صح لسانك يابومشعل على الابيات
والقافيه الصعبه
ولاخليت لنا شين مار حاولنا قدر الامكان نتجنب التكرار وهذا ماتيسر مجاراه للقصيده
ابيات متواضعه نامتى ان تنال اعجاب القارئ الكريم

هيضني شعـر ٍ مابـدى فـيه خمْله
.……………………من نظم ابن عـبـار مـعنـاه عـنــده
الشاعر اللي معوسر القاف تَـمْ له
.……………………جاب المـعـانـي من العسل مثل قنده
صعب القوافي بـرْقٍ تشـوف رمْـله
.……………………كردوبـها مصملـخ مراقيـه سـنـده
وحنا نشاوح عـمله بصـرف عـمـله
.……………………مـن عــوهـلـي ٍ زامـي ٍ زاد مـنـده
ابْكـار فكـري صـدّرن منــه جمـله
.……………………يرعن مــَرَا ولااوخـمن بالعَلَـنْـده
ضمران وفرس منفّـشـن فيه زمله
.……………………في قرشعن مابه قـواطي مَرَنــده
حـرايـر ٍ مانـاشهـن مـوط ثــمْـله
.……………………ماعطّـل الـراعـي بهـا كـم زنــده
يا ماحلا سِـحْـلٍ تمثـنـن بطـمله
.……………………ويا ماحـلا ذومـالهـن يـوم نَـنْـده
منا معمقهن حَسْمَنا من حَسَمْ له
.……………………غريب لفـظه يسبـقه ريـح رنـْـده
تمثيل شاعر صعب بدعه رَهَـمْ له
.……………………لـه نوهـة ٍ ابـعــد مـن انْيـوزِلَـنْـده
من دلّـتــه مكنـون شعـر ٍ نظـمْ له
.……………………فنجـالها لصميدع ٍ بـــان صنــــده
مِـدّه لابـن عـبّــار يـالبـال قـمْ لـه
.……………………مراد قـــولي هـاك مـضمون فنــده
رد ٍ على اللي ساس عِلمه هـدم له
.……………………منسوجـه بعنـّـــاز مفضـوح كـنـْـده
اللي نسبـنا يــوم جـاه وبـَـرَمْ لـه
.……………………شـــلـفـاي راحـت بيـن متنـه وثنْــده
الجرح غـايــر عـازي ٍ مـنـه دمْـلـه
.……………………واقـــفى بطمان القـاع عـدّه خــلـنْـده


وسلامتكم