وقال الشاعـر عبدالله بن مشعان الخريصي هذا المقطع من قصيده :
ويا راكـب الـلي ما تـمـرن حـديـده *** أسمه مع الهافات يا خليف مذكور
ملفـاه أبـو مشعـل يـفـرح عـضيـده *** زين النبا ما جاك مـن يمـه قصور
نرسل لأبـن عـبـار بـيـوت جـديـده *** مـن جـم فيض بالضماير لهن فـور
سـلام مـنـي لـلـمـعـنـى نــزيــــــده *** عبدالله اللي عـنـده القيل مصخـور
ويـمـنا بـلا يـسرى تـراهـا وحـيـده *** هذا مثل مبطي مع الناس مشهور
واشـبـوحـهـم دايـم تـراهـا بـعـيـده *** والـلـه يكافنيا هـل الحقـد واشرور
وقال الشاعـر عبدالله بن مشعان الخريصي :
ومن بعد ذكرك يالولي نكتب بيوت *** لعـبدالـلـه العـبـار لـي بـه هـقـاوي
قرم عرف بالناس عادات وسموت *** والهـرج يفهـم لـه جميع المـلاوي
وقال الشاعر طراد بن فرحان العنزي :
يـا راكـب الـلي ضـاري لـلـمشـاويـر *** هـو منوت اللي نـاحـرٍ دار حـيـه
يـلـفي لأبـن عـبـار ريـف المسايـيـر *** عـز الـلـه أنـه مـن رجـال الحميه
عـطـه الكـتـاب وعـلـمـه بالتفـاسيـر *** وبـلـغ تحـيـاتـي عـريـب السميـه
وقال الشاعر ذياب بن رجاء الصقري هذا المقطع من قصيده :
هات القلم وأكتب على كيف ماريـد *** لـلي ذكـر وايـل وتـغـلـب وشيبـان
عـبـدالـلـه العـبـار هـرجه بـتـوكيـد *** قـال الصحيح ولا بـدأ قـول بهتـان
يـالـوايـلـي بـيـنـت كـل الأجـاويـــد *** وتاريخهـم يالقـرم بـيـن المـلأ بـان
تاريخهـم مبطي مع الناس له قـيـد *** مـتسلسـلٍ مـابـيـن وايـل وعـدنـان
أقـديـت في مدح القـروم الصناديـد *** أولاد وايـل شـانـهـم بـالـلـقـا شـان
أمدح ضنا فدعان كـا شامخ الحيـد *** من يوم عصردهام والشيخ جدعان
وأمدح هـل العـرفا بطينات وعـبيـد *** مقدمهـم أبن هديب والشيخ راكان
وأهـل الجـدعا يـوم خـز المـفـاريـد *** أخوان نمشة عـلى الخصم عوجان
وحـبـلان والسلـقـا بـجـد وتـحـديـد *** يتلون أبـن هـذال والشيخ قـرمـان
وأمـدح صقـور يستحقـون تمجـيـد *** أربع جموع وجامع الجمع دهمـان
ودهـامـشـة أولاد عـلي وجـلاعـيـد *** يتلون أبـن مجـلاد والجـد سعـران
وأمدح جلاس بيـوم فـك المعـاويـد *** يتلون أخـو ربـدا صماصيم شعلان
وبني وهب والنعـم من غير تفريـد *** يتلون أخو بقشه نضانيض فرحان
وقال ذياب بن رجاء الصقري :
نـرفـع تـحـيـه بالتـمـاثـيـل وأشعـار *** تـحـيـة مـن خـاطـري وأحـتـرامي
للـقـرم أبـو مشعـل تحـيـه وتـذكـار *** يا شاعـر الشعـار يا ابـن الكـرامي
عبدالله الـلي لأصعب القاف صخّار *** لـه منهـج يـعـرف ويـفهـم
كـلامي لاجيت عنده أزعج الصوت بشهار *** يا حـيـف يالشعـار راحـوا عـدامي
نعـرض عـليك المشكله يابن عبـار *** حـيـثـك فـهيـم وعـارف للمـرامـي
وقال محمد بن قعود العنزي هذا المقطع من قصيده :
فـتخـر بالـلي رفـيـقـه يـعـتـنـي بــه *** ما يضيع الجود من دونـه محامي
الـمـعــنى بـالـفـخـر كـلـن دري بــه *** الـمـعـنى الـوايـلي مـابـه تـهـامـي
الـمـعـنى مـصـقـل مـا يـنـهـوي بـه *** شـاعـر الشعـار مسموع الكلامـي
أبـو مـشعـل بالـمكـارم يـنهـقـي بـه *** وارثينـه مـن خـوال ومـن عمامي
أبـو مشعـل شوق مجدول الـذويبـه *** مـا يـطـب اخـدودهـا دق الوشامي
وقال محمد بن قعود هذا المقطع منقصيده :
أفخـر بأبـن عـبار مـن مارثـة عـيـد *** عـبـدالـلـه المنعـور قـرم الـولادي
سبـّاق فـي حوش الثناء والتحاميـد *** عـز الصديق وضد خطو المعادي
بـك نفتخـر يـا أبـن المعـنى بتوكيـد *** تـعـيـش يـالـلـي لـلسميـه اتـفـادي
لك الشكـر مدبـول يا أبـن الأجاويـد *** حيثك عـزيـز ولـك مرامع بعـادي
ما قـل دل وزبدة الهرج اللي ايفيـد *** راكان أبـن حثليـن قـولـه وكـادي
وقال الشاعر القعيّد بن حريميس العنزي هذا المقطع من قصيده :
جاني جـواب منطقـه يرفـع الـراس *** كتبـه نظيـف ومنطـقـه حـي فـالـه
أهـلا عـدد ما حـن بالسحب رجاس *** واعـداد طشات المطـر مـن خيالـه
خـطٍ قـريـتـه لـلـمـفـاهـيـم نـبـراس *** جـواب أبـو مشعل نظيف الرسالـه
يالوايلي تبني عـلى موثـق الساس *** بـني بـنيـتـه حـافـظـه عـن خـمالـه
حكيم ما تمشي على دق الأجـراس *** ولا تـاخـذ الا مـن وثـيـق الـعـدالـه
دايـم تـوكـد مـا تـبـي رد عـســاس *** حكمـة وثيق الـراي تاخـذ اجـزالـه
مالك هدف في عد توليف الأجناس *** الـلي مـا هـو بـالجـد مالك ومـالـه
لـك معرفة في كل الأخبـار حساس *** أنـت الـذي لـك بالـتجـارب شكـالـه
لك في صعيد أخبار الأيـام مقيـاس *** عـلـى مـداهـا لـك فـروع اوكـالـــه
وأنـت الذي بغبات الأمواج غطاس *** تغوص في شعبـه وتصعـد اجبالـه
رايك صعب يدوس الأخطارميـداس *** ومـرقـاك بـالـعـلـيـا رفـيـعٍ نـوالــه
لك بشموخ المجد مصعد ونوماس *** ولك في سنام المجد موقف رجالـه
تدري هذاليف البشر يقضهاعماس *** والـلي يهين الراس لا طـاب فـالـه
واللي تجاهل موقف العـز والبـاس *** لا عـاشـت أيـامـه ولانـي بـحـالــه
هذاك بالموضوع ما عنده احساس *** يـادوب فـكـره بـيـن هـمـه وحـالـه
رصيده الأصفـار في بنـك الأفـلاس *** صفـراً مـن الخـانـة يحـده شمـالـه
حفـره عـلى راس جبابيره ادمـاس *** جـرف عـلى راعيـه يرجع هـيـالـه
ترجع دليـه مـن جبـا الجـم يـبّـاس *** تقـصر عـن الجـمة مـوارد احـبالـه
ما فيـه حب الأوله غيـف وأكـداس *** ولا فـيـه عـود الا بـجـنبـه مـيـالـه
حتى الذهب يصيربه صفروانحاس *** ما فيـه شي الا ويجي لـه احـثـالـه
يا بعد فرق اطبوع ناس على ناس *** بـيـن الـبشـر فـرقٍ بـعـيـد مـجـالـه
منهـم على روم العلا يجذبه مـاس *** دايـم عـلـى الـعـلـيـا قـوي نـضـالـه
وفيهـم منـافـق للعـراقـيـب نبراس *** ومنهـم فصايـل مـن طبوع الثعالـه
ومنهـم ملاحق بالمشاهيب مقباس *** وده يـولـع نــارهــا بـشـتـعــالــــه
وقال الشاعر خضير بن هليل المدعج المضياني هذا المقطع من قصيده :
سلام يـا الـلي تـفـرح بكـل هـتـّاش *** بأحلا منامك قبل طلوع الغطاريش
سـلام يـالـلـي بالمسـايـيـر بـشّـاش *** طبعيتك ما اطنش الضيف تطنيش
عـبـدالـلـه العـبـار للطـيـب حـّواش *** القرم ضد أهـل القلوب المغاشيش
لـو هـو بدور فـات للخـصم نطـاش *** خلا القلوب الصم تصبح مخاريش
الـلي كلامه تـقـل عـبـرود رشـاش *** دايم تصيب الجوف ماتنقلب طيش
منطوق لفـظه كنها طلقـت اكـلاش *** من صلب صافين الحديدة حناتيش
أنت الغيور لمعدنك مابـك اغشاش *** وقـفـت ضـد المخبثيـن المحـاريش
السان وايل كلمة الـزيـف ما نـاش *** أنت صدوق وعارف ماختلج بيش
الـلـه رفعك عن المهازل ومنحاش *** يا طيـب جنسك ما تطولك مناقيش
ليث صميدع تسرد الصدق بنقاش *** مـفـتـاح فـتـّاح الـقـفـال المبـالـيش
اللي مجنب ما انت للوجه خمـاش *** وللمعترض نطـّاح وأتـفهـم الديـش
تاريخ وايـل حافظه مابـه اغـباش *** الـلـه يحفظك حافظه عـن ختاريش
اشكرك يا موفي الديان مـن كـاش *** أنت اللطيم بصامل الهـرج مانـيش
شعرك غزير كالمحيطات والطاش *** اللـه وأكبر ما ينلحق له على قيش
من لابـةٍ وأن صار للخيل شوباش *** إلى اعتلـوا قـب المهار المطـانيش
اللي يصير بوجه الأروام ما عاش *** بمهـنـد وعـود الـقـنـا والبـرابـيـش
يتـلون منفـق زاده وكـل مـا حاش *** الـلي يـصّـوت بالعـشا للطـراريـش
يـوم السنين الـقـاحـلـة مابهـا آش *** أبـن مـهـيـد مـبـرك الكـوم بالعـيش
يعل وجهك دوم أبيض من الشاش *** من حيث ماتكما الحسب بالمناويش
أفخر بفعلك يا أبو مشعل وشواش *** بطاريك غدا شعر راسي مشاويش
مـعـدنك مـني وأنـا للـضـد هـواش *** عـلى بعـضنا ما تغـرينا البخاشيش
أسمى تحية شكر معجب وعطـاش *** ظميان كبد وكل احساسي معاطيش
أحب أنا الطيّب ولا اصادق الـلاش *** أحب أنا الصادق وأرفض مماليش
ما قلتها رجوى ولا أداري الـواش *** قـلـتـه مـعـزه لـك ولابـه تـفـاتـيش
حيث أن قافك ينعش قلوبنا انعاش *** الصدق خش بداخل العقل تخشيش
غـيـور زعـال لـمـن عـال كـفــاش *** والـلي يحـيـد تكلبجـه بالمكـافـيـش
شاعـر جسور ويلطم الضد بطـاش *** المبغضه صـاروا بفعـلـه مباطيش
حـرٍ قـطامي يعـطب الصيـد نـتـاش *** منـه الحباري تدرق بأبرق الريش
أبزع بزوع بطلعت الجول مهتـاش *** يـمنـاه تـدمي والحبـاري مفـاريش
وقال الشاعـر خلف بن سعود الثبيتي الخمعلي هذا المقطع من قصيده :
يـا مـوديـن الـرسـايـل لـي رسـالــه *** مــن شـمـال الـبـلاد لـعـاصـمـتـهــا
فـوق جـيـب مطـلعـينـه مـن وكـالـه *** مـرسـلـيـنـه لـلـديـار ونـاحـيـتـهــا
سـلـمـوهـا كـف كـسـاب الـجـمـالـه *** سـلـم الـلـه كـف يـمـنـا سـلـمـتـهــا
قـولـوا أنـي مثـل واحـد مـن عيالـه *** تـاج راسي مـن ارقبـتي والحمتهـا
بـالأضـافـة لـلـمـخــوه والـزمـالـــه *** والـدلـيـل أن المشـاعـر حـافظـتهـا
أتـذكـر وش مضـالي وش مضـالـه *** عـنـبـره والـذاكـره مـا ضـيـعـتـهــا
أفـتخـر بـه كـل مـا يعـرض مجـالـه *** والـرجـال تـنـوب عـنهـا سامعـتهـا
الـحـمـيـا والـشـهـامـة والـرجـالــه *** صـدر أبـن عـبـار مـوقـع مكـتبتهـا
مـن يخـبـرنـي مـتى شـدت رحـالـه *** لـلـمـدايـن والـعـلا ومـشـاهـدتـهـــا
كـل أبـونـا ننـتظـر شـوفـت خـيـالـه *** والمـدينـة والـريـاض مـسجـلـتـهـا
الـغـيـور مـواجـه الـواجـب لـحـالـه *** والـقـبـيـلـة قـايـم فـي نـايـبـتـهـــــا
حملهـا من دون غيـره جاء وشالـه *** مـعـلـن حـبـه لـهـا ومـصـادقـتـهــا
لا جـفـل خـطـو المثبـر من اظـلالـه *** بـان راسـه يـوم حـامـي معـركتهـا
كيف ما أغلي حضرته وأقرأ مقالـه *** وأحتـرم ذيـك الـرمـوز وترجمتهـا
وايـلي مـا بـيـن أبـوه وبـيـن خـالـه *** هـو حـلات الـوايـلـيـه وأثـمـرتـهـا
أقسـط الـشعـار مـن دور الـجـهـالـه *** قـايـم بـغـيـابـهـا ومـقـابـلـتـهـــــــا
والـدلـيـل أنـه غـيـور بـكـل مـالــــه *** والحقـيقـه تـنـوخـذ مـن سابـقـتهـا
تـفـتخـر كـل القـبـيـلـه فـي افـعـالـه *** يـوم سجـل بـاديـتهـا وحـاضـرتـهـا
قـال ذاك مـن الشيوخ ومـن سلالـه *** وذاك من خلف البيوت ومن تحتها
يـمـكـن أنـه لـولا ذاك الـعـلـم قـالـه *** لـو زعـلـنـا مـا عـرفـنـا خـاتـمـتهـا
مـركـز الشعـار يكـفي عـن سـوالـه *** ما سمعـنا باللي الأضداد ازعـلتهـا
رحم الـلـه راس أبـوه وطاب خالـه *** طيب ريح الورد من عرق شجرتها
وقال الشاعر سعود بن فياض الزوينة الجعفري هذا المقطع من قصيده :
ودنـيت لي جيب من أنواع فكسـار *** يقطع جـراهيـد السهـل والضبابيب
سافر من الشملي له الخط مشوار *** للعاصمة ديرة هـل المجـد والطيـب
فـت للنظـيم ووصلـه لأبـن عـبـار *** عـبداللـه الـلي مـاضي لـه تجاريـب
سلـم عليـه وسلمه نظـم الأسطـار *** أبـيـات نـهـديـهـا لـحـر الـمـراقـيـب
مـن يـاصلـه يـلـقـا معـزه ومـقـدار *** والعود الأزرق مع كثير التراحيـب
يذبح مـن الجـزلات وايكـرم الجـار *** طيبـه مجـرب ماكـر العـز والطيـب
من زار أبو مشعل جلا عنه الأكدار *** الـوايـلي حـلال عـسـر الـلـوالـيـب
رقا بسنام المجد ما هـاب الأخطـار *** وبالفعـل يشهد لـه جنوب وتغريب
أحـيـا مفـاخـر للـقبـيـلـه بـالأشعـار *** وسطر لهم بالكتب منهج بترتريب
وسجل لهم في صفحة المجد تذكار *** وألـف مفاخرهم حصان الأطاليـب
أفعـالهـم يـوم أنـهـا هجـن وأمـهـار *** وأيـام غـارات العـرب يالمعازيـب
يشهد عليهم فعلهم ماضي الأدوار *** مروين لحـدود السيوف المحاديـب
جمع شتايت جمعهم وافي الأشبار *** وأجهد بنفسه لين هدى الأصاعيب
يـذود عن حـوض القبيلـة وسهـار *** مـن دونهـا ياقـف سطام الأجانيـب
بـك نفتخـر حيثك مثل حـر سنجـار *** يالنادر الساطي عطيب المضاريـب
أولاد وايـل تشكـرك سـر واجـهـار *** الـلـه يـديـمـك يا زبـون المواجيـب
وقال غازي بن مبارك بن نمش الركابي العنزي هذا المقطع من قصيده :
عـبـداللـه العـبـار مـولاي يـبـقـيـك *** يا كاسـب الـطـولات هـي والنـفايـل
عـسـاك تـوجـد في محـلك ونأتـيـك *** يـا مـسـجـل الـتـاريـخ لأولاد وايـل
حـر اكفـوفـه بالمضاريـب تـشفيـك *** صيده من الجزلات مـاهـي هزايـل
مـن لابـةٍ افـعـالـهـم دون تـشكـيـك *** كـم شـيـخ قـوم شـوفـوه الـهـوايـل
عقب العيا والـزوم عـاف الدباليـك *** من خـوف قلبه شاف نجم القوايـل
لا ركـبـوا السبـق ودارت معـاريـك *** بمصقـلات الهـنـد تـشـفي الغـلايـل
ربـع سـوالـفـهـم شـريـفـه تسلـيـك *** كسابـة المعـروف وأهـل الجمـايـل
أفعـال ربعي صدق مـا هـم حناكيـك *** فرسان بعـصور اللقـا والصـوايـل
واليـوم بحـكـم ملـوك كـل المماليـك *** عـسـاه دايـم مـا تـجـيــه الـزوايـل
وقال جازي بن عديد الرويلي هذا المقطع من قصيده :
سـلام لـقــرم لـلـمـكـارم يـضـيـفـي *** عـلـم الـفـخـر لأهـدافـه العـالـيـاتي
عـبـدالـلـه الـلي كـل قـافـه تحيـفي *** أبــن عــبـار عــلـومـه الـطـيـبـاتـي
لـه الشكر عـلى الرثاء بالشريـفي *** مـرشـد زبـون الـحـرد والـوانـياتـي
وقال مطرد بن عياط الرويلي هذا المقطع من قصيده :
حـي الكـتـاب الـلـي لـفـاني هـلآبـه *** ديـوان أبـن عـبـار يـا نـعـم ديـوان
عـبـد الـلـه الـعـبـار يـكـرم جـنـابـه *** قرم عرف مجناه من روس ويلان
مـن سـاس قـوم باللقـا لـه مـهـابـه ***عـدوهـم عـاقـوه مـا فـيـه نـكـران
ألـف لوايـل قــول صـدق صـوابــه *** هرج صحيح وصار للهرج برهان
الـقـرم مـاضـيهـم يـوضح اسبـابـه *** تـرخ لهـم تـاريخ مـن دور شيبـان
تـاريــخ وايــل ولـفـه واعـتـنــابــه *** والـلي حكـا بالصدق لابـد ربـحـان
ذكـر فـعـايـلـهـم بـدور الـصـحـابـه *** عـلـوم بعـيدة من قديمات الأزمـان
الـقـرم مـلـزوم عــلــيـه جــوابــــه *** قـيـل يـشـابــه در زيـنـات الألـبـان
وقال الشاعر مطرد بن عياط الفالح الرويلي :
أرسل لأبو مشعـل جـزيـل السلامي *** وأهدي لأبـو مشعل سلام وتحيات
الـقـرم عـبـدالـلـه رفـيـع المـقـامـي *** بالمدح نرفع له من البيض رايات
اللي رقا في راس عـالي السنـامي *** اللي كسـب بالطيب والعـز طـولات
الـلي إلـى جيـتـه يـرحـب اشمـامي *** الـوايـلي للضيف يـعـمـل كـرامـات
ونعـم بربعـه فـي نهـار الـزحـامـي *** فدعـان يـوم الكـون يـثـنـون ردات
والـنعـم لا حـل الـلـقـا والخـصامي *** فرسان لا ركبواعلى الخيل عجلات
بـواجـت الديـره بخـوض الكتـامـي *** خصيمهم عـاقـوه يـوم الـقـوامـات
شاهـدهـم التاريخ مـا جـو مـلامـي *** وأفعالهـم بالطيب مـا هـي خـفيـات
مقدمهم أبـن مهيـد نسـل الكـرامي *** الشيـخ للجيعـان يـرفـع بالأصـوات
والنعم بأبن غبين نسل الحشـامي *** يعطي العطايا الشيخ من غير منات
وأبن قعيشيش اللي يقود الجهامي *** والشيخ أبن حريميس له علم بثبات
أنتـم هـل الطـولات شـرق وشـامي *** يشهـد لكـم التاريخ يـوم المثارات
أنـتـم فـخـر عـنـاز يـوم الحـسامي *** حيث الصحيح يقال في كل الأوقات
الشعـر ديـوان الـعـرب بـالـتـمـامي *** هـذا هـو المعروف ماهي دعايـات
وقال الشاعـر مطرد العياط :
سـلام أحـلا مـن نـسـيم الصـبـاحي *** يهـدا لأبـن عـبـار عبدالـلـه اشمـام
نطـلب لـه التوفيـق طـيـر الفـلاحي *** ويكـفـيـه ربـه مـن غـثـا كـل لـوام
وقـبـل الخـتـام المعـذرة والسماحي *** حيثك عزيز ومن عزيزين وأكرام