي بالـمـلـمات
واليوم من حمد الولي كلنا خوان *** نعيش في عصـر الهنا والملذات
صرنا بفضل الـلـه رفاقه وخـلّان *** السلم حل وزال عصر الحزازات
بجهود حكّام الوطن نسل مرخان *** عسى السعد يبرالهم كل الأوقات
حكامنا الـلي أمنـوا كـل الأوطـان *** والشرع يقضابه على هدي آيات
سور البلد وحماه من كل عدوان *** من عال ينطح في مدافع وقـوّات
وحنـا لهم حضّار في كـل ميـدان *** والمعتدي يسقأ من السم جرعات

هذه القصيدة من شعر عبدالله بن دهيمش بن عبار الفدعاني العنزي يثني على قبيلة الشرارات : 270

مـريـت لابــه يـعــل الـنـذل يفـداهـم *** سابع عشرجيتهم من شهر شعباني
أهــل طبـرجـل مـا قـدرت أتعـداهـم *** لـكـن هـم المعـتجـل لا مـرهـم وانـي
فتحت جوالي وأناأبحث عن أدناهم *** وزهـمـت لمبـارك سـلايـل محيـلاني
وحلفت بالله على مبارك وأنا زاهم *** مـا أبـي سـوى دلّـه وبـراد سيـلاني
لكـن مـن أجلـه ثلاث أيـام صمناهم *** ما فـاد حلفي على المنعور وأيماني
يشكر وربعه عسى بالخير يجزاهم *** الكـل مـنهـم بـطيـبـه يـفخـر الـثـاني
الشعر يمدح رجال الطيب وأيساهم *** ملـزوم شعـر الثناء يلفّظ بـه لساني
بالعـزوه الـلي كـلام المدح يزهـاهم *** مـجـدتهـم وأذكـر دليـلي وبـرهـاني
لا جـيـت هـلـّوا قـبـل تـقديم مقراهم *** زود الحفـاوه تـزيـد بقدري وشاني
حيـث أحتفوبي مثل أقـرب دناياهـم *** قـبـالـهــم بــدد هـمـومـي واحزّانـي
ياطيب ربـع في طبرجل خطـرناهـم *** أولاد مكلـب تـكرم الضيف والعـاني
من ساس عزوه يسر البال ملقاهـم *** الكـل منهم لعـلـم الحيف مـا ايـداني
حـمـايـل مـن مـقـر المجـد منشاهـم *** بيـن القبايـل بالفخـر عـلمهـم بـاني
هـم الشرارات بـالنخـوه عـرفـناهـم *** ربع اللحاوي مـلاذ الخايف الجـاني
رجال عزام شروى الطيب شرواهم *** وماعقّب حليس باللقوات شجعـاني
وربع الضباعين لاعديت ما انساهم *** والكفـو والنعـم بـرجـال الـفـليحـاني
اللابـه الـلي بالفخر طالـت اخطـاهم *** ما منهم الـلي ثقيل النفس وأهداني
ربـع الـيـا قـلّـت الـحـيـلـه تـمنـاهـم *** وقصيرهم بجوارهم مرغـد وهـانـي
والله ماجيت في عازه وأبي أنخاهم *** ولو كان لي لازمه يكفون عـربـاني
لاشـك يعـجـب مـن يشاهـد حمياهم *** متـكاتـفيـن بـيـنهـم مـثـل الأخـوانـي
الكـل منـهـم لـطيف ومـدرك وفـاهم *** عـوارف مبـطـي ذكيـيـن واذهـانـي
بيض الضمايرشنيع الحسد ماجاهم *** تخاشروا قاصي عـربهم مع الداني
وفـقهـم الـلـه ولـي العـرش مولاهم *** بالديره الـلي مـثـل نسنـاس لبنـاني
بالـوادي الـلي يـدر الخيـر مـرباهـم *** الكـل مـنهـم لـه مـزارع وبـستـانـي
بـلـدهـم الـلـي مـن الـغـلات كفّـاهـم *** وزايـد محاصيلـه يصّـدر للأوطـاني
من طيب نياتهـم رب المـلأ أغناهـم *** ذربيـن وأفعالهـم جـزلات وسمـاني
مـن طيبهـم ضيفهم ما راح يشناهم *** قدوتهم الـلي بذل في شح الأمواني
الـلي ضيـوفـه مـقـر الجـود عشّاهم *** في ساعة يرخص بهاغال الأثماني
وغـيـره نـوادر ما تـعـدد مـزايـاهـم *** يشهد لهـم تاريخهم عـبـر الأزماني
لـعـل الأبـيـات عـبـر الـنـت تيتـاهـم *** تعبيـر من خاطـري يمليـه وجـداني

قال عبدالله بن دهيمش بن عبار العنزي هذه القصيدة يثني على قبيلة الشرارات بمناسبة زيارته لمدينة طبرجل : 271

الجـيـب يعجـبـك مشـواره الـيـا سيّـد *** هـو منوت الـلي تولّم وأعتلا جيبـه
قـررت أسـافـر ولـو مشواري بعـيّـد *** الألـف كيلو طريق الجـوف نمشيبه
سافـرت في موتـري من ديـره لـبيّـد *** صوب الـذي يا سعـد منهم معازيبه
مـا جيـت قـانص لديرتهـم ومتصيّـد *** لاشك مسيار من صاحب لأصاحيبـه
نويت أسيّـر عـلى أبـو معتـق سعيّـد *** وأبن دعيجا حفيد اللي اشتهر طيبه
ولافي شطيط عن الماجوب ما يحيّـد *** وعايـد رفيق ورفقته مـابهـا ريـبـه
من جـاء طبرجل وأهلها كنّـه معـيّـد *** عـنـد الشرارات أدنـاهـم يـهـلي بـه
الـكـل مـنهـم شمـخ ديـوانـه مـشـيّـد *** والكـل منهم يشوق الضيف ترحيبه
والكـل مـنـهـم بـسلـم الجـود متـقـيّـد *** سلـم الحمايـل مـا تناسوا مواجيبـه
والـكــل مـنـهـم يــعــد الـحـق ويـأيـد *** للواقـع الـلي سلـيـم العـقـل يـدريبه
والـلـه مـا خبـر شراري ماهـو جيّـد *** رجـالهـم تـنـدر وصايـف عـذاريـبـه
عـن عـزوته ما شذ منهم ولا وحيّـد *** ولا فـرقـوهـم هـل النمّـات والغـيبـه
أربـع قبايـل تـضـد الخصّم وايـهـيّـد *** بسيوف من صافحت علباه تصطيبه
وأن جاهم الطاغي الـلي مّـره يغـيّـد *** يهـزم ويفقـد جـليـل القـدر والهيبـه
ويـا كـم فـارس وقـع بالقـاع مشليّـد *** طشوه لـوحـوش الضواري تعشيبه
بـهـم اللحاوي يضب الجمع مـا ويّـد *** نـادر صـوارم مـا تـثـلّـم مـخـالـيـبـه
وأبن دويـرج وأبـن الخيّـال وجـريّـد *** وأبـن دعيجا الـلي القبيله تـمـاريبه
أبـي أكـتـب المـدح بـالأجـواد وأقيّـد *** الطـيّـب أعـتـز بـه ‎والـلّاش مالـيبـه
كسب الجمايل صعيبه حـيـل وأتبـيّـد *** والطيب ما يدركه من يفعـل الخيبـه
كـد قالهـا الـلي تـكنى بـنجـلـه زويّـد *** عـبّـر عـن المرجله وأعلن تجاريبه
ومن ترّك المرجلـه مـا قيل لـه سيّـد *** مهمـا تخـفّى يبين وينكشف عـيـبـه

قال عبدالله بن دهيمش بن عبار هذه القصيدة يثني على الشيخ سعيّد بن جحليش
أبو معتق الشراري الملقب ( حاتم الوادي وجزل العطا ) : 272

سلامـي لجـزل العـطـا حاتـم الـوادي *** المكرم الـلي ينبـع الجـود مـن كـفّـه
على الفضيله والي العرش له هادي *** مبسوط كفه عن بذل الخيـر ما كفّـه
القرم أبن جحليش طيبه ماهوعادي *** غيـر الكـرم عنده شهامه وبـه عـفّـه
حيثه بفعـل الطيب له قصد ومرادي *** فعـل المراجل هـو مرامـه وهـو شفّه
كم جاه من ناصي على حضرته بادي *** من جاه مغرم عادتـه يوقـف بصفّه
طـيـب أبـو معتـق مـع الأيام يزدادي *** مثل البحر في كل الأطراف له ضفّـه
لو ما مدحته قيل لي مخطي وغادي *** الـلي تـجـمّـل بـك بمدح الثـنـاء وفـّه
الوافي الشغموم لك عـضد واسنادي *** ولا الردي لـو كان من عزوتك نـفّـه
يسـرني مدح الصخي نسل الأجوادي *** عـوايـده ذبح الغنـم وأبـيض الـدّفـه
اشكر رفيع الشان من مهجة فوادي *** قلته وأنا آخذ صامل العلم مـا اطـفّـه
عزوة شرار الياحضر كون وطرادي *** نطيحهـم وقـت اللقـاء صابته خـفّـه
أولاد مكلب في عصر لوذت الزادي *** جـادوا كـرم يـوم الليالـي بـهـا حـفّـه
حـلاّبـة الناقـة عـلى سلـم الأجـدادي *** الكـل قـال أن جـالـك الـملتـجـي لـفّـه
بهـم المديح الـلي تغـنّى بـه الشادي *** يـوم الدّسم يرسم علامه عـلى الرّفه

قال عبدالله بن دهيمش بن عبار الفدعاني العنزي هذه القصيدة يثني على قبيلة
الشرارات ويخص بالذكر بعض الرجال الذين تجملّوا مشكورين : 273

يا مكـثـر الـلي لـلـشـرارات مـديــون *** بـزرع الجمايل طيبهـم مالـه احـدود
ربـع عـلـى فـعـل الجـميـل يتنـاخـون *** ريف الذي من جاير الوقت مضهود
أقـولـهـا ومـن ينكـر الفضـل ملعـون *** معـروفهـم مـا يجحـده كـود جاحـود
الضـيـف مـن عـاداتـهـم بـه يهـلـون *** سلم العرب من دون غايه ومقصود
وعـلـى بـعـضهـم باللـوازم يحـامـون *** ومن نال نعمه عندهم ليس محسود
ويوم الحسام بوجه الأضداد مسنون *** يروون حـد الـلي من الشلف مزنود
لاهاجت الهيجاء على الموت يردون *** حـمـايـة الـسـاقـه صنـاديـد وفـهـود
الـلاّبـه الـلـي بـالـمـواثـيـق يـوفــون *** ما باقوا الصاحب ولا خانـوا عهـود
الـلي تكـنّـوا بـالـوفـاء مـا يخـونـون *** أهـل فـوايـل نـاصـعـه مـابـهـا سـود
صيد الرجال كرامهم صعب يحصون *** بشخوصهم ماحيط والعـرف محدود
مـنـهـم نـوادر بـالـفـعـال أيـتبـاهـون *** يا بـعـدهـم عـن كـل عـايـز ومنـقـود
أضهـر ثـنـاهـم والمخاليـق يـوحون *** مجـدتهـم بالصـدق والهـرج مسنـود
أبـي الـرجـال بـطـيّـب الذكـر يدرون *** ولاني بحـال الـلي من الناس منكـود
والـمـدح والتمجيـد مـا صـح لعـفون *** ولا طاب اللي كفّه من البخل مجبود
أدنـاهـم الـلـي بـالـمـلـمـات يـكـفـون *** عن كل غايب سـد مـن كـان موجـود
جـيـت الـرجال الـلي نبـاهـم يحيـون *** ومضايـف يوجـد بهـا الهيـل والعـود
في بيت شيخ شيخته مابهـا ظـنون *** مـن نسـل خـلـف ينتبـه حـامي القـود
مهـدي أبـن عسّاف بالفعـل مبخـون *** أبـن دعيجـا الـلي بـه الطيـب ماكـود
أثـنـي عـلـيـه وكـل الأجـواد يـثـنـون *** لـه الـفخـر موروث مـن جـد لجـدود
والـقـرم أبـو معتـق لطيـبـه يحمدون *** صاحـب كـرم يلفي عـلى بيته وفـود
مـا يـكـفـي سعـيّـد مـن النعـم مليون *** جـزل العطايا صاحب البـذل والجـود
وش عـاد لـو عنده كثـر مال قـارون *** مـن جـود كـفّـه يـودع الـمـال يـبّـود
صينيته تربـوا عـلى عشرة صحون *** فـي وسطـهـا أربع ذبـايـح ومـفـرود
شوفي بعـيني مـاهـو قـول يقـولـون *** قـّلط خـراف الضان مع حاشي الذود
وقبل الكرامه جاب لـي زاهـي اللّون *** جيـب شـراه مـن الـوكـالات بـنـقـود
اقـسـم يـميـن وكـل ربـعـه يحـلفـون *** أنــه هــديـه بـالـقـسـم غـيـر مـردود
واليوم صرت لطيّب الفعـل مـرهـون *** قـولـي بتمجيـده لـه اثـبـات وشهـود
وأثني على قرم وصلني منـه عـون *** لافي شطـيّـط مـا ذخـر كـل مـجـهـود
تـزهّـل بـجـيـبـي وأنـا مـنـه ممنـون *** قـال أتركه لأصلاحـه المـال مرصود
شهـم وكـريـم وذرب ما يتبع الهون *** يـبـذل كـرم مـاهـمّـه النقص والـزود
القـرم الـلي ربـعـه بـطيـبـه يشيدون *** ديـوان قـصـره للـمسـايـيـر مـشيـود
وصالح ومبارك كيف يالربع ينسون *** جوني ولا حولي مـن الناس ماحـود
نـعـم الـرجـال الـلـي عـلـي يـتعـنون *** أثـنـي عـليهـم كـل مـا هبهـب الـنـود
وأبـن عـلـيـه لـه الأجـواد يـغـلـيـون *** تلقا الغضا في جانب القصر منضود
وفـهـد أبن دليمـان بـالطيّـب مفتـون *** مـا عـوقـه عـن طـيّـب الفـعـل لادود
وحـامـد أبن عـقلا عـرف كل قانون *** بالملـزمه يرسي مـثـل شامخ الطـود
وعـيـال مـكـلـب كـلهـم مـا ايتـردون *** ولا جيتهم محتاج وأبحث عن الفـود
مـدعـو مـن الـلي للكرامات يدعون *** والحـادث الـلي صار في قـدر معبـود
ومن طبعهـم عـنـد اللـوازم يقيفـون *** مبـطي لهـم وقـفات في حـّزت الكـود
وشلون ماأذكر طيّب الفعل وشلون *** من حيث ما يكما الحسب كود مقرود

قال عبدالله بن دهيمش بن عبار العنزي هذه القصيدة بمناسبة حفل قبيلة
الشرارات لتكريم الشاعر مرزوق بن ضويحي الشراري شاعر الوادي : 274

الـثـنــاء تـسـتـاهـلــه عــزوة شــرار *** مـن بـني مكلب بهـم فهـم وشطـاره
صيتهـم واضـح مـثـل وضح النـهـار *** والـمـراجـل جـودوا سـلـمـه وكــاره
طـيـبـهـم مـوروث مـاهـو مـسـتـعـار *** وكـل منهـم بالفخـر طـالـت اشـبـاره
كـل مـنهـم فـي طـريـق المـجـد سـار *** وحصلـوا كـل المـراجـل فـي جـداره
مـا بـهـم الـلـي فـي خـويـه قـيـل بـار *** بهـم الـلي عـونه بحـزات أضطراره
مـن جميـل أوصافهـم حسـن الجـوار *** جـارهـم يحشـم ولا تكشف اسـراره
والـمـسـيّـر لــه كــرامــة وأعــتـبـار *** يـفــرح ويـنـسـر بـالــه بـالــزيــاره
قبـل عـرف الضيف هـلي بـه جـهـار *** يـنـطـحـه قــرم يـهـلـي فـي حــراره
يـاجـد الـدلـه عــلـى جــال الــوجــار *** جـاهــزه ومـجـهــزه فـي كــل تــاره
فـاح مـن فـنـجـالـهـا فـوح الـبـهـــار *** ينعـش الـخـرمـان كـان الـقـرم داره
مـا تـشـفّـق ضـيـفـهـم ريـح الـكـتـار *** دايـم الـكـبـش الـمـربـىّ بـانـتـظـاره
مـنـهـم الـلي يـوم غـربـل بـاخـتـبـار *** أبـن دعـيجـا فـي بسيطـا شـب نـاره
والـهـوادي روس جـزلات الـبـكـــار *** وكـم حـاشي بـالصحـن قـلـط فـقـاره
والـلـحـاوي بـان عـلـمـه بـاشـتهـار *** مشتهـر مـثـل العـلـم فـوق الـمـنـاره
وأبـن جريّـد كـان شين الـوقـت جـار *** مـن لجالـه عـن شنيع الـوقت جـاره
وأبـن دويـرج نـال بـالفعـل افـتـخـار *** يـكـرم الـعـانـي ولا هـاب الـخـسـاره
ونـعــم بـالـخـيـال شيـخ ولــه وقــار *** شيخ يوصف بالشجـاعـه والنـمـاره
وأبـن ورده بالـفـخـر لـبس الـشـعـار *** بـه حميـه بـه شجـاعـه ‎بـه جسـاره
واسـمـحـولـي كـان قـدّمـت اعـتــذار *** مـا حصيـت الـلي تـكـنـّوا بـالـنـداره
الـثـنـاء والـمـدح قـلـتـه بـاخـتـصـار *** والـفـهـيـم الـفـذ يـفـهـم بـالإشـــاره
بـنـي مـكـلـب مـدحـهـم قـلـتـه قــرار *** الـرجـال الـلي مثـل وصف السعـاره
يـوم كسـب المـجـد يـشـرى بالعـمـار *** كـم صـدوا عـن قـطيع الـذود غـاره
بـالـلـقـاء يــثـنــون دون أم الـحـوار *** خصمهم يـهـزم ويشعـر فـي مـراره
كـل مـن شـاف الجنـب جـنّـب يـسار *** شاهـد المـوت الحمـر يقـدح شـراره
وكـان قـدح الـمـلـح بـالـعـبـرود ثـار *** والسبـايـا تحـتـوس وسـط المـعـاره
مـا تـحـاكـوا بـالـهـزيـمـه والـفــرار *** كـن صمـع قـلـوبهـم صـم الـحـجـاره
ويوم جاء عصر الـرخاء والأزدهار *** والجهّل روّح وجاء عصر الحضاره
وجـهــوا لـلـمـلـك ومـلـكـوا الـديـار *** وشيـدوا بـديـارهـم صـرح العـمـاره
مـن اغـلال الأرض يـجـنـون الثّمـار *** يـملكـون المـال وعـروض التـجـاره
يـشـتـلـون الـغـرس وأنـواع الـبـذار *** والـنـخــيــل بـكـل بـيـت وكـل حــاره
مـنـهـم رجــال مـنـاصـبـهــم اكـبــار *** ومنهـم الـلي نـال منصب بـالـوزاره
مـنـهـم مـهـنـدس ومـنـهـم مستشـار *** ومنهم أهل العلم وأصحاب المهـاره
مـا يـكـنـون الـحـسـد حـيـثـه دمــــار *** غـانـميـن وفـي ضمايـرهـم طـهـاره
ومـن لا سـوّى مـثـلهـم مـنهـم يـغـار *** والمـراجـل فـعـلهـا صعـب احتكـاره
والـوكـاد أكـبـر غـنـيـمـة وأنـتـصـار *** مـن نـصيـب الـلي تـربّـع بالصـداره
كـرّمـوا مـن يـبـدع الـشعـر ابـتـكـار *** الفـهـيـم الـلي نـسجـهـا مـن افـكـاره
أبن ضويحي حـر مـن مصقـر حرار *** مـاكـره بـالـمـرتـفـع فـي راس قـاره
شـاعـر الـوادي أن كـان الـهـرج دار *** يـلـفـظ المنظـوم مـن جـزل العـبـاره
شـاعـر ومـعـروف مـن ربـعـه خيـار *** صادق المعـنـا ولا يـعـرف القـمـاره
مـبـتـعـد عـن كـل عـيـب وكـل عـــار *** مـا مـشّى درب المهـونـه والحقـاره

قال عبدالله بن دهيمش بن عبار يثني على لافي بن شطيط الشراري :
بـلـغ تـحـيـاتـي عـلى أبـوك يا نـايـف *** أبـن شطيّط مـن رجـال الكـرم لافـي
الـنـادر الـلي يكـرم الجـار والضايـف *** أنا اشهد أنه صادق وبالوعد وافي
حـزّت لـزومـي مـا تـعـذّر ولا سايـف *** القـرم صلّح موتري عقب الأتلافي
مـواقـفـه بالـطيـب كـلـن لهـا شـايـف *** له الشّكر مني وفضله ماهو خافي

قال عبدالله بن دهيمش بن عبار هذه القصيدة في حفل تكريم عنزة بحايل
يسند على الحميدي بن نبات بن صنعا : 275

يا أبو عمـر دام عـزّك يالحميـدي *** الثنـاء والشكر لـك يا أبـن نبـات
مـن نسل جـبـار يخشاه العـنيـدي *** لا تـلاقـوا فـوق سـرد الصافـنات
يوم مخباط الفشق جاله رعـيـدي *** مشتهـر راعـي البـتيـرا بالثبـات
مثلـك وشـرواك بالـلاّزم عضيدي *** أذخـر الـطيّب لوقـت المعـضلات
والـردي خـلّـه يـعـلّـه مـا يـفيـدي *** يسهج الواجب وينسا الماضيات
والشكّـر لـلي بمجهودي يـشيـدي *** مـن ضنا عـناز وافـيـن الصفات
من عمل معروف يزهاه الحميدي *** حاد عـن درب المسبّه والشّمات
من تعـزّه عـزوته حظّـه سعيـدي *** ولا يوفق من جعـل شملـه شتات
دوم في صدري غلا ربعي يزيدي *** أفتخـر واعـتـز بأهـل المكـرمات
مجدهـم كـلّـه مـدوّن فـي قصيدي *** فـي مـلاحـم بالـكـتـاب مسجـّلات
أعـتـزي باسم العماري والعبيدي *** مع وهب وجلاس ستر المحصنات
عزوة الويلان ربعي هـم رصيدي *** هـم سنـادي لا تناخـوا بالخـوات
حنـا عنـزه عن نسبنا مـا نحيـدي *** لـو يـزولـن الجـبـال الـراسـيـات
ساسنا ثابـت مثـل صلب الحديدي *** مـا تـزحـزحـه الـريـاح العاتيـات
مجدنـا وتاريخنـا مـاهـو جـديـدي *** وارثـيـنـه مـن سنيـن مـسمـلات
يتبع

تابع
قال عبدالله بن دهيمش بن عبار هذه الأبيات تهنئة للأخ سعد بن عذاب البلعاسي بمناسبة زواج أبنيه انور وعبدالله : 276

يـا أبـن عـذاب لحـفلتـك جيـت أهـنّي *** وأقـول لـك مبـروك تزويج الأنجـال
مـنـور وعبـدالـلـه لـهـم شكـر مـنـي *** عـلى نـوال العـلـم مع طيب الأفعـال
مـا مـنـهـم الـلي عـن لـزومـه يكـنّي *** يكـفيهم الـرحـمـن مـن شـر الأنـذال
بهـم أفتخـرت وقـلت مـا خـاب ظني *** تـعتـز بالـلي عـلومهـم تشرح البـال
قـول وفـعـل مـاهـو لـك الـلـه اتمـني *** يـا سعـد في صلاحهم تصلح الحـال
مـن لا أجتهـد مـا نـال غـيـر الهبـني *** والـمـرجـلـه مـا طـالـهـا ‎كـل رجّـال
أسـمــع ورد الـعــلـم يـالـقـرم عـني *** مـا بـار سعي مـعـرّب الجـد والخـال
حـيثـك مـن الـلي عـلـومهـم شرفـني *** أشـاجـعـه صفـوة صناديـد الأبطـال
كـل مـا ذكـرت أفـعـالـهـم هــولــنــي *** تاريخهم معـروف من قـدم الأجيـال
قـصـيـرهـم بـجــوارهــم يـرجـهـنـي *** ودخـيـلهـم مـاهـو بـخـايـف ولا ذال
والـضـيـف لا جـاهـم ذلـولـه تحّـنـي *** عقب المسير من التعب تهذل اهذال
يـلـقـا الـقرى وبـبيـوتهـم يـستـكـنّي *** والهيّـل يسكـب مـن معـاميـل ودلال
وكـم فـارسً أقــبـل عـلـيهـم يـغـنـي *** وأدبـرمعيف وشاف مـاخبّـث الـفـال
صـابـه خـرش كـنّـه تـعـلـواه جـني *** عقب الشجاعه خالطه خـف وأهبـال
رجـع نكـيـف مـن الحسايـف يـونـي *** مـن هـيـبـة الشجـعان لباست الشال
عــدوهــم يـــرداه رمــح الـمــطـنـي *** عـوق الخصيم الـيا بطـل كـل عـّذال
بالعـصر الـلي ذلـف عسى مـا يثني *** واليـوم مـابـه لا تـشاحـن ولا جـدال
الـعـصـر هـذا عـصـر حـاذق وفـني *** والـعـز والـطـولات بـالـعـلم والـمـال
عـصـر الرخّى مـا فيـه ظلـم وتجني *** بقيـادة الـلي طـوّعـوا كـل مـن عـال
مـا فـرقـوا مـابـيـن شـيـعـي وسـنـي *** يقضون فـي حـكم الشريعه ولا زال

قال عبدالله بن دهيمش بن عبار هذه الأبيات من قصيدة يثني على الرجل الفاضل
علوش بن محمد أبو ثنين السبيعي : 277

أنا أشهـد أن يستاهل المـدح عـلـوش *** النـافـل الـلي مـن رجـال الجـماليـن
علوّش من طيبه يحوش الفخرحوش *** طـبـّق تـقـالـيـد العـرب والقـوانـيـن
هـو فـرحـة العاني اليـا جـاه مبلـوش *** حيثـه من الـلي يطلقون المساجيـن
أبي أمدح اللي له معي موقـف خوش *** عـلوش قـرم ومن رجـال عـزيزين
مـا جـيـت للمنعـور محـتـاج لقـروش *** مـن عـز نفسه عـد عـنـده ملايـيـن
جيته وأنا فكـري مشوّش ومـربوش *** لجل السجين الـلي من الربع الأدنين
لا قلت تكفا شاش فيه السطر شوش *** قـال أبشر أنـه يصدر الأمـر هالحين
ومن واجبي رد الثناء لنقوة الغوش *** حـيـث الجماله بالـوفـي تعـتبـر ديـن
ساسك نقي مـابـه هـلابيج واختـوش *** مـن عـزوة ابـو ثنين بالفعل ذربيـن
معدن ذهب مشخول ماهو بمغشوش *** مثـل الجنيـه عـيـار واحد وعشرين
سبعان لا جـوهـم مساييـر وطـروش *** هـم عـز من جوهم من البعـد عانين
الـكـل ديــوانــه مـن الـزل مـفـروش *** يقلط به شخوص الرجال الحشيمين
ما منهم اللي يقري الضيف كرفـوش *** يـقـرونـه بعـيـت الغـنـم والبعـاريـن
سبعـان ضـد الـلي تجبّـر وبه طـوش *** عـز الصحيـب ويكعـمون المعـاديـن
بهم الكـرم والطيب والبذل والهـوش *** مـن عـامـر الغـلـبـا حمايـل مسميـن
حـمـايـة الساقـه الـيـا درهـم البـوش *** شجعـان بـالـلـقـّوات مـاهـم ذليـليـن
ستـر الهنوف الـلي تـزهّـت بدندوش *** اليـا تـنـاخـوا بالـوطيس المـثـاريـن
ويـوم الموحد للوطن يجـمع جيـوش *** بـأخـلاصهـم لعـيـال مـقـرن مواليـن
فـوق العبيـة سابـق الخيـل وكـروش *** لـهــم فـعـايـل فـي زمـان الأكـاويـن
تاريخهم في صفحـة المجـد منقـوش *** مبطي وعادوا ماضي المجد هلحين

قال عبدالله بن دهيمش بن عبار هذه القصيدة تهنئة بمناسبة زواج سيف بن فهد بن صفاق السحيحير : 278

جيت أقول لسيف مبروك الزواج *** بالهنا عسى الولي يشرح فواده
يا عسى يـنـال فـرحـه وابتهـاج *** ويا عسى يـرفـل وينعم بالسعاده
دوم يـفـرح مـا تعـكّـر لـه مـزاج *** وأطلب المولي عسى يبلغ مراده
زاكي المنسب من فهود الـزراج *** من حمايل عندهم صبـر وجـلاده
من نسل عزوة اليا ساط العجاج *** يـوم كـلـن بالـوغى يـلكـد جـواده
ملتجـأ الخـايـف وللجـالي سيـاج *** خلفـة سحيحير عـوارف وسـاده
من قبيله ضـد مـن عـنده عـواج *** بالمـلاقى خصمهم صابـه شراده
يوم غالي الروح تجلب بالحراج *** منهـم الـلي أرقـط الصابور قـاده
ومنهم اللي باج عسرات الفجاج *** وادرك الطوله بعـزمه واجتهاده
وكـل مـنهـم بالمراجـل نـال تـاج *** الفخـر والمجـد لـوّح فـي شـداده
من تعـدّى وعال يسقونـه هماج *** ومن شكا جور الليالي هم سناده
ومن أصابه عـل وأحتاج العلاج *** هم شفى عل السقيم وهم ضماده
لو أعـد شخوصهم فـي خط زاج *** ماحصى الفرسان ورجال العقاده
طبعهـم يـوم الجـفـا ذبح النعـاج *** من قديم العهـد لهـم الطيب عـاده
بـالـلـزم رجـالهـم مـا يـوم مـاج *** عـن لـوازم واجبه وقـت اعتماده
مسفهـل ولا يعـنكض لـه حجاج *** كـل يـوم تـمـالـح الـجـيـران زاده
علمهم واضح مثل نـور السراج *** ومـن يعـد الحـق يـدلي بالشهاده
الـنـقـيـلـي عـنـدهـم مـالـه رواج *** مبطي أهــل بخوت ما فيهم قراده
والبخـت والحـظ يشبـه للـزجاج *** لا انكسر هيهات مـا فيـه استعاده
والـمـدايـح مـا تـجـوز لكـل داج *** ولا يحوش النعم من طبعه نكـاده
مـا ذكـر بالعوشزه ستـر ومـلاج *** ولا يكون الضل بشجـرة الكـداده
والختم صلوا عدد ما طاف حاج *** عـلى النبي المصطفى ذكره عباده

قال عبدالله بن دهيمش بن عبار هذه الأبيات في حفل قبيلة المنابهة لتكريم الشاعر شاهر بن دالش الحجري : 279

لي الشرف بحضور تكريم شاهر *** القـرم أبـو نـواف بالفعـل نـايـف
قلبه نضيف من الضغاين وطاهر *** ماهو حقود ولاحكى هرج زايف
الفـاظ نظـمـه بالمحافـل جـواهـر *** واليا هرج جاب العلوم الطرايف
حـيـثـه فـهـيـم وللمعانـيـد قـاهـر *** ما يزمل ولا هو من الضد خايف
وقت الزحام لصاحب اللمّز ناهـر *** ماهو بحال محرّف الحق رايـف
بعلوم ربعه عنـد الأجناب جـاهـر *** يعـد ماضي مجـدهـم بالوصايف
والملعبه تبغـي لهـا رجـل مـاهـر *** ومن لا يدل الدرب طاح وتهايف
الوايلي عـلمه مع الناس ضاهـر *** مشهور يعرف عند كل الطوايف
والـلي يـدور الطايله بـات ساهـر *** والهون ماهو والمراجل ولايف
قـلته وحنـا اليوم في عهـد زاهر *** في ظل مروين السيوف الرهايف

قال عبدالله بن دهيمش بن عبار هذه القصيدة بمناسبة دعوة الشيخ فياض بن شامخ العواجي : 280

بسم الله أبدي في عذيات الألفاض *** من خاطري جزل المعاني بديته
نـويت الـبي دعـوة الشيخ فيـاض *** الليّث أبـن شامخ دعـاني وجيته
الهيلعي مـثـل القطامي اليا نـاض *** شبل العيال الـلي بمدحي عنيتـه
القرم ماهو لعالي الـراس خفّاض *** بالمـرجلـه بـه كـل مرمع هقيتـه
نـزيه واجدوده نزيهين الأعراض *** من مارثـة شجعان مـاهـو نبيته
من عـزوة لهم بالأكوان مركاض *** يـوم السنين الـلي القبايـل فليتـه
جعـافـره لاصار للغوش نضناض *** وعمّد عجاج الخيل مثـل العميته
مـا مـنهـم الـلي للمواثيق نـقـّاض *** الصّدق والأخـلاص فيهـم لقيتـه
رجالهم مثل الغضنفر اليا اغتاض *** يبذل رخيص الروح كانك نخيته
رجالهم كانه بغـب الوغى خـاض *** ما ينحرف عن وجهته لـو نهيته
يوم الحدب لـرواح الأبطال قبّاض *** عـدوهـم مـا يـهتـني فـي مبـيتـه
قطعانهم تقطف زماليق الأحماض *** دوم بحماهم ترتع النـوق هيتـه
والمعتجـل لاجالهـم كـود يرتـاض *** يقلط ويذبح لـه من الضان عيته
ما منهم اللي ناظـره دوم عكّاض *** ولا منهم اللي قـال ضيفه شنيتـه
مقدامهم شيخ عسى عنه نعتاض *** الأمعط الـلي يرفع الراس صيتـه
أخو ذكـر عن المواجيب ماجاض *** الشيخ اللي تدهل ضنا عبيد بيته
أخو ذكرماهومن الحمل جضّاض *** ولا قال حملي ضامني ما قويته
للربع يسعى في مشاتي ومقياض *** ويفزع معك بالحال كانك نصيته
يوم الهجير اشتد به حرالأرماض *** مع الـرفاقـه مـوقـفـه مـا نسيتـه
ماني لسهم أهـل الجمالات قراّض *** نوهت عن فضل الوفي ماكميته
من لايعد الحق في حلقه شضاض *** أفـعـال ربعـه بالعدد مـا حصيته
أهـل ضماير مابها غـل وأمـراض *** أهـل التقى أهل الحظوظ البخيته
قـلته وأنا لتـراث الأجواد حفّـاض *** عبـر السنين وكل مصدر قريتـه
أقولها ولالي مقاصد ولا أغراض *** غيـر الولي رب الملآ مـا رجيته

وقال عبدالله بن دهيمش بن عبار هذه القصيدة بمناسبة زواج نجليه
هايل ونايل : 281

بمـنـاسبـة تـزويـج هـايـل ونـايـل *** يـا مـرحبـا في كـل من شرفـونـا
لااللي حضرنا من شخوص القبايل *** لـنـا الشرف بوجودهم يوم جونا
لـبـوا طـلـبـنـا طيـبـيـن الـفـعـايـل *** من وقتهم رغم المشاغل عطونا
حـي الشيوخ وحـي كـل الحـمايـل *** والأصدقاءاللي بالفرح شاركونا
وحـي زمـلانـا صايغـيـن المثـايـل *** شـعّـار وايـل ربـعـنـا مـا نسـونـا
نعـتـز فـي طـاري صنـاديـد وايـل *** وكل عنزه نفخر بها نسل أبـونـا
بأفـعـالهـم فـوق المهـار الأصايـل *** لا جيب طاري عـلمهم نومسونا
واليـوم أمـن وزال عـصر الدبايـل *** وأصبح بعيد الساس كنّه أخونـا
بجهود من حازوا عـلى كـل طايل *** الـلي حموا حد الوطن واجمعونا
نسل الزعيم الـلي كبح كل عـايـل *** بالعدل والشرع الحنيف احكمونا
حـكـام مـا نـقـبـل سـواهـم بـدايـل *** شـادوا ركايـز عـزنـا وأكـرمونـا
سـلايـل المـقـرن عـراب السلايـل *** عـلى الشجاعة والكرم عـودونـا
هـم قـادت الأمه اليا صـال صايـل *** صانوا بلدنـا من الغـزاه وحمونا
وحـنـا أن كانـه ثـار قبس الفتايـل *** رهن أمرهم وقت اللزم لا دعونا

قال عبدالله بن دهيمش بن عبار العنزي هذه القصيده يسند على الرجل الفاضل
فرحان بن عيدان الشرقي الجعفري شكر وثناء لتبرّعه بمئتين الف ريال لرجل
مغرم من جماعته وأهداء سيارة لرجل من الجعافره : 282

بـسم الـكريـم الـواحـد الفـرد ابـتـدي *** الـخالـق الـلي لـه ركوعي والسجود
ومن بـعـد ذكـره قـلت مدح بمسندي *** عسى الولي يحميه من شر الحسود
فـرحـان عـنوان الصـخّى كـفـه نـدي *** المكـرم الـلي مـن فـضل ربـه يجـود
حيثه سليل أجـواد مـن نسل أجـودي *** مـن مارثـة عيـدان عـريـب الجـدود
والنّعـم في حضرة جنـاب أبـو عـدي *** قـرم العيال الـلي مثـل شبـل الأسـود
يا صاحـب المعـروف منهاجـك قـدي *** المـغـرم المحـرج دعـمـتـه بالنـقـود
دفــعــت مـيـتـيـن ألـف مــن الــفـدي *** وأعـلـنـتـهـا يـالـقـرم قـدّام الـوفــود
وأهـديـت جـديـد الـمـحـرّك والـبـدي *** لـلـي اليـا عـدوا هـل الطيـب معـدود
ولا تــنـاســوا كـل مـعــروف سـدي *** من حضرتك ياصاحب القلب الـودود
والطيب مـابـيـن الحمايـل مـا يغـدي *** ولا يـنـكـر المعـروف لكـود الجحـود
ما أقول أنا يالجعـفـري مـالـك شـدي *** أقـول شهـم وطيّـب لأقـصّي الحدود
لـو قـلـت كـلمه بالخـطأ تبـقى بـعـدي *** القـول يبقى وصاحبه تحـت اللّحـود
لاشـك أعـدك مـن مـشـاهـيـر بـلــدي *** حيثك يا أبن عيدان بالطيب محمـود
والـشـاهـد الـلـه مـا أمجـدك وحـدي *** يا مكثر الـلي يابن شرقي لك شهـود
أمــدحـك وأعــزك كـمـا أعــز ولـدي *** وأعـتـز بـالـلي للعـلا مشيـه صعـود
ولا الــردي لــو كــان مـجـدتـه ردي *** اللآش لـو جـده اسكـنـدر مـا يسـود
للخـايـب الهـلـبـاج مـا تـصـفّـق يـدي *** وش عاد لـو ماله كثـر رمـل النفود
ولا أنت فـعـلـك مـا حـصيـته بـعـددي *** والـلي يـروم المرجله يرقى السنود
لك خير موقف وإنت نمـري وفهـدي *** تبذل وعن واجبك مـاتعرف الصدود
من عزوة تاخذ عـلى الخصم الـودي *** ومن صال يبغي ذودهم ما نـال فـود
وأن جـاهـم الـلي بالـتـرانـيـم يـحـدي *** في ساقته داهـوم من خـلفـه جـرود
وده يـخـلـيـهـم عـلى الـمـرح قـعـدي *** لاشـك قــدامـه صـنــاديـد الــفـهــود
اقـبـل يـزوم وراح يـركـض ويـعـدي *** يـوم الموازر كـنهـا قصف الـرعـود
وانـكـف وقـال ازداد غـلبي وانـكـدي *** من طعن شلف تروّع الخصم اللدود
قـلته وأنـا يالقـرم مـا اخلفت وعدي *** والشاهـد الـلي عـالـم بـغـيب السدود
فـي معـرفـة شـرواك يطيـب سعـدي *** ولالـي مـقـاصـد لا وخـلاق الـوجـود
عند الرجال الصيد ما ضاع اجهـدي *** ولا خير بالـلي عن حياضه مـا يذود
ولا فـاد نجـم سهيل فـزعـات الجـدي *** مـهـمـا صـعـد لابـد مـع دربـه يعـود
والشكـر لـلي خـلـوا المصعـب هـدي *** حـكامـنـا ومـلـوكـنـا صـفـوة سعـود

قال عبدالله بن دهيمش بن عبار يثني على الرجل الفاضل فرحان بن عيدان الشرقي أبو عدي : 283

قـال من يهـدي لأبن شـرقي سلامـه *** هــيـه يـالـجـوال لأبــو عـــدي وده
صاحب المعـروف عـنـوان الشهامه *** الـكـريـم الـلـي يـغـمـر الـرّبـع مـّده
من عمل معـروف ملـزوم احتـرامـه *** كـم جــاد وكــم فــرّج كــرب شــده
الصخى فـرحـان مـن جـل اهـتمامـه *** مجهـد وعـن واجـبـه ماجـاه صـدّه
أبـن عـيـدان الـفـخـر لاح بـسـنـامـه *** حيـث عـلـم الغـانمـه والطيـب قـدّه
يسمـو وزرع الجـمايـل هـو مـرامـه *** مـا تكـاسـل حـاش رزقـه بالـمكـدّه
من جهوده شـد في وسطـه حـزامـه *** مـا غـشـاه النـوم وأخـلـد للـمـخـدّه
جـعـفـري ومـن الحـميـه بـه علامـه *** وأهـل الجـدعـا بـدّتـه يـا نـعـم بـدّه
مـا تـفـاخـر بالجـسامـه والـوسـامـه *** بـان طـيـبـه بـالـكـرم كـلّـن يــعــدّه
قـامـتـه بـالـمـرجــلــه يــاوي قـامـه *** باسـل وصنـديـد ضـد الـلي يـضـدّه
مـثـل ضـلـع طـويـق يـزمي باليمامه *** شامخ وهـوج العـواصف ما تهـده
ما ينـوشه بالـردى عـرق الـرخـامـه *** والـمـراجـل وارثـه مـن جـد جــدّه
يا سعيف الـلي شنيع الـوقـت ظـامـه *** تـبـذل وكـفّـك يـشابـه طـاش جـدّه
كـل مـن يـنـصـاك يـبـشـر بالكـرامـه *** يامـا عنت اللي عليك الظرف حـدّه
بالصحيح أمدحك مـا مـدحـك نـدامـه *** لـك فـعـايــل كـل لـيـلـه مـسـتـجـدّه
من مشى تفـريـع أو لـبس العـمامـه *** عـن مـفـاعـيـل الـمراجـل ما تـلّـده
وأنـت يـا أبـو عـدي عـدتـك الملامه *** لا تـواخـذ بـالـلّـغـى مـن بـاح سـدّه
سامح الـلي يعـتـذر لـك عن كـلامـه *** حيـث الـلي شـرواك نغـليـه ونـوده
لـيـت لـو حـلقـه مثـل حلـق النعامـه *** يـرجـع الـمـنـطـوق للصّـدر ويـردّه
وأحلـف لـك عـن كـلام أهـل النمامـه *** مالـي مطـلـب لا يقـال الكسب نـدّه

قال عبدالله بن دهيمش بن عبار يثني على سعود بن شحاذه المهيدي : 284

يا سعـود تسلـم يا سلايـل شحاذه *** مالك عن الماجوب يا سعود لوذه
تعـيش يا ذخـر الـرفـيـق ومـلاذه *** عـسى فـداك الـلي تـكـرر شـذوذه
الـلاش مـا يذري كما قشع حـاذه *** لاجيـب عـلمه بالعـرب قيل عـوذه
واليـا نخـاه الـلي بحـاجـة انقـاذه *** دلا مـن الـروعـه تراجف افخـوذه
الطّـل مـا يـروي الظـوامي رذاذه *** من عصرناالحالي اليا زمن هوذه
ولا كل من غـرسه يجود بجـذاذه *** ولولا الكرم ما بان علم أبو خوذه
يامـن حـلالـك مـا يـهـمّـك نـفـاذه *** والبخـل مـا سيطـر عـليك بنفـوذه
يامن كسبت الطيب حيثك استاذه *** عـن فـعـله اشحاح اليدين محنوذه

قال عبدالله بن دهيمش بن عبار العنزي هذه القصيدة يثني على الرجل
الفاضل سعود بن شحاذه بن معتاد المهيدي أبو راكان صاحب المواقف المشرفه : 285

راكـب الـلي مـا يجيّـم بـه بساتـم *** ورده مـن طـوكيـوا عبداللطيـف
يوصل الـلي وصفوه لجود حاتـم *** بالكرم والجود حاتـم لـه وصيف
بالصراحـه قـلتهـا مـاهـي تماتـم *** في مديحه صادق ولا قلت زيـف
أمـدحـه ماني لـمدح سعود كاتـم *** الكريـم الـوافـي الشهـم العـفيـف
قـول هاكم عـادتـه مـا قـال هاتـم *** حيث أبـو راكـان نـزيـه وشريف
ومن زمانه صار كنـه ليـل عاتـم *** الكريـم سعود لـه عـون وسعيف
المهيدي ستر من تزهى الخواتم *** شامخ قصره كما الضلع المنيف
مـا تجد مـن مـرّو بقصره وفاتـم *** عن ضيوفه ماقفل باب المضيف
من حمايـل مـا شناهم كـل شاتـم *** حصلوا مـدح المجاور والحليـف
الكـرم موروث من شيبان مـاتـم *** من جدود جدوهم منسف وسيف
مـن قديم ضيوفهم مـا يـوم باتـم *** عنـدهـم مقـوين بالوقت الحفيف
ما يجض الليث من نبل الصواتم *** ولايمل الحيص من شيل الكليف

قال عبدالله بن دهيمش بن عبار هذه القصيدة يثني على الرجل الفاضل
سعود بن شحاذه بن معتاد المهيدي أبو راكان لمواقفه المشرفه : 286

الـرجـل مـا يـمــدح بــوافــر حـلالـه *** يـمدح أن كـانـه باسـط الـكـف بـذال
مـا يمـدحون أهـل الـردى والـنـذاله *** المـدح يزهى الـلي يحوشون الأنفال
قــارون مـا فــاده رصـيـده ومــالـه *** سكّـر عـلى كـل الخـزايـن بـالأقـفـال
مـن ثـروتـه مــا نـال كـود الـرزالـه *** حصّـل شنـاه ولا كسب ربـع مثـقـال
وحـاتـم بـرز بالـجـود والمـدح نـاله *** طبعه كريم وصـار مضرب للأمـثـال
مـا يـمـلـك مـن الـمـال كود الخيالـه *** يوم اشتكت له جارته عشى الأطفال
بـالـجــود بــدد ثــروتـه مـا بـقـالـه *** غـيـر المدايح والثـناء عبـر الأجيـال
أبــي أمــدح الـطـيّـب وللـنـذل زالـه *** مـن لا فعـل يلقّى التجاهـل والأهمال
أمـدح جـنـاب الـلي يـشـرّف قبـالـه *** أبـن شـحـاذه ريـف مـن حـدّه الــّلال
سـعـود أبـو راكـان لا جـاء مجـالـه *** كـلـن يـنـعـم لـلـصخـي ذرب الأفعـال
حـيثـه بـرز بالطيـب والطيـب جالـه *** مـن والـده والـجـد والـعـم والـخــال
الـقــرم ابــن مـعـتـاد يــا حـي فـالـه *** ساس الكرم باعه عـلى الطايله طال
عـوايـد الـطـيّـب يـحـوش الـجـمالـه *** الطيـب كايـد والمـواقـف لهـا رجـال
الـمـرجـلـه يـصعـد شـوامـخ جبـالـه *** لو دون مـرقـاهـا عـراقـيـب واتـلال
حـيثـه مـن رجـال الفـخـر والشكاله *** يكتـب فـخـر بـسـم الـقبـيلـه ولا زال
والـنـعّـم بـالـوافـي عـريـب السلاله *** الـلـي مضـيـفـه لـلـرجاجيـل مـدهـال
مـن قـو بـاسـه شـال حـمـلـه لحالـه *** كم من تحمّل غـرم عـن كاهلـه شال
مـن يـزبـنـه محـتـاج يـرفّى خـمالـه *** ملاذ مـن رصّه زمـانـه عـلى الجـال
منصى الذي من جـور وقـته عنالـه *** لأجل الفضيله والفخر يرخص المال
المحـرج الـلي مـن ظـروفـه شكالـه *** فـرّج هـمومـه وانـثـنى سايح الـبـال
فـعـل المـكـارم هـي نـتـايـج عـمالـه *** مـواهـبـه دايـم عـظـيـمـات واجـزال
كـم مـعـوزاً مـن جـود حسناه عالـه *** من عقب ما جـرّب من العوز غربال
والـلي نخـى وقـت الـلّـزوم انـتخالـه *** وفـكّـه من قيود السلاسل والأغـلال
جـاد وكـفـل بـعـض الفقارى كـفـالـه *** ينفـق كـرم مـا هـو مخـادع ودجّـال
يـرجـي فـضـل ربـّه عـزيـز الجلالـه *** الـلـه يجيره مـن صواديف الأهـوال
مـا مـقـصـده شـعـر المـدايـح ولالـه *** رغـبـه بـتمـجـيـده وتـرديـد الأقـوال
مـاهـو من أهـل الغطرسه والضلاله *** ولا هو من اللي غرّه المال واختـال
يـاعــل عــفـنـيـن الـطـبـايـع فــدالـه *** سـود الضمايـر والهـلابـيج الأنـذال
الـلـي بـوقـت الضيـق مـثـل الثعـالـه *** لاشك في وقت الرخّى صارواأبطال
نـظـمـت جـزلات الـبـيـوت بـعـجالـه *** قلته ومن يمدح هـل الجود مـا عـال
ولالـي مـقـاصـد يـوم أخـط الـرسالـه *** من حمد خلاق الملأ بأحسن الحـال

الرّجل الفاضل المقّدم طيّار متقاعد ورجل الأعمال المعروف سعود بن
شحاذة بن معتاد المهيد الفدعاني جاء ليشاركنا في فرحتنا بحفل الأبن
النقيب منصور بن عبدالله العبار ومعروف عن سعود مواقفه في أعتاق
الأرقاب بمساهمات جزلة في دفع الديات وله مواقف مشرفة يعرفها كل
من يعرفه ويسرني أن أهدي له هذه الأبيات المتواضعة فأقول : 287

فـكـري تهيّض بالبيوت الغـزيـره *** والبال عبّر عن كوامن شعــوره
مـهـداه لـلي كـل مـاجـيـب سيـره *** مواقـفه عـنـد الـرجـال مخبـوره
يا سعـود بـك تعتـز كـل العشيـره *** حـمـر النـواظـر كلها بـك فخوره
أنـا اشهـد أنـك باللـوازم ذخـيـره *** الملتـزم ينصاك عـنـد الضـرورة
مجـهـد وتـبـذل للـرفـاقـه بـريـره *** تـبي المثوبـه والثنـاء ما تـدوره
من حـده ظـروف الليالي تجـيـره *** كـان اشتكى مايل زمانه وجوره
يسلـم جـنـابـك يـا نـقي السريـره *** لـك نفس دايـم بالحـميا غـيـوره
يالنادر الـلي مـا يوصف بـغـيـره *** جـزل العـطايا وافـياتـن شـبـوره
القـرم رغـم الـواجـبـات الكثيـره *** جـانـا وشرّف حفلنا في حضوره
واطـلب لعـل يـكثّـر الـرب خـيـره *** ما يـوم بالواجـب تـبيّـن قصوره
يـحـل صعـبـات العـقـود العسيـره *** حكيم رأي ودوم بالراس شوره

وقال عبدالله بن دهيمش بن عبار هذه الأبيات مهداه للرجل الفاضل سعود بن شحاذه المهيدي : 288

يا سعود قالوا سكنت بديرة الهرسك *** لعـلـك بـخـيـر خـبّـرنـا عن احـوالـك
نطلب عسى الله يعزّك دوم ويحرسك *** ويحفظك مولاي فـي حلّك وترحالك
انت الذي يالقـرم محصولك وغرسك *** صنع الجمايل ياأبو راكان من مالك
وأن كانك اعرست نبارك لك بعرسك *** عساك تنجب شبـل مثلك من عيالك
اكتب سلامي ياأبن معتاد في طرسك *** عـبـر الرسايل كـان مـا رد جـوالـك

قال : عبدالله بن دهيمش بن عبار هذه القصيدة يثني على الرجل الفاضل سعود بن شحاذه بن معتاد المهيدي : 289

يا سعود نطلب مالك الملك يحرسـك *** مـن جملـة الحسّاد وأهـل النحاسـه
ونطلب عسى ما يقرب الهم واهسك *** دوم بـسعـاده مـا تـجـيـك انـتكـاسه
وعسى الزمن في كـل وقتـه مونسك *** وتمضي سنينـك بالفـرح الـوناسـه
وعساك مـا تشكي روابع هـواجسك *** وغيض الخواطر ما تجرّب عماسه
وعسى الولي مـن نعمتـه ما يفلّسك *** وعساك مـا تـجـرّب حيـات التعاسه
وعسى ولي الكون يا سعـود يلبسك *** ثـوبٍ مـن الصّحـه وسيـعٍ مـقـاسـه
أبـوك لـعــلـوم الـمـراجـل مـدرّســك *** وتبـعـت كـامـل منهـجـه بالـدراسـه
ساسك عـريب وطيّب الأصل ينعسك *** حيثـك نسل عايـد مـن خيـار ناسـه
يا أبن شحـاذه لـك فعـايـل تـنـومسك *** وأنت الذي يا سعود مرفوع راسـه
والـلي رفع من جـل قـدرك وروسّك *** تجـود لـو كـان الـزمـن بـه شراسه
ربّـك عـلى كسب النفـايـل مـكـرّسـك *** منصى لـمـن لـيلـه مـعـتـم دمـاسـه
غـلبـت بفعـل الطايلـه من يـنـافسـك *** عـلى الكـرم والجـود عندك حماسه
أنتج ثـمـر زرعـك وطابت غـرايسك *** تزرع جمايـل مـا بـزرعـك خياسـه
يشمـل محـاويـج الـرفـاقـه تـلمّسـك *** وتفزع مع الـلي جايـر الوقت داسه
يـا مـكـثـر الـلي بالمـدايـح يـقّـدسـك *** يفخـر بالـلي شرواك من قـو باسـه
ما يفتخر بـك بس يا سعود خامسك *** فخـر لـلي ساسك من جـذوع ساسه
وأنت الذي علمك مثل ريحة المسك *** تـكـرم رفـيـقـك مـا تـود اخـتـلاسـه
طبعك كريم وبـك شهامه وبـك نسك *** ناسـك ومتـديّـن وعـنـدك سـيـاسـه
حـلـّيـك الـلي بالوصـايـف يجـانـسك *** معـن شبيهـك بالصخـى والكيـاسـه
من عفّتك يا سعود مـا طـب مجلسك *** أهـل الـغـوى والنمـنمـه والبـلاسـه
ما تقـرب لـعـفـن الطـبـايـع يـدنسّـك *** تـكـرم عـنـه كوبـان مـثـل النجاسـه
ولا همّك الـلي عـن طريقـك يعاكسك *** من حيث توصف بالذّكى والفراسه
لا عـاش من يجحد حقوقك ويبخسك *** عسى فداك أهل الردى والخساسه

قال عبدالله بن دهيمش بن عبار هذه القصيدة أهداء لسعادة العميد عبدالرحمن بن صالح العضاض العنزي : 290

سيّرت للعضاض فـي بلـدة أوثال *** ديـرة نشامى سـرنـي مجتمعهـم
يا حـي ملقاهـم وحسن الأستقبال *** قولت هـلا وحييت كـلن سمعهم
مـن زارهم مهما تـعـذّر بالأشغال *** العـذر عن أخذ الوعد مـا منعهم
الـلي يجـيهـم يلتـزم مابهـا جـدال *** ما تسمع ألا قـول وافـق وطعهم
عبدالرحمن المحترم نقـوة رجال *** فعل الكرم والجود ما قـال دعهم
المكـرم الـلي بالكرم ينفـق المـال *** مـا قـلـد سلوم الشحاح بجشعهم
شاد الخيام اللي على نايف الجال *** يامـا بمراكيها الجماعـه جمعهم
تلقابها أهل العلم ورجال الأعمال *** القرم أبو صالح مضيفه وسعهم
سلايل الـلي مابهـم قـول من قـال *** عرفت عنهم عدني عشت معهم
حمايل العضاض وافيـن الأفـعـال *** علم الفخـر بين الحمايل رفعهـم
علم الفخر يبقى على مر الأجيال *** ومن جادوا جدوده بجوده تبعهم
علم الفخر والمجـد باقي ولا زال *** بالطيب وأعمال الفضيله ولعهـم
الأصل من عزوه بها يأمن الـذال *** أشبال سبع وضدهم مـا سبعهـم
يـوم العـرب مابين فارس وخيّال *** رد اللّنقا وشـل المناسر طمعهـم
عزوة هل العرفا صناديد وأبطال *** زبن الدخيل الـلي تحـرى فزعهم
والنعـم بالـلي لكايد الحـمل شيال *** وأن جولـه الأجواد عنده سنعهم
لاشك مايشفق على قرب الأنذال *** عن مجلسه سـود الفوايل قلعهـم
الـرتبـه الـلي بالجـداره لـهـا نـال *** تاج ونجم بأعلى متونه وضعهم
طبعه وفي ما هو مخادع ودجـال *** صادق أمين ورفقته مـا خدعهم
يفداه من يجمخ على هايف الّلال *** الخايب الـلي عـزوتـه مـا نفعهم
اللي يصد ولا نشد كيف الأحوال *** خّله ومن باعوك بالرخص بعهم

قال عبدالله بن دهيمش بن عبار الفدعاني العنزي هذه الأبيات تهنئة للشيخ
فارس بن ناصر الهايس الأيداء بمناسبة تعيينه رئيس مركز مغيرا : 291

جـيـنـا نـهـنـي بـالمـقـام أبـو نـاصـر *** منصب فخر تستاهله يا أبن هايس
حـيثـك فهيم بـكـل الاوضـاع بـاصـر *** فكرك بـحـر مـا يـدركه كـل قـايـس
لك بـاع ماهـو يا أبن الأجواد قاصر *** حـكـيـم راي وللـرجـاجـيـل سـايـس
عـينـت فـي دار الـليـوث الهـواصـر *** مبطي بهـا لجـدك رسـوم وغرايس
معـدنـك صـافي من خـيـار العناصر *** صبّـة ذهـب مـن غـاليـات النفـايس
مـن عصـر الأيـدا للزمان المعاصـر *** مـن سـاد مـنهـم للشغـاميـم رايـس
وأن طـار سـتـر دقيـقـات الخناصـر *** طابـورهم لجـموع الأخصام عـايس
يـوم الـقـبـايـل لـلـقـبـايـل تـحـاصــر *** يرمون لوحوش الضواري فرايس
ويـوم الجفـا بسنين ضمر الخواصر *** وقـت القصى يلجأ لهـم كـل بـايـس
مهمـا مـدحـت لمجـدهم ليس حاصر *** نسل الـذي لخشوم الأضداد دايـس
أبـي امـدح الـطـيّـب وللاش خـاصر *** ولاني بحـال الـلي يحـوك الدسايس

قال عبدالله بن دهيمش بن عبار هذه القصيدة تهنئة للرجل الفاضل محمد بن
صالح بن فحيمه الضوي بمناسبة زواج أبناءه مشعل ووليد : 292

يا محمـد الصالح عسى الخـيـر فالك *** وعسى الفـرح لـك دوم ربـي يديمـه
أطـلـب عسى المـولى يـوفـق عيالك *** مشعـل وأخـوه أهـل العقول السليمه
يـقـولـه الـلي مـن ضـمـيـره دعـالك *** دعـوة محـب ونـابـعـه مـن صميمـه
جـيـنـا انتّشرف في حضور احتفالك *** لـك عـنـدنـا يالقـرم قـدر وحـشيـمـه
من حيث نفخـر بـك اليـا جاء مجالك *** عـلمك شهيـر ومن حـمايـل كريمـه
شـهـم وبشـوش ولا تـدنـت افعالـك *** منجـوب مـن صفـوة رجـال الفحيمه
أنـت الـنبـيـل الـلـي مـديحي زهالـك *** عسى فـداك اهـل الخصال الـذمـيمـه
وأنـت الـذي يـالـقـرم يـنـدر خمـالك *** من طيـب فعـلك مـا ذكـر بـك ثـليمـه
أحـب مـمـدوح الـسـجـايـا امـثـالـك *** أعـتـز بـه وأكـره خـطـات اللخـيـمـه
حـيثـك يا أبـو مشعـل يشرّف قبالك *** مـا تـجـامـل الـلي يـنـقـلـون النميمـه
يـامـن كسبت الـطـايلـه فـي حلالـك *** دايــم تـســوي لـلـنشـامـى ولـيــمــه
وافي ولا تـقصر عـن المـاء احبالك *** عـندك عـلى رقـي العـوالي عـزيـمه
ربـعـك هـل الجـدعا عوايـن رجالـك *** الـلـي مــفـاخـرهـم اجـداد وقـديـمـه
عـن حـامي الـّلاهـوب ربعك ضلالك *** دوم بـذراهـم مـا تـجـيـك الهـضيمـه
هـم بـيتك الشامخ وهـم راس مالـك *** وهـم القـرا الاصار بالـوقـت عـيمـه
يـوم الـزمـان الـلي كـما الليـل حالك *** بالسيـف الأمـلـح يكسبون الغـنيـمـه
واليـوم مـن جـنّب عن الحق هـالك *** في ضـل دستـور الملـوك العـظيـمـه
سـّدوا عـلى الفـتنه جميع المسالـك *** وزالـت اسـبـاب التفـرقـه والجـريمه
مـن فضل الـلي حرر جميع الممالك *** وقـيّـد شيـاطـيـن العـبـاد الـرجـيـمـه
فـضـل الـموحـد نـال غـيـرك ونالـك *** صـار الصداقـه بـيـن شعـبـه حميمه

قال عبدالله بن دهيمش بن عبار هذه الأبيات مهداه للرجل الفاضل محمد بن
صالح بن فحيمه الضوي أبو مشعل شكر وثناء : 293

أحسنت يامحمد يابن صالح احسنت *** أنا اشهد أنك يا أبـو مشعل تجمّلت
أشكر جميع الربع وأثني عليك أنـت *** عـلى المنصه يـوم قـمت وترجّلـت
جـمـلـتـنـا بحـفـل العـلـيـان لا هـنـت *** أذكـر كـلامـك يـالسنـافـي ولا زلـت
علمك يجمّل عـزوتـك ويـن مـا كنت *** مثل الجمل لو يثقل الحمل لـه شلت
ظـهـرت بـعـلـوم المـراجـل وبـيّـنـت *** ويـامـا مـن ثـقـال المحامـل تحمّلت
من زان لك يا نسل الأجواد له زنت *** دربك قدي حيثك عن الحق ما ملت
بالـلي نصاك من المحاويج ما شنت *** والـلي عـنـالـك مطـلـبـه بـه تكفّلت
في كل موقف يا فتى الجـود برهنـت *** سرت وعلى رب الخلايق تـوكـلـت
حـيثـك عصامي تحتـرف ما تماهنت *** مجهد وعن فعـل الفخـر ما تنازلت
يا أبن فحيـمه لـو بتمجيـدك أعـلنـت *** ما أظـن طيبـك ياصفـه كـل ما قلت

قال عبدالله بن دهيمش بن عبار هذه الأبيات يسند على محمد بن صالح بن فحيمه الضوي الجعفري
رئيس لجنة التنمية في الشقة في بريدة بالقصيم وهو من الرجال الذين يثمنون الجهد : 294

من فضل مـولاي جهـدي ما خسرته *** دام بالعـزوه أهـل حـشمـه وشـيـمـه
كـل منصـف بـالـعـدل طـيـبـه خبرتـه *** مثـل شخص الـلي تكـنّى فـي فحيمه
محمـد الصالح الـيـا لـزمـت ذخـرتـه *** أبـو مشعل صاحـب النفس الكريمـه
مـن صدح بالحق صرّحت وشكـرتـه *** ومـن جحد بالناس مـالـه ذات قيمـه
يا أبـو مشعل من تكلّف فـي شجرتـه *** كيـف صـارت لأهـل الفتـنـه غـنيمـه
مـن سرقهـا مـا ربـح وانحـت كـرتـه *** خـالـف القـانـون والـدولـه خصيمـه
ومـن وضع ختمه غدرني ما غدرته *** خـاسـر الـلي طـاع نـقّـال النـمـيـمـه
ومـن سعى بالكيـد بالحجـة دحـرتـه *** شـق صـف الـرّبـع وافكـاره عـقيمـه
ومـن تجاوز واعتدى باعـه قصرته *** فـي عـدل سـلـمـان قـوي الـعـزيـمــه
وكـل حاسـد نحمـد المولـى قهـرتـه *** مـا تـعـرّض لـي لـو افـكـاره سليـمـه
واعـملـي فـيـه اتـشـرّف لا ذكـرتــه *** حيـث تـوثيـق النسب مـاهـو جريمـه
وكـل رجـل من القبـيلـه كـان زرتـه *** يحـتـفي والـقـا الـكـرامـه والـوليـمـه
وجاحـد المجهـود لـو يجمع زقرتـه *** وكـل صـاحـب ظـلـم يبشـر بالهـزيمه
ينبع

تابع
أبيات من شعر عبدالله بن دهيمش بن عبار مسنده على الشيخ مهنا بن عبدالله أبا الخيل : 295

يا مهـنـا يا أبا الخيـل يا طيّـب السّلـم *** تــراك شـيـخ وكـان لـك جــد حـاكـم
من الجد الأقصي يالسنافي لكم عـلـم *** عـلـم الـفخر يـورث لتالي ضـنـاكــم
افـعـال مـاضيكم حـقـايـق كمـا الفـلـم *** بـيـن الحـمايـل مـرتـفـع مـستـواكـم
يـا شيـخ يـامـا قـاد جـدك مـن الـزّلـم *** فـوق السبـايـا والـركـاب الـعـلاكـــم
سوالـفـه تعـرض مـثـل طايـف الحلم *** وأنـتـم عـن الـعـثـرات ربـي وقـاكـم
مـن فـضـل خـلاق الـمـلأ مـابكم ثـلـم *** عـلى الفخـر والمجـد طالت اخطاكـم
أشـم وأشمـخ من روابـي جـبـل ظلـم *** يلقا الذرى مـن يـلـتجي في حـماكـم

قال عبدالله بن دهيمش بن عبار العنزي هذه الأبيات في حفل فهد بن سعود بن
فهد الفليحي النومسي بمناسبة زواج نجليه سلطان ووليد : 296

يـا فـهـد جـيـنـا نـبـارك لـلـقـروم *** نجـلـكـم سلطـان وأخـوه الـوليـد
نطلب المولى عـسى عّـزك يـدوم *** بـالمسّـره والـفـرح دايـم سعـيـد
من عرفتك وأنت تمشي بالسلـوم *** عن طواريق المراجـل ما تحيـد
بالكـرم والجـود مـا يـلحقـك لـوم *** كـل يـوم بالصـخى طيـبـك يـزيـد
أنت اللي ضيفك معزز ومحشوم *** والخـوي والجـار بافعالـك يشيـد
ومن طلبك الجـاه عـاداتك تـقـوم *** والجمايـل بالحـمـايل لـك رصيـد
الجـمـايـل مـا تحصلهـا الـرخـوم *** ولا يـنـال العـز من عـزمه بـليـد
مدرك الطوله من العيب معصوم *** ومن برع بالطيب يزهاه الحميـد
فـزت في صحبـة قـويين العـزوم *** مـن ملوك عـزمهم مثـل الحديـد
فزعت المظيوم في وقـت اللـزوم *** فيصل وفيصل هل المجد المجيد
الجبـل به ضل عـن لفـح السموم *** ولا يكن من العواصف كود حيـد

قال عبدالله بن دهيمش بن عبار الفدعاني العنزي هذه القصيدة مهداه لسعادة الدكتور فهد بن عبدالعزيز الأحمد : 297

الحـمـد لـلـه يافهـد حـفـلـكم زان *** عـم الفرح بأركان قصرالرصافه
بالمحفل الـلي شرّفه كـل الأعيان *** ظم الرجال أهل الفخر والشرافه
عسى تدوم أفراحكم كل الأحيـان *** ويحميكم الـرحـمن مـن كـل آفـه
نعم بفهد رمز المكارم والأحسان *** اللي الفضايل كـلها من أوصافه
القـرم فعـلـه مـا نحيطه ولو كان *** نمـلي ونكتب في سجّل الصحافه
نال الفخر والمجد والقدروالشان *** هـو النبيل الـلي بـعـيـده أهـدافـه
فهـد ظهـر صيتـه وبالطايله بـان *** وعلم الفخر مـا يدركه كـل تافـه
والنعّم بالأحمد من احفاد عمران *** مـن عـزوة تـنـزل بـدار المخافه
الأصل من عـناز والـدار قصمان *** أهـل الشجاعه والكـرم واللّطافه
ربـوا بدار العـز والساس فدعان *** بالوصف ما يوفيهم الشعر قافـه
ببيوتهم يلقـا القـرى كـل جيعـان *** وقت القصا يوم الزمن به حفافه
متوارثين المجد من قدم الأزمان *** أهـل مضايـف للهـواشـل مضافـه
العـزوه الـلي فعلهم يـوم الأكوان *** رجـالهـم بالكـون عـمـره يعـافـه
سارت قوافلهم على كل الأوطان *** فـوق النجايب يقطعون المسافـه
واليوم صرنا كلنا أحباب أخوان *** تـوحـدوا بالـراي عـقـب أختلافـه
الشعب كله وحـدّه نسل مرخـان *** بالعـدل والمظلوم عـنـده أنصافـه
وأنجب لنا حكّام بالفعل شجعـان *** بأحوال كل الشعب عطف ومرافه
حموا جناب الدار عن كل عدوان *** وزالوا علامات الدجل والخرافه
والحمد للـه عصرنا أمن وأيمان *** زال وذهب وقت الشقّا والكسافه

قال عبدالله بن دهيمش بن عبار هذه الأبيات يسند على الشيخ عبدالحميد بن عنتر بن عربان : 298

تـعـيش يا عبـدالحـميـد بن عـنـتـر *** يا صفوة الشجعان وأهـل المفاخـر
حيثك سليل اللي على الخيل يـنتـر *** يوم العرب ما أحد من الجهد ذاخر
بالـكـون ضـد الـلي تـعنـد وحـنـتـر *** مـن عـال خـلي بالمـعـاره يشاخـر
لـو ثرثروا بعـض الرخـوم الهبنتر *** مـا يقشع العاصوف ضلع المناخـر
عـلم النسب ما حـاط بـه دق أنـتـر *** موروث في حفـظ الجيـال الأواخـر
ومن لا أستقبل في محيط الكونتـر *** يـزرى عليه من العـرب كـل ساخر
حـتى السفيه الـلي يـفـحّـط بسنـتـر *** يـبـغي عـلى كيـفـه تسيـر البواخـر

قال عبدالله بن دهيمش بن عبار هذه القصيدة يثني على الشيخ العميد :
عبدالحميد بن عنتر بن عربان الفدعاني ويشكر الأخ محمد بن دوهان : 299

يا نـديبي شـد لـي عـجـل الفـديـد *** يطوي القاع الجـلاده والـروابي
وارد الــيـابــان مـديــلـه جــديــد *** مع سماح القاع يزمي بالسرابي
من بـريـده مرسله يحـمـل بـريـد *** ناجبـه للوايـلي يـوصـل جـوابـي
سافـر الجهمه تـرى وجـه المديد *** للجبـيـل مـعـني يـحـمـل كـتـابـي
الظهـر يلـفي عـلى عـبـد الحـميد *** ينصى أبن عربان عزيزالجنابي
الشكـر مـرفـوع مـنـي لـلـعـمـيـد *** اشكر المنعور واسجّـل اعـجابي
أبـو مشعل صاحب الراي السديد *** عبّر الشغموم في نص الخطابي
أبـو مشعل نذخـره مـثـل الرصيد *** أفتخر به وأعتزي به من قرابي
أبـو مشعـل بالهنـا جعـلـه سعيـد *** يسعـده منشي هـماليـل السحابي
من نسل حـمّاد مفـراص الحـديـد *** بالملاقـا من خصيمه مـا يهـابي
من شيوخ الروم شجاع وعـقيـد *** نـال علم الطيب في ريع الشبابي
من حمايل مجدهـم مـاهـو جـديـد *** كـل منهـم في بيوت العـز رابـي
كـل منهـم باللـقـاء عـي وعـنـيـد *** في نهار الكون يروون الحرابي
يـوم كسب المجـد بالباس الشديد *** عـزوتـه عاداتهم نطح الصعابي
وأن لفاهم ضيف كنّـه يـوم عيـد *** فرحة اللي منفضين من الزهابي
نفتخر بأهل الفخـر والـلـه شهيد *** يمدح الطيّـب ويشمت كـل هـابي
وأشكر اللي عن لزومه ما يحيـد *** من نسل دوهان منطوقه أيجابي
جـدّه الـلي بالفخـر نـال الحـمـيـد *** مال في سيفه على حمر العلابي
يـوم جـوه الـقـوم بـالـدو البـعيـد *** المهوهي ماهـو من القوم عـابي
ما رضي بالعوج من ليـه عضيد *** وأحمد الله عند ظـن الـلي هقابي

قال عبدالله بن دهيمش بن عبار هذه الأبيات يثني على محمد بن عايد بن دوهان الرماحي : 300

بمحـمـد الدوهـان شـارات سبعـه *** عـن الـكـرم مـا يلتهـي بالتكـاثـر
ساس الكرم ما هـو نبيـته ونبعـه *** مـن جـد جـده بالفـخـر لـه مـآثـر
وأبـوه مـن ضافـه تزهّـل بشبعـه *** بالعـيت مـاهـو في رويبه وخاثـر
وعلمه فخـر عنـد القبايل وربعـه *** مشهور ماهو خامل الذكـر داثـر
طبع الكـرم والجود سلمه وطبعه *** حيثه عضيد اللي به الوقت عاثر
وكان الزمن كشّر تقل ناب ضبعه *** موسه لـدم العـيت والحيـل نـاثـر
صغيـرهـم لـو هـو رضيع بقـبعـه *** نجيـب مـا وجهه مغـنثر وغـاثـر

قال عبدالله بن دهيمش بن عبار هذه القصيدة يثني على الشيخ جمال بن مشاري أبن سرداح
الرفدي أبو مشاري الباحث المتخصص في أنساب وتاريخ قبائل عنزة وهو الرجل المدرك
الواعي الذي نقّح وصحح تاريخ قبيلة عنزة في مقالات عبر النت وهو ممن يتحرّي الصّدق
ويكتب بصدق وأمانه ولا ينزلق مع الأشاعات والدعايات التي تسيء للقبيلة فقلت : 301

مـني سلام أهـديـه لأبـو مشـاري *** جـمال قـرم من الـوجيه المفاليح
لي الشّرف أشكر جنابـه جهـاري *** النادر الـلي من قـروم السراديح
عساه ينعـم فـي صـلاح الـذراري *** حيثه نبيل من الرجال الزحازيح
درس مفاهيم الـزمـان الحضاري *** شبحه بعيد ولا ذكر بـه سواميح
من طلعتـه شغموم للطيب ضاري *** شهم وكريم ولا بعـرقـه مشافيح
البـاحـث الـلي يشكـره كـل قـاري *** رسايـلـه تـنشر حقايق وتوضيح
عن واقـع التاريخ عـنـده خـباري *** وثّـق وصحح بالمقالات تصحيح
يصدح بقول الحـق ماهو مـداري *** بالحق صرّح طايل الباع تصريح
من كان يعـمه في ظـلام الغـداري *** نـوّر طريقه وأقتدى بالمضاويح
بالبحث ما راقـب عـليه السماري *** صدّاق ما يكتب هقاوي وترجيح
ضد الـذي بحثه من الصح عاري *** يوقف مع العـزوه اليا عنّد التيح
وأفاد اللي ماهو عن الصح داري *** خـلاّه يسلك منهج الحق وأيميح
وأن كان هبّت عاصفات الـذواري *** كنه جبل عرنان مـا هـزّه الـريح
مـن عـزوة لاجـيب للفعـل طـاري *** نـالـوا تماجيـد الثـنـاء والتماديح
العـزوه الـلي بالمفـاخـر تـمـاري *** سلقا لهم عـلى النجايب مشاويح
ريف النكيف اليا طـوته المساري *** ببيوتهم يلقـا الخـراف المفاطيح
شجعان يـوم الحق يوخـذ جباري *** على الفعايل تشهد الخيل والفيح
حـمايـة الساقـه اسبـاع البـراري *** يتلـون أبـو رجـا بعيـد المصابيح
قطعانهم تـرتـع بـقـفـر الصحاري *** يفلون من جو الأغري إلى مليح
مـا راعهم تهديـد حـمـر العتـاري *** ولا همهم حـواف ذود المصاليح

قال عبدالله بن دهيمش بن عبار في حفل الشيخ بندر بن محمد العيد
السويلم المقام في قصر السلام في بريده بمناسبة زواج أبنه خالد : 302

أذكـر الـرحـمـن في مـبـدأ الكـلام *** مـطّـلـع بالـغـيـب خـّلاق الـبـريـه
وبـعـد ذكـر المـعـتـلي رب الأنـام *** جيت أزور الـلي له الواجب عليه
جيـت أبـارك يا أبـو خالـد للغـلام *** وأطلب المولى عسى أيامه هنيـه
عـسـى يـرفـل بـالـهـنـا دايم دوام *** حيـث خـالـد من عريقين الـكنيـه
حفـلكـم مبـروك يا عـالـي المقـام *** يالنبـيـل المحـتـرم لا جـتـك سيـه
أبـتهـج بحضوركم قـصـر السلام *** وأفتخـر فـي طـّلـة الـرّبـع البهيه
يا أبـو خالـد لـك حشيمه وأحترام *** مـن صميم الجاش نهديك التحيه
يالكـريـم الـلي تسلسـل مـن كـرام *** يا سلـيـل الشيخ حـمـاي الـونيـه
صفـوة الـلي سالمين مـن المـلام *** فـخـر لـلي يعـتـزي بالغـضوريه
خـلـفـة سويـلم مـن إولهـم حشام *** والغضنفـر والفهـد شبـلـه حـليـه
والشغموم القـرم والبطـل الهمـام *** لا غـرابـه كـل بـاسـل جـاب زيـه
السـويـلـم سـبـلـوا خـلـف الأمـام *** وشاركـوا عبـدالعزيـز بكـل هـيـه
في زمن خوض العجاجه والكتام *** بـالمـعـامـع مـا يـهـابـون المنـيـه
يـوم تـسلـيـم البـيـارق بـالـزحـام *** هـلـلـوا مـع الجـمـوع الـوايـلـيـه
ويوم سار الكل في ركـب النظـام *** رسـوا بالديـره وسـادوا بالسميه
ما مشوا بالعوج ودروب الحـرام *** ما وطـوا زلّـه ولا داسـوا خطيـه
من عـيـال العـود موقـعهم سنـام *** في زمان السّلم وعصر الجاهليه
من هـل الجدعا الياصار الصـدام *** سعد من لـه مثلهـم عـزوه دنـيـه
هـل الجـدعـا من زبنهم ما يظـام *** مشهوريـن بالشجاعـه والحـميـه
مـن نصاهم نـال شـفّـه والـمـرام *** مـا تجـيـه مـن المنـاعـيـر الأذيـه
مبطي بكسب الفخـر لهـم أهتمـام *** نعـم بشخوص الرجال الصيرميه
والصلاه على النبي مسك الختـام *** هـادي الأمـه رسول الـلـه نـبـيـه

قال عبدالله بن دهيمش بن عبار العنزي هذه القصيدة بمناسبة دعوة أبناء دخيل الله
بن عبلان السهلي لخوال والدهم من الدعاجين من عتيبه في بلدة البطين بالقصيم : 303

لي الشّرف بحضور حفـل أبن عبلان *** عـلى شرف صيد الرجال الدعاجين
ولـي الشّرف انظّـم من الشعر قيفان *** وأثني على قروم الرجال الحشيمين
من عـزوة الهيـلا هـل المجـد عتبـان *** تاريـخهـم معـروف مـاهـم خـفيـيـن
ذبـاحـة الـحـايـل الـيـاحـل ضـيـفـــان *** لـطـامـت الـعـايـل سـطـام المعـاديـن
فـيهـم كـرم فيهـم حـميـه وشـجـعـان *** صفوة هـوازن بالمناسب عـريـبيـن
الـعـزوه الـلي بالفـخـر فـعـلـهـم بـان *** شمّـاخـت الـربـعـه كـبـار الـديـاويـن
أهـل الفخـر لـهـم مـقـادم وشـيـخـان *** نـالـوا شموخ المجـد سابق وهلحين
مقدمهم أبن حـميد من ساس فرسان *** ونعـم وكفو بشيوخ روق الرباعـين
وزعـيـم طـلحـه من مقاديـم عـربـان *** ويا كثـر بعـتـيـبـه مشايـخ مسمـيـن
لـو أذكر شخوص الحمايل والأعيان *** مـا تـنحـصي بـمـجـلـدات الـديـاويـن
حـاولـت أنـوه بالفخـر قـدر الأمكـان *** لاشـك كــل الـلـي ذكـرتـه عـنـاويــن
وأثني وأشيد بصاحب القدر والشان *** أبـو مـحـمـد بـه شـهـامـه وبـه ديـن
أعـني دخـيـل الـلـه سلايـل كـحيـلان *** أبـو الـرجـال الـنـافـلـيـن العـزيـزيـن
أنجـب نشاما طبعهـم فـعـل الأحسان *** يـعـزون مـن غـر الـرجـال المياميـن
أنسابهم من جذع دوحه لها أغصان *** بـيـن الـزبـيـر وبـيـن ذات النطاقيـن
الـلي شـرب دم النبـي غـزر الأيمـان *** وأصبح يعالج من شكا لـوعـة البين
واللي يعضّه غلث وانصاب مرضان *** مـن قـبـل لا يهـرف سوات المجانين
دم الــبــرازي لــه دلايــل وبـرهــان *** فـيه الشفاء مـاهـو هقاوي وتخـمين
لـهـم كـرامـه عـنـد خـلاق الأكـــوان *** حيـث أنـهـم عـقـب الجـدود التقيـين
والنعّـم فـي ربـع الـزعيم أبن لحيـان *** مشهور مـن قـيّـاد جـيش السلاطين
أدنـاهـم الـلي بالـكـرم يـفـني الضـان *** فـي كـل لـيلـه بـالهـواشل مـحـيـيـن
مـن يـوم صرنا عنـد الأجواد جيران *** مـضالـنـا بـجـوارهـم عـدة اسـنـيــن
قـصيـرهـم مـالـه مـهـونـه وحـقـران *** يلقا الكـرامـه عندهـم والنبـا الزيـن
من جيت صارولي رفـاقـه وصدقـان *** وآصبح يعـدوني مـن الربع الأدنيـن
والـحـمـد لـلـه كـلـنــا ربــع وأخـوان *** مـا عـاد حـنـا عـن بعـضنـا بعـيديـن
مـن طـيبهـم صـرنـا قـرايـب وخـلان *** كـل الجميع أصحاب والمسكن بطين
أهـدي لهـم جزيل شكـري وعـرفـان *** والشكـر يـرفـع لـلـكـرام الكـريـميـن
قـلـت الوكـاد ولا ‎بـمـا قـلـت بـهـتـان *** شـاهـدت مـا عـديـت بمـجـرّد العيـن
في مدحهم ما كنت مخـطي وغـلطان *** أثني على الأجواد ما مقصدي شين
وصلوا على اللي سارفي هدي قرآن *** الـهـادي الـمـهـدي خـتـام النـبـيـيـن

يتبع

تابع
قال عبدالله بن دهيمش بن عبار العنزي هذه القصيدة مهداه ألى الرجل
الفاضل عناد بن عياده بن نحيّت المهيدي من وجهاء قبيلة الفدعان
بالكويت وتحتوي على ثناء لصاحب المواقف المشرفه : 304

أسـنـد المنظـوم للـرجـل النـبـيـه *** أبـو مناحي مـا سلـك مسلـك ردا
لـيـه مـا نمدح سليل المجـد لـيـه *** الكـريـم القـاف فـي مـدحـه شـدا
أبن عياده أمدحـه واثـني عـليـه *** حـيـث طيـبـه مـالـه حـدود ومـدا
اللبيب عـنـاد مـن ربـعـه وجـيـه *** بـالـكـرم والـجــود مـا تــوه بــدا
الـنبـيـل الـلي يـكـرّم مـن يـجـيـه *** فـاعـل المـعـروف دايـم لـه سـدا
أبن نحيّت عاقـل وشهـم ونـزيـه *** مشتـهـر بالطـيب وبـوجـهـه نـدا
منسبه صافّي مثـل عـقـد الجنيـه *** مـن نسـل عـزوة مقادم واعـقـدا
بالمـثـل كـن البـلـيـهي لـه شبيـه *** فـي ثـقيـل الشيـل نـاض ولا كـدا
هـو سعيـف الـلي زمانـه مبتليـه *** وأن نـخـاه الملـتـزم جـاه ايـحـدا
فـزعـة المظيـوم باليـوم الكـريـه *** وبالمراجـل والصّخى لـه اشهـدا
أبـو مناحي يسعى للطيب ويـبيـه *** يـوم خطو اللاش بـه مـالـه جـدا
مـن عـفـافـه كـل ربـعـه تشتهيه *** طـاهـر المهجة ويمشي فـي قــدا
مـن نصـاه بـلازمـه مـا يـزدريـه *** بالهـلا والرّحب صوته لـه صـدا
كـل واجـب ملتـزم بـه مـا نسيـه *** صاحب الكـف الغـزيـر لـمـن ودا
مـا يـبـيـع الـعـز لـكـن يـشتـريـه *** حـالـه ومـالـه يـضـحـي بـه فــدا
مـا هـفـا ولا قيـل جـاره يشتكيـه *** ولاهو من يمشى طحوح بلا هدا
مـا خبـرت أنسان بالـذّم ايهجيـه *** مـا يـذمّـه كــود قــريــب مـعــدا
بـالـعـلـوم الـطـايـلـه درّب بـنـيـه *** بالفـخـر نالـوا مـراتـب واعـمـدا
والنـفـايـل مـا يحصّلهـا السفـيـه *** والكـرم والشّح مـن قبـل اضـددا
من سلـك درب العـدالـه مـا يتيـه *** ومـن نشـد دل الطـريق ولا غـدا

قال عبدالله بن دهيمش بن عبار هذه الأبيات مهداه للرجل الفاضل فايز بن فرحان بن سويلم من شيوخ الغضاوره : 305

يا فـايـز بـيتـك زهـتـه الفـرش *** يـازيـن مجـلـسـك يـا حـلـوه
حـفــظـك ربــي ولـي الـعـرش *** شـرواك مـالـي عـنـه سـلـوه
يفـداك مـن هـو يصـر القـرش *** يشفق على القرش من غلوه
يـخـور كـنّـه خـطـات الهـرش *** وعـن البشر يرغـب الخـلـوه
لـو كان عنـده عقـار وطـرش *** كـوبـان مـا يـصـعــد الـعـلـوه
وجهه مشهّب وعقوبه حرش *** والـجــم مـا تـوصــلـه دلــوه
مـا هـمّــه ألا يـطـس الـكـرش *** مـن حـد ضلعـه إلـى الكـلـوه
الـقـرح مـا هــمـتـه والـبـرش *** ولا هــام بـالـلـي تـقـل فـلـوه

وقال عبدالله بن عبار هذه الأبيات يسند على فايز بن فرحان السويلم : 306

كثـر الهياط وقـوّش الصـّدق يا فـايـز *** القـول واجـد مـار الأفـعـال مفـقوده
كـلـن يقـول أنـه لمجـد الفخـر حـايـز *** يعـتـز فـي سيـرتـه ويمـجـد جـدوده
أن كان ودّك تسوس الوضع وتمايز *** أعرف هدف غاية المادح ومقصوده
المـدح ماهـو عـلى كل العـرب جايـز *** مامن خفى جميع الأحداث مشهـوده
وش ينبغي بالـذي مـا يقضي العـايـز *** مـادام مـا يـبـذل لعـانيـه مـجـهـوده
الـبـطـل الـلي بـنـدقـه نـتّـاشهـا بـايـز *** مـا ظـنتي ينتصـر باسبـاب بـاروده
وكان ابن عمك لراسك بالعصا هايـز *** ابعـد عنـه عـده حضوضا وبـرموده

قال عبدالله بن دهيمش بن عبار العنزي هذه الأبيات مهداه للرجل الفاضل الشيخ أبو عبدالله
علي بن عبدالله بن راشد الدريبي آل أبو عليان التميمي من وجهاء أهل بريدة حفظه الله : 307

سـلام يـهـدى بـكـادي الـعـود والـنـد *** ممـزوج مع ورد الخـمايـل وريحـان
يـهـدى لـلي مـن شاهـده كـن لـك ود *** عـلي بن عبـدالله موصف بالأحسان
القرم الـلي عن واجب الضيف ماصد *** الضيـف لـو عـيـا يجـيـره بـالأديـان
الـيـا عـدّو أعـيـان البـلـد دايـم ايـعـد *** عـلمه يشرّف من مشاهير الأعـيـان
مـا بـار بالصـاحـب ولا بـاح لـه سـد *** ولا خـالـف سلـوم الحمايل ولا خـان
يـدعـى عـلى القالات وايحلـل اعـقـد *** وكان أعضلت ماهو من الحل بحلان
وفي كل جـزله صاحب الجود لـه يـد *** حكيـم رأي وكـامـل العـقـل فـهـمـان
عضده عـلى كسب الفخـر دوم يشتـد *** وعزمه قوي ما كان خامل وكسلان
ومن معدنه طيّب عن الطيب ما ايلـد *** والخيريـن مـن العـرب عـلمهم بـان
الشيـخ عـلي مـعـرّب الخـال والـجـد *** مـن راشــد الأول ســلايــل عـلـيــان
مـن راشـد بـن حـمـود عـليـاه تـمتـد *** الحـاكـم الـلي كـان تـتـلـيـه عـربـان
نـسـل الـدريـبـي بالـعـنـاقـر لهـم بـد *** أهـل كـرم وأهـل مـنـاصب وشجعـان
لا جيـب طـاري عـلـمهـم أمـدح وزد *** جميعهم شيخـان مـن عـقـب شيخان
كـانـت بـريـدة حسب مـا نسمعه عـد *** لاشـك جــده حــوّل الــعــد عــمـران
حـكـم عـلى الـديـره ورسّـم لهـا حـد *** وصارت سبب حكمه مساكن وسكان
شاد وبنى قصراً من المجد مـا ايهـد *** طـوارفـه تـزمي تـقـل شـم ضـلـعـان
تـسلـسلـوا مـن ساس تـمـيـم أبـن أد *** أصله وفصله مـن قبايـل لهـم شـان
بـنـي تـمــيـم بــكـثـرهـم مـالـهـم نــد *** يوجـد لهـم تاريـخ في كـل الأوطـان
لـهــم فـروع بــكــل الأقـطـار وافــنـد *** بأرض العرب من ليبيا لديرة عمان
ومـنـهـم نـوادر بـالـعـدد مـالـهـم عـد *** نـالـوا مـقـام الـعـز فـي كـل مـيـدان
مبطي مـفـاخـرهـم قـديـمـات واجـدد *** تاريـخهـم يـذكـر عـلـى مـر الأزمـان
والـفـاسـق الـدجـال تـمــيـم لـه ضــد *** فـي قـول مسند مـاذكـر فـيه بهتـان
حـديـث الـلي قـولـه الياقـال مـا ايـرد *** مــاهــو كـلام فــلان وفـلان وفــلان
قلته وأنـا من ساس عـزوه عـلى قـد *** مـدحي لـهـم يـوم اتـفـاخـر بـويـلان
الـلي تـعـاوج يصفـقـونـه عـلى الخـد *** ودخيلهـم يكـرم جـنابـه ولا أيـهـان
والوقـت بـيـن الأمس واليـوم والـغـد *** مـثـل الفلـك يـندار فـي كـل الأحيـان

هذه الأبيات ضمن لقاء مع ملتقى اعلامي قبيلة ولد علي أهل الملحا : 308

اشكـر جميع أهـل المروات والـنقـّا *** عـزوة هـل الملحـا رجـال الـولادعـه
يـوم استضافـوني تـشرّفـت بالـلـّقـا *** وأرسلت منظومي من الفكر بـادعـه
واللي لمس مني عـلى غير ما هقـا *** يسمح خطاي وفايض الهرج جادعه
والهـرج الـلي مالـه أسانيد مـا بـقـا *** والـلـي يـزوّر لـه عـقـوبـات رادعـه
يقولـه الـلي فـي فخـر عـزوته شقـا *** ما خان بالصاحب ولا قـيـل خـادعـه
الملتقـا الـلي بـربعـه الطيـب يـلتـقـا *** عـقب اللقاء بأزكى التحيه نـوادعـه

قال عبدالله بن دهيمش بن عبار العنزي هذه القصيدة بمناسبة الحفل المقام في
بلدة البطين بمناسبة عيد الفطر المبارك لعام 1436هـ : 309

يا أهـل البطين اليوم في حفلة العـيد *** نـطـلـب لـعـل أيـامـكـم كـلـهـا أفـراح
بالبلـده الـلي بـقـاعهـا تـثمـر الغـيـد *** من خطهـا فـي ضـل فـلاّق الأصبـاح
عسّى ينال من الـولي كـل مـا ايـريـد *** فـي جنـة خـضرا بهـا المسك فـوّاح
فـهـد بن فـيصل مـثـل شـامخ الحـيـد *** يحجي ويـذري عن هواجير الأرياح
مجـنـاه مـن صيـد الـرجـال الصناديد *** سعـود بن مـقـرن بصرح العـلا لاح
قبل الفهد كانت صحاصح مـن البـيد *** من شرقي قصيبا إلى غرب الأسياح
قـبـل يحييها كـان يـرتـع بهـا الصيد *** فـي جـال عـد مـنـبـعـه مــر وامـلاح
شاد وشمخ فيهـا القصـور المشاييـد *** بـنيت عـلى مخطط مهندس ومسّاح
والـيـوم طــورهـا سـلـيـل الأمـاجـيـد *** متعـب عساه بحـفـظ خـلاّق الأرواح
فـيـه التواضع والكـرم فـيـه تـعـويـد *** شـهـم وعـفيـف وللصعيبـات نـطـاح
نـجـل الفـهـد أبـو الفهـد جاب تعـميد *** يـجـيـب بـشـرى لـلـبـلـد كـل مـاراح
وبجهود ابن سابـق مشاريعهـا تزيد *** حيثه بذل مجهود بأخلاص وانصاح
ما نغـبط الـلي صيّـف بلندن ومدريد *** وحـنا بـدار من الفخـر نلبس وشـاح
دار الـفـخـر فـيـهـا الكـرام الأجاويـد *** مـن جالـهـا يـدلـه ضميـره ويـرتـاح
ديـرة نشـامى مـن شخوص الأواليد *** أهـل مـكـارم مـا يـمـانـيـهـم اشحـاح
مـا تـاجـد الـلي يحمـل الـغـل والـكيـد *** كل الجميع أخوان وقـلوبها اصحاح
نـعـم الـرجـال مـطـبـقـيـن الـتـقـاليـد *** الـكـل مـنـهـم بـالـنـظـر فـوق شبّـاح
أهـل البطين أفخـر بـهـم دون تـفنيـد *** أدنـاهـم الـلـي بالـكـرم يـبسط الـراح
مـن قـافـي أهـديـهـم مـدايح وتمجيـد *** والمعـرفـه فيها المكاسب والأربـاح
وقـبـل الخـتـام نـجـدد العـهـد تجـديـد *** نـعـلـن ولانـا لـوالي الأمـر بأيضـاح

قال عبدالله بن دهيمش بن عبار العنزي هذه القصيدة في وصف مجالس الرجال وأثني على
الرجل الفاضل الشيخ عبدالله بن محيجين بن راشد من وجهاء مدينة بريدة بالقصيم : 310

نويت أقول ولا عـرفـت الهدف ويـن *** وبـديـت أجـاري بالمثـل من يقولون
اشفـق عـلى السجّات لأهـل الدياوين *** الـلي عـن هـمـوم الـروابـع يسلـون
أنـصى مـنـاعـيـر الـرجـال الـمسمين *** عـلى النـقّى مـن زارهـم بـه يهلـون
اهـل العـلـوم الطيـبـه والـنبـا الـزيـن *** ما امـل مجـلسهم وهـم مـا يـمـلـّون
النافـلين الـلي عـلى الطـيـب ضاريـن *** جـليسهـم مـا يشـكي الـذل والهـون
بالمجلس الـلي مـا جلس بـه شقيين *** مجلس شرف فيه الـرجال يتقهوون
بـيـض القـلـوب الطـاهـريـن التقيين *** مـن قـام منهم راح راضي وممنـون
اعـتـز فـي عـز الـقـروم الـعـزيـزين *** الـلي عـلى عـلـوم الرجال يتواصون
المنصفين الـلي عـلى القـلـب غالين *** لـهـم قـدر عـنـدي وهـم لـي يـعـزون
نـسـل الحمايـل والـرجـال العـريـبين *** أهـل عـقـيـده طبـعـهـم مـا يخـونـون
صنايـع المعـروف بـيـن العـرب دين *** وأهـل الـوفـاء عاداتهم دوم يوفـون
عـلم الفخـر والطيب مبطي وهلحين *** ما ينمحي لـو تمضي دهور وقـرون
احـب صحـب الـنـافـلـيـن الكـريـميـن *** مـن كـل شغـموم مـجـرّب ومبخـون
شروى جناب الشيخ خـلفة محيجيـن *** الـقـرم عـبـدالـلـه بطيـبـه يـشيـدون
الفـاهـم الـلي مـا تـخـفـاه الـقـوانـيـن *** عـقـلـه سلـيـم ويفتهم كـل مظـمـون
حـكـيـم راي مـن الـرجـال المـيـاميـن *** هـو الـذي مـن حـكـمـتـه يستفيدون
مـاهـو مـن الـلي غـيـرتـه المـلايـيـن *** فـيـه الصخّى ولاكان بالمال مفتـون
أظهـر ثناء الطيّب مـن الربع الأدنين *** واجهـر بمـدحـه والمخاليق يوحون
حيـث أبـو راشد من كـرام الفـداعين *** أهـل فـخـر مـاهـم هـلابيج وعـفـون
ذخر الخوي لاصار وجه الزمن شين *** هم السند عـن جاير الوقت والعـون
مـدحي لـهـم ماهـو هـقاوي وتخمين *** ولا قـلـت تمجيدي مراميع وظـنـون
العـزوه الـلي شوفهـم يطـرب العـيـن *** حـمـر النـواظـر باللـّزم مـا يـتردون
والـمـدح مـا يـرفـع مـقـام الـرديـيـن *** مهـمـا يـشيـد بمـدحهـم كـل مـلسون
نـعـوذ بالـلـه مـن رجـيـم الشيـاطيـن *** بأمـر الولي مدحور وإبليس ملعـون

قال عبدالله بن دهيمش بن عبار العنزي هذه الأبيات تهنئة بمناسبة زواج
الشاب فهد بن عبدالله بن موسى الخرشاوي : 311

العيد صار العيد عيد ومعـه عيـد *** عيـد بفـرح فهـد وعيـد الضحيه
عـساه يـبلغ بالهنـا كـل مـا يريـد *** وعـسـاه يـنعـم بالحـيـاه الهـنيـه
يابـو فهد تسلم عسى عزّك ايزيد *** فـي جـاه خـلاّق العـبـاد ونـبـيـه
الـلـه ياقـاكـم من جـميع اللواديـد *** ويحميكم الرحمن مـن كـل سيـه
وعسى تدوم أفـراحكم يالأماجيـد *** يا أهـل النفوس الطاهره والأبيه
أثـنـي عـليكـم كـلكـم دون تفـنيـد *** جـمـيـعـكـم لـكـم حـقـوق عـلـيـه
الكـل يستاهـل مـدايـح وتـمـجـيـد *** بكـم الـوفـاء والمرجله والحميه
والنعـم بالخرشان نسل الأجاويـد *** فـي ماضي التاريخ لهـم أقدميـه
حمامده من عقب فاضل صناديـد *** خلـفـة حمايـل من رفـاع السميه
من ربع اللي كل القبايل به اتشيد *** الشيخ أخـو بقشه يـدينه صخيه
من عـزوةٍ فـازوا بحفـظ التقاليـد *** في سلمهـم لهم المكارم سجـيـه
ولادعـه شجعـان ماهـم رعـاديـد *** حـمـايـة المـلحـا حـمـول العـبيـه
من مارثة عنـاز أشمخ من الحيد *** تشهـد لهـم بالمجـد نجـد العذيـه
بني وهب وجلاس وسهيل وعبيد *** مسلـم وبـشـر العـزوة الوايـليـه
يزهى لبني وايل مديح القواصيد *** يا بـعـدهـم عـن الفـعـال الـرديـه
بهم الحديث الـلي عليه الأسانيـد *** حـازوا عـلى تنعيـم خيـر البـريه
وبهم المثل ردد مع الناس ترديد *** امجـاد مـاجتهـم عـرايـا وحـذيـه
في صفحة الأمجاد سجّل لهم قيد *** وأفعالهم بالطيـب مـاهـي خـفيـه
قلته وأنا من عـزوةٍ باجـو البيـد *** حمـر النواظـر مـا تهـاب المنيـه
منهم مصوّت بالعشا صفوة مهيد *** ومنهم سليل غبين راعي العطيه
يتبع

تابع
قال عبدالله بن دهيمش بن عبار هذه الأبيات في بدر بن سليمان الأسود : 312

يا سـمي الـلي يـنـيـر الكـون نـوره *** القـمـر بـدر الـدجـى ليـلـة تـمـامـه
القـمـر عـلى المـلأ يشرق سفـوره *** يجـلي العـتـمـه وداجـور الـظـلامـه
يـا بـدر عـلـم الـفـخـر دايـم تـدوره *** ما بساسك يا بـدر عـرق الـرخامـه
بالمراجـل وافـي وصلـب المشوره *** وأنـت الـلي بالمجتمع عالي مقامـه
قـالهـا الـلي نحـوكم عـبّـر شعـوره *** دوم يـبـدي لـك وقـاره واحـتـرامـه
يعتـذر لـك يالسنافي عـن قـصـوره *** جـاك عـبـر الواتسب وافـر سلامـه
يـا بـدر مـبـطي لـك افعـال مخبـوره *** عـادتـك تبعـد عـن دروب الملامـه
يا سلـيـل الـجـود يا نـمـر النـمـوره *** يا مـقـر الطيـب يا ساس الشهامـه
أنـت مسند عزوتك عـنـد الضـروره *** والصديق أن جاك له عـز وكرامه
جـدت في موتـرك لـلي ابـدأ سروره *** قلت اخذه بـلا ثمن مـن يـوم سامه
يالـلـه أن الوقـت يبعـد عنـك جـوره *** ويا عسى حاسدك ما يبلغ مرامـه
والـزمـن يكـفـيـك ربـي مـن شـروره *** تسعـد بدنياك مـا تشـوف النـدامـه

قال عبدالله بن دهيمش العبار هذه الأبيات يثني على بدر بن سليمان الأسود : ر

يـا بــدر يـسـلـم جــنـابــك يـابــدر *** عـاد عـيـدك بالمسّـره والسعـاده
دوم تـنـظـر فـوق مـا تـنـظـر حـدر *** بالكرم والجود عـندي لك شهاده
يـالـسنـافـي لــك مـوده بـالـصـــدر *** جـدك الأسـود سليل رجـال سـاده
مـن حـمـايـل ما ذكـر فـيـهـم غـدر *** مـن شكا جـور الليالي هـم سنـاده
وانـت قـرم ولـك وقـار ولـك قــدر *** من حمايـل مدركين الطيـب عـاده
مـن مـجـاذب حـر بـافـعـالــه نــدر *** هيلعي صاطي جزيل الصيد صاده
يـرمـي الـجـزلـه وحـيـله مـا فــدر *** والطيـور الجارحه تخشى هجـاده
عـادتـك تـرسي مـثـل حيـط الجـدر *** من ثبات الساس مـا يمكن هـداده
من عمل معـروف مـا يذهـب هـدر *** يكسب الـثـواب مع مـدح وأشـاده
مـن يـدور الـعــز زنــده مــا خـدر *** يـصـعـد العـلـيـا ويطـمح لـلـزيـاده

قال عبدالله بن دهيمش بن عبار هذه الأبيات يثني على الشيخ ماجد البدر العواجي أبو خالد : 314

لـك الشـكـر مـدبـول يـالشيـخ مـاجـد *** طـبـع الحـميـه عـادتك يا أبـو خـالـد
صـاحـب تـقـى راكـع لـربـك وساجـد *** وشجاع مـا زنـدك عـن الفـعـل بـالـد
يا نسـل الـلي بـالـكـون لعـداه هـاجـد *** أنـت الـذي فـي مـنـزل المـجـد والـد
جـدك الـلـي لـعـيـون الأضـداد بـاجـد *** لاصـار فـي حـدب الهـنادي مـجـالـد
ياليـت الـلي مثـلك مـع النـاس واجـد *** عسى يفـداك الـلي عن الفعـل حـالـد
مـا طعت الـلي في كل مجلس تواجـد *** يـعـد نـفـسـه مـثـل شـيخ الـخـوالــد

قال عبدالله بن دهيمش بن عبار العنزي بحفل الدكتور فيصل العزام لتكريم
الفريق مريّع بن حسن الشهراني على شرف صاحب السمو الملكي الأمير
المعتصم بن سعود بن عبدالعزيز وصحبه الكرام من الأمراء والأعيان : 315

بـديـت بـسـم الـلـه ونـظـمـت قـيـفـان *** أعرض مجال وهيّض الفكر مكنون
نلـقيـه فـي محـفـل بـه الشعـر يـزدان *** عسى يـنال اعجابهم حين يصغـون
فـيـصـل أبـن عـزام وجــه لـلأعـيـان *** دعـوات يـدعـوهـم لحـفـلـه يـلـبـون
على شرف نجـل الملـك عالي الشان *** شـرّف الحـفـل وفي قـبالـه يـهـلـون
المعـتصـم بـحـضـوره الـكـل فـرحان *** والـكـل فـي حضـرة سمـوّه يحيـون
عساه بحفظ اللي عـلى الخلق رحمن *** رب الـمـلأ خـلاقـنـا مـبـدع الـكــون
نسـل الـزعيـم سعـود للمجـد عـنـوان *** المقرني عـز الـذي يـطـلـب العـون
مع صحبـه الـلي مـن سلايـل كحيلان *** من ساس عزوة بالمواثيق يوفـون
من عـزوة آل سعـود ذربيـن الأيمـان *** تجـذبـهـم النخـوه اليـا قيـل تكـفـون
ويا مرحبا بكل الحضور من الأخوان *** من دارهم حتى عـلى الحفـل يلفون
أصحـاب لـلي محتـفى بـه وصـدقـان *** من كـبـر قـدره عندهـم جـو يهنـون
تـكـريـم قـرٍم مـن مشاهـيـر شـهـران *** أبن حسـن عـلـيـه الأجـواد يـثـنـون
أبــو مـحـمـد نــال تـلـقـيـب الأركــان *** ومن طيب فعـله دايـماً بـه يشيدون
والـرتبـة الـلي علـقـت فـوق الأمتـان *** رتبـة شـرف فيهـا الرجال يتباهون
وكـل زمـلاه الـيـا بـدأ الـلّازم أعـوان *** قـاده الـيـا شـان الـلّـغـى يـستعـدون
الـكـل عـنـده عـرف وادراك واتـقـان *** مخلـص لـديـنـه ولـميـكه ومـامـون
وعـلم الفخـر مـا يـدركـه كـل كسلان *** ولا يـبلغ المقـصود من يتبع الهـون
وحنا بوطن ماله شبيه مـن الأوطـان *** هـو قـبـلـة الإسلام صوبـه يحجـون
والمسجد الـلي شع بـه نـور الأيمـان *** المسلمين أهـل التـقّى لـه يـزورون
ألا وكذلـك بـه ضريح أشـرف انسان *** قـبـر الرسول الـلي لـذكـره يصلـون
نطلب ولي العـرش من قـلب والسان *** رب العـباد الـلي لـه الخـلق يدعـون
عسى الولي يحميـه مـن كـل عـدوان *** ويدحـر دعاة الشـر وإبليس ملعون
مـولاي ينصـر قـايـد الشعـب سلـمان *** وعسى وطنـا دايـم الـدوم مصيـون
مقـدم هـل العـوجاء بواسل وشجعان *** اللي أخذوا من منهج الشرع قانون
سادوا عـلى كـل الحـواضـر وبـدوان *** حكـام عـدل وبالشـريعـه يحـكـمـون
حكامنـا سـاس الفـخـر نسل مـرخـان *** ضد العـصاه اللي لوطنهم يخونـون
حكـامـنـا أصحـاب الفضايل وأحسان *** بالفضل لهـم أهـل الجزيـره يدينـون
بواسل وفـي صهـوة الخيـل فـرسان *** وتجفـل اعداهم كان قاموا يعرضون
بـالـكـون يـسقـون العـدا سـم ثعـبـان *** وعـدوهـم يـبقـى ذلـيـلٍ ومـمهـــون
حاولت أشيـد بمجدهـم قـدر الأمكـان *** لاشك عـرفي عن فخرهم قصر دون

قال عبدالله بن عبار هذه الأبيات يثني على قبيلة اليمنه : 316

لكم الشكر مدبول يا نسل قـنـاص *** نفخـر بكـم يا عـزوة مسكـت الـورع
المرتعد سيفه بنحر العدو غـاص *** لاصاحوا اهل الخيل بالمنطق الجرع
ما منكم اللي قيل عن لابته حاص *** رجـالكـم بالطـيـب والمـرجـله بـرع
مبـطي لكـم تقديـر بقلوبنا خـاص *** وحـنـا لبعـضنا من قديم العهـد درع

قال عبدالله بن دهيمش بن عبار العنزي هذه القصيدة أثني على الرجل الفاضل
العميد الدكتور خالد بن ركيان العضيله أبو راكان حيث له مواقف مشرفه وهو
من الرجال الذين يعدون في هذا العصر فقلت : 317

قـال الـذي من خاطـره هـاض قـيلـه *** يـنظـم جـزيـل القاف لا جـاء مجاله
مـن يصنع المعـروف نذكـر جـميلـه *** ولا خـيـر بالـلي مـا يـعـد الـجمـالـه
أمـدح جـنـاب الـلـي خـلاقـه نـبـيـلـه *** خـالـد أبــو راكـان يـا حــي فــالــه
الـمـدح يـزهـى للعـمـيـد العـضـيـلـه *** القـرم أبـن ركـيـان مـدحـي زهـالـه
عـيّـن مـديـر ومنصبـه يستـوي لـه *** فـيـه الشهـامـه والـوفاء والجـزالـه
عـوايـده يـفـزع لـمـن يـلـتـجـي لـه *** يضفـر بفعـل الخـيـر والطيـب نـالـه
شهـم ونـزيـه ولا يـبـوق بـعـمـيـلـه *** بـعـيـد عـن درب الـردا والـرزالـــه
يـتعـب عـلى العـليـا نـهـاره ولـيـلـه *** قـلـبـه عـلى حـوش الجمالات والـه
مـا هـو عبوس بوجـه عـاني يجيله *** يفـرح ضميـر الـلي نصاه وعـنـالـه
ولاهـو من أصحاب العزوم الهزيله *** والـعـد بـالـمـدلا تـطـولـه حـبـالــــه
يـبـرك لصعـبـات الحـمـول الثقـيلـه *** بالمتـن مهـمـا يـثـقـل الحمـل شالـه
ولا يـرتـخي لا شـاف بالحـق ميـلـه *** وأن جاه مـن يحتاج جـاهـه سعالـه
ولا يـنـكـر الـمـنعـور خـوه زمـيـلـه *** منصف ويشكـر كـل فـرد اعـتـدالـه
جيت لسجين وقـال مـا أبغي كفيلـه *** مـن جـيـت لـه يطـلـع بـلـيـا كـفـالـه
ولي مـع أبـو راكـان قـصّه طـويلـه *** أطلب عسى الرحمن يصلح عـيالـه
والعـزوه الـلي مـنسبـه يـنـتـمي لـه *** عـبـادل المـطـران سـاس الأصـالـه
أنـا اشهـد أنـه يـنتـسب مـن قبـيـلـه *** حـمـر النواظر يـوم عصر الجهالـه
قـطعـانهـم تـرعى بـقـفـر الخـمـيلـه *** بـهـم الشجـاعـه والضفـر والبساله
مـن قاس طيب مطيـر ضيّـع دليـلـه *** ومن راد يحصى مجدهم من هبالـه
فـازوا بكسـب الطـايـلـه والـنـفـيـلـه *** وتـوشـحـوا بالمـرجـلـه والشكـالـه

قال عبدالله بن دهيمش بن عبار هذه القصيدة يعتذر من حضور حفل الشيخ
حمود بن عفات بن جدعان بن مجيد : 318

نـادى بـتكـريـمي حـمـود بـن عـفـات *** الشيخ عنوان الوفـاء خـلفـة مجـيـد
أرفع شكر لحمود في عالي الأصوات *** واجهر بشكره طيّب الساس واشيد
يـعـيـش أبـو فيـصـل معـز الـقـرابات *** لـه الشكـر مـني سـليـل الأجـاويـد
حـر صـعـد روس الجبـال الرفـيعـات *** الصيرمي وكره عـلى قـمّـة الحيـد
شـهـل مـن المـفـرق ورام القـريـات *** وعـنـد الرفاقـه لفـوتـه كنهـا عـيـد
عـزوة نجـاد أهل الصخّى والمروات *** عـبـادلـه يـسـتـاهـلـون التحـامـيـد
جدعـان جـّده دون حـد الوطـن مات *** فـادى وسجّـل فـي سجل الصناديـد
يوم العدو يرمي على الجيش صليات *** ماهـو مـع الـلي بالخنادق ملابيـد
اضرب عـلى الكايـد ونال الشهادات *** بنحور من يفرض على القدس تهويد
يا حـمـود يا خـلـفـة زبـون الونيات *** طالبك أنـا واطلب شخوص الأواليد
ما أبـي احتفال ولا دروع وكرامات *** يكـفي شـعـور المنصفيـن الأمـاجيـد
سـجلّـت لـلعـزوة تـواريخ بـأثـبـات *** وأوردت بـالـواقـع جـميـع الأسانـيـد
ولا هـمـني يـا مسنـدي كـل شمّـات *** مجـهـد ولا تـشكـل عـلي الحواسيـد
لـو سجـلـوا بـالـنـت ضـدي مـقـالات *** الـلي وثـق مـا يـلـتـفـت للهـرابـيـد
جهـدي بديتـه قبل عصـر القـروبات *** وقبل وجود أهـل القلوب المحاقيـد
تـاريخنـا سجّـل من المجـد صفحات *** من يوم عصر جلاس وسهيل وعبيد
مع وهب المذكور بالعصر اللي فات *** بشر وضنا مسلم لهم بالفخـر قـيـد
عــيــال وايــل حـافـظيـن الأمـانـات *** تـوارثـوا حـفـظ الـنسـب والتـقـاليـد
الـمـصـطـفـى نـعّـم لـعـنـاز بـالـّـذات *** ودعـى لعـنـزة سيّـد الخلـق تـأكـيـد
وشريف مـكّـه من ملوك وحكومات *** أعـظـم مثـل قـالـه عليهـم بتحـديـد
خـيـبـر بـلـدهـم بالسنيـن القـديمـات *** الكـل يـجـني مـن نـخلهـا عـنـاقـيـد

هذه الأبيات اسندها على الشيخ دالش بن نافع بن جبل من شيوخ الجمعات من
الفقرا وهو من الرجال الذين يشيدون بجهدي لخدمة قبيلة عنزة : 319

اشكر جنابك على التشجيع يا دالش *** وافي ومن وافين تسلم يابـن نـافـع
جدك جبـل مزبن المضيوم والبالش *** شيخ لـراس الـذي لـه يلتجي رافـع
يابن جبل عزوتك يوم الشنب كالش *** عـدوهـم بالـوغى مـا ينفعـه شافـع
ما جـروا الفتنه بشوشات ومشالش *** تلقى العقل والسطر بالكهل واليافع
الظالـم المعتدي وسط الوحل هالش *** من بعد ما سطه على جبهته صافع
غـررّ به اللي دفع من خزنته مالش *** علام ينسي الذي عن عرضه يدافع

قال عبدالله بن دهيمش بن عبار هذه الأبيات يثني على الرجل الفاضل محمد بن
جبان بن منيخر الرسلاني شكر وعرفان له على تبرعه في اعتاق رقبة محمد بن
أحمد الفدعاني بمبلغ ثلاثين ألف ريال : 320

يامن تشيد بـما عـمـل مـن جهـودي *** عـرفت قـدري عنـد مثلك وشرواك
ولا الـردي كـوبان طـبـعـه جحودي *** مشكور يامحمد عسى اللاش يفداك
عـساك تـسلـم يا عـريـب الجـدودي *** وياعـل ربك والـي العـرش يجـزاك
الطيب طبعك وأنت تمشي سنـودي *** وأنت الذي تتعب عـلى البذل يمنـاك
والـلي دفعت لعزوتي من شهـودي *** وحنـا يا أبن منيخـر نثمـن عطايـاك
تـبي الأجـر حـيثـك بمالـك تجـودي *** وقـت الـلّـزم يالـقـرم هـذي سوايـاك
حيث أنت بالمد الجـزيـل محمـودي *** وأنت العصامي يالسنافي عـرفـنـاك
مجهـد ولا تحـب الكسل والقعـودي *** اكرمك ربّك يا أبن الأجواد واعطاك
يـا عـل مـالـك يـا مـحـمـد يــزودي *** ما سمعـت أذنـي واحـٍد قـيـل يشنـاك
ضمن الـرجـال الغانميـن معـدودي *** يـوم ابـن سمير لفزعة الربع ينخاك
ثـارت بـك النخـوه بـدفـع النقـودي *** نشكـر جـنـابـك حـيـث بانـت حميـاك
وحـنـا لبعـضـنـا لكـل امـر يـكـودي *** في سلم ولا في زمن كـون واعـراك
يتبع