قال الشيخ الشاعر نايف بن رحيّل الشبيعان العواجي هذه القصيدة مجاراه للقصيده السابقه :


الـعـز يـظـهـر بـاحـتـدام الـمـلـمــــات *** والمدح نقص أن قيل من غيربرهان
والكـنـز مـاهـو بـالـذهـب والـريـالات *** الكـنـز ربعـك لعـتـزوا وأنـت بلشان
مـا يـرفـع الـرجـال كـثـر الـدعـايــات *** ولا يـجـمـلـه ألا الفـعـايـل بـالأيمـان
يـا كـثـر مـا شفنـا مضاهـر وحفـلات *** باسراف فاحش ترفضه كـل الأديـان
ويا كثر الاسما اللي ظهرت بالقنوات *** هـذا سلـيـل المـجـد وهـذا بـلـيـهـان
ويا كثر كـذب الناس وكثر السخافات *** ومن قال هذا من الغلط صار غلطان
ويـوم أنتخى ممدوح يحتاج وقـفـات *** تـبـينـوا أهـل الـفـخـر والخـفـي بـان
لا تـشرهـون اليا افتخـرنـا بالابـيـات *** الـيـا ذكرنـا الحـق مـن دون نقصان
والـلـه مـا بـالـقـلـب كـره وحـزازات *** ولا بـنيـتي تهـميش ولا فيه حـقـران
لازم نـمـيّـز كـاسـبـيـن الـجـمــــالات *** ونـعـدهـم بـالاسـم شـكـراً وعـرفــان
عـيـال وايـل بـالـعـصـور الـقـديمـات *** بـيـن القبايـل والـدول شانـهـم شـان
عـاداتـهـم كسـب الفـعـال الحـميـدات *** أن كـانـهــا بـالـطـيـب ولا بـشـامـان
كـم دولـة مـن فـعـلـهـم مجدهـا مـات *** وكـم دولة قامت على عضود ويلان
يعني ورثـنـا المجـد مـاهي خـرافـات *** وأمـجـادنـا مـاهـي بـحـاجـه لتبـيـان
وضع الطلوحي سهل مابـه صعوبات *** تيسير مـن رب الخـلايـق والأكـوان
والـلـه لـوهـي دبـلـّت عـشـر مـــرات *** الـوايـلـي مـا يـشتـكي ظـيـم سجـان
نـاس تـدور الأجـر فـي كـل الأوقــات *** ومـن جـاء حميـا دم مـاهـو بغلطان
الـوايـلـي طـبـعـه يـحـب الـجـمــالات *** ولا يكـره المعـروف يـكـود خسـران
الـدم واحـد مـا عـلـيـه أخـتــلافــــات *** لــو فـرقـتـنـا ديــار وحــدود بـلـدان
تـبـي الـدلـيـل إنـا سـوى بـالمـلـمـات *** وعـيـال وايـل بالمحـن تـقـل بـنيـان
الـولـدعـي مـسـجـون عـدة سـنـوات *** والـلي ارتـكـالـه جعـفـري وفـدعـان
مـيتيـن ألـف وقـعـت وسـط شيـكـات *** مـن مال أبن عيدان فرحان فـرحـان
ومـيـتـيـن ألـف دخـلّـت بالحسـابـات *** فـزع بها أبن غبين من دون نقصان
وذيـاب بـن عـايـد دفـع لـلـقــرابــات *** ستّه وخمس أصفار مقصوده احسان
وسـعـود خـتـمـهـا بـخشـم الـريـالات *** مليـون خاتمـة الـديـه تـعلـن أعـلان
أربـع أسامي مـن ضنـا عبيد بالـذات *** فـازوبهـا يـوم الـردي خاطـره شـان
عـنـد الطـلـب مابين ربعي أختلافات *** جميع الأسماء تروح وتصير ويلان
جاريت أبن عـبـار في بعض الأبيات *** درع عـنـزه مبطي وحاضر إلى الآن
وخـتـامـهـا تـحـيـزمـوا لـلـثـقـيـلات *** نـبـي لـنـا تـنـظـيـم واضـح لـلأعـيـان
لا قـدّر الـلـه لـو دفـع تـسـع ديّـــات *** يـصـيـر دربـه بـيّـنـن دون تـبـيـــــان


قال عبدالله بن دهيمش بن عبار العنزي هذه القصيده جواب لقصيدة الشيخ الشاعر نايف بن رحيّل الشبيعان العواجي :


يـا حـي مـن صاغ البـيـوت العـذيـات *** نـايـف أبـن رحيّـل حـفيـد الشبيعـان
عـسـاك تـرفـل بـالـهـنـا والـمـسـرات *** يالـفـاهـم الـلي تنظـم القـاف باتقـان
لـك بالحميـه يا أبيض الـوجه عادات *** ما دك بـك يالجعـفري عـرق جابـان
لـي عـنـدكـم يالـقـرم قـدر وكـرامـات *** لمستهـا مـن أبـوك وأخـوك سلمـان
افـعـالـكـم بالطـيـب مـاهـن غـريـبـات *** وقـفـاتكـم مـا تـنسي عـبـر الأزمـان
مـثـل الـدروع الـلي تـصـد الأصابـات *** كـانـه بـدأ طـعـن الشـلافـي بمـيـدان
لا صـار مـابيـن الخصوم أصطدامات *** مـا طعتـم الـلي لجهدنا قـال جحـدان
الـلي عـلى البـاطـل يـبـث الأشاعـات *** ويجهر بهرج الـزور في كـل ديـوان
من جامـل الـلي لباذل الجهـد شمّـات *** ينـفى الصحيح ويعتمد قـول بهتـان
لـو المـراجـل يابـن وايـل رخـيصـات *** كـلـن كسبهـا من حـواضـر وبـدوان
لاشـك فـيـهـا يالـسنـافـي صـعـوبـات *** ولا تاجـد الـلي حصّل الطيـب مجّـان
والـنـعـم بالـلي يـبـذل المـال بسكـات *** نـال الأجـر وأفـرح عجايـز وشيبـان
نفخـر بالـلي تجمعـوا وقـت الأزمـات *** نـقـوة نشاما مـن مشاهيـر الأعيـان
تجمعـوا مـاهـو عـلى شـرب كـاسات *** ولا هو على الفتنه ودعم الذي خان
ولاهو على شري الضماير بشرهات *** ولا هـو عـلى تجميع توقيع شيخـان
ولاهـو عـلى تشجيـع زيـف الكتابات *** من أجـل تزويـر النسب فود عوجان
ولا هـو عـلى تنميق صوغ العبارات *** منطوق اللي قلبه من الحقد مرضان
هـذا أجتمـاع العـز مـاهـو اجتماعات *** الـلي يـثيـرون الحـزازه والأضـغـان
تجمعـوا فـي قـصـد جـمع الجماعـات *** جـملـة بـني وايـل قـرايـب وصدقان
مـاهـو أجـتمـاع من الهلابيج شـلاّت *** اللي مثل بالوصف طـيـر أبن برمان
بـيـن الفضيـلـه والـرذيـلـه مسـافـات *** أبعـد من المغرب عن حدود الأفغـان
أي الـسـفـيـه الـلي عـلـومـه تفاهـات *** وده يـفـوز وهـو حـواشيـه سفهـان
وأي اللبيـب الـلي عـلومـه جـزيـلات *** عـلمه يشرّف بالفخـر ويـن مـا كـان
قـلـتـه وأنـا لـثنيـن عـنـدي شهـادات *** سعـود أبـن معـتـاد والقـرم فـرحـان
سـعـود يـامـا لـعــزوتــه جــاد مـرّات *** ينـفـق عـلى جـملـة أرامـل ويتمـان
عـوايـده يـنفـق الـيـا شـاف عــازات *** ويدعم فـقارى عـزوتـه كـل الأحيان
وفـرحـان طيبـه لـه بـراهين وأثبـات *** عـنـدي شهـاده كـم محتاج لـه عـان
يـا مــا عـطـأ أويـاكـم سـاهـم بـديّـات *** وياكم زوّج صاحب الـجـود عـزبـان
مـا يـاجـد الـلي دار بـالـقـرم خـمـلات *** يبي الفخر ماهو عن الطيب كسلان
بالحاضر الماجود والعصر اللي فـات *** تلقا الرجال اجناس واشكال والوان


وقال الشاعر نايف بن رحيّل الشبيعان هذه القصيده رد على قصيدة عبدالله بن دهيمش بن عبار الجوابيه الثانيه :

مـن لا قـدر يـرد بـعـض الـجـمــالات *** أقـلهّـا لا يـجـازي الـطـيـب عـــدوان
ومن لا قـدر للناس يعـطي ابتسامات *** اقـلـهـا يـسـكـت ولا يـطـوّل لـســـان
ومـن لا وقـف فـي لازمه بالمهمات *** حـظّـه مـن الأجـواد صـدّه ونـسيـان
ومن صد عـن ربعـه بـوقت الملمـات *** لا يشتـكي لا شـاف بالعـين حـقـران
ومـن زاد مـالـه لا يسـيء الـقـرارات *** النـاس ما تدمح خطأ الرجل لا بـان
واليا ظهر يظهـر عـلى العـز بسكـات *** وأدع الولي يحفظك من كـل شيطان
وأحـذر تـضخم صـورتـك بـالـقـنـوات *** واتعيد عـنـد الـلي لفـزعتك شفقـان
الـنـاس مـا تجـهـل ابـعـض الحـركات *** والكذب ماهـو طبع ذربين الأيـمـان
وأن كنت تبغي لـك من الناس قدوات *** شف عندك بن غبين والقرم فرحان
ومـن المهيـد اثنيـن عند الضرورات *** نـعـم بـهـم مـلـيـون يـوم اللّغـا شـان
فـيصـل أبـن فـيـاض عـز الـقـرابـات *** تـرثـت شـيـوخ باللقاء شانهـم شـان
يـوم وصـلـه عـلـمـك تـبـرّع بـديــات *** قـال بـفـرنـسـا سـجلـوا شيـكـه الآن
وذيـاب راعـي الجـود ماهي دعايات *** سـنـّه ضحـوك وبالملـمـات مـاشـان
تــبــرعــه لـلـه مـن دون غــايـــات *** بـيّـن وبعـض النـاس غـيّـب ولا بـان
وسعـود كـسّـاب الـثـنـا والـجـمـالات *** مثـل الجبـل في وجـه الأحداث مالان
مـا يـضهـر الـرجـال ألا الـضـرورات *** سعـود أبيض وجـه يوم الطلب حان
والجعـفـري راعي اليـديـن الكريمات *** جـزل العـطـأ والمـد فـرحـان عيدان
مـاهـو مـن الـلي يعـشقـون اللّـقـاآت *** لـكـن بـوقـت الـلازمـه حـي فـرحـان
الأربـعـه تـصـدروا بـالـكـشـوفــــات *** ولاهـي مـهـونـه بالـذي بعـدهم عـان
الطيّب مثل الصيد والصيد عـرضات *** عرضات من يقنص وللصيد جوعان
بالمملكـه صـارت مساعي ولـزمـات *** الـلي سـعـى لـلـه يـجـزأ بـالأحـسـان
والناقصيـن أهـل الـردى والحـيـالات *** قـولـوا لهـم راعي الحيالات خسران
ورجل المواقف لو تجيه اعـتراضات *** مـا يـتـقـي لا شـاف حـاجـه لـويـلان
رضى البشر يعرف من المستحيلات *** ومـن التجـار أبطـأ بمسعـاه ربـحـان
خذ لك مثل حاضر ويجري بالاوقـات *** رجـل لـربـعـه طـول الأيـام مـا خـان
درع عـنـزه الـلي حـمـاهـا بالأبـيـات *** جـزاه بعـض الناس شكوى ونكـران
والـلـه لـو أنـه يـجـيــب الـمـطـمــات *** مـن خالفـه بالـراي لـو كان ما كـان
قبل الممات وكان هـو مـا بـعـد مـات *** مـا يشوف مـنـا باقي العـمر جحدان
كـنـا مـعـاهـم يـوم دور الـقـوامـــات *** مـابـه سـلـيـمانـي ولا فـيـه فــدعـان
تـاريـخ حـافـل بالفـخـر والبـطـولات *** وعـز تـوارثـنـاه من ماضي الازمـان
يـا درع يـا درع عـنـزه بـالـثـقيـلات *** مـا ينكـر جهودك سوى قلب مرضان
بقلوبـنـا لك يابن عـمي احـتـرامـات *** مــحـبــة لــلــه مــن قــلـبـه ولـسـان
لـو يقـدمـون اعـداك زافـات زافـات *** يـا درعـنـا حـنـا لـك نـصـيـر شـامـان
مـاهـي سـوالـف لـيـت ولا آفتـراآت *** لـك عـنـدنـا جـمـايـل ماضي الأزمـان