وقال فايز بن فرحان بن سويلم الغضوري هذا المقطع من قصيده :
يـا أبـو مشعـل جيتـك مسيّـر ونشّـاد *** عـن مـا يـدور اليـوم بعـيـال وايـل
اشـوف كـتـب صـادره مالـهـا اعـداد *** يا فـزعـت الـلـه مابهـا قـول قـايـل
بعض العرب ينسب على كيف ماراد *** والبعض الآخـر راح مالـه مسايـل
تـوخـذ علوم الـلي من الناس حسّـاد *** ما خـاف رب الخـلق يـوم الهوايـل
يجمع ويطبـع بـيـن سـوري وبغـداد *** أخــذ مـكــافـاتـه وشــد الـرحــايــل
والصدق تـردع بـه مـؤلـف وقصّـاد *** الـلـي يـخـم الـقـول بـلـيـا دلايــــــل
وأنـت الأديب الـلي لـك العـلـم ينقـاد *** مـا قـيـل فـي كتبـك مزيّـف وعايـل
الـحـل عــنـدك وأنــت لـلـحــق ردّاد *** مـا ضـاع مـن حالـك ولـك الجمايـل
وقال الشاعر فايز بن فرحان بن سويلم الغضوري العنزي :
وخـلاف ذا نكـتـب بـيـوت جميـلات *** بالقـرم أبـو مشعل عريـب القبيلـه
ابن دهيمش لـه مواقـف وبصمـات *** وطبيعتـه مابـه عـلى النـاس ميلـه
جمع علوم أهل الفخـر والبطـولات *** نـوادر الـلابـه جـمـعـهـا بـقـيـلــــه
يستـاهـل التمـجـيـد والـنعـم مـّرات *** مـهـمـا نـقـول النعـم والـلـه قليـلـه
حيثه وقف واجتاز كـل الصعوبـات *** وأحصى عـدد عنـاز فخذ وفصيلـه
ولف كتابـه صدق ما هـي دعايـات *** جـمّـع بـني وايـل بصدق الوسيلـه
الـوايـلي مـبـطـي مـبـاديـه جـزلات *** شـواهـد الـتـاريـخ تـتـبـع مـسيـلـه
حـاز الفخـر وأدرك بفعله شهادات *** وفـعـايـلـه بالـطيـب كـلـن دري لـه
بذل جميع الجهـد راعـي المـروات *** وجـنـب كـلام الـثـرثـرة والـرذيـلـه
تستاهـل التمجيـد باعـلى الدرجـات *** ولـفـت لـلـويـلان شـجـرة طـويلـه
شاعـر ولـك وقـفـه بـكـل المهمـات *** ومـن حـرّف التاريخ تحرق فتيلـه
تاخـذ عـلـوم لـه بـراهـيـن واثـبـات *** مـا جبتـها بـدعـه ولا هـي هميلـه
واللي وقف بالحق صعب الملاقـات *** مـن عـانـده يـتـلـف وينهـد حيـلـه
تشكر عـلى فعلك بصدق الروايـات *** أنـت الأديـب وكـل حـمـل تـشـيـلـه
الصدق لأهـل الصدق مابه نقاشات *** والـرجـل فـي ممشاه عـقلـه دليلـه
جـمـيـع مـا قـلـتـه عـلـيـه الـدلالات *** ومن لا تبع للحق ما مـن حصيلـه
ولايسلم المخلوق من غير غلطات *** والـلي يـبـي يشـنـاك ربـه كـفـيـلـه
ما أوفيت في حقـك ولكن عـبـارات *** ولاني بشاعـر يـا زبـون الدخيـلـه
وقال الشاعر عوض بن شوباش الكويكبي الرويلي هذا المقطع من قصيده:
لـلـوايـلي مـهـداه صـافي الحـديـده *** مـثـايـل تـشـبـه لـذايـب شهـدهــــا
عـبـدالـلـه الـعـبـار نـعـم الـولـيـــده *** الـيـا كبرت القالات حلـل اعـقـدهـا
وافـي الخصـايـل والفعـايـل فـريـده *** شوق الهنوف الـلي تكنـا بولـدهـا
كـل الـمـفـاخـر والعـلـوم الحـمـيـده *** كسبتهـا بالطـيـب وانـتـم سـعـدهـا
يـفـداك ولـد الـلاش مـوزع بـريـده *** بـالـكـذب والنمـات كـبـدي لـهـدهـا
يـوم الـمـواقـف والـمـهـار اللكـّيـده *** افعـالـكـم بـالـكـون كـلـن حـمـدهـا
فـدعـان مـن ويـلان نـعـم الـبـديـده *** انـتـم هـل الـطـولات وانـتم سندهـا
مـاكـر حـرار فـي شـوامـخ مشيـده *** روس العـلا زبـن الـونيـه صعدهـا
يـوم الـوقـوت الممحـلـة والشديـده *** تـركي عسيـرات اللـيـالي فـهـدهـا
لمفـطحـات الحـيـل تـصـوت عبيـده *** كلـن يـدور الطيب وهـذي وحدهـا
يـوم النضى ينساق بعـود الجـريـده *** فـي صفحـة التاريخ نصه سردهـا
شـم الـذراء دوم بـحـمـاكـم رغـيـده *** تـرعـى بـذراكم كـل خابـط بيـدهـا
يـوم اللـقـا بالكـون يشهـد شهـيـده *** كم سربـه الفدعـان تـقـلع ضمدهـا
سقـم الحـريـب مطـوعيـن العـنيـده *** أنتـم عـمى العـدوان وانـتم رمدهـا
حـوض المنـايـا مـا يـهـابـه وريـده *** فـرسانـكـم بالكـون تـبـذل جهـدهـا
شرواك نظم القـاف عـمـه وسـيـده *** أنت الأديب اللي المفاخر حصدهـا
وقال الشاعر عوض بن شوباش الكويكبي الرويلي :
حـي الـزمـيـل الـلي لفـاني جـوابـه *** مـن فوق حمراء بنت حـرٍ اعماني
قريت انـا المضمون بطيـت كتـابـه *** قـاف تـجـلـى فـي جـزيـل المعـانـي
مـثـل نـفيس الـدر حـرفـه صفـابـه *** بـانـت تـباشيـر الـفـرح يـوم جانـي
عـبـدالـلـه العـبـار مـن روس لابـه *** يـا ما لجموا صـم الرمـك بالعـناني
حريبهـم مـا يـرتـجي مـن صـوابـه *** ولصديقهـم بالكون سـور وأمـانـي
واعـلـومهـم بالطـيـب كـلـن درابـه *** مـاهـي خفيـه مـن قـديـم الـزمانـي
فـدعـان مرويـن الغـلـب بالحـرابـه *** سقـم المعادي فوق بنت الحصاني
عـاداتـهـم بالطيـب مـا هـي جـلابـه *** يشهـد لهـم بالطيب قاصي ودانـي
يـا فـخـر وايـل شيبهـا مـع شبـابـه *** حـر تـشـهـل واعــتلا بـاكـفـخـانـي
يـالـصـارم الـبـتـار يـا نـمـر غـابـه *** عسى بحياتك ما تشـوف الهـواني
يـفـداك مـن بـالـسـم يعـتـاش نـابـه *** حـوى الـقبـاحـة والـلـغـا باللساني
تـبـر الذهب وانحاسها ما ايتشابـه *** ولا تـشبـه الهـزلات جـل السمـاني
وقال فهد بن عبدالعزيز السبيعي هذا المقطع من قصيده :
قـم يا نـديـبي ود قـاف عـلـى أيـش *** ثـم أوصـلـه لـلي سـديـده اشـواره
يم ابو مشعل سترضافي العكاريش *** الـوايـلي بـالطـيـب بـانـت اخـبـاره
ملفـاك ابـن عـبـار نسـل الحناتيش *** الـلي اليا جـاه الضيف يلقـا وقـاره
الـلي يهبـش الـبـن بالنجـر تهبيش *** مـع دلـة يـعـجـبـك خـنـت بـهـــاره
فنجال يجـلي غـم روس المداويش *** شرابـه افضل مـن شراب الزقـاره
وعقب المهيّل حط حيل على عيش *** حيـث الكـرم طبعـه وسلمه وكـاره
مـن ساس لابـه بالملاقـا مـداغيش *** كـان اعتـلـوا بالكون قـب المهـاره
اولاد وايـل يـوم عصـر التحـاويش *** اركـوا عـلى كبـد المعـادي مـراره
يـوم اللقـا يـردون ورد المعـاطيش *** فـوق الـرمـك والجـو كتم اغـبـاره
عـدوهـم صـابـه رعـابٍ وتشـويش *** ربـعـه كعـام الضـد لا صـار غـاره
بالكـون يـروون الرمـاح المراييش *** وكم فارس مجدوع برض المعاره
مالـه عن الثنتين لـو طار بالـريـش *** امـا اخـتـيـار الـمـوت ولا فـــراره
هـذي فعـايلهـم بعـصـر التـنـاويش *** بـيـن الـقـبـائـل لابـتـي بـالـصـداره
قـلـت الصحـيح ولا عـلـيـه تباليش *** واللي جحـد ما اشكل عليه انكـاره
قـلتـه ولا ابـي انبش العـلـم تنبيش *** ويكفـيك عـن كثـر الكلام اختصاره
الطيب لأهـل الطيـب مابـه تغـابيش *** والمـرجـلـه تـرهـا للأجـواد شـاره
ولا الـردي يامسندي كـنـه اكديـش *** العـفـن عـفـن ولا ذكـر بـه نـمـاره
الـلـه يكـافـينـا شـرور المغـاشـيش *** لا بـد مـن بـعـد الصعـود انـحـداره
خبث وحسد واهبال الاومعه طيش *** مـا عنـدهـم غـيـر النكـد والقمـاره
أوصيك طنش دايـخ العقـل تطنيش *** والـذيـب مـا قـزاه نـبـح الـجـعـاره
ابعد عنهم لـو كـان تسكن خرابيش *** جـهـدك لعـفنيـن الطبـايـع خساره
والله مـا قصدي من القول تحريش *** مـار الـبـلا بالقـلب زاد اضطجـاره
وقال الشاعر حوري بن مناور بن حركان المضياني هذا المقطع من قصيدة:
مـد مـن عـرعـر يـبي حـي النظـيـم *** يــم ريـاض الـعــز وديــار الـكـرام
يـوصـل الـلي لابـتـه ضـد الخصيـم *** كـان صـار الجـو بــه عــج وكـتـام
لـبـو مشعـل وصـلـه وأحـذر تـقيـم *** مـن تـقـهـوى لا تـأخـر لـلـطـعــــام
خـل عـذرك مـقـنـع عـنـد الـحشيـم *** الـلي مثـلـه مـا يجـي درب الـمـلام
قـل عـلام الـشـعـر كـنـه مستـظـيـم *** الـحـداثـه غـيـّرت بــه يـا حـــــرام
شـعـرهـم لا هـو حـنيـن ولا رهـيـم *** خـايـفـيـن بـسـبـتـه يـذهـب عــدام
ونحمـد الله ما انتهى وضعه سليـم *** مـار اشوف اليـوم مـافيـه اهـتمـام
ومـثـل أبـن عـبـار الـحــر الـعـديـم *** فـاهـم بـالـقـيـل مـن سـن الـفـطــام
لــه كــلام مــا تـلـفـظ بــه غـشـيــم *** ولا تـغـنـت بـه سـمـيـره أو هـيـام
ولا لـحـن بـه بـالـوتـر عـبـدالحليـم *** ولا غـنـي بـه بـالمسارح بالـغـرام
مـن ربـوع فـعـلـهـم مـاضـي قـديـم *** خصمهـم تـجـيـه رجـفـه بالعـظـام
حـنـاتـيـش بـالـلـقـا ضــد الـجــريـم *** الـيـا تـلاقـوا بـالشـلافي والحسـام
وعـزوتـه الـويـلان لاشـب الهشيـم *** جـارهـم محـروس دايـم مـا يـظـام
وقال الشاعر حوري بن مناور العنزي :
الشعـر لـه نـاس تـعـرف المـبـادي *** ولا كـل قـول بـالـمجـالـس تـقـولـه
أستغـفـر الـلـه مـا ظـلمنا العـبـادي *** وبعض نظام الشعـر ماني بحـولـه
مثـل أبـو مشعل فـي معانيـه قـادي *** قـولـه كـمـا عـد الذهـب بالعـمولـه
عـبـدالـلـه الـعـبـار قــرم الــولادي *** حـرٍ مـجـرب مـاضـيـات فـعـولــــه
مـا بـيعـوا شعـره بسوق المـزادي *** وموقـعـه فـي بصمته ما اوصلولـه
وقال الشاعر سعود بن حزوم المطرفي هذا المقطع من قصيده :
ملـفـاك بـيت الـلي للأجـواد ميـلاف *** عـبـدالـلـه العـبـار هـو مـنـتهـاهـا
رجـل كـريـم وبالمـواجـيـب عـّراف *** ونفسه عـلى طاعـة ولـيـه هداهـا
الوايـلي يـفـرح بهـتـاش الأضيـاف *** وبمقـابـلـك نـفسك تضيّـع شقـاهـا
شاعـر بـني وايـل وبانسابهـا نـاف *** ذروة سـنـام المجـد شـام ورقـاهـا
سـلـّم عـلـيـه وسلـمـه مـني القـاف *** وقـلـه تـرى أبن دهـام بيّح خفاهـا
اشوف انابعض البشر طبعها جاف *** يابو مشعل وش علمها وش بلاها
وقال محمد بن فالح بن رفيع الركابي هذا المقطع من قصيده :
سـلام يالـلي انظـار شـبحه بـعـيـده *** يا مؤلف التاريخ بأحـداث الأجـداد
وايـل تـاريـخـه كـلـنــا نـسـتـفـيــده *** ولا ينحصر تاريخ وايـل بالأمجـاد
تـقـبـلـوا بـالـمـجـد مـنـي قـصـيــده *** ربعـك لهـم ميقـاف عنـتـر وشـداد
مـن معـدن الفـولاذ صـافي حـديـده *** مـا ايطوعـه بالـنـار طارق وحـداد
الكـل بسوق المجـد تـظهـر حـميـده *** دونـتـهـم لـكـل قــاري ونــشـــــاد
مـن مـنـبـع بـالـجـود نـعـم البـديـده *** يوم أنها في وقـت صولـه وملكـاد
أن هاجت الهيجاء وجـالـه رعـيـده *** أفـعـالـكـم يـسوقـهـا صـوت رعـاد
حـمـيـتـك يـالـقـرم مـاهـي جـديــده *** أن حـل بشين اللغـا صوت وعـنـاد
لـو كـانـوا الأخصـام يكثـر وعـيـده *** مـا وقـفـك مـن جـاك صايل وهـداد
والعـيـد فـات وحـل بـالـيـوم عـيـده *** امواجهـك يالقـرم يا ضـد الأضداد
وقال الشاعر عبدالمحسن بن نايف السيوف هذا المقطع من قصيده :
حييت باعـلى صوت عـد الشفايـف *** طـاريـك نسمع بـه قـديـم وهلحيـن
سـمعـتـك بـيـرق لـلـثـريـا تـنـايـف *** قدرك يابو مشعل على الراس والعين
وشفـنا رجـال تعـتـزي بـك تـكايـف *** لا جابو اسمك دبلوا النعـم سبعـين
لا هـي ريـا ولا مقصدي قول زايف *** أنـا اشهد أنـك كفـو والربع مقدين
تبحر وترسي وأنت عارف وشايف *** غـرفـت مـن بحـرٍ تـلاطم بشطيـن
شـط يـورد لـك جــزال الـتـرايــــف *** والشط الآخـر عـلـم نسل العريبين
وقال عبدالله المرزوق الجميعه هذا المقطع من قصيده :
قـم يا نديبي واشرح العلم بوضوح *** اليا جيت عـنـد الـلي يحط السمينـا
شهم وكريم وعـنده البـاب مفتـوح *** عـبـدالـلـه الـعـبـار مـن غـانـمـيـنـا
الـلـه يجيـره مـن بـلا كـل مشفـوح *** ومـن كـلـمـة الحـّساد والظـالمـينـا
وقال الشاعر فرج بن عوده الجعفري هذا المقطع من قصيده :
احـذر شواميـت البشـر يـزعلـونـك *** تـرى الكلام الشين للشخص ما ذاه
لا يا أبـو مشعـل لا تخيّـب اظنـونـك *** حـنـا معـك بالـلي طـلبـتـه وتـبـغـاه
أولاد وايــل بـالـلـقـاء يـحـتـمـونــك *** اطـلب ومنـا صـادق العـلـم تـلـقـاه
بـذلـت جـهـدك كيـف مـا يشكرونـك *** والـلي بذل جهده بالأحسان نجـزاه
ما اريـد أنـا بـأقـوالهـم يـشمـتـونـك *** ولا تنقبـل منهـم سوالـف ومـزراه
مـن شرهـم يـا مسنـدي يتـركـونـك *** ولا ينبدي هـرج عـلى غيـر معنـاه
بس بكثيـر الـهـرج لا يـجـرحـونـك *** والعــبـد رب الكـون يعـلـم خـفـايـاه
واصلك مسيرك جعل ربـي يصونـك *** ومن كان مثلك كيف تجهل مزايـاه
والـلي قصر ممشاه يا القـرم دونـك *** ما يوصل الـلي تبذله خاب مسعـاه
واعـرف تـرى لـك لابـة يمـدحـونـك *** اسـمـك لـنـا تـاج ورمـز حـمـلـنـاه
وقال الشاعر فرج بن عودة الجعفري أيضاً :
سر يا قـلـم وأكتـب جديـد المكاتيب *** مني لـبـو مشعـل كتبـت المـراسيل
واخترت انا الجوال دون المناديـب *** جهـاز لا سلكي وعجـل المواصيـل
قـلتـه وانـا والـلـه يا راعي الطيـب *** ودي بشوفـك يـا رفـيـع المنـازيـل
وقال فرج بن عودة :
في خـوتـك يالـقـرم نـفـرح ونغـنـم *** حـيـث الـذي شرواك قـدره رفـيعي
عـساك مـن كـل الصواديـف تسلـم *** يالـلي لـربـعـك دوم حـصن منـيعي
لـولا المعـزة مـا دعـيـنـاك واعـلـم *** أن الجـواب أرجـيـه مـنـك سريـعي
وقال قال فرج بن عوده :
حي الجواب اللي لفا بزين الأخبار *** مـن شاعـرٍ يـاعـل عـمـره مـديـدي
يا مرحبـابـه عـد ما تـنـبـت أزهـار *** واعـداد ما تـنشى مزون الرعيدي
من عند أبو مشعل للأشعار بيطـار *** نـعـم يا ابـن عـبـار طيبـك يـزيـدي
انا اشهـد أنـك طيـب مابـهـا انـكـار *** ودرب الـردى يالقـرم عنك بعيـدي
لـك عـنـدنـا والـلـه مـعـزه ومقـدار *** وشوفتـك عنـدي كنها يـوم عيـدي
معـذور جعلـك باقي يا بـن الأخيـار *** وابـغـاك تـبـقـا باللـوازم عضيـدي
وانـا بـمـثـلـك يابن الأجـواد فـخـّار *** واسمح خطايه جعل حظك سعيدي
وقال فرج بن عوده الجعفري :
يسعـد مساك الـلـه يمسيـك بالخـيـر *** شروى جنـابـك ننشده كيـف حالـه
يا الله عسى علومك تجيني تباشير *** وأطـلـب لعـل الشـر يـعـجـل زوالـه
يا الـلـه يا حلال صعـب المعـاسيـر *** نـدعـوك باسمك يا عـزيـز الجـلالـه
يا رب عـفـوك وانـت رب المقـادير *** والـعـبـد يـا مـولاي تـعـلـم حـوالــه
لـو اشغـلتـني دنـيـتي بـالـمشـاويـر *** أن الـذي شـرواك أرغـب وصـالــه
لكـن عساها يا أبـو مشعـل تياسيـر *** ويحفظك رب الكون منشي خيـالـه
وقال فرج بن عوده :
سـلام لـك يا طيّـب الساس نهـديـه *** يـا شاعـراً بالـقـاف اثـبـت وجـوده
مثلك يا أبو مشعل ترى نفتخر فيـه *** بالمملكـة وأيضـاً بـخـارج حـدوده
أمدحك والـزعـلان نـوطا عـلابـيـه *** يـغـار مـن فـعـلـك وتـقـصر زنـوده
الشعـر يفخـر بـك وتفخـر معـانيـه *** الـيـا كـتـبـتـه فـاح مسـكـه وعـوده
الشعـر تـأخـذ مـنـه زيـنه وغـاليـه *** ومثـلـك صعـيب القـافيـه ما تكـوده
ما حدٍ وصل منزلك والصدق نبديه *** لـو كـان يـبـذل بالقصايـد جـهـوده
قـلـتـه وأنـا مـانـي بشاعـر تسميـه *** وآخـر ختـام اقبل سلام ابن عـوده
وقال الشاعر فرج بن عوده الجعفري العنزي :
واليوم أنـا ناصيك يا نسـل الأحـرار *** حيـث الـذي شـرواك رايـه سديـدي
أنـا نـصـيـتـك يـالـفهـيـم أبـن عـبّـار *** تـكـفى عسـاك تـفـك يالقـرم قـيـدي
فيـك الأمـل يـا طيـّب الساس يـنـدار *** الـلـه وثـم الـلـي مـثـيـلـك يـفـيــدي
أريـد جـاهـك مـع صليبيـن الأشـوار *** حيثك يابـو مشعـل كسبت الحميدي
يا الـلـه عسى فـزعتك ليـه بالأنـوار *** بـأمـر الكـريـم الـلـه رب العـبـيـدي