من جديد والشعر بحر مديد ,, اهديكم هذه القصيده ,,





اليا طواني الليل في حبـه وهايـم
أسهر بفكري وجسمـي بالسريـر

يحسبوني دالـه وسالـي ونايـم
والمحبه تعمي الشخـص البصيـر

المحبـه تحـرج الانسـان دايـم
تجعله من حال الى حالـن مريـر

اشهد اني لاذكرتـه قلـت صايـم
منهو مثلي صـام للثلـث الاخيـر

ويـل قلبـي لا تنفسـت النسايـم
اتذكـر شفتهـا قبـل العصـيـر

والله اني قبل اشوفه كنـت شايـم
ويوم شفته جر قلبي مـن الوريـد

ولو خوفي من الكلام ومن الشتايم
والعدو يشمت ومشيك لـه يحيـر

اني لاجيهـم وانـا كلـي عزايـم
وانطح ابوها ترى جرحي خطيـر

ولو يشرحنـي ويقطعنـي قسايـم
ياحياة الحب والا المـوت أخيـر

ما يجيبه غير ربـي وحـظ قايـم
ويل حظي ما خبـرت انـه يطيـر

ولواني انخى بالعرب فيهم ملايـم
كود شيخ القـوم او انخـى اميـر

انفعوا والا اسكتوا ياهـل النمايـم
ما يحس بك كود شخصن به ضمير

المحبه يـا عـرب فيهـا ظلايـم
واللحقوا حالي قبل شـي يصيـر

اليا طواني الليل في حبـه وهايـم
أسهر بفكري وجسمـي بالسريـر



الشاعر / هــادي ابن غـــزي الـصقـري العـــنزي
ابــــو خـــــــا لـــــد