الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر عبدالله بن عبار العنزي
الركن الخاص بقصائد الشاعر عبدالله بن عبار العنزي كل ما استجد من شعر شاعر قبائل ربيعه الشاعر عبدالله بن عبار والإسناد عليه
 

إضافة رد
 
   
أدوات الموضوع انواع عرض الموضوع
 
قديم 10-21-2012, 07:44 AM   #1
صاحب الموقع
 
تاريخ التسجيل: Mar 2008
المشاركات: 10,236
افتراضي قصيدة الأمير خالد الفيصل والرد عليه

* وهذه قصيدة صاحب السمو الملكي الأمير خالد الفيصل بن عبدالعزيز آل سعود أمير منطقة مكة المكرمة حفظه الله وقد القاها في مهرجان بالكويت بمناسبة أسترجاع الكويت :
من رياض المجـد لامجـاد الكويـت *** مــن ثـبـات العـلـم للعـلـم الـثـبـات
جيـت أصافـح بالتّهانـي كــل بـيـت *** للشّهـيـد الـخـلـد والـحــي الـحـيـاه
فوق غيمة شوق مـن أبهـا مشيت *** مـن نـداهـا فــزّت الصّـحـرا نـبـات
سيّرتـنـي نـشـوة الـحـب وسـريـت *** للكويـت الّلـي هويـت أكتـب غـنـاة
في غناتي للشّرف صـوت وصيـت *** ومـن غناتـي يرفـع الفـارس حـداة
وللكرامـة عـرضـة فــي كــل بـيـت *** والـسـجـايـا بالـشـهـامـه نـايـفــات
ياالكويت الّلي على الباغي عصيت*** يوم بعض الرّبع ينسـى المكرمـات
يـوم بـان الغـدر قلـنـا لــه خسـيـت *** كـــل شـيـطـان رجـمـنـاه بـحـصـاه
دارت الـدنـيـا علـيـهـم واعـتـلـيـت *** وانهـزم جيـش النّفـوس الخاينـات
يالفهـد عنـد الوعـد قـلـت ووفـيـت *** طاغيات الـرّوس عـادت صاغـرات
مااختلـفـت ولاذخــرت ولاشـكـيـت *** شـامـخ مـثـل الـجـبـال الـراسـيـات
دلّــــك الله يالـسـنـافـي واهـتـديــت *** والنّصـر مــن عـنـد رب الكايـنـات
مـايـغـط الــحــق رجــــال بـخـيــت *** مانـسـيـنـا يـالـكـويـت الـسـابـقـات
يــوم عــز بـدارنـا حـلــو المـبـيـت *** إستضـفـتـونـا زمــــان الـنّـايـبــات
لين ابو تركي ظهر من فوق هيـت *** واصطفق مـن نجـد لجبـال السّـراه
يرفـع الـقـرآن والسـيـف الصلـيـت *** واستـرد الحكـم مـن عقـب الفـوات
ياالصّباح وياالسعودي لى انتخيـت *** عـزوتـك عـنّـاز راعــي الـطّـايـلات
ويالاميـر الّلـي علـى العليـا نشيـت *** جابـر العـثـرات محـمـود الصـفـات
فـــي بـــلادك كـــل تـكـريـم لـقـيـت *** والنشـامـى ماكـتـفـوا بالـواجـبـات
بالكويت أعطانـي الشعـر وعطيـت *** وبالكويـت الشعـر لـه طعـم وحـلاة
وقد جاريت قصيدة سموه في وقتها بهذه القصيدة :
قبـل نظـم القـاف بسـم الـلـه بديــت *** محـيي المخلـوق مـن بعـد الممـات
هـيـّض الـخـاطـر كـلام لـه قـريــت *** لـلأمـيـر الـلـي بـيــوتـه واضـحـات
وافـتخـر بالـلي عـلى قـافـه بـنـيـت *** خـالـد الـفـيـصـل زبـون الـوانـيـات
يـا سـلـيـل المجـد نـقـحـت ونـقـيـت *** صـافـي القـيفـان مـاهـن مكسـرات
يـاعـريـب الساس بالعلـيا اعـتليـت *** دون مشـمـوخ العـلا مـالـك مـبـات
يا الأميـر الـلي عـلى العـليـا رقيـت *** تعـتـلي فـوق العـلا عشـر ادرجـات
يـا الأميـر الـلي من العـز أكتسيـت *** يـا فـخـر عـنـاز راعـي الـطـايـلات
عـشـت يـالـلي للمناسب مـا نسيـت *** شـاقـني ذكـر الـفـعـول الماضـيـات
يـالأمـيـر الـلـي بـعـنـاز اعــتــزيـت *** مـن تعـزوى بعـز ما لحـقـه شمات
وانت أبـن فيصل عـلى عـزه ربيـت *** حـامـي الـزلبـات ستـر المحصنات
وجـدك الـلي إلى ركب فوق الكميت *** عـلـى عـدوانـه تـنـوح الـنـايـحـات
كـم فـارس بـالــلـقــا خــلاه مــيــت *** طـاح بـنـحـور الجـيـاد السـابـحـات
ضـرب سيفـه يـودع القاسي فـتيت *** كـم عـشى من الوحـوش الجايعـات
لـو شويـره قـال لـه لـيـه اعـتـديـت *** ما تـعـشـتـه الـنـسـور الـحـايـمـات
ويـوم قـالـت نجـد بـالظـلـم ابتلـيـت *** بـات سـاهـر مـا غفـت عـينه بـتات
قـال مدبـاس الـوغى يـا نجـد جيـت *** ثـم جـاهـا الـوايـلي سـتـر الـبـنـات
ويـوم جاهـا قالـت الـيـوم اكتـفـيـت *** عـاد مـلكـه بالسيـوف المـرهـفـات
بـالـجـزيـرة جـمـّع الشـمـل الفـليـت *** وحـّد شعـوبه عـقب ما هـو شتـات
والسـمـوحـة للفعـايـل مـا حـصـيـت *** مـجـدكـم مـا يـنحـصي بـمـجـلـدات
بالوصايـف مـا كـذبـت ولا أفتـريـت *** حيـث أبـو تـركي فعـوله معجـزات
ثم أن الشاعر ذيب بن بقان الصقري وجه قصيدة لسمو الأمير خالد يشرح بها لسموه بعض الحقائق وقد رد على ذيب شخص تقّول على لسان سمو الأمير خالد فقلت قصيدة طويلة على قافية قصيدة ذيب الصقري أشكره وأأيد كلامه نلخص منها ما يلي :

بـديـت بـسـم الـلـي للأرزاق وهـاب *** رب الـملأ خـلقـه يـمـيتـه ويحيـيـه
الواحـد الخلاق مـا غـيـره اربــاب *** رب العــبـاد الكـون يعـلـم بخـافـيـه
بسمه بديت وهاض مكنون الألباب *** نـظم القـوافي جوهـر الفكـر يمليـه
الشعـر فاض ومن مجاريـه ينساب *** تفيـض من نبـع الــقـريحة قـوافيـه
نـاقـيـه عـن منـقـود نـاقـد وهـزاب *** الـلي يكـن الـزيـن والشيـن يـبـديـه
نـعــوذ بـالرحمـن مـن كـل مغـتـاب *** مغـرم بخـلـق الـلـه يعــدد مساويـه
ومـن كـل حاسد للعـراقـيـب شّـذاب *** حـاقـد عـلى كـل البشـر مـا يدانـيـه
والنـاس ملفـظ لسنهـم نبـل نشّـاب *** نـوب تصيـب اهدافها نـوب تخطيه
بهم الذي يخطي وبهم الـذي صـاب *** وكلن يعـبـّر عـن قرايض مهاجيـه
بالناس من يتهـم عـفيفين الأجيـاب *** لـو الـمخـازي كـلهـا فـي مخـابـيـه
والنـار يعـلـقهـا شـرارة ومشهــاب *** لا شك لـو هـي ولعـت مـن يـطفيـه
والرابح الـلي عـن كلام الخطأ تـاب *** يسمع من العاقـل نصيحة وتوجيـه
نترك علـوم اللي يثيرون الأعصاب *** ومظمون لفـظ القاف للذيب نهديـه
والهرج اللي مالـه براهين ما ثـاب *** والعرف ما يعرض على غيرراعيه
قـلـتـه ولانـي بـالـتـمـاثـيـل لـعّـــاب *** ولا حب هرج الزور والبغي والتيه
يـا ذيـب قـافـك سـار مع كـل نجّـاب *** ولقيـت كلـن يا فـتى الجـود قـاريـه
واليوم بالصدفة حدا الربع لـه جاب *** قلت أبي أشوفه لو تكرمت عطنيه
خطـك قريت بهامشه شرح وكـتـاب *** وعـنـوانـه البـارز رسالـة وتنويـه
يا من رفعـت الصوت داعي ونـّداب *** وبسـم عـنـزة صنديد وائـل تناديـه
منظوم وجهته عـلى عصم الأشناب *** وشكيت لـلي يستمع صوت داعيـه
خالد سليل الفيصلي ريف الأصحاب *** الوايـلي يا ذيـب صرختـك يوحيـه
ساس الفخـر يـا ذيـب ما رد طـّلاب *** ولا يستـشـك الـوائـلي لـو أتعـابيـه
الـوائـلي صفـوة عريقيـن الأصلاب *** يعــتـز باصلـه ليس يا ذيب ناسيـه
نجـل الزعيم الفيصلي هزبر الغـاب *** خـالـد زبون الجاذية ريـف ناصيـه
الـحـر الأشقـر مـن مواكيـر حطـّاب *** نــادر حــرار معــربــات مـجـانـيـه
طير السعد مجذوب من خيرمجذاب *** فيصـل عـلى فعـل المراجـل مربيـه
مـا يستـقـر إلا عـلى راس مـرقــاب *** طبعـه عـلى رقي المعالي مضريـه
صـارم شناكـر مخلبـه كنهـا حـراب *** تـنثـر ذعـاع الريش والـدم غاشيه
لا بان له خرب الحباري بالأهضاب *** بالمخـلب الساطي يخـمـه ويرميـه
يا ذيب منظومك مثـل شهد الأكواب *** نـفهـم مـرامـيعـه ونـدرك معـانـيـه
شرحت واقع لا بتـك ما أنـت كـذاب *** والـنـار يـوجع حـرها خـف واطـيه
يا ذيـب شفـنـاهم يـبـيعــون سكراب *** والكـل منهم طاوي الجـوع طاويــه
منـزالهـم بيـن الصنادق والأخشـاب *** والنـاس بـقـصـور تـزاقـح مـبانيـه
طاحـوا كمـا تذكـر عجـائـز وشيّـاب *** ولا نشمت الـلي جـور دنياه حاديـه
دنـيـاك يجـري دورهـا تـقـل دولاب *** وكـل الخـلايـق بالـوعـايـد اتـلهـيـه
الزيـر مالـت بـه وأبـو زيـد وذيـاب *** مـا يـنـطـح تـيـارهـا مـن يـنـاحـيـه
ما صار مثل ظروفهم عبـر الأحقـاب *** وحـق القـرابـه مـا يخلي بنيخيـه
( نـازح بدون) اليـوم للـربع معيـاب *** عسى الولي يضفي عليهم حسانيه
يا ذيــب هـذا غـلـب والغـلـب غـّلاب *** وش لـون كلن حـق الأجواد مهفيه
وين الشيوخ اللي يشيلـون الأوجـاب *** لـو جـو معـزبهـم طـلبهـم يـلبــيـه
مـا يصلـح التكشيخ بـبشـوت وثـيـاب *** الـوضع يـبي الـلي يحـلـه وينهيـه
يا ذيب صـارت ضدهـم كـلهـا أحـزاب *** ومن بـه حميه واقع الأمـر يعنيـه
صاروا بوسط بلادهـم مثـل الأجـناب *** وديارهم بأرض القصيم وضواحيه
وأملاكهـم خيبـر وهـذيـك الأشعـاب *** من زوعة قريظة وهم وسط واديه
يشهد لهم مشعـان وجديع وعـقـاب *** وضريح قاعد والرعوجي حواليـه
يـوم الـدبـش يحـتاج حامي وجنـّاب *** كـلـن يحـالفـهـم ويـتـرك عـوانـيـه
يوم الجفا داروا عن القحط مهـراب *** ما خـانـوا الحاكم ولا هـو مكاريـه
البدو بالصحراء يدورون الأعـشاب *** والـكـل منهـم بـاذر الغـيث يـتلـيـه
ودتهـم الـقـطـعـان للهـيـل وصـواب *** ومـن يتـبع البـل للمفـالـي اتوديـه
يـتلـون ريـف الذود بـالقفـر عـزاب *** مـا همهـم غـيـر الحداء والمداويـه
والحضر راحـوا بين عامل وجلاّب *** والـكـل تـرّك غـرستـه مع سوانيـه
راحـوا يدورون المرازق بالأتعـاب *** لـديـار تـدمـر والـزبـيـر وحـراويـه
بضمير وارض الشام وديار سحّاب *** حتى مصر والهنـد داجوا باراضيه
لا شـك لـو داجوا عـلى كل الأقطاب *** الـمـاء كمـا قـالـوا يعـود لـمجاريـه
تـفـرقـوا يـوم البـلـد صـارت تـراب *** من عاد شاف اللي يسره ويرضيه
بامر الولي اريف بلدهم بالأخصاب *** والـدار فيها الخيـر تجـري سواقيه
مـسـوح يــروي درهــا كــل حـّلاب *** صـافـي لبنهـا يابـس الكبـد يرويـه
بجهـود مـن خلآ البلـد كـرم عـنـّاب *** حقـق هـدف شعبه ولا خاب راجيه
عبدالعزيز اللي من اعداه مـا هـاب *** واصـل كفاح وعـاد مجده وماضيه
وحـد جـزيرتـنا عـلى خيـل وركـاب *** بالسيـف الأملح كـل مشرك يصفيه
بالسيف يـردع كـل عـابـث ونهـاب *** حـكـم بعـدل وحقـق الـلـه مساعـيـه
شهر صقيل السيف قطـاع الأرقاب *** سيف العـدل ماهوعلى الظلم حانيه
الساطي الـلي له بالأضداد مضراب *** مـن عـاوده زومـه بـحـده يـداويــه
مضراب سيفـه ما تشافيه الأطـباب *** حـده شطـيـر ومـن تعـاوج يـذكـيـه
يا ما جـزر بـه من منافـق ونصـاب *** ومن طاغيـه جبار وإبليس مغـويه
شرّه على اللي صايبه كبر واعجاب *** مـن ثقـل نـفسه ما تـمكـن أتحاكيه
مـن خـالـف السنـة يحطـه بسرداب *** ومـن يقـترف جنحة بذنبه يجازيـه
طوع طواغيت الحواضر والأعراب *** صنـديـد مـا جامـل عـدوه أيـداريـه
دق الأفاعي وأنتـزع شوكت الـداب *** وخـلا الحنش ما عاد بالسم يوذيـه
كف المغازي وأنتهى شلح الأسلاب *** وخـلا العشايـر تـرجهـن بـمفـاليـه
وكـلـن مخيّـر بيـن سفـره ومنساب *** مـن جاع له يشبع ومن عال يكويه
ما ربح مـن يأخذ عن الحق مجناب *** مصقـول أبو تركي يصافح علابـيه
والـدار غيـره مـا بغـت كـل خـطاب *** جـاهـا الزعيم الـلي بغـاهـا وتبغـيه
ومن ساد من نسله للأمجـاد كساب *** حـيـث أبـو تـركي للمكارم موصيـه
وكان أبوتركي غاب عنه الفهد ناب *** يـنهج على نهجه ويمشي مماشيه
الحـاكـم المأمـون نطـاح الأصعــاب *** ذخـر العـروبـة مـن لجأ لـه يلجيـه
فهد مسك من عروة المجد مقضاب *** ملاذ من هـو جايـر الوقـت يشكيـه
فهد ملاذ اللي اشتكى ضيم وارهاب *** قـائـد عـموم الشعب والحـل بيديـه
الليث مـا دونـه عـن الشعب حجـّاب *** عـسى السعـد دوم الـليالي يباريـه
وصلوا عدد مزن مـن الغيـث سكاّب *** عـلى محـمد سـار فـي أمـر واليـه

التعديل الأخير تم بواسطة عبدالله بن عبار ; 07-26-2018 الساعة 08:39 PM
عبدالله بن عبار متواجد حالياً   رد مع اقتباس
قديم 10-21-2012, 08:34 AM   #2
صاحب الموقع
 
تاريخ التسجيل: Mar 2008
المشاركات: 10,236
افتراضي

وبعد أن رديت على قصيدة صاحب السمو الملكي الأمير خالد الفيصل وعلى قصيدة الشاعر ذيب بن بقان الصقري وحصلت على نسخة قصيدة من شخص تقّول على لسان سمو الأمير وهي تحتوي على كلام يعرف كل عاقل أن سمو الأمير ما يمكن أن يقوله بحق قبيلة عنزة جمعت جميع القصائد وعديت معهن خطاب وأرسلته لسمو الأمير خالد ثم جاء من سموه خطاب مؤرخ في 1/ 9 / 1413هـ هذا نصّه :

المكرّم السيّد عبدالله بن عبار العنزي
السلام عليكم ورحمة الله وبركاته
تلقيت ببالغ التقدير رسالتكم المعبرة عن أمنياتكم الصادقة
بمناسبة قصيدتي الملقاه في الأمسية الشعرية التي أقيمت بدولة الكويت الشقيق
المرفق بها قصيدتكم التي ضمنتموها تمنياتكم المخلصة وكذلك قصيدتكم التي رديتم فيها على قصيدة الشاعر ذيب بن بقان الصقري العنزي وملاحظاتكم حيال القصيدة التي نسبت لي عن أصول قبيلة عنزة 0
أشكركم على مشاعركم الطيبة ولا يساورني أدنى شك فيكم وفي غيركم من أبناء قبيلتكم الأماجد
والقصيدة التي قيلت على لساني قصد بها البلبلة والتشويش
وللأسف أنني وجدت أن الذي تقوّل على لساني هو من قبيلة عنزة الأمر الذي أحرجني كثيراً
ولكن على كل حال لا يساورني أدنى شك فيكم وفي أمثالكم وأشكركم مرّة أخرى
متمنياً لكم دوام التوفيق والسداد
ولكم عاطر تحياتي
أمير منطقة عسير
خالد الفيصل بن عبدالعزيز
عبدالله بن عبار متواجد حالياً   رد مع اقتباس
قديم 10-21-2012, 03:25 PM   #3
شاعر
 
تاريخ التسجيل: Jul 2010
المشاركات: 667
افتراضي

بيض الله وجهك يابو مشعل ووجه الشاعر ذيب الصقري انتم ويلان مخلصين لقبيلتكم ورفعة اسمها والذب عنها والتصدي لمن يحاول النيل منها ولكم صدور المجالس وقيمة في نفوس أبناء القبيلة .. أما الشعراء المرتزقه ((المهرجين)) المداحين الباحثين عن المال والشهرة كما هو المتقّول على لسان الامير فأقول الله لا يكثر امثالك وسود الله وجهه فليس أقبح من الكذب بالرجال وهو كذب وتقوّل ألا أن يظهر ويعترف بما أقترف ويتوب لله عز وجل !!!

............. اقتباس من كلامكم :
....والقصيدة تبلغ ثمانون بيتاً وقد غضب البعض من تسائلي عندما قلت :
وين الشيوخ اللي يشيلون الأوجاب *** لـو جـو مـعـزبـهـم طـلـبـهـم يـلـبـيـــه

ما يصلح التكشيخ بـبشـوت وثـيـاب *** الـوضـع يـبي الـلـي يحـلّـه ويـنـهـيـه
شوفوا جماعتكـم يبيعـون سـكـراب *** ولا نشمت اللي طاوي الجوع طاويه
نـازح بـدون الـيـوم للـربـع معـيـاب *** عـسى الـولـي يضفي عليهم حسانيه
يا ناس هذا غلب والغلب غلاّب *** وش لـون كـلـن حـق الأجـواد مـهـفــيـه
اليوم صارت ضدهم كلها أحزاب *** إلى آخر ما قلت


.....والله ما قلت الا الصحيح واللي يبي يزعل من الصدق لا رضي أبداً والبدو يقولون قبل فك نياقك والا تعذر عنهن عسى ان يفكهن خيراً منك وحنا نقول للشيوخ بلا استثناء أما ان تقومون بهموم ومشاكل قومكم والا سلموا ختومكم وعداكم اللوم !!!

التعديل الأخير تم بواسطة عبدالله بن عبار ; 11-08-2022 الساعة 04:33 PM
الرجال العنزي غير متواجد حالياً   رد مع اقتباس
قديم 10-21-2012, 06:23 PM   #4
صاحب الموقع
 
تاريخ التسجيل: Mar 2008
المشاركات: 10,236
افتراضي

المكرم الفاضل الرجال العنزي شاكراً ومقدراً شعورك نحوي وبخصوص الرجال الذين تذكرهم فأننا نشعر بمرارة من تصرفات بعضهم ولا نريد كشف الحقائق وهذه القصيدة لها تداعيات ما أستطيع أصرّح بها لأنها بالحثل ونقول الله يهدي من أضل الطريق القويم ودمت بخير

التعديل الأخير تم بواسطة عبدالله بن عبار ; 11-08-2022 الساعة 04:33 PM
عبدالله بن عبار متواجد حالياً   رد مع اقتباس
قديم 10-21-2012, 11:50 PM   #5
نائب صاحب الموقع
 
تاريخ التسجيل: Dec 2007
المشاركات: 1,258
افتراضي

بارك الله فيك يا ابو مشعل . دائما كنت ولا زلت تدافع عن قبيلتك وسباق في اعطاء الصوره الحسنه دائما :
متعب الفققي متواجد حالياً   رد مع اقتباس
قديم 10-31-2012, 12:03 PM   #6
شاعر
 
تاريخ التسجيل: Aug 2011
المشاركات: 360
افتراضي

تسلم ابو مشعل ماهي غريبه منك الحمياء على عنزه لأنك انت اهل الحمياء والمواقف يوم مانلقنا من يقيف امام المواقف الكبيره والذود عن القبيله 0 الف الف شكر لك 000
نهير بن رخيص غير متواجد حالياً   رد مع اقتباس
قديم 11-08-2012, 09:38 AM   #7
مشرف الشعر الشعبي الصوتي
 
الصورة الرمزية سعد فرحان الجفران
 
تاريخ التسجيل: Jul 2010
المشاركات: 379
افتراضي


وافي يابو مشعل وبيض الله وجهك , ونادر اللي يفعل مافعلت تجاة قبيلة عنزة

دمت بود ,,,
__________________
من ابيات الشاعر والأديب عبدالله العبار :
مـن قـال ابـن عـبـار فـرّط بـوايــل ** حـظه ضعيف وتايـه البصر غـادي
لا تصدقونـه يا شخوص الحمـايـل ** مالـه سنـد يمشي عـلى غيـر قادي
الـلـي كـتـبـتـه لـه اسـنـاد ودلايــل ** مـن واقـع التـاريخ عـنـدي مـبـادي
الصـدق يـبقـى دوم والكـذب زايـل ** ولا يـحــّرف الـتـاريخ درد ودوادي
سعد فرحان الجفران متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
صورة نادرة للملك قيصل وموقف من مواقف الفيصل عبدالواحد التركي أعلام من قبيله عنزه في الوقت الحاضر 5 11-22-2015 07:10 AM
قصيدة مهداه لسمو الأمير أحمد عبدالله بن عبار الركن الخاص بقصائد الشاعر عبدالله بن عبار العنزي 2 07-20-2012 11:34 AM
قصيدة في نصرة الرسول صلي الله عليه وسلم عطاالله سوالف التعاليل 2 06-24-2011 07:21 AM
ملاحظة والرد من عبدالله بن عبار التمام الأنساب العام واستفسارات الأنساب 2 10-06-2009 05:47 PM
سمو الامير /متعب بن فهد الفيصل ال سعود ولد الجزيره المنتدى العام 3 04-22-2009 05:25 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:57 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009