خلف نخى ربعه من أولاد وايل





يـقـول بـن جـلـعــود زيـن المـثايــل=مطلق بداها من ضميره بالاشعار

نسكن سمـيـراء والشـواهــد دلايـل=دهـامـشـة حـمـاية الـجـار والـدار

ومع شاعـر المليـون شفنا الهوايل=كيف الخطا يقلب صحيح بالأسطار

خـلـف نخـى ربعـه مـن أولاد وايل=شـاهـدهـم الـتاريخ يعرف بذى قار

ويـلان فـوق الـمـرهـمات الأصـايل=يامـا ادلجو من فوقهن كل الاقطار

تكـاتـفـو وأنـتـم رجـال الـحـمــايـل=هـذا زمــن يـعتب صـعبين الأفـكار

حنـا رجـال الـيـوم نسـل الأوايــل=وقـت الـلـوازم نـاطـحـيـن للأخـطـار

مثل الزمول اللي تشيل الثـقايـل=قـطـاعة الـبـيدا علـى السيـر صبـار

سـبـاقـةٍ لـلـي يـريـد الــنـفـايــل=اهـل الـصـفـات الـطـيبـة مابـه إنكار

اهل الكرم والجود واهل الجمايل=اهـل الـوفـا اهـل المروة هـل الكار

خلف يبي تصويت ما به محـايــل=امـر يـسـيـر ما عـيـكـم بـه إعـسـار

من لاوقـف لاجـت امـور صمـايـل=وبـانو هـل الـوقـفات وافين الاشبـار

هــذاك يــتـرك عنـه يلـقى بدايـل=لاهـاجـت الـهـيـجا يـبـيـنـون الأخيار

صـلـو على الـمختـار عد المخايل=لاهـل وبـلـه واخـتلـط فـيـه الأزهـار


-----------------

شعر / مطلق بن جلعود الجلعود

سميراء / حائل

صح لسان البناخي الشاعر / مطلق الجلعود

والشاعر الغالي / خلف المشعان

يستاهل كل خير للتصويت

ويبشر بسعده

شكرا

مشكوووووووووووور وما قصرت

يا ولد العم

صح لسان الشاعر مطلق ابن جلعود

وخلف يستاهل ........

واقول لخلف انت كسبت الملاين من المحبين


وحسبي الله ونعم الوكيل على اللجنة!!!!!!!!!

مثل ما قلت يالغالي

خلف كسب من قلوب الناس شي كثير

:؛:؛:؛:؛:؛:

خلف كسب حب الجمهور

صح لسان الشاعر \مطلق الجلعود على هذه القصيدة وخلف يستاهل ومشكور اخي ابن جلعود الدهمشي على هذا

النقل ونتمنى من الشاعر مطلق الجلعود المزيد من الشعر المميز والجميل