بيــــحي خلا لاباس يامكضومه
عـــن الملآ دع بالك المتعلـــــي
لاتذخرينه في حجا المرجومه
ياما يطيب الكيف خوذي خلي
وتنصي الفـــراج للمزحومــــه
المنهي المتمشكله بالحلــــــــي
اللي يسوق القسمه المقسومه
سوق المزون لياصلقن صلــي
الله ومن عزّه عطاه الشــومه
ومن لايعزّه بشّره بالــــــــذلي
ودستور يارفاّية المثلومــــــه
يفـــــداكم المتبلّم المتحلّـــــــــي
وجدي على التعلله المهضومه
آخذ بها الراحه ولايزوّلــــــــي
من قبل نتبع ربعنا المرحومه
زلوا وباقي شكلهم ما زلـــي
والقلب شفه خنّة القيصومــه
ماشفّه أبعد من كذا لا واللــي
لاوالذي يعلم خفى المكتومه
ولاشفّه الدنيا تجي وتولــــي
صيوّرها تقطع نفس حلقومه
هذا الوكاد وسترها كاف لي
يوم أبتصر بالفانيه لاهومـــه
تآخذ ضحى وتبرهج المتسلي
وشلون أباآمن غيبها بقدومه
خوف الرزين يخادن المختلي
منصور حواس الرويلي