الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر عبدالله بن عبار العنزي
الركن الخاص بقصائد الشاعر عبدالله بن عبار العنزي كل ما استجد من شعر شاعر قبائل ربيعه الشاعر عبدالله بن عبار والإسناد عليه
 

إضافة رد
 
   
أدوات الموضوع انواع عرض الموضوع
 
قديم 09-30-2015, 07:14 PM   #1
صاحب الموقع
 
تاريخ التسجيل: Mar 2008
المشاركات: 10,236
افتراضي مقاطع من مساجلات جديده عبر القروبات

( مقاطع من مساجلات جديده عبر القروبات )

قال الشاعر محمد بن الطرقي القهيدان :

حييـت يا بحـر الخليج ومحيطـه *** يالشاعر الـلي معتني في نسبنا
حطيت للويلان مجـد وخـريطـه *** وجمعت موروث الجـدود وأدبنا
لا تستمع هرج الوجيه المغيطه *** تحكي ولا سوت جميـل بعـربنا
كذوبهم بالهـرج تسمع زريطـه *** كـنـه عـلى مجـد القبيله غبطنا
كن الفخـر لعيـال وايـل يشيطـه *** يـبي يجنب خطتـه عن خططنـا

جواب عبدالله بن دهيمش بن عبار رداً على محمد الطرقي القهيدان :
جاني قوافي مثل ورد الخطيطه *** من قرح شاعر جل عنده وجبـنا
كفيت يا محمد شرور الـوريطه *** شرواك وقـت الملزمه لـه نجبنـا
الحوش يا محمد جداره وحيطه *** لاصار ماله ساس وش لون يبنا
مسائل الأنسـاب ماهـي بسيطـه *** لاشـك فـيـهـا يالسنـافـي كـتـبـنـا
ومن زيّف الواقع لثامه نميطـه *** قلنا الصحيح بقـولنـا مـا كـذبـنـا

أبيات من نظم الرجل الفاضل الصديق الوفي محمد بن عايد بن دوهان :

حـي مـن هـو عـلمه بالعـز اشتهـر *** الأديـب الـلي مـن افـعـالـه نـفـلـنـا
ما كسب مـن شبتـه غـيـر الضـفـر *** سيـف وايـل بـالـمعـالـي لا سلـلـنـا
حنا سيفه والـلـه أن غـاب وحضر *** نفتخـر بـه مثـل مـا نفخـر باهـلـنـا
يـا رفـيـع الـشـان لـعــداك الـقـهـر *** مـا نطيع الـلي عـلى الحـق يعـذلنا
مـرحـبـابـك عـد مـا دار الـشـهـــر *** وحنا ضيوفك اللي في ضفك نزلنا

جواب عبدالله بن دهيمش بن عبار رداً على محمد بن عايد الدوهان :

يـا نـسـل دوهـان لاجــاك الــكـــدر *** يالصديـق الـلي تكـافح مـن أجـلنـا
لا يـهـم الـلـي يـشــذ مـن الـبـشــر *** دام حـنـا لـلـرديـه مـا فـعـلـنــــــــا
حيث بعض الناس يا محمد غـجـر *** يا زمـيـل العـون عـنهـم مـا سألنـا
حنـا وأنتم من قـبـل وقـعـت عـفـر *** مـن قـديـم تـزعـلـون اليـا زعـلـنـا
والـلـه أني مـا اخـبـر لـوهـو نـفـر *** بـعـنـزه جـتـه المضّـره مـن عملنـا
كـود الـلي مثـل البعـاريـن الصفـر *** قـلـدوا مـن كـان يبحـث عن خللنـا

قال الشاعر رايد بن فرحان الخمشي يسند على عبدالله بن دهيمش بن عبار
سـلام يا رمـز الوفـاء يا ابن عـبـار *** يا فخـر وايـل وانـت وايـل سندهـا
يا درعـهـا يا ذخـرها وافي الأشبار *** يا ابـن الحرار اللي ينومس هددها
عـبـدالـلـه العـبـار وفـعـولـه اكثـار *** ما تنحصي لـو جيت بذكـر عـددهـا
شاعـر وأديـب وللجـزيـلات تختـار *** تـتعـب عـلى النـّدر ولا أحـد نقدها
لأجـل عـنـزه بـذلت بالجهد مشوار *** مثـلـت وايـل وانـت وايـل سعـدهـا
دونـت للـويـلان شجـره لهـا اثمـار *** اثـمارهـا مـاكـل شـاعـر حـصدهـا
دون عـنـزه تـاقـف مواقيف كـبـار *** من هو جحد وقفتك من هو جحدها
ولاهي غريبه منك يا نسل الأحرار *** من ساس قـوم بالمواقـف تجـدهـا
فـدعـان بالطـولات والجـود حضار *** ريف القصير وسقم من هو لهدها

جواب عبدالله بن عبار رداً على الشاعر رايد بن فرحان الخمشي :

جتني رساله من سلايل هـل الكـار *** أفـخـر بـهـا وافـرح بها واعتمدها
من رايد الفرحان وجـه لي أشعـار *** قـرم العـيـال الـلي جهودي حمدها
يشكـر وأنـا لـه دايـم الـدوم شكّـار *** حـيـثـه تطـرّق في معـاني قـصدها
صديق صادق من كلام الخطأ غار *** غـاضه جحود اللي الأمانه فـقـدها
يـذم مـن يجحـد جهـود أبن عـبـار *** رايـد عـمى عين الحسود ورمـدها
ما جـامـل المنعـور شـذاذ الأفـكـار *** أعمال جهدي في حروفه سـردهـا
عندك خبر من كنت فيه أفتخر بار *** كم جلسه يا حـيف ضـدي عـقدهـا
يعـطي لمـن غـرّه تعـاليـم واشـوار *** لـكـن دعـات الظـلـم ربـي قـردهـا
خاب الذي يبحث عن العيب والعار *** وقـع بـحـفـره لـلـبـرايـا حـفـدهـا

التعديل الأخير تم بواسطة محمد بن دوهان ; 10-02-2015 الساعة 02:35 PM
عبدالله بن عبار متواجد حالياً   رد مع اقتباس
قديم 10-01-2015, 03:28 AM   #2
شاعر
 
تاريخ التسجيل: Jan 2010
المشاركات: 173
افتراضي

عزالله انكم ماقصرتم
صح لسان محمد الطرقي المسيكي
وصح لسان شاعر عنزة عبدالله بن عبار
وصح لسان محمد بن دوهان الرماحي
وصح لسان رايد بن فرحان الخمشي

اتحفتونا بهذه المساجلات ولاهنتم ،،،،
__________________
.
.

يوم الشريفيه انتخت
حنـــا نلبـــي للنــــدا
.
ماهمنــا غـــاد البخت
يمشي بدربه مـاقـــدا
.
حنا يـدينـا ليـا صخـت
مــدّاتــهــا بليا مــــدا
.

فهد العنزي
فهد المسيكي غير متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
أبيات محمد الطرقي السبيعي وبعض مقاطع جديده عبدالله بن عبار الركن الخاص بقصائد الشاعر عبدالله بن عبار العنزي 2 06-14-2015 09:05 PM
( مساجلات عبر القروبات ) عبدالله بن عبار الركن الخاص بقصائد الشاعر عبدالله بن عبار العنزي 5 04-09-2015 06:35 AM
مساجلات جديده بين الخضع وآبن عبار عبدالله بن عبار الركن الخاص بقصائد الشاعر عبدالله بن عبار العنزي 20 07-25-2013 03:38 AM
مساجلات عبر الجوال عبدالله بن عبار الركن الخاص بقصائد الشاعر عبدالله بن عبار العنزي 3 01-08-2013 11:09 PM
مقاطع من الشعر جديده عبدالله بن عبار الركن الخاص بقصائد الشاعر عبدالله بن عبار العنزي 11 01-05-2013 10:15 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:22 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009