وقال الشاعر صالح بن عجاج المشدق هذا المقطع من قصيده :
يا أبو مشعل يا القرم ستر الهنوفي *** يالوايلي ما بك تـرى طـق شبشار
أعـتـز فـي مثلـك عـلى قـدر مـوفـي *** حـيـثـك فـهـيـم ولـلجـمـالات بـذار
أنـت الـذي حشت الفخـر بالكفـوفي *** ورفعت علمك بين صلبين الأشوار
عـبـدالـلـه الـعـبـار بطيـبـه ينـوفـي *** الـلي أحتـمى دون القبيلـة ولا نـار
أطلع ثنـاء ربعـه عـلى كـل جـوفـي *** وكلن يعرفـه من كبيرين وأصغـار
لوما أعتزي مابديت بالهرج حوفي *** لكن يكز النفس نوع من الأشعـار
من لا أعتزى يالقرم مثل الخروفي *** كـنـه هـميلـة بـيـن الأجـواد خـّوار
أنـت العـزيـز الـلي عـلينـا نشـوفي *** عـساك ذخـر دوم فـي كـل الأمـرار
وقال الشاعر صالح بن عوج الزواي المشدق :
يابو مشعل ياشوق ضافي الجدالي *** افـرح بذكرك كـل مـا هـب نسناس
اعتـز وأفخـر فيـك لا جـاء مجـالي *** يالحرالأشقر فوق هامات بحساس
أنـت الأصيـل وموقـفـك دوم عـالي *** يالوايلي يا تـاج راسي من النـاس
يـالـوايـلي يـا عـز مـن جـاك نـالـي *** تعـز من جالك يـبي رفعـت الراس
بالطيب والطولات هـرجك عـدالـي *** انـت الذي حصلت طـوله ونوماس
تـراك غـالـي دايـم الـدوم غــالــي *** من عزوة الويلان يا معرب الساس
هـم عـزوتـي مـابيـن مـرٍ وحـالـي *** ربعي اليـا ركبوا على قب الأفراس
ويـلان بالـلـقـوات فـي كـل حالـي *** فرحت ضميرك بالمواقف والوجاس
مـن شافهـم يعـتـز فـي كـل حـالـي *** مثل العـلم في عـالي الحيد نبـراس
أهـل المراجـل والعـلـوم الجـزالـي *** عز الصديق وكيد من يشتكي باس
لا جيتهم عـن صدري الهـم زالـي *** ومـن دور العـيلات يوطـأ ويـنداس
مـن طيبهـم يـدلـه بهـم كل سـالي *** هم نجدت المضيوم والزمل محتاس
وقال الشاعـر متعب بن نافع الخطاط هذا المقطع من قصيده :
ومن بعد ذلك لأحمـر الجمس دنيـت *** وارد حـفـيـزه والـدراهـم سـواهـا
عـنـاه أبـو سلطان وللجمس عـنيـت *** وملفاه أبو مشعل محاري مساها
يفـرح اليـا منـك عـلى البـاب دقـيـت *** كلمة هـلا من اشمام تسمع نداها
يا سرع ما تسمع عـلى طول حييـت *** مـن الـرجـال الـلـي لطيـف نبـاهـا
يفـوز وأن جـو لـه هـواشيـل للبيـت *** ما هو من الـلي يتقي مـن وراهـا
ذبـاح حـيـل مـسـمـنـات إلـى جـيــت *** مـا حسـب الـثـروة وزايـد نمـاهـا
يقـلـط عـلى صينيتـه حـايـل الـعـيـت *** يـذبح جـزيـلـه لـو تشـدد غـلاهـا
سلم لـه المكـتـوب كـانـك تـقـهـويـت *** وصـل بيـوتـي للمعـنى يهجـاهـا
نفخـر بكـم يالقرم من حين مـا جيـت *** وسويت جمالـه ما جنابي نساها
لتاريخـنـا يـا القـرم دونت وأحصيـت *** وأنا أذكر الله كيف فكرك حواهـا
تاريخ وايـل جبتهـا حـيـن مـا أمليـت *** تـاريــخ وايــل كــل مـنـا قـراهـا
ومن غيرها نشكرك يا طيّب الصيـت *** عـلـى بـيـوت بـالـمـثـايـل بـداهـا
نمـدحـك مـا نـمـدح رجـال هـتـاهيـت *** اللي عـن الطولات تقصر خطاها
وقال بنيان بن تركي السبيعي هذا المقطع من قصيده :
مشكـور يـا مـهـدي عـلـينـا كـتـابـه *** يا بن الكرام اللي لهم المجد سطر
طـالـعـت ديـوانـه وقـريـت مـابـــــه *** وباركـت مجهـوده وواجـب يقـدر
وأن قيل من هـو قلت حضرة جنابه *** أبـن عـبار الـلي لـه البيض تنشر
يـسـتـاهـل التـمجـيـد ذيـب الـذيـابـه *** اللي إلى شاف الخوي فـز وأستر
عـسى الـردي يـفـداه مـن كـل لابـه *** اللي إلى شاف الخوي صد ثـم فـر
أشتـاق للطـيـّب وأحسـب احـسـابـه *** حيـث أن بالطيـّب نمـاري ونفخـر
ولا الـردي يـا الـقـرم سـمي زلابــه *** مانيب براعي له ولا فيه ما انظـر
وقال الشاعـر سعيد بن مشحن البلوي هذا المقطع من قصيده :
الـقـاف وجـهـتـه عـلى نـسـل وايـل *** عبـدالـلـه العـبار مـن نسل وايـلي
الشاعـر الـلي بأطيـب الشعـر قـايـل *** بـأحسـن معـانـي للمثـايـل قـايلـي
كــلام مــا يـبـغــي شـهــود ودلايــل *** وأنــا كـلامـي حـاضـرات دلايـلـي
قـريـت شـعـره وأعـجـبـنـا المثـايـل *** والـلـي مـوجـه لـه ورد مـثـايـلـي
بـا قـول لـه يـا نسـل روس القـبايـل *** الـلي لهـم تشهـد جميـع القبـايلي
وجهـت لـك قـافـي وأنـا فيـك طـايـل *** للطيب دايم في هـل الطيب طايلي
جـتـك الرسالـة مـع بريـد الرسايــل *** تاصلك بحول الله سريعة رسايلي
وقال الشاعر حسن بن زاهد الجعفري هذا المقطع من قصيده :
وخلاف ذا شـديت جـمس هميـمي *** جمس حمـر يعجبـك بمزفـلت القـار
سافـر بأمان الـلـه وقبـل العـتيمـي *** يحمل رسالة من جوابات وأسـرار
ملفـاك قـرم مسكـنـه بـالـنـظـيـمـي *** يفـرح إلى جـوه النشاما هـل الكـار
يلفي على الشغموم نسل العـديمي *** القـرم أبـو مشعـل بعـيد عـن العـار
ولا أنت ربعـك ينطحون الغـريمـي *** عـقـاقـرة ويـلان مـن نـسـل عـقـّار
يتلون مصوت بالعشا مـن قـديمي *** حمـر النواظر مـا بهـم طق شبشار
وقال حسن بن زاهد أيضاً :
راكب اللي لا مشى غباره يطيـري*** لأبـو مشـعـل مرسلينـه فـي قضيـه
يـلـفـي الـمنعـور يـفـداه العـثـيـري *** شـاعـر الـويـلان عـريـب الـسميـه
فـي محـلـه تـاجـد المجلس كبيـري *** يـبـدي الترحيب وعـلـومـه عـذيـه
سـلـم المنعـور خـطـي وأتعـبـيـري *** ثـم هـات الـرد لا يـبـطـي عـلـيــــه
وقال علي بن صفوق الأشجعي هذه الأبيات من قصيده :
سر يا قـلم وأكتب تفاصيل الأشعـار *** بـاديـه من نظـم البيـوت الغـزيـرة
أكتب جـوابي وأرسلـه لأبـن عـبـار *** الـوايـلـي معـروف مـابـه مـعـيـره
الـوايـلي معـروف بـالشعـر بـيطـار *** عـز الـقـصيـر وثـم عـز القـصيره
وقال الشاعر زامل بن محمد الشغدلي هذا المقطع من قصيده :
أشيـد بكتـابـك بـه قطـوف الأنـبـات *** والـلي قـريـنـا مـن قصيـد الذيابـه
ياالوايلي أنشدك عن بعض الأبيات *** للأسمـر الـلي فـي كـلامـه صلابـه
أبـن صليبيخ الـلي تـولع بالأزمـات *** ومحسن بعـد اللي بشعره صعابـه
وأن كـان تعـرف مطلبي بالرسالات *** أبـي الـمـرد يا مسنـدي والأجـابـة
وجـزاك شكري مع جزيـل التحيـات *** تستـاهـلـه حـيثـك تجـيـد الكـتـابـه
وقال مقبل بن جهاد الحريري الطويلعي هذا المقطع من قصيدة طويله :
قـولـي صحـيح وللمـؤلـف هـديـتـه *** الـوايـلي راعـي السطـور المفيـده
الـشـاعـر الـلـي كـل قـولـه قـريـتـه *** نبـيـه يـضهـر كـل روس الـبـديـده
الـلـي بـداه الـوايـلـي مـا حـصـيـتـه *** لـكـن نـريـد الـلـي بـقي يستعـيـده
سلـم لأبـو مشعـل إلـى جـيـت بيـتـه *** حـيـثـه فـهـيـم بـالأمـور الـبعـيـده
وحـنـا تـرى مـا نـريـد هـرج فليتـه *** لا شـك منطـوق الحـقـايـق نـريـده
وأنـت الـذي لـتـراث وايـل حـمـيتـه *** الـلـه يـكـفـيـك الـغــثـاء والمكيـده
ومشكـور يـا مـن كـل ضايع لـقيتـه *** بكتـاب يـا نسـل الـرجـال المجيـده
وقال الشاعر عويّد بن عبدالله العنزي هذا المقطع من قصيدة :
سجل لأبـن عـبـار سلمت يـمـانيـك *** الشاعـر المشهور راعي السجايـل
الشاعـر الـلي بالفـصاحـة ينـابـيـك *** عـبـدالـلـه العـبـار وافـي الخصايل
لا جـيـت يـمـه بـالبشـاشـه يبـاديـك *** عـز الرفيق وعوق من جاه عايـل
أمـدح أنـا الطـيـّب ولابـه تشـاكـيـك *** أقــولـهـا والـلـه والـشـك زايـــــل
يا عـل يـالمنعـور تـنجح مساعـيـك *** بجاه الولي مولاي منشي المخايل
ويـاعـل دايـم شـامـخـات مـبـانـيـك *** وجعلك تحوش الطايله وأنت طايل
والـلـه مـالي مقـصـدٍ كـود بـاغـيـك *** تـرقى سنـام المجـد يا نسـل وايـل
وقال حامد بن معاهد العنزي هذا المقطع من قصيده :
قـال أبـن عـبـار فـي مـجـد القبيـلـه *** أبـو مشـعـل يـفـتـخـر بـالـوايـلـيـه
دايـم بـالـطـيـب قـيـفـانـك جـلـيـلـــه *** تعتـزي يا القـرم في عـز السميـه
يـوم نـار الحـرب شبت لـه شعـيـلـه *** بـنـي وايــل فـايـزيـن بـكـل هــيـه
وقال الشاعر عطا الله بن صالح العنزي هذا المقطع من قصيده :
يـلـفـي لأبـو مشعـل كـريـم وبـتـّاع *** يـرسي كما ترسي رواسي احيوده
شاعـر بـني وايـل طويلين الأبـواع *** عساه يسلم مـن صـوادف انكـوده
عـلى القبيلـه مـا رضي قول خـّداع *** يـنـفى كـلامٍ مـا تـوكـد اشـهــــوده
نفـيـتهـا بـقـول الحقـايـق والأوقـاع *** بالصدق واللي قـال جتكـم اردوده
لـو كـان قوله صدق ما منه مجزاع *** ولا يزعلك هـرج صحيح اوكـوده
وإلى اعترض تعبالـه المـرٍ بالصاع *** يـا مـا يجـنـب دربـكـم مـا يـعـوده
وعـزالله أنـك قـلـت قـول لـه أنفـاع *** وايـقـال أبـن عـبـار يثبت وجـوده
من راس لابه حق عـدوانهم ضـاع *** يـرجـع معـوّد في خـوافي الهـوده
ونعـتـز بالـلي تـدهـلـه كـل الأنجـاع *** مـا هـو كـمـا رس قـلـيلـه أوروده
وقال الشاعر عطالله بن صالح بن فرحان الضوي الجعفري العنزي :
وأبـو مشعـل سيرتـه نفتخـر فـيهـا *** سيـرت الـويـلان بالكـتـب جامعهـا
والـعـلـوم الـطـيـبـة حـظ راعـيـهــا *** واهـل الوقفـه عسى الـلـه يرفعهـا
عـد عبـدالـلـه حاضرهـا وماضيهـا *** لـه جـهــودٍ لـلـقـبـيـلـة نـتـابـعـهــا
لـو نـبي نـعـدهـا صـعـب نحصيهـا *** بحـث عـن عـنـاز بالكـتـب طابعهـا
وشجـرة يحتـار بـه فـكـر قـاريـهـا *** بالمكـاتـب طـال عـمـره مـوزعـهـا
والكتـاب الـلي السلالات حـاويـهـا *** دونـت صـدق الـدلايـل مـراجـعـهــا
شاعـر الـويـلان بالشعـر حـاميهـا *** دون وايـل كـم هـجـمـات يـمـنعـهــا
يـحتـني مـن دونـهـا مـا يـخـلـيهـا *** ومحتـفـظ بـحـقـوقـهـا مـا يضيعهـا