����النادر اللي. هدته ماتجي دون����


ابيات رثاء في الاخ وابن العم الغالي
عبدالله عايض الدويك الهزاع المهيدي الفدعاني .
الذي وافاه الاجل المحتوم وهذي سنة الله في خلقه له ما اخذ وله ما عطى
نسال الله ان يغفر له ويتغمده بواسع رحمته ويسكنه الفردوس الاعلى من الجنه
انا لله وانا اليه راجعون ...... ولاحول ولاقوة الا بالله



مرحــوم يـا للي عـنـد الاجـواد محشـوم = وافي. ومن مثـله. لـه الناس. يـوفـون

لاشــك ابـو راضي. ســـنافي. وشـغـموم = ولاهـو. من.اللـي. باللـوازم . يـكـنون

غـالـي وقـــدره. داخــل القـلب مضـمـوم = ويامكـثـر.اللي .لابــو راضـي. يحبون

عبـدالله اللـي مــن . صــنـاديد. واقـروم = كالـنـادر. اللـي. هـدتـه. ما تجـي. دون

العـلم. غـانـم. والكــرم. طــبع و اسـلـوم = وطيب النبـا.عـاده. ومـنهـج .وقانـون

رايـه ســـديــد ولاحجب رايـه. اغـيــوم = مثـل الجــــدي واسـهـيل. للي يتيهـون

وقـت.المـزاحـم ل حـضـر يـفـرق السـوم = بالمعـرفـه له شـور راجـح ومـوزون

ولاحــدً. مـن الـزلات. خـالـي ومعصــوم = والناس تـذكـر مايـصـير ويشـوفـون

المـوت. ياراضي. امـقـدر ومحـتـوم = والـدايـــم. الله،،,,,،والمخـالـيـق يـفـنـون

كـل حـي مـنـا. يابـن الاجــواد له يـوم = ولا احـدً مخـلـد يابــوعـايض بهـالكون

وكـم واحـدً جــاه الخـبر. فٰــز مصـدوم = وكـم. أجـودي شفناه .يبـكي ومحزون

هـز الضـمايـر ليت مـاجـت بــه عـلوم = ومـر بــه. اللـي بيــده. الكاف والنـون

مات الرســول المصـطفى صفـوة القــوم = وفرعـون. مات ومات كسرى.وقارون

الموت. والارزاق للمرء ،،،،، مقسـوم = هـذي. حـقيـقـه.مابهـا. شـك. واظـنون

المســعـد اللـي ل رحـل. قـيـل. مـرحـوم = وياحـظ من. له. خيرة. الناس يدعـون

ويالله ياللي. مـاسـوى غيـرك ايـدوم = إلطـف. بنـا. وانت. الذي. بيـدك العـون

يامـن. فرض في ديننـا الحـج. والصـوم = وفيما. يريده . رب الارباب له شـون


محمد بن سوعان الربيّع
حررت بـ 27 جـماده 2 هجري
الموافق 30 ينايـر. 2022 ميلادي