الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر حمد بن سالم الضوي
الركن الخاص بقصائد الشاعر حمد بن سالم الضوي كل مايخص قصائد شاعر قبيله عنزه الشاعر حمد بن سالم الضوي
 

إضافة رد
 
   
أدوات الموضوع انواع عرض الموضوع
 
قديم 12-12-2012, 01:51 PM   #1
المراقب العام
 
تاريخ التسجيل: Nov 2010
المشاركات: 605
افتراضي {{ ونادى عليان لـ علي وينك ياحمّاي الجهام }}

[احبتي أضع بين أيديكم هذه القصيده والتي تشرفت بإلقائها بالحفل الذي اقامها الشاعر الكبير/ طالب بن ونيس بن شتيوي السلمي بمناسبة زواج إبنه بتاريخ 15/12/1433 هـ بمدينة القصيم وكان حفلا ً مميزا ً جدا ً بحضوره وبالقائمين عليه

يالهاجس الشعـري تعـال اليـوم يومـك والهمـام = الجـوْ جـوّ ٍ شاعـري خلـك عـلـى خُـبـري ولــيــــم
عطنـا جديـد المفـردات الـنـادرات مـن الكـــــلام = وانهل دُرر من غبة البحـر العـرمـرم والطـمـيـــــم
ماكل فرصه لا سنحت بالوقـت تحتـاج إغـتـنــام = إلا الـثـمـينـه صــرْ لـهـا سبّـاق وإغـنـم ياغـنــــيـم
لاحضروا رجال الشعر والوضع جا فيـه إحتـدام = وفي حال نادوا للقصيد انت سندي وانـت اللــزيـم
بالقاعـه اللـي نورهـا بـدّد دياجيـر الظــــــــلام = الشعـر هـبـة لـه شمالـيـه وذعـذع لـه نـسيـــــــــم
ليلة فرح ليلـة ونـس ليلـة سعـاده وإنسجــــام = وجـمعا على الطاعه كـذا عسـى لهـا ربـي يـديـــم
في مجلس ٍ فيـه نتحـدّث والسوالـف بإنتظــــام = لا سولـف الشيخ الكبيـر إصغـيـرنـا مثـل الطـريــم
والعود الأزرق ماطفى يمشي على الربع الحشام = مع دلة ٍ فنجالها يبري خـوى الـراس الضريـــم
يامرحبا بأطيب مساء وأطيـب تجمّـع وإلتــمــام = تـرحـيـبـة ٍ يـبـدابهـا الضـوّي ومـبـداهـا سـلـيــــم
للكـل أقدمهـا عسـى تبلـغ مـرادي والمـــــــرام = ماهي لأحد من دون أحد قصدي بها ضافي عميم
أقولها بسـم الرجـال اللـي لهـم منـي ســـــلام = الـلي لـهـم بـيـن القبـايــل شـان ومسـمّـى ضـخيـم
جينا لهم مـن بـاب تقديـر ومعـزه وإحتــــرام = وإجـلال لـرجـال العـظامـه جيـت والموقـف عـظيـم
الله يقدرني وأجيـب اللـي علـى قـدر المقــــام = والـلـه يـقدينـي عـلـى الـقـول المجـمّـل والحـكـيـم
عند الكريم بن الكريـم سلالـة النـاس الكـــرام = عديـم بسلـوبـه وباخـلاقـه وبـافـعـالـه عـديـــــــم
طالب زبون المرجله يلبس لهـا وشـاح وّسـام = وإن كـان للطيـب زعَمَا هـو يعتبـر منهـم زعيـم
ينسب لقـوم ٍ تعتـزم فعـل الجميـلات إعـتــــزام = زحـول الرجال القادره للكايـد الصعـب الجسيــم
العزوه اللي صيتهـا فـوق السحايـب والغـمــام = تـاريخـهـم كـل الـقـبـايـل تـشـهـده لـمـّى لـمـيـم
كبار المهابه مكرمين الضيـف مرويـن الحسـام = وريف القصير ومزبن الخايـف مجليـن الغريـم
سلمات لامن ضاقت الحيله ولك موضـوع هــام = فـزعـاتـهـم منهـا يـزول وينجلـي هـم الكـظيـم
رجّالهـم معـروف مايبـدي عـذر لا جـــــــاه زام = ولا صرْت جار ٍ لـسلمـي ماتنغلـب ماتستظيـم
وكل سلمي مخلوق معه الطيب من سـن الفطـام = والطيـب كالعـابـر سبيـل إلا ليـا وِصْلـه يـقيـم
لو وزعوا طيب الفعايـل وزعهـم راس السنـــام = قـول ٍ عليـه ثبـات لا زايـف ولا قـالـه وهيـم
هذي سجايا عزوتـي تيجـان راسـي والحـــــزام = سيوف ٍ لياحضـر اللـزوم إحـداد مافينـا ثليـم
نهج ٍ مشاه جدودنا ونمشي علـى نفـس النظـام = ومبطي كتبنـا سيـرة الامجـاد وافهـم يافهيــم
الراي واحد والهـدف جامـع ولا فيـه إنـقســـــام = وَلاَ يُحَـاوِل تفـْرِقتْنـا غيـر مـوهـوم وغشـيـم
يوم إنها بالسيف الاملـح والشلافـي والسهــــام = وحرب ٍ تصاهل حصنها وفراسها ترهم رهيم
وجتْ ساعة ٍ فيها حصل بيـن القبيليـن إلتحـــام = فيها النخاوي والعـزاوي مابهـا أحلـم ياحليم
ونادى عليان لـعلـي وينـك ياحمّـاي الجهـــــام = كلٍ يقول ابشر وأنا عونك عمى عين الخصيـم
سيوفنا لا من هَـوَتْ تكسـر صليبـات العظــــام = وسهـامـنـا ورماحـنـا ماتضـرب إلا ّبالصمـيـم
كم خيّر ٍ مـن فعلنـا بالمعتـرك يذهـب قــــــوام = وكم طامع ٍ عاف الطمع من خوفنـا ذب الخريـم
ودخيلنـا بظلالنـا يـامـن ويـرتـاح ويـنــــــــام = وعـدونـا نـركـي عـلـى كبـده لضـاهـا والجحيـم
وكـل القبايـل والنعـم منّـا مايلحقهـم مــــــلام = ولا ينكـر أمجـاد العـرب ويـذمـّهـا غـيـر الذميـم
وانا حضوري حفلكم واجـب علـى مثلـي لـزام = أحضر ولو خلفي من الأشغال ما الله بـه عليـم
هذا ماقـال الجعفـري والعـذر منكـم بالختـــــام = عسى السعـد يبقى لكـم طـول الليالـي مستديـم

وسلامة الجميع

[/align][/color][/size][/font]
__________________

نقره لعرض الصورة في صفحة مستقلة

التعديل الأخير تم بواسطة عبدالله بن عبار ; 12-16-2012 الساعة 06:42 PM
حمد الضوّي متواجد حالياً   رد مع اقتباس
قديم 12-12-2012, 02:12 PM   #2
نائب صاحب الموقع
 
تاريخ التسجيل: Dec 2007
المشاركات: 1,258
افتراضي

صح لسانك الاخ الكريم الشاعر حمد الضوي حفظك الله ورعاك والحمدالله على سلامتك ياوجه القرابه لو والي مثل شرواك نكن له كل احترام وتقدير
من رجال الحميا والعرف والمعرفه حفظك الله بالصحه والتوفيق
متعب الفققي متواجد حالياً   رد مع اقتباس
قديم 12-15-2012, 01:00 PM   #3
عضو منتديات العبار
 
تاريخ التسجيل: Apr 2012
المشاركات: 17
افتراضي

ابداع غيرمستغرب من ابو خالد ويستاهل ابن ونيس والسلامات عاامه


سلم راسك ياابو خالد
فوازالعنزي متواجد حالياً   رد مع اقتباس
قديم 12-16-2012, 03:02 PM   #4
المراقب العام
 
تاريخ التسجيل: Nov 2010
المشاركات: 605
افتراضي

اقتباس : المشاركة الأصلية كتبت بواسطة متعب الفققي [ مشاهدة المشاركة ]
صح لسانك الاخ الكريم الشاعر حمد الضوي حفظك الله ورعاك والحمدالله على سلامتك ياوجه القرابه لو والي مثل شرواك نكن له كل احترام وتقدير
من رجال الحميا والعرف والمعرفه حفظك الله بالصحه والتوفيق


متعب الفققي



صح بدنك لقد تشرفت بمرورك عساني ما عدمك يابن العم
وشرواك الطيب ولاعليك زود
عسى عمرك طويل




الف تحيه لشخصك الكريم
__________________

نقره لعرض الصورة في صفحة مستقلة
حمد الضوّي متواجد حالياً   رد مع اقتباس
قديم 12-16-2012, 03:03 PM   #5
المراقب العام
 
تاريخ التسجيل: Nov 2010
المشاركات: 605
افتراضي

اقتباس : المشاركة الأصلية كتبت بواسطة فوازالعنزي [ مشاهدة المشاركة ]
ابداع غيرمستغرب من ابو خالد ويستاهل ابن ونيس والسلامات عاامه


سلم راسك ياابو خالد

هلابك ابو باسل

مرورك يشرفني طال عمرك عسى ماعدمك
ياعصابة راسي






انقى تحيه
__________________

نقره لعرض الصورة في صفحة مستقلة
حمد الضوّي متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
مناظرة.بين عليان والمأمون احمد بن محمد الحريميس المقالات والبحث العلمي 9 12-18-2012 05:21 PM
ابي تكملة القصيدة وينك يبو مشعل ابن قبلان استفسارات القصص والقصائد القديمه 6 12-21-2010 08:18 PM
في صفحة الجهال بانت سرايرك عطاالله سوالف التعاليل 2 07-06-2010 10:33 AM
مشجر قبيلة ضنا عليان من ولد سليمان من ضنا عبيد من بشر مشعل العبار مشجر قبائل عنزه في هذا العصر 4 11-20-2008 11:01 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 11:53 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009