وهو كتاب مطبوع جمع وأعداد عبدالله بن دهيمش بن عبار الفدعاني العنزي قصص وقصائد من تراث قبيلة عنزة وغيرها من القبائل جمعت معظم هذه الحصيلة من روايات شفهية وقد سطى على ما جمعت بعض الناقلين دون الأشارة للمصدر سجّلت أشرطة من القصص والقصائد من كتابي حسب ما وردت في هذا الكتاب والبعض منهم لم يشير لها بل يدعي أنها من ذاكرته وهذا الكتاب يحتوي على أربعة أجزاء من قطوف الأزهار طبع آخر طبعة الطبعة الثالثة عام ( 1423هـ - 2003م
* مقاطع من الشعر منسوبة لجلالة الملك عبدالعزيز بن عبدالرحمن آل فيصل آل سعود طيب الله ثراه
قال الملك عبدالعزيز هذه الأبيات وهو يكافح لأسترجاع ملك الأباء والأجداد بعد إعادة الرياض :

وهـنـي الـتـرف مـنسـوع الجـديـلـه *** مـا ضـواه اللـيـل دون مـغـرزاتـي
قـاعـدٍ فـى الـبـيـت يـبكي عـزتـيـلـه *** يـوم شـاف ركـاب خـلـه مقـفياتي
وردنـاهـن هـيـت وأخـطـاه الدلـيلـه *** والمـوارد غـيـر هـيـت مقضبـاتي
مـا ورد فـي جيشنـا مـثـل الطـويلـه *** تـورد الظـميان لـو فـيـهـا حـفاتي
روحـن مثـل القطـا صـوب الثميـلـه *** ضمـرٍ تضـفي عـلـيهـن العـبـاتـي
ما يطيـب القـلب ولا يـبـرد غـلـيـله *** كـود أشـوف ركاب نجـد معقلاتـي
آه مـن قـلـبٍ عـلى حـامي المليـلـه *** لا تـذكـرت الـعـصـور المـاضيـاتي
عـصـر مـن يـنطـح مقاديم الدبيلـه *** لابـتـي لا جـاء نـهـار المـوجـبـاتي
دون حـق الـلـه نـتعـب كـل اصيـلـه *** مـا نهـاب المـوت دون مخاشياتي
مـن تعـبـث بالفـرايـض عـزتـي لـه *** تقعـده حـدب السيوف المرهـفـاتي

هذه الأبيات تنسب للملك عبدالعزيز طيّب الله ثراه وهو يكافح لتوحيد المملكة
ويذكر الشجاع المعروف الأمير محمد بن عبدالرحمن الفيصل رحمه الله :

هجـننـا داجـن عـلى نـجـد وحـمـنـه *** والقطيـن نصبحـه قـبـل الصـلاتي
كـنـس الـعـيـرات راسـي شـيـبـنــه *** كـل يــوم مــقـبـلات ومـقــفـيـاتــي
الـكـرى عـفـتـه عـيـونـي حـاربـنـه *** سـاهـرٍ بـالليـل عـيـني مـا تـبـاتـي
مـن طعـن بالسيف جهـده مـا يكنـه *** وكـان ذبــن رديـنـاهــن للـرمـاتي
قـال محمـد سبلوا وأرخـوا الأعـنـه *** وأحتموا دون الركايـب يا شفـاتي
مـا حـلا ذب الـقـفـوش خـلافـهـنــه *** بأمهـات أصبـع ودقـس مطمساتي
أن ذبـحـنـا المـوت للصبيـان سـنـه *** وأن سلمنـا سالميـن مـن الشماتي

نـحـمـد الـمـعـبـود خـلاق الـبـريـــه *** مـدني بـالـعـز والـنـصـر المـبـيـن


عــز نـجـدٍ والـحـرم فـرضٍ عـلـيــه *** مـلــك جــدي والـجـدود الأولـيــن


مـن سـلايـل فيصـل مـا حـنـا نـزيـه *** عـقـب تـركي جـامـع دنـيـا وديـن


تـركـي الـمـشـهـور حـماي الـونـيـه *** سـاطـي الحـديـن حـده مـا يـلـيـن

يا الـلـه يا الـلي ما بعـد صـك بـابـه *** أنـت الغـني والناس كـلـه مقـاليـل


رب السمـاء رب الـوطـأ رب مـابـه *** يـا رب موسى ورب طـه وجبريـل


تـعـلـم مـا لا نـعـلـم خـفـي خـفــابـه *** وننسى ولا تنسى من الفاظ ماقيـل


يـامـن عـلى العاصي شديد عـذابـه *** نـرجو العفو يامن عذابـه ابسجيـل


يـارب تـجـعـل طـلـبـتـي مستجـابـه *** لا تواخذن في بعض الأعمال والقيل


قـال الـذي زيـن الـمـثـايـل بــدابــه *** شاطر على ملوى غـريب التماثيـل


ألــفٍ هــلا بـالـلـي لـفـانـا جـوابــه *** واللي على كـوار النجايب مراسيل


الـحـمـد لـلـبـاري عـلى مـا جـرابـه *** عـز الإمـام ورد كـيـد الـمـغـالـيــل


كسرت عصا من سب دين الوهابـه *** والديـن ديـن الـلـه ولا فيـه تبديـل


بـكتـاب ربـي عـز مـن هـو كـتـابـه *** ويـعـز ديـنـه بالشيـوخ المشـاكيـل


والـلي رفع دينـه وشرعـه دعـابـه *** جـد الحمـولـة بالسنيـن المساميـل


جـدد بـنـا الكعـبـة والأبـطح بـنـابـه *** مـا غـش ديـنـه بالبـدع والأباطيـل


أحـرق هـل القطب الجنوبي لهـابـه *** بعصيهـم مـن عقب نقل المواصيل


وأهوى على المشهد وهّـدم اقبابـه *** مـا طمعـه عـن شان دينـه براطيل


وحـل القطيف وسخر أهل الخشابه *** وصاروا هـل الديرة لخيله زماميل


وعشى أهل النقـره وعشى الذيابـه *** وجابوله النيرات والجيش والخيل


وركـبـت مراكيبـه وسـارت اركابـه *** عـلى الجزيرة ما بعـد مشوا الريل

والشيـخ حـمّـل بالمـحـامـل زهـابـه *** وجيشه وخلا زايـد الشيل ماشيـل
شيـخ طـلـب رب الـمـلا والـرجـابـه *** وعنـد الشدايد يفرح الرب لا سيل
وحـّول بـفـارس والـقـرايـا مشـابـه *** وهـدم بهـا اصنام وذبّـح رجاجيـل
وهـدت بـلاديـن الـعـجـم بـارتهـابـه *** وساقوا لـه الجزيه صغـار مذاليـل
ومسقط وكل عمان شرعه قضابـه *** وأهل اليمن جوله على غير تنكيل
هـذي حـدود سعـود حاشه اكسابـه *** ملكه غـدت فيـه الغرايس مضاليل
والـلي حـواه سعـود فيصل حـوابـه *** ويـبغـيـه نايـف بالسنين المقابيـل
وفي عـرفنـا فيصل حضرنـا جنابـه *** بتيـفـان حكمـه لعـبـنـا بالمصاقيـل
وأنـا مـع الـلـي يـلعـبـون الكـعـابـه *** وجيشـه يزكي يـم الأميـال والسيل
ومـن عـنـده أيـتـام لفيصل عـنـابـه *** جـابـوه لـلـي يحـتسب للمحاصيـل
ربـى وقـرى والـقـواعــد عـطـابــه *** والرمـل والعميـان رتـب لهـم كيـل
ديـدن أبـن مـقـرن وطبـعـه ودابــه *** يفرح إلى جاء طالب العـلم بالحيل
بـنـا المساجد لأجـرهـا واحتـظـابـه *** وفي كـل ديره لـه وقوف وتسابيل
بالفعـل لأفعـال الصحـابـه ايـشـابـه *** خليفـةٍ مخـلـوق فـي تـالـي الجـيـل
مـات الإمــام وكــل حــي درابـــــه *** وعسـاه مجـزيٍ بـعـفـو إلـى سيــل
ورث حــرارٍ قـطـّـع مـن اصــلابــه *** عـلى المعادي مـن كبـار الغرابيـل
وأخـذهـا أبـو تركي عريب النسابه *** من صفوت المقرن ربيع المهازيل
الشيخ أبن فيصل شبـوب الحـرابـه *** لا مـاتـت النيـران شـب المشاعيل
يعـطي السبايـا والمطـايـا الجـلابـه *** مـن منهـل مـا صـار مثلـه مناهيل
الـوايلـي مرذي النضى هـو عذابـه *** المقرني معطي المهـار المشاويـل
يـا نـور نـجـد وسورها وأنـت بابـه *** يـا هـاجـد الحكـام فـي مظلم الليـل
يـا شـوق مـن كـن الـوالـو اعـذابـه *** نجل العيون الـلي هدبهن مضاليل
يطـوي عـلى زيـن التـرايـب ثيـابـه *** الجـادل الغـرمـول زيـن الخلاخيـل
غـرو غضـيض وتـو زمـة شبـابـه *** عسلـوج يزهـاه الحـلي والتـداليـل
لـو دش مع فـرق الظبـا مـا تهـابـه *** متـنفـل بـالـزيـن ظـبـي الغـراميـل
كـن الـقـمـر فـي لـبـتـه لا شـعـابــه *** ينسف على المتنين شقـر العثاكيل
الـورد والـريحـان جملـة خـضـابـه *** والعنبر الأصلي مع المسك والهيل
عبدالعزيز الشلـف يـروي احـرابـه *** زبـن الـمـتـلي والسبـايـا مجـاويـل
هـديـت راس الـلي براسه صعـابـه *** يا أبـن الإمام الـلي عـليه التماثيـل
فـنجـال مـن ضـدك تـرشفـت مـابـه *** تعـيش يـا شارب جميع الفنـاجيـل
شيخ رفـع ديـن الـولي وأعـتـنـابـه *** وعـنـد الشدايـد بالملازيم حـلحيـل
الـنـادر الـلـي مـا يـخـيـب الـغـذابـه *** الساطي اللي يتعب الضمـر الحيـل
كــم حــلــةٍ خــلا يــلــج الـنـعــابــه *** يبشر عـدوه بالنكـد وأشنع الـويـل
السيـف الأمـلـح لا تـولـى انـصابـه *** شـره على اللي يلبسون السراويل
من أرض الكويت أقبل لأمرٍ نوابـه *** بعـزم وحزم ولا بغـا الشيخ تدويـل
وخصمه بحد السيف مكن صوابـه *** الحرالأشقر يضرب الخرب تشهيل
الـحـمـد لـلـه يـوم حـل الـقـضـابــه *** والشيخ مـا تدبك عـليـه الدهاويـل
صـابـه بـمـخـلابٍ يـشـل الــدمـابــه *** شاف الحرار وجول الصيد تجويل
والـلي لقـا فـي قصـر جـده عثـابـه *** وعذا قصر تركي بضرب التناصيل
حـرٍ تـذكـّر مـاكــره وارتــكــابـــــه *** لـولاب سـردال المـلـوك السراديـل
والصيد ضاع وساع ممـا احتمابه *** والموت لاجا ما عطا الناس تمهيل
وجـب قـرانـيسـه وخّـيـب اغـرابـه *** شـوره بـراسـه مـا يطـيع الدعابيل

بـشّـر طـيـوره والـقـنـص ودهـابـه *** لـولا الـبـراقـع قصصن المحاحيـل


نايف جلس بالبيت وأضحاالضحابه *** لا جـت مـن الله ما قوتها المعاليل


يـوم اقبلـت جـت بالهـدى والقـدابـه *** ماكن أخو نوره شكاالظيم والميل


طـيـر السعـد رب المـقـاديـر جـابـه *** بيـن الـفراش وبين زين المعاميـل


وأعـداه صبّحـهـم بشـمشـول لابــه *** وخـلا لهـم يـوم الحرايـب تعـاويـل


والـلي حضر كون الإمام اغـتـنـابـه *** وخـلا الأعـادي بالقـرايـا مهازيـل


وصكـوا عليـه من الوهايـل قـرابـه *** عوجـا لهـا عـنـد الوقايـع تـنـافيـل


شـرابـة الـبـن الـخـضـر والـغـلابـه *** مرويـن سـلات السيوف النواحيل


والـنـو يـنشـا مـن جـنـوب نـشـابـه *** من الشرق للقبلـة غـدا كنـه الليـل


أهـتـزت بــه نـجـد وحـل الـبـلابـــه *** وتخلخـل الـلي حركـوه الرجاجيـل


ثـّور مـن المنشـا يـزيـد الـطـهـابـه *** مخيلـه أثـقـل مـا مشى بالمخايـيـل


مـثـل الـجـبـال الـلي تـعـزل ربـابـه *** ناشي بشر وشايل ما الغضب شيل


تضحـك مقـاديمـه وتـبكي عـقـابـه *** صوت الرعد منه الخلايق مواجيل


فيّض من العارض على من نوابـه *** يبـي الحريب الـلي عليـه الدواليـل


كـل الـطـيـور تـخـايـلـه والـذيـابــه *** فـي جـرت الناشي تـنحت مشاميـل


أحـرق اعـداه بضربـة مـن شهابـه *** بشهب تنازا مثل وصف المحاحيل

ومـر الـديـار وحـّرق الـلـي لـقـابـه *** ولا ظن عاش اللي تنوشه هماليل
ورام الـبـلاد الـلـي هـواه انـتحـابـه *** يريـد مـن يـنطح وجيـه المشاكيـل
وكـلـن يطالع يـوم حضروا غيـابـه *** يـوم هـداويـه المنـاعيـر والـخـيـل
بـايـمـان عـّيـال تـصـالـي لـهـابـــه *** قبس المدافـع فـوقهـم لـه تعـاويـل
أصلا بهـم وأحـرق عـدوه صـلابـه *** وأعـدم شغـاميم العـدا بالمصاويـل
وداروا بـدورات المجـالس احبـابـه *** بامفضفضات عقب نقل المعاويـل
يـدهش ويرهش عـايقـه مـا نشابـه *** نـو بـروقـه مثـل وصـف القناديـل
هبـت وشبت وأحـرقـت من هقـابـه *** يـوم العشايـر لـزم الجـمع تجميـل
هلـت عـلى العسكر حقوق السحابه *** قـب السبـايـا والـقـروم الحلاحيـل
سـار الأميـر وصـاح بـوري كلابـه *** وصارت لحمران العتاري غـرابيل
الـلي ذبـح والـلي سلح فـي ثـيـابـه *** والسالـم الـلـي حـدروه الجمـاميـل
وهـلت عـلى روس المناعير مابـه *** صمع البنادق والسيوف المصاقيل
وأخـذ بـوادي مـا حصيـنـا حسـابـه *** نـضـيـع لا قـمـنـا نـعـد المحـاويـل
دبـت هـل الـعـوجـا عـليهـم ادبـابـه *** ومن طاح بـوجيه المغلين ما شيل
بـالـمـارتـيـن الـلي تـلامـع اخشابـه *** بيـديـن صلفيـن الـرجـال المغاليـل
غطى على القطب الجنوبي غبـابـه *** وانزل عليهم من حجر طير أبابيل
وهـد البيـوت الـلي المعـادي بنـابـه *** واللي وقـع بنحورهـم قشه السيل
والـكـل يـذكـر مـثـلـهـا مـا جـرابــه *** والخزن عـنـد المرجلة والزماميل
والـعـايـل الـلـي دونـهـم يـنـفـدابــه *** راسـه حقن دم الجماعـة إلى شيل
وأن علـق المخـرف حويـل زهـابـه *** يشرب صراه ولا يـذوق الشهاليل
بـالـلـيـل هـجـاد الـعــدو مـا درابــه *** وبـالـقـايـلـه لـه بالأشـدة مقـايـيـل
تشكي النضى من غب ليـل سرابـه *** يـا مـا سـروا فوق النجايب مقابيل
يـوصـل حـريـبـه لـو بـعـيـد تـرابـه *** من غـب كونـه يشبعون المهازيـل
كـم هـيـة غـطى الـنـوازي ضبـابـه *** داس الحريب ونـال بالحكم ما نيـل
داس الخطرواروىالخضر ماروابه *** لاوا الزمن ما صف ريش الحواقيل
عـنـدي نصيحـة دام بالـنصح ثـابـه *** طيعـوا كلامي وافهموا يا مهابيـل
كـلـن يـشـّرع لـلـمـصـالـيـخ بــابــه *** قبـل البـلاوي والمحـن والـزلاليـل
طيعـوا لأبـن مقرن وخوذوا وجابـه *** وصيروا مماليك لمرذي المراميل
عـن راجـي مـثـل الـدجـا ينـدعـابـه *** يشتب باركانـه سـوات المشاعيـل
ينشي تحـت بـرقـه دمـار وخـرابـه *** جـنـايـز بـمعـصفـرات الشنـاشـيـل
مـا سركـم مـن غـركـم فـي خطابـه *** ولا عف عنكم يوم دور المصاويل
نـخـاف مـن جـرح يضـيع الـدوابـه *** جرح يـزيد الشرح ما يلحق الميل
بالسـم الأبيض مـن يميـنـه سقـابـه *** الـلي فـنـوا والـلي تـبقـوا معـاليـل
والـلـي كـسـاه الـلـه بـعـز كـسـابــه *** وكلـن يفضل مـورد العـز تفضيـل
والـتـاج يـزهالـه كـبـار الـمـهـابـــه *** فـازوا بها المقرن ولا فيـه تشكيل
من جـاء تحت حكمه لـزوم عفـابـه *** يـا شيخ فـيهـم لا تطيـع العـواذيـل
أعـز بـعـزه لابـسـيـن الـعـصـابـــه *** من الحجاز إلى حمى شاطي النيـل
نـجـد الـعـذيـه غـيـركـم مـا لـهـابـه *** لـو هـم يكيلون الـذهـب بالمكاييـل
يا شيخ زيـن البنـت وش يـنـبغـابـه *** لا مـا حصـل لمبقـش البـز تـفعيـل
يـا شيـخ محـدارك مـتى يـنهـقـابـه *** يـم الحسا تقضون باقي المشاغيل
وتـطـهـرون الـلي عـليـهـم جنـابـه *** والجـرب تطلاهـا بروس المثاميـل
والـدولـة الـلي بالحسا وش لهابـه *** راس الصنم بالسيف يحتاج تنزيـل
وبعمـان مـن يرجيـك في ما دنـابـه *** رجوا المطر يحي الديار المماحيل
والسـيـف مـكـن بـالـعـلابـي ذبـابـه *** ظـلـم بهـم عـدل وعـدل بـهـم ميـل
السيـف الأقـصى بايـن بـه رطـابـه *** لا جـاء هواكم ذبّـل السيف تـذبيـل

وصـلاة ربـي عـد نـاشـي سـحـابـه *** ما هـل وبـل مـن حقوق المخاييـل


عـلى النـبي الهـاشـمي والصحـابـه *** الـلي بهـم صورة تبارك وتـنـزيـل

* وهذه القصيدة للشيخ محمد بن عيسى آل خليفة من مشايخ البحرين من الرباع من الحسني
من السلقا من العمارات من بشر من عنزة قالها معتزاً بنسبه إلى قبيلة عنزة أبناء وائل يقول :

عـلى نوض بـرقٍ سـاريٍ فـي سحايبـه *** هجرت الكرى ارعى من الغيث صايبه
هجـرت الكرى والحر ما يألف الكرى *** اليـا شاب قـلبـه من لظى الهـم شايـبـه
لي الـلـه من قـلب جـزوع ومن هوى *** نـزوع ومـن دهـرٍ كـثـيـره عجـايـبــــه
ونـفسٍ إذا شـديـت بـالـعـزم حبـلـهـا *** جـرت تطـلـب العـليـا ولـو عـز جـانـبـه
عـنـود هـواهـا بـان مـنـهـا مـواقـــف *** الـيـا ساعفـت يـدي بهـا الحـر واجبـه
أنـا عـزوتـي قـبـلـي صـنـاديـد وايـــل *** كـرام المساعي وأصدق القول صايبـه
هـل الجـود إلى قـل الموجود وأن لجأ *** بـهـم خـايـف مـا يـدرك الـثـأر طـالبـه
أجـاروا عـلى كسـرى وفـلـوا اجموعـه *** وغطوا صحاصيح الوطا من كتـايـبه
يريـد أبنـة النعـمـان والمـوت دونـهـا *** وهـو مـا دري أن الـبـلا فـي زغـايـبـه
بـغـى ضمت الصدر الرحيب ولا حصل *** وأقـفـا عـلى الكربوس تـدمي لبايـبـه
وهـم مربع الهلكى وهم شعلة الـوغى *** إذا أحمـر مـن عـود الـرديني ذوايبـه
تـقـول الـبـوادي كـل قـوم ولا عـنـزه *** ويكفيـك مـن تشهـد لـه الناس قاطبـه
تـرى فـرعـهـم قـومي سلالـة خليفـه *** هـل الطـول وأسطـار التـواريخ كـاتبـه
أقـول ذا وأطـول واحـذاي غـلــمـــه *** خـلـيـفـيـة تـشـفـيـك لا جــات حـاضـبـه
منـاعيـر إذا صـاح الصيـاح تـواثـبـوا *** كمـا الأسـد الـلي يفرون للضـد غـاربـه
سادوا قطـر بالسيف وأحيـوا رسـومـه *** وشادوا قصر صبحا على ركن جانبـه
وصاحوا بعـالي الصوت يا أولاد عـتبـه *** قـلـبي لـهـم من كـل حـبي اطـايـبـه
تـعـدوا لأبـن مذكـور وافنـوا جـمـوعـه *** وأمست شرايدهم عـلى البحـر هـاربـه
وسـاروا عـلى خضـر أوال وأرجـعـوا *** حـتى تـثـار الحـرب مـن كـف غاضبـه
اولاد وايــــل بـالـعــصــور الأوايــــــل *** أشبـال مـا يـبعـد عـن الغـاب غـايبـه
أقـامـوا بـهـا الشـرع الحـنيـف وعـمـروا *** مساجد كـانـت قبـل يـأتـون خـاربـه
وشـادوا قصـور العـز مزمومـة الـذرى *** يـأمـن بهـا الخايـف إذا جـات نايبـه
مـوارد لـلـعـانـي ولـلـضـيـف مـدهــل *** وغـيـث لـمـن يشـكي بـلاوي نـوايـبـه
وسلوا سيوف الهند من دون سيفـهـه *** وغـلـوا جـمـوع لـلـمـعـادي مـحـاربـه
هـذي مـواضيـنـا وفـي الـوقـت حاضـر *** يشهـد عـلى مـا خـط بالطرس كاتبـه
مـن زارنـا بـالخـيـر قـمـنـا بـواجـبــه *** ومـن زارنـا بـالـشـر دسـنـا تـرايـبـه
وسـيـوفـنـا مـن دم الأضـداد وردهـــا *** كان اعتـدى اضحت من ادماه شاربـه
أنـص الـرفـاع تـشـوف حـكـم وهـيـبـه *** وتـلـقـا بـهـا شـيخ جـزال وهـايـبـه
اليـا جيـت فـي صـدر المجـالس مسلـم *** سلمـان لـك يـفـتـر بالبشـر حـاجـبـه
تـرى بـه حسـن خـلـق ونـفس طـيـبـه *** وأن اصطفـق فاخذ الحـذر لا تقاربـه
فهـو كا سحـاب الجـو يـرجـى ويتـقـه *** صـواعـقـه تـفني وتـغـني سحـايـبـه
وأخــوه فـكــاك الــطـلايـب بــمـالــــه *** الـشـيـخ عـبـدالـلـه حـمـى مـن الاذبــه
كـريـم حـوى دق الـمـكـارم وجـلـهـا *** وأن حــارت الأفــكـار جـنــك عـجـايـبـــه
فهـم درعـي الضافي وهـم نـور ناظري *** وهـم سيفي الـلي ماضيات مضاربـه
سنـادي وعـونـي يـا سـلالـة خـليـفـه *** أرى الـدهـر دبـت بـي عـوادي عقاربـه
وضاعـت اسموت في بـيـوت كثيـره *** وراحـت كـفـانـا الـلـه اسـوى عـقـايـبـه
عليكـم بالتـقوى فهي جـوهـر العمـل *** وهـي العـروة الوثـقى لمن شـد جـاذبـه
تمسكـوا بالـديـن والسـمـت والـعــلا *** مـدى الـدهـر مـا هـبـت ذواري هبايبه
ومنـي لكـم جاهـي ومـالي ومهجـتي *** لـمـن يطـلـب العـلـيا بـأعـلى مـراتـبـه
هـذا فضـل قـومي وهـذي نصيحـته *** ولا خـيـر فـي مـن لا ينـاصح قـرايبـه