أبيات متبادلة بين الشاعر مقبل الرماحي وزميله عبدالله بن عبار قال مقبل :

رمـز القـبيله من نصيب أبن عـبـار *** الـلـي تـحـيـزم دون مـجـد القـبـيـلـه
نـطـح عـن العـزوة طواببر الأشـرار *** حـر ومـقـرّه فـوق عـالـي الطـويـلـه
يسلـم جـنـاب الـوايـلي نـسـل عـقـار *** الـشـعـر عـنـده والـعـلـوم الـجـزيـلـه
حـاز اللقب والناس تدري بالأخـبـار *** وعـادات أبـو مشعـل يـنـوّخ قـبـيلـه
يــوم الـمـنــازل مــا تــردى ولا بــار *** حصانٍ يخـاف المعتدي من صهيلـه
مـا طـاع بالـواجـب مـنـاصح وشوار *** ولاجـامـل الـلـي ولـعـوا بـالـفتـيـلـه
عسى أبو مشعل من طويلين الأعمار *** أبـن الأصـيـل ومـنـجـبـتـه الأصيلـه

جواب عبدالله بن عبار :

يـا أبـو سـعـد حييـت يا نسل الاخيـار *** تعـيـش يـا راعـي الـهـداف النبيـلـه
يـا مـقـبـل الشغـموم يا طـيّـب الـكـار *** تحشم عن الفـاظ العـلـوم الهـزيـلـه
رمـوز القبيله من لـهـم عـلـم وأذكـار *** فـرسـانـهـا الأبـطـال يـوم الـدبـيـلـه
وأهل الكرم والجود في غلو الأسعار *** الـلي يحـوشون الـفـخـر والـنـفـيـلـه
والـلي تعـلـوآ فـوق زيـنـات الأكـوار *** يـوم الـفخـر بسروج بـنـت الكحيـلـه
الـكـل يـفـخـر في طـويلـيـن الأشـبـار *** الـطـيـبـيـن أهـل الـفـعـال الجـلـيـلـه
نصـف القبيلـة صـارت اليـوم شـعّـار *** وصـار الشعـر كـمـا تشاهـد وسيلـه