الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر عبدالله بن عبار العنزي
الركن الخاص بقصائد الشاعر عبدالله بن عبار العنزي كل ما استجد من شعر شاعر قبائل ربيعه الشاعر عبدالله بن عبار والإسناد عليه
 

إضافة رد
 
   
أدوات الموضوع انواع عرض الموضوع
 
قديم 05-04-2019, 07:20 AM   #1
صاحب الموقع
 
تاريخ التسجيل: Mar 2008
المشاركات: 8,852
افتراضي قصيدة كريم الذايدي والرد وقصائد ثناء

مساجلات وقصائد ثناء جديده
قال الشاعر المعروف كريم الذايدي هذه القصيدة يسند على زميله عبدالله بن
دهيمش بن عبار وقد أرسل هذه القصيدة مسجله بصوته عبر الواتساب :

الشـعـر يـشـكي لـي تـصـاريـف الأقـدار *** يـقـول وضع القـاف مـزري ومكسـور
الـوقـت هـذا سـاحـة الـشـعـر تـنـهــــار *** حـتى التـراث اصبح لته سنين مذخور
ويـن الـمـثـايـل والـمعـانـي والأشـعــار *** ويـن الحروف الـلي لهـا البال مسرور
الـيـوم كـلـن صـار شـاعـر وبـيـطــــار *** ويقـول لـي فـي ساحة الشعـر جمهـور
مـتـوج نـفـسـه عـلـى كـل مـضـمـــــار *** ويـقـول مـا لآحـد مـعـي لـلشـعـر دور
الـشـعـر والـلـه يـسـتـوي لأبـن عـبـار *** أنـا اشـهـد أنـه بـالـتـمـاثـيـل دكــتــور
الـلـي الـيـا قـال الـنـصـايـح والأفـكــار *** فيهـا المعـاني مـن أحاسيس وشعـور
شـاعـر ويكـتـب سـيـرة المجـد تـذكـار *** الـلي جـمع تاريخ وايـل مـن عـصـور
يا شـاعـر الـويـلان يـا وافـي الأشبـار *** الشعـر يشكي لي من الـوقـت مقهـور
مـا اعـم أنـا الشعّـار فـي كـل مـا صار *** لاشـك أخـص الـلي مـكـابـر ومـغـرور
الــذايــدي عــبــّر مـن الـقـول مـا دار *** من صوب عرعر والهلالي وأبا القور
أزفــهــن وأخــصـهــن لأبـن عــبــار *** بالخـيـر جـعـلـه طـيّـب العـلـم مـذكـور

قال عبدالله بن دهيمش بن عبار هذه القصيدة مجاراة لقصيدة الشاعر كريم الذايدي:
يالـذايـدي يـالـلـي مـن العـزوه خـيـار *** ياكريّـم الـلي مـن الـرجاجيـل منعـور
الـلـه يـحـرّم والـديـنـك عـلـى الــنــار *** مجـدتـني يـا طـيّـب السـاس مشكـور
شـهـادتـك يـالـذايـدي تـاج واشـعــار *** أفـخـر بـهـا واعـتـز يا صايب الشـور
حـيث أنت من لابة هل السّلم والكـار *** دهـامشـة تـدلـه بـهـم شـمّـخ الـخـور
ربـعـك مـحـددت الـجـمل نسل عـمّار *** نالوا مفاخرهم عـلى السّرج والكـور
ولا اقـدر أعـد افعالهـم حيثهـا كـثـار *** تاريخهـم فـي صفحة المجد مسطور
والوضع اللي يالقرم تلفـت الأنـظـار *** الشعـر تذكر صار بـه نقص وقصور
أنـا بـعـد مـثـلـك من الوضع محـتـار *** لاشـك مـالي يا فـتى الجـود مـقـدور
طـبـع الـزمـن يـا نسل الأجواد دوّار *** يا مكـثـر الـلي صـار بـارز ومشهور
كـمـا تـرى يالذايـدي بعـض الأنـفـار *** يسعى حثيـث وبالمحافـل لـه حضور
لو كان شعره وسط يطلع لـه انصار *** وينال شهـره عـقـب ما كان مغـمور
جـزل الشعر عند أهل العرف ما بار *** وش عـاد لـو هـزله مدوّن ومنشور

قال عبدالله بن دهيمش بن عبار العنزي هذه القصيدة يثني على الرجل الفاضل الشيخ
عبدالله بن محمد الصمعاني أبو محمد من أعيان أهل بريدة حيث دعاني على كرامه لي
وحضر عدد من رجال أهل بريدة ورجال من حرب وعتيبه فقلت اشكره :
يـا أبـو مـحـمـد يـا سـلـيـل الصـمـاعـيـن *** يا النـادر الـلي سمعـتـك تـرفـع الـراس
سـمـعـت عـلـمـك فـي مـلــم الــدواويــن *** ومـدح الثـنـاء يـوخـذ للأجـواد مقيـاس
لا قـيـل عـبـدالـلـه ذكــر عـلـمـك الـزيـن *** عساك ما تشكي من الـوقـت هـوجـاس
ديــوان بـيـتــك لـلّـرجـال الـحـشـيـمـيـن *** مجـلـس شـرف مـابـه للأنـذال مجـلاس
يـجـمـع رجـال الـعـلـم والحـلـم والـديـن *** ولابـــه مـكـان لـكــل هــايـف وهــلاّس
عـديـت الـلي شـاهـدت بـمـجـرد العـيـن *** مـاقـلـت منطوقي هـقـاوي ولا احـداس
أثـنـي عـلى الطيّـب ولا مقصـدي شيـن *** والـمـدح مـا نـالـه هـلابـيـج واخـساس
مـجـنـاك من عـقـب الـقـروم الكـريمين *** من مارث أهـل الطيب والعرق عسّاس
ساسك عريق ومن شخوص الـوداعين *** مبطي ورثـت الطيب من جدّك شماس
مـن زايـد الـملـطـوم عـزوة قـحـاطـيـن *** بـالأزد خــطـلان الأيـادي لـهـم سـاس
زايـد مـن أحـفـاد الـمـلـوك الـقـديـميـن *** تـاريـخـهـم يـروي فـضيلـه ونـومـاس
عـزوة فـخـر تـاريـخـهـم لــه بـراهـيـن *** من يـوم سيل العـرم يروى مع النـاس
باسم الدواسر يجـمع الحـلـف جـمعيـن *** تـغـلـب وزايـد طـبـعـهـم قــوّة الـبـاس
صـاروا بـوادي مـا تـجـيـه الـمـعـاديـن *** دونـه مقـابـيـس الـوغـى دوم حـرّاس
فـازوا بعـلـم الطيـب يـوم الـزمن شيـن *** بالعصر الـلي فيـه البلاوي والأتعـاس
خـوال الـلي عـلـى الجـزيـره سـلاطيـن *** حـكـامـنـا الـلي وحـدوا كـل الأجـنـاس

قال عبدالله بن دهيمش بن عبار هذه الأبيات يثني على الرجل الفاضل قاسم بن حبيب بن
كتيران الفدعاني أبو عبدالعزيز مدير شركة الصافي بالقصيم ومناطق الشمال :
كل ما جيت القصيم أحـظـى بـداعي *** مـن قبـل قـرمٍ يسوي لـي كـرامه
مـا قـبـل عـذري ولا فـاد امتنـاعي *** وكـان مـا جـيتـه يحـملني مـلامـه
مـنـتـبـه لـلـغـانـمـه مــدرك اواعـي *** ذاك أبـو عبدالعزيز افهـم مـرامـه
قـاسم الحـمـاد طـيّـب واجـتـمـاعـي *** فيه لطف وفيه عرف وبه شهامه
دايـم يـعـاتـب اليـا طـال انقـطـاعـي *** وأن مسكني بالوعد يترك دوامـه
للـمـكـارم والـنـفـايــل دوم سـاعـي *** مـا يـدنّـق عـادتـه يـنـظـر أمـامـه
مـنـزلـه بالـطـايلـه فـوق الـرفـاعي *** يا عسى رب الملأ يـرفـع مقـامـه
صوب مشموخ العلا شبحه يراعي *** الكـرم لـه سلم يمشي في نظـامـه
مـاهـو محـابي ولا صاحب خـداعي *** منوته عن صاحبه دفع الغـرامـه
يتصّـف بالفهـم مـع وسع أطـلاعي *** ومن تواصيف المروّه بـه علامه
عبدالله بن عبار متواجد حالياً   رد مع اقتباس
قديم 05-05-2019, 08:59 AM   #2
صاحب الموقع
 
تاريخ التسجيل: Mar 2008
المشاركات: 8,852
افتراضي

أبيات كتبتها مجاراه لقصيدة أحد الشاعراء :
شـعـر الغـزل تـّركـه واحـذر تورطبـه *** أبـعـد عـنـه وانـتـبـه لـيـّاك تــشـقـابـه
أدبـر زمـانـه مـع القـرنـيـن والقـطبـه *** واليـوم وضع العـرب كـلّن قفـل بـابـه
القـصر مقفـل وسور الحوش حوطبه *** ولا تكشف الـلي داخـلـه كـود خـطّابـه
يـوم الـشبـاب وكـل خـايـع تـمغـط بـه *** بين الروابي بوسط الروض واعشابه
من شاب ما ياجـد وسيط ايتوسط بـه *** ولا ياجـد الـلي مـن العـماهيج هـلاّبـه
طرد الهوى ما فاد مـن كان ينشط بـه *** للتسليـه يـشبـه عـلـى عـزف ربّـابـه
لاشك حـرف الغـلط حـذراك تغـلط بـه *** صـوت العـماهيج للترتيل مـا ايشابـه
أوصيك ديـن الهـدى بالـك تفـرط بـه *** أحـرص لسّنة رسول الـلـه وأصحابـه
والمجلس الـلي رجـال العـز تقلط بـه *** مجلس شرف من يدخله يبدي عجابه
هـذا الـذي يبهـج ضميرك وتغبّط بـه *** مع صحبة شخوص الحمايل من اللاّبه
عبدالله بن عبار متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة معيض بن راكح الرويلي والرد عليه عبدالله بن عبار الركن الخاص بقصائد الشاعر عبدالله بن عبار العنزي 1 06-06-2018 04:19 PM
قصيدة منصور بن مرضي الجعفري والرد عليه عبدالله بن عبار الركن الخاص بقصائد الشاعر عبدالله بن عبار العنزي 6 03-31-2016 05:46 PM
قصيدة الشاعر جمعه مناور المسيكي والرد عليه عبدالله بن عبار الركن الخاص بقصائد الشاعر عبدالله بن عبار العنزي 2 03-08-2016 08:44 AM
قصيدة الأمير خالد الفيصل والرد عليه عبدالله بن عبار الركن الخاص بقصائد الشاعر عبدالله بن عبار العنزي 6 11-08-2012 09:38 AM
مولات وقصائد اعجبتني ونقلتها لكم .... اتمنى تنال اعجابكم سعد فرحان الجفران القصائد المنشده والدحه والهجيني 0 12-22-2011 05:22 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 11:59 AM.


Powered by vBulletin® Version 3.8.8 Beta 3
Copyright ©2000 - 2019, Jelsoft Enterprises Ltd 
vEhdaa 1.1 by NLP ©2009