سلام ياهل المنتدى دون تخصيص=من راس شاعر بالمعاني بخيصي
غاص البحر كان البحر هيب ماغيص=صيده ثمين ولايصيد الرخيصي
يبغاء إنظمامه طالب ٍ كرت ترخيص=طامع بخوتكم عليها حريصي
والشعر والشعار مثل القوانيص=والصيد يكشف بالنظر والقصيصي
والشرّد تحوّص عن الفكر تحويص=ماصادها إلا مّارس ٍ للقنيصي
وبيت الشعر يحتاج دقه وتمحيص=حتى يصان من الكلام النقيصي
نسمع شعر يبغاء تسمكر وترصيص=وشعر ٍ ذهب صافي مصفى خليصي
من كان متعود على الخبص خبّيص=ماهو مميز بين ديمن وهيصي
ليت الشعر له قسم أشعه وتشخيص=ودكتور شعر يحط لجله خصيصي
حتى تخلّص ساحة الشعر تخليص=من كل شعر ٍ قيمته بالرخيصي