قصيدة مهداه لمعالي الفريق سعود بن عبدالعزيز الهلال - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

09-28-2017, 11:11 PM

هذه الأبيات مهداه إلى معالي الفريق سعود بن عبدالعزيز الهلال الهزاني مدير الأمن العام بعد أن من الله عليه بالشفاء من الوعكة التي ألمّت به مسنده على فضيلة الشيخ فهد بن صقر الهلال :

الحـمـد لـلـه يـوم سـلـمـك يا سـعـود *** عساك دوم بخـيـر يا خـلـفـة هـلال
وعساك دايـم يا أبن الأجواد موجود *** حيثك من الـلي مابهم قول من قال
الـلـه يـفـكـك مـن حسـد كـل مـقـرود *** وياعـل يـفـدونـك هـلابيس الأنـذال
أخـلصـت بأعـمالك وبـذلت مجـهـود *** حـتّى وثقوبك قـادة الشّعب الأبطال
بـك تفتخـر ياسعـود ضبّـاط وجـنـود *** لو ما أنت باسل ما تروست برجال
مجناك من روس الحمايل هل الجود *** الـلي لهـم مبـطي تـواريخ وأفـعـال
الطيـب لـك موروث من جـدّك العـود *** وأبـوك ريـف الضيف للطايله نـال
سـادوا نـعـام وطيبهـم صدق ماكـود *** لهـم الـفـخـر والمجـد باقي ولا زال
بالـديـره الـلي في ثـراهـا لنـا جـدود *** يـوم العـرب كانوا بالأديـان جـهّـال
ديـرة ضـنـا عـنّـاز والـقـول مسنـود *** ياما بها من جدودنا عاشوا اجيـال
واليـوم فيهـا مـن بـنـي عـمنـا بـدود *** هزازنه وقـت اللّقاء ضـد من عـال
من نسل وايـل والفعايـل لهـا شهـود *** مـن عـزوةٍ عاداتهم كسب الأنفـال
عـزوة فخـر منهم رشيد أبن مسعود *** زعيـم وعـلومه عظيمات واجـزال
وفيهـم نـوادر نـقـوة نـمـور وفهـود *** بـواسـل تـنـجـب صنـاديـد وأشبـال
يـوم المـراجـل فـي مصـقّـل وبـارود *** ينصاهـم الـلاّجـي ويـزبـنهـم الـذال
هم عـز من جاهم من اعداه مضهود *** عـاداتهـم يصخون بالحـال والمـال
شادوا عـمايـر شامخـه كـنهـا حيـود *** عن الهجيـر ولافح الشوب مقـيـال
لا نـوشـح الميسور والـزاد مـفـقـود *** لـهـم مضـايـف للهـواشيل مـدهـال
اثني عـلى الـلي طيبهم ليس محدود *** وأسند عـلى الـلي للصعيبات حـلاّل
فـهـد أبـن صقـر بالأوصاف محمـود *** الـلـه يفـكّه مـن صواديف الأهـوال