عنـدي نصيحـة لمـن شالـهـا
نصيحة بيـن الرضـى والغضبـي
والى هـداك الله جـود نصيحتـي
تـراك بالدنيـا تشـوف العجبـي
أوصيك طـع الله وأتبـع رسولـه
واحفظ كـلام الله وحديـث النبـي
وأفهـم كـلام الله وأعـرف نبيـك
أحمد محمد هـو عربـي النسبـي
لاتبدي الدنيـا علـى أمـور دينـك
تراك غيـر الاخـرة مـا تكسبـي
وافطن تـرى الدنيـا متـاع زايـل
والاخـرة دار الـقـرار مجـربـي
أوصيـك بالوالـد جـزاء ماتعبـك
بالصبـر والطاعـة فيمـا يطلبـي
وأوصيك نار الشـر بالـك تزيدهـا
فـرّق حطبهـا لاتزيـد الحطـبـي
كان أنت شبيتـه يزيـد إشتعالهـا
تعانـق الدخـان هـو واللهبــي
وأوصيك في دنيك بالك تحلف بـه
اترى حلاف الدين لازمـي يذهبـي
وأن ألزمـوك الحاضريـن بـذمـه
اشتر يمينـك لـو قبيلـك يكذبـي
ولاتعانـده كانـه عنيـد وباسلـم
ادامه انشط منك واقـوى واصلبـي
الحـق عنـد الله بالسيـف يـدرك
لا صار من دم الخصيـم يخظبـي
راعيـه متمكـن علـى كـل قالـه
يارد على صافي القـراح ويشربـي
الى صار ما تقدر على قوله أخـي
أيّـا وبالـك تـخـش الملعـبـي
وأخوك لو فاسلـك بالـك تؤاخـذه
تراك بليـا أخـوك مثـل العضبـي
ولاتؤاخذ الجاهل علـى كـل زلـه
اليـا تشوفـه للشـوارب يقضبـي
إنكان تسنـع والسنـوع مـن الله
هي طيبة المـلا ونعـم المطلبـي
وان كان ما تسنعه اتركه لاتحركـه
ماينفع المطفوخ سحـر المغربـي
والشيخ لو عاشـرك بالـك تأمنـه
كفخـة الصـيـاد لازم تقبـضـي
بعـض مشاورهـم خبيـث مفسـد
يزلـق الكـور لكوكـب مظلـبـي
خويهـم مايـكـره الحـلـف بالله
والوجه من مطع اليميـن ملضبـي
خالي من الناموس والباس والشرف
ويقلب كما يقلـب ريـوغ الثعلبـي
المحرشيـن المورشيـن بقـالـه
المرتخين يـوم المحـازم تكربـي
الوارديـن الصـادريـن بجهـمـة
الشاربيـن وجارهـم مـا يشربـي
ومن رافق الغانم كسب من طيباتـه
تلقابه بشاشـة وطيـب المذهبـي
ومن رافق السفر البشوش الطيـب
يصير مثلـه بالوصايـف واطيبـي
ومن رافق الخايـن تعلـم خيانتـه
ومن مارح الاجرب لـزوم يجربـي
ومن رافق الرزل السفيـه الخايـب
الهزل اللي عقله مثل عقل الصبـي
والعقل بين الناس هو ستر الفتـى
يوزن كمـا يـوزن ثقيـل الذهبـي
وترى إنسانـا مـا يـؤدب نفسـه
يحسب مـع السفّيـه ولازم يدّبـي
ولاتجلب الدرر علـى غيـر أهلهـا
كبضعة الصخني بسـوق الحلبـي
ولا تطلع الغرة على من يغـر بـك
الاصديق صولبـي مـن صولبـي
والضيف زيّن له لسانـك والنبـاء
وقولة هلا بالضيف تراها مكسبـي
والى جاك قلط له من اللـي تاجـده
وأحلـف وراه لايصيبـك عتـبـي
المال لك قوة عين ، عـزه يعـزك
وتـراه مـا يحصـل بليـا تعبـي
إن كانك من الحضران عليك بالنخل
تشبع عيالك مـن جنـي الرطبـي
البـل موصلـت الغريـب بــلاده
تبعدك عن راعي التبـل والمطلبـي
ودع بالك المقر الـردي لاتناسبـه
لو تمضي طوال العمر وأنت عزبي
عليك بالمقـر العريـب لا حصـل
الخـال دايـم للبناخـي يجـذبـي
وترى النساء كانك غرير بالنسـاء
شربت غشيم شـارب مـن جلبـي
بـهـم ربـحـان ومتحـمـد الله
وبهم خسـران الثمـن والمطلبـي
وفيهـن كمـا الكديشـة الحرانـه
وبهن تشابـه ريشـه للشرعبـي
ان كان تقـدر للمطاليـب والثمـن
ركوب السبايـا للصبيـان طربـي
وان جيت قوم مـا تعـرف رايهـم
الماء الرخيص بحاجتـه لاتطلبـي
أن حشمـوك فهـو زيـن منـهـم
وأن ما حشموك مالك عليهم مطلبي
ومن لايعرفـك مـا يثمـن قـدرك
واللي يعرفك لـك عليـه الوجبـي
يا سامعين القول صلى على النبـي
هو الرسـول الهاشمـي اليعربـي
شفيعنـا يـوم الاعمـال تــوزن
أمه وأبـوه مـن قريـش معربـي