قصيدة حق وواجب لرجل سجن 16 سنه وهو يبلغ الان الستينات من عمره
نخوة .. للعم 
( ثاني مطلق العنزي ))
اليوم جيت ووقفتي محسوبه
.....................وكل ٍ يقدّم لأمّحلة مأجوبه
ما جيت اعرّض صورتي بالشاشه
.................وعيال (عمي) للعرب مطلوبه
سلام يالويلان ..وايل ..وايل
................من شاعر ٍ لا ما تضيق إدروبه
يا لابتي .. يا عزوتي ..وعقالي
..............يا سيوف لأرقاب الردى منصوبه
افاعلكم .. بين العرب ما تحصى
................وامجادكم ..بأسم الفخر مكتوبه
ما خاب يالويلان من ينصاكم
.............. يا نصرة المنكوب .. و المنكوبه
مطلق ..ربيعه ..راح بالزنزانه
................واهل العفو ..حلـّو عليه التوبه
مأجورة ٍ عند الرحيم ..الهادي
................واللحين ما غير العزاوي صوبه
(تكفون ) من دون القصايد تكفي
................وانتم اساس الطيب طوبه طوبه
(..تكفون..) والموقف يبي وقفتكم
...................يا عـزّ ..منهو ثوبكم من ثوبه
يا ذخرنا ,, يا فخرنا .. والماضي
................... يا ربعنا ,, يا طبعنا ..والنوبه
يا جودنا ,, ووجودنا ,, والحاضر
................. يا دارنا ,, يا نارنا ,, المشبوبه
بالهيل ! والا الخيل ! والا اطيّـبها
................با اللــزّ ! والا العــزّ ! والا إسلوبه
بالــجــد ... والا المــــد ..وش خليتوا ؟
.................... يا اعجوبة ٍ ما بعدها إعجوبه
اليوم جيت .. وحبكتي .. بالدله..
..................حبكة شعــر ..للكــــايدة مصبوبه
ومدام ..ويــــلان الفخر قدامي
...................صبت ..فناجيل الرحــا مشروبه
والطيبة في كل قوم وديـــرة
..................ولاهي على غير عـنـزة محجوبه
الاجودي ..لو هو .. بعيد ٍ .. دمــه
...................... لا ما تردا لا اللتفت لـ جيوبه
لله ..وبعد الله عظيم امالي
......................بالخير واهل الخير لا حسوبه
ومن فرّج الكربة لاخوه المسلم
......................... بالاخرة تفرج عظيم كروبه
اخوكم
سعد مسهوج العنزي
القصيدة بالصوت والصورة من خلف الكواليس حصريا لـ قناة الخليج
الإهداءات
03-27-2008, 07:01 PM
سلام .. يالويلان ..وايل .. وايل
العرض المتطور
