شــاعر ونظمـي للقصيـــد ابتــأنـي =وعلــى اسـاس ابنيـه بنـي العماره
مــانـي غشــيم بــكـل ســـاحه يغني=العقـل وافـي والحيـــا والســــطاره
وان تهت انا خمس الفروض يهدني=وآخـذ مـن القـرآن خير اســتشـاره
ايـــه ابـدوي واسـلومنا نومســـني=وعـاداتنـا كســب الثنــا والنــــمـاره
وقلبـي الى عـادات ربعـي يحنـــي=حنـت خلــوجً ضـاع منـهــا احـــواره
اشــتاق انــا لعلـومهـم لــو مظنـي =والشعـر واعلــوم القنـص والصقـاره
وشــوف الربيــع ولـــون ورده فتنـي=وشــوف الفيافـي لاغشتها امطـاره
والبــل عطــايا الله لامـــن طـــرنـي=يفــز قلبــي يـــوم تـاتـي اذكـــــاره
ســود وصفــر والوضــح مـا ينسني=والشعـل يطــرب خــافقلـي ابـكـاره
لاشـفــت انـا حـيرانـهـا يلـعبـنــــي=وافرح ليا شفت الجمل في اهجاره
قلبي مـع البـل مـن قـديم امتهني=اخيــر مــن مليــون صفقــة تجــاره