بلا عنوااااااااااااان ؟؟؟؟؟؟؟ - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-01-2011, 10:40 AM

قصيده مؤثرة جدا لاكن لأسف لااعرف من هو قائلها
( نقره لعرض الصورة في صفحة مستقلة

)

يا وجّدّ حالي وجود اللي يتلّ أمه=و يقول لا تتركين وليـّدك الـغـالي

ما يدري ان الليالي جات بمطمه=أمه توفـت و لا والي و لا تــــالي

ماتت من الجوع و هو فاتح فمه=جور و مجاعه و طاعون و سلاّلي

الله على الساعة اللي فورت دمه=و الله على الصورة اللي ضيـّقت بـالي

من شافها بـيـتـذكر حـالــة الأمــه=و بيقول يا وجّدّ وجدّي و يا بريّ حـالي

أحدٍ يا خذ له شهر و الخبز ما شـمّـــه=و أحدٍ طعامه يجيه الوان و أشكالي

أفريـقـيــا جـوعـهــا كـم مسلمٍ ســمّــه=و حنا نـبـذر هـذا فـال و هـذا عـقــالي

نسـعى ورى المـال و نـجمّـعه و نـلــمّه=حلال حرام ما ندري و لا نبالي

نشري كاسيت نانسي و المطرب نضمه=ندعمهم و من ورانا جمّعوا المالي

و العاهره اللي الـخـليـج و شعـبـه تـذمّه=حنا وراهــا نجـرّ الصوت ونلالي

و نرسل SMS و اللي يقصر انـتــمّــه=على قـنـاة هـدفـهـا دمّـر الأجيالي

موضوع أبو الهش فيه الناس مهتمه=كلن يـصـوتـلــه بـدولار و ريـالي

يا نـــاس يا نــاس لا غيره و لا ذمه=يا مسلمين بلأسمـاء ما بـه افـعالي

وشلون من ينحرف نـمدحه ما نـذمه=و شـلـون مـا نـفرق الواطي من العالي

لا صــار لا وازع ديـنـي و لا هـمّـه=لا تــأمـنـون العــذاب و قـدرة الــوالي

تصدقوا و أنـفـقوا و العيش في الـقمـه=مـا هـو بـدايـم إذا وقـت الــنـعـــم زالي

يا الله و أنا طالبك يـا كاشف الغـمــــه=تحـيـي قـلوب الـعبـاد و تـصلح الحالي