فايد دعانا دعوة من ديرنا=وحنا استجبنا ماحسبنا المشاوير
الطيبين اليادعونا حضرنا=انلبي الدعوة معزه وتقدير
بحضوركم يالطيبين افتخرنا=والنعم فيكم يالوجيه المسافير
انتم شراراتٍ عرفنا وخبرنا=نعم القبيله والرجال المناعير
حلابة الناقه سمعنا وذكرنا=اذكار تذكر للرجال المشاهير
ولمجادهم واذكارهم ماقبرنا=اقولها من دون شرحٍ وتفسير
وحمدان في مدحه بعيدٍ نظرنا=من ساس شمر مايحسب المخاسير
اهل الكرم والجود عنهم نشرنا=دلايلٍ فيها بالأشعار تعبير
وحنا بني وايل رجال اشتهرنا=وقفات شجعانٍ تهز الطوابير
قلت الكلام وبالكلام اختصرنا=الله يجمعكم على العز والخير