نحمد الله على سلامة سيدي وجوعه للوطن معافى سيدي صاحب السمو الملكي ولي العهد وزير الدفاع والطيران والمتفش العام الامير/ سلطان بن عبدالعزيز ال سعود حفظة الله





تباشري يادار بقدوم غالين
:::::::::::::::::::بقود سلطان الجزيرة وسلمان
ولاوالله الا طاب كيف الملايين
:::::::::::::::::::شعبن على شوف العزيزين ولهان
والحمد لله وارفعو راية الدين
:::::::::::::::::::وثنو على اللي فارضن خمس الاركان
الي لنا رجع شيوخن عزيزين
:::::::::::::::::::واشفى لنا كساب الامجاد سلطان
عقب انتضاراٍ طال يومه ابيومين
:::::::::::::::::::زاح الغمام وكيفنا تو مازان
الله كريم ولم شمل السلاطين
:::::::::::::::::::حكام بعد الله كثيرين الاحسان
عضيد ابو متعب صعوط المجانين
:::::::::::::::::::اسماٍ على مسمى وخزا كل شيطان
ياكثر ماله بالجيزرة امحبين
:::::::::::::::::::وياقل ماله طايل الباع عدوان
حاكم وعادل بين الاقصى والادنين
:::::::::::::::::::ماميل الميزان لفلان وفلان
له مدتاٍتكسي وتشبع مجيعين
:::::::::::::::::::وله ضربتاً تكسر جماجيم شجان
وله شوفتاُ ماشافهاً بارد العين
:::::::::::::::::::وله حكمتن فرز والوغى مثل لقمان
وله هيبتاً ترهب اقلوب المعادين
:::::::::::::::::::وله هدتاً يشبع بها الذيب سرحان
وفي ظل ابو خالد تظلل امسمين
:::::::::::::::::::بعد الله الوالي للاجواد مزبان
يسلم لنا محلق احمول المخلين
:::::::::::::::::::اللي لمس طيبه قرايب وجيران
الياومر للجيش بامره امطيعين
:::::::::::::::::::وعدونا في كل الاحوال خسران
على الحدود مرابطين الميامين
:::::::::::::::::::ولهم تطيع اجبال صعده ودخان
للعمر بياعه وللموت شارين
:::::::::::::::::::المنتصر كاسب ومن مات كسبان
شبعاً وفياً مع ملوكن وفيين
:::::::::::::::::::متماسكيناً بيننا رصف بنيان
عهداُ مضى ونجدد العهد هل حين
:::::::::::::::::::مانستمع لعلوم باغي وخوان
مايستمع لمبدل الزين بالشين
:::::::::::::::::::الا ضعيفاُ تايه الراي عميان
اليا ومرو بامرن على الراس والعين
:::::::::::::::::::وعمارنا فدوه لهم ويش ماكان
تزيني يالعاصمه والبسي زين
:::::::::::::::::::واستبشري يارجى الوطن جاك سلطان
والشكرلله عيدنا صار عيدين
:::::::::::::::::::والله يديم افراحنا بلم الاخوان
عيال اخو نوره ذرانا عن البين
:::::::::::::::::::املوك الارض اللي عن الضيم مزبان
والحمد لله خصنا بالوفيين
:::::::::::::::::::وعلى النبي صلوا من القلب وايمان

الشاعر مفضي بن ناصر بن حيلان البديوني العنزي

الحمدلله على سلامة والدنا سلطان الخير ... سلطان الانسانية ... وبارك الله فيك أخي ممدوح ... وتقبل مروري ..

الحمدلله على سلامة والدنا سلطان الخير

وشكرأ على القصيدة الجميله اخوي.. ممدوح

تقبل تحيات اخوك رياض