قصيده بعنوان جنازته لشاعر فرحان ابن دبل الربيلي العنزي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

04-25-2011, 03:37 AM

الجنازه

الـبـارحـه عـيــن عـيـونــي يـنـامــن=واليوم من بعد السهر وضعهن سي
مــن كـثـر مـاهـن للصـبـاح يتـحـرن =نجضة قلوب امواقهـن والحـدق نـي
ان جاء ظلام الليل رسل العناء جن =وقضـيـت ليـلـي بـيـن امــرا ونـاهـي
مرسال ينهانـي عـن الشـك والضـن =ومرسـال يامرنـي بفتنـت هـل الـغـي
مدري اطاوع من واعصى على من =اصبـحـت مـاخـذت الـقـرار النهـائـي
متـحـيـرا مـابـيـن مـابــدي ومــاكــن =كـنـي مـصـدق شــي ومـكـذبـا شـــي
واللـي نبـي ماهـو علـى مايبـن هـن =واقــول مـاهــي هـــي لـونـهـا هـــي
مـغـيـر اعــيــد الــذاكــره واتـفـطــن =فـي حاضـري واللـي فعلتـه بماضـي
لـيـاعـاد مـابــي مايـقـولـن الـلـســن =مادري مثورات الفتن وش تبـي بـي
كـلامـهـم خـلــى ضـلـوعــي يـلـجــن =لجـة مخالـيـلا لـواهـا العـطـش لــي
وردا علـى بيـرا بـه العـالـم شـربـن =وجفـت رواتـه مابـهـا ريـحـة الـمـي
ماغيـرهـو مــن الـمــوارد يـخـبـرن =وتحارجـن فوقـه علـى حاجـر الطـي
ومن غربت الحاصل عضامـي تثنـن =عجـزا يشدنـي عــن الارض رجـلـي
واللـي ذهـل عقلـي وخـلانـي انـجـن =خـطـيـة الـمـيـت يـعــذب بـهــا حـــي
الميـت اللـي مـات مبطـي والا دفــن =جنـازتـه بـلـوى ومــن ناشـهـا بـلـي
وان قلـت هـذا كـيـف كــان وتـكـون =سجل علي اكثر من اللي غـداء لـي
مالي سوى صبرا علـى سالفـة هـن =لـونـهـا تــجــرح وتــذبــح وتــكــوي

الشاعر // فرحان بن دبل الربيلي

04-25-2011, 07:00 AM

اخي ابو امجد الله يعطيك العافية

04-25-2011, 09:12 AM

الله يعطيك العافيه ومشكورعلى نقلك الجميل وياليت اخوي ابوامجدقصيدة فرحان ابن دبل (نوف)

04-25-2011, 09:20 AM

واللي ذهل عقلي وخلانـي انجـن *** خطية الميـت يعـذب بهـا حـي
الميت اللي مات مبطي والا دفـن *** جنازته بلوى ومـن ناشهـا بلـي

الله وأكبر يا غزارة المعنا وصح لسانك يا فرحان ولا غرابه فأنت من بيت شعر وراثي

04-25-2011, 09:42 AM

اقتباس : المشاركة الأصلية كتبت بواسطة مفضي الوحداني [ مشاهدة المشاركة ]

اخي ابو امجد الله يعطيك العافية

الله يعاااافيك
ومشـــــــــكور ع المرور

04-25-2011, 10:32 AM

اقتباس : المشاركة الأصلية كتبت بواسطة الشاعره بنت الربيلي [ مشاهدة المشاركة ]

الله يعطيك العافيه ومشكورعلى نقلك الجميل وياليت اخوي ابوامجدقصيدة فرحان ابن دبل (نوف)

الله يعافيك ويستاهل ابو فالح شاعر كبير ومن كبار الشعراء بقبيله عنزه
ابشري اختي ماطلبتي شي ومشكور ع المرور والاهتمام
تحياتي

04-25-2011, 10:39 AM

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

واللي ذهل عقلي وخلانـي انجـن *** خطية الميـت يعـذب بهـا حـي

الميت اللي مات مبطي والا دفـن *** جنازته بلوى ومـن ناشهـا بلـي

الله وأكبر يا غزارة المعنا وصح لسانك يا فرحان ولا غرابه فأنت من بيت شعر وراثي

يستاهل ابو فالح وهو من الشعار الذين قد غاب عنهم الاعلام ولاكن الجزل جزل يفرض نفسه بدون اعلام

ومشـــــــــكور ع المرور
اخونا الغالي صاحب الموقع
الاخ والعزيز عبدالله بن عبار
والله ونعم وسبعه انعام
وبالتوفيق للجميع