قصائد مدح وشكر وثناء برجال افاضل - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

يوم أمس, 07:13 AM

قصائد مدح وشكر وثناء برجال افاضل

قال عبدالله بن دهيمش بن عبار العنزي هذه القصيدة يثني على الصديق الوفي الشيخ الفاضل عبدالله بن عبدالمحسن المبدل بعد حصل انقطاع الوصل بيني وبينه مدّة من الزمن بسبب وعكة المت به وشفاه الله واتصلت به ورد يحمد الله ويرحب وفرحت لسماع صوته وقلت هذه القصيدة :

الصوت اللي عبر المهاتف سمعته *** صو ت الذي ابهج ضميري وسرّه
عبدالـله الـلي يرفـع الـراس نعـتـه *** من فضـل خـلاّق المـلأ زال شـرّه
الوصـل يا عـز الخـوي مـا قطعتـه *** عسى الولي يكفيك شـر المضـره
قدرك على روس الشوامخ رفعتـه *** تصعـد بطيبك فـوق نجـم المجـرّه
بـرج العـلا فـوق الكـواكـب طلعتـه *** ومـن شـاف فعلـك قـال لـلـه درّه
فـعـلـك بطـيـبـك يالمبـدل صنـعـتـه *** ولا حصل منـك قصور مثقـال ذره
يـا مكـثـر الـلي من جميلـك نفعتـه *** بـالـجـود عـنـدك للـرفـاقـه مـبـره
والـلي عـذل بالشح ما يـوم طعته *** وانت الذي فعـل الفخـر ما يغـرّه
وانـت الـذي فعـل المراجل جمعته *** الطيب والأحسان شخصك مـقـّره
تشري رفيقـك ما ذكـر يـوم بعتـه *** أنـت الـذرا عن لفح بـرده وحـرّه
يا شيخ في مدحط قريضي بدعته *** لـك الشكـر يا مسندي الـف مـرّه

قال عبدالله بن دهيمش بن عبار هذه القصيدة ثناء على الأستاذ الصحفي الاعلامي رمضان بن جريذي أبو مهند حيث ينشر مقالات تلامس أحاسيس وكل من اطلع على منشوراته بجريدة الجزيرة يتذّوق معاني الكلام الطيّب فقلت :

يا ابـو مهنـد كـل منطوقك جـواهـر *** يا عزيز الشأن تلفظ هرج صايب
اشهـد انـك فـي بليـغ القـول ماهـر *** بالتجارب شفـت بالدنيـا عجايـب
الصحيح تبينـه فـي صـوت جـاهـر *** ويفتخر بك كل شـب وكل شايـب
دوم هرجـك واقعي والقـلب طاهـر *** يا عسى يفـدا جنابـك كـل خايـب
ما كتبـت الحـرف تسعى للمظاهـر *** الصحيح توضحه ما كنـت هايـب
منطـق لسانـك مثـل نفـح المزاهـر *** وبالقلم تختار مـن جزل المطايب
تـردع الباطل لسيف الحـق شاهـر *** بـه تحز أهل المخازي والمعايب
سيفـك المصقـول يطعـن بالأبـاهـر *** لك قلـم كالسيف يذخـر للحرايب
وأنـت لعـلوم الفضيلـة دوم ساهـر *** الـولي يحماك مـن شـر النوايـب
تنصح الباغي ولأهـل الكيـد ناهـر *** فـي معاني تشبـه حجج الطلايب
كـل فاجـر يشمـت الأجـواد عاهـر *** ومن تعـاوج تكرهه كـل القرايب
كـل ظـالـم بالبـشـر يـأتـيـه قـاهـر *** خالقه يـبـلاه فـي شـر المصايب
وبالجحيم الموقدة يصـلاه صاهـر *** عنـد مالك ينضجه حـر اللهايـب

* - قال عبدالله بن دهيمش بن عبار الفدعاني هذه الأبيات المتواضعة يثني على الرجل الفاضل أبو بندر محمد بن صالح ( شرعب كبر ) راعي البلها من العويد من العتيق من كبار الشراعبة كان يكتب مقالات مفيدة في قروب عنزة للتراث والقصص ثم ترك القروب وهو رجل منصف وعادل وعاقل وفاهم ومدرك وصادق مع قبيلته عنزة ويكتب حقايق موثقة وقلت :

أمـدح محـمـد نسـل شرعـب كـبـر *** ابـن صالـح بالفـخـر يـزداد طـيـب
شرعبي شبـره عريض اليـا شبـر *** أبـو بـنـدر عـن لزومـه ما يـغـيـب
عـن عـلومـه عندنـا عـلـم وخـبـر *** من حمول الخيل والساس العريب
مـن مـواريـه الـتـجّـلـد والـصــبـر *** يصـمـد المنعـور باليـوم الصعيـب
نـظـرتـه ابـعـد مـن ديـار جـعـبـــر *** دوم ينظـر فـوق مـا شبحه قـريـب
يـقـري الـخـطـار بـشحـوم وهـبـر *** في جفان الصين تندا من العصيب
وأن تـكـلـّم مـنـطـقـه مـثـل الـتـبـر *** صبّت اخلاص الذهب شكله قشيب
يـلـفـظ الحكـمـه ومـنطـوقـه عـبـر *** مـا تـكـلّـم كـود بالهـرج المصـيـب
يـذكـر الـواقـع ولـلـمـخـطـي ثـبـر *** اشـهـد أنـه كـامـل الـعـقـل ولبـيـب
الـغـضـنـفــر مـا يـشـابــه لـلـوبـر *** فـرقهـم فـرق الغشيـم من الأديـب
مـن قبـيلـة حـيـن يـنـذرهـم سـبـر *** يعتلـون سـروج عجـلات الهذيـب
يـوم صـافي الجـو كتّـم فـي غـبـر *** بالوغـى عاداتهـم نـطـح الحريـب
كـان جـمع الـقـوم بالـبـيـداء زبـر *** جندلوهـم بـيـن مذبـوح وصويـب
خصمهـم لا طـاح كسـره مـا جـبـر *** جـرح مطعون الشلافي ما يطيـب
كــم فــارس دامـسـيـنـه بـالـقـبـــر *** من حـراب رماحهم جرحه عطيب
مع تحيات عبدالله بن دهيمش بن عبار