المصدر: قطوف الأزهار
المؤلف: عبدالله بن دهيمش بن عبار العنزي

أما ملعب بن محمد بن شعيل فله قصائد أندثرت في صدور الرواة ومن ‏شعر ملعب هذه الأبيات :‏

يهدونني يبـون أخـلي حـقـوقي )( يـبـونـي مـع الـنــايـميـن أنــام ‏
خطو رجل يرضيه اللي تنهزره )( ويـفـرح الـيـا لـيّـن لـه الكـلام ‏
وخطو الرجل كنه الثور الأدرع )( يطلع له من بين الكتوف سنام ‏
ولا أنا مثل السيف لالمس حده )( غيـر اللحم يقص صلب عظـام‏

ومن شعر ملعب بن محمد بن شعيل العواجي هذه القصيدة قالها يذكر ‏رحيل قبائل ضنا عبيد ويتوجد عليهم وذلك أن قبيلة ولد سليمان والسبعة ‏و الفدعان من ضنا عبيد قد أرتحلوا جميعاً في بداية الأمر ثم عاد بعضهم ‏إلى ديارهم فقال ملعب :‏

قـال العـواجـي والـعـواجـي ملعــب )( لـو تـدري العـراف ما يستشيـرهـا
فـكـرت بـالـلـي فـرق أولاد وايــــل )( أبـكي ودمـع العيـن حـرق نظيـرها
شوفي بعيني يـوم أقـفـت ظعونهـم )( يـقـودهـم شيخ الجهـامة كبيـرهـا
بـتـنا نديـر الـرأي وجـلا قـلوبـنـا )( وندير مـن صعبات الأريا عسيرها
بتـنا ندير الرأي من شور شيخنـا )( كبير قــومـه والـمـحايـل يـديـرهـا
قـال أرحلوا ما عاد في نجد مـقعـد )( نسيـر والصعـبات نـوطأ خطيرهـا
تحلحت من ضلع المسمى ظعـاين )( يا ما تفـرق عـن وريـك نـشيـرهـا‏
جيـنـا بـوادي الديعـجـان ونزلنـا )( وكم خفرة يصد عـنـهـا عـشـيـرها ‏
طلعـنـا مع ريعـان حايـل وموقــق )( وخشوم سلمى فض عنها مجيرها ‏
وردناعلى العظيمات عد مهو روي )( شرب قـليل القـوم وظمي كثيـرها ‏
وصـله عليـنا ولـد الكثيري غـارة )( الغـارة القشـرا عـلى مـن يغـيـرها ‏
تـوحي نغـيـط الطيح بطراف قومه )( لج الـقطـا لا نـش عنهـا غـديـرهـا ‏
ضربـنا على الدهـناء عـروق تـثنا )( وكم بنت شـيخ خففت عن بعـيرهـا ‏
حلنا وسرسحنا من السير والسرى )( وزمولنـا ما عاد تـسمع هـديـرهـا ‏
قطـع بنـا ابـن غبين عشرين سمرا )( وفي دومةالجندل حفرنا صويرها ‏
وبصويــر قيـضنا وصرنـا نزايـلـه )( وقفت ظعون الربع وأبعد مسيرها‏
وعـدنـا مـن الـجـوبـه لـنجـد العـذيه )( دار والفـنا وردهـا مع صديـرهـا
واقـفت على الشنبل جهامة ربوعنا )( يـقـودهــا ولـد الـغـبيـني أميـرهـا
راموا لهم ديـرة بها الريف والرخا )( ديـد العسل يعطى السبايا شعيرها ‏
وجـدي على الفدعـان بواجت الدّير )( وحماية العـرفـا عزيـز قـصيرهـا
الـلابـة الـلي تـأخـذ الـحــق عــنـوه )( يـاويـل والـلـه بـالـملاقا نحيـرهـا
يـا ليـت لـو يـلحـق ظـعنا ظعونهم )( عـسى غـليـل الكبـد يبـرد هجيرهـا

مشكووووور يا ابو مشاري على الطرح المميز



تقبل مروري وصادق ودي ........