ديوان خليف ابن سعيد العنزي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-25-2013, 03:17 PM

قصيدة ( بعض البشر ينقد على غير معلوم )

بعض البشر ينقد على غير معلوم
... يدخل بأمور غامضه مايعرفهـــــا
ليا صار ماعندك علم ما أنت بملزوم
... خل الأمور الماشيه لاتحرفهــــا
تصير لنفســـك أنت ظالم ومظلوم
... والمعرفه إياك لاتستلفهــــــــــا
العلم ماهو بعناد ومكابـــــــر الزوم
... ولاهو سوالف طايره تختطفهـــا
خلك مع التيار تســـــلم من اللوم
... وخل الأمور الباقيه لمحترفهــــــا
لكل بضاعه بسعرها يفرق السوم
... بأنواعها وأشكالها ومختلِفهـــــــا
اللي ماهو سباح مايتقـــــن العوم
... خذ الحذر من غلطتن تقترفهـــــا