الصمت في بعض الاحايين به طيب - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

06-26-2014, 05:02 PM

((الصمت في بعض الاحايين به طيب))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

انـا بشر مانيــب ســاحـــة تجــاريـب = ولا نـي بعــد للتســـليه والونــــــاســــه
ما جيتـلك لجـل الطمـع والمكاســيـب = ولا حـدنــي عــوزً وظيـــم وفــــــلاســه
مغنينــــي الله دون شــكً ولا ريــــب = اللـــي كـفـــــل ارزاق خـلقـــه ونـاســـه
من صغر ســـني ما تضــريت للعيـب = نفسي عـزيــــزه ما ضـرت للخســاسـه
من راس عـودً ما اعسرته المواجيب = ومـا غيــر لله نـــزّل العــــود راســــه
حــرً تـعـــلا شـــامـخــات المــراقيــب = ليــاهـــدّ يشـــبع مــن يمــّر ابمحـاســه
امـا انــت حصنـي واتشــبهـلك ابـذيـب = ارجـــع الـى اصــــلك وخـــاو البسـاسـه
جــالك وكــاد الهــرج واضح ابتـرتيـب = أنشــد وتلقــاهـــا بكتــب الـدراســـــه
ان طعتني جنـب عن الكــذب تجنيب = وخــــل الخبــاثــه والدجـــــل والبلاســـه
خــل الامــور الخـافيـه بوسـط الجيـب = ولاّ عليــك الحـــــق يـاضـــع مــداســه
ولو نكشف المســتور نلقـى التعاجيب = تـظهـر اعلــومً مـخــزيــه من اســاسـه
الصمـت في بعض الاحايين بـه طيـب = فـوق المــراجل طيـب ساس وحمــاسـه
اشـكر عطـا ربــك وظــل المعــازيــب = حـيثــك تعيـش بخيــر عقــب التعـاســه

محمــد بــــن ســــــوعـان الربيــــّع