قصيدة بالذين يسبون لكي يشتهرون وبالذي صنّف جد عنزة لقيط - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-31-2025, 11:37 AM

قصيدة بالذين يسبون لكي يشتهرون وبالشخص الذي صنّف جد عنزة لقيط

قال عبدالله بن دهيمش بن عبار هذه القصيدة بالذي صنف عناز بن وايل لقيط وهو
جد ضنا بشر وضنا مسلم من عنزة والذين يسبّون الناس من أجل الشهرة:

مـن يـسـب الـنـاس قـصـده يـشتهـر *** مـا تـحـرك سـمعـتـه قـيـد انـمـلـه
الـمـسـبــه ذنــب مــا فــيـهـا فـخــر *** المـفـاخـر بـالـصخـى والـمـرجـلـه
مـا درى بـالـغـرغـره كـان احـتضـر *** قـبـره المظـلم لـزومن يــدخــلـــه
لـو يـعـيـش اعـوام وايــام وشـهــر *** قــابــض الأرواح لازم يــتــغــلــه
يـبـتهـج صـدر الـوريـث اليـا شخـر *** يـسـكـن بــداره ومــالــه يـاكــلــه
بالجـحـيـم المـوقـده يصـهـر صـهـر *** حـاسبـه ربـه عـلى شيـن عـمـلـه
الـلـيـالـي مـا صــفــت لاريــا مـهــر *** بـهـلـوي جـاه الخـمـيني وعـزلـه
فــي زمــان الــيــوم كـلــن يــدهّــر *** بالنسـب يحـكـي ومـنطـوقـه مـلـه
مـا تـعــمّـق بـالـبـحـوث ولا سـهــر *** جـاهـل وكـل الـحـقـايـق تـجـهـلـه
نـســب الـويـلان مـن بـدو وحـضـر *** يـعـرف الـلـي بالـدفـاتـر سـجّـلــه
ماهـم مـن تغـلـب ولاهـم مـن بـكـر *** وش يـريـد الـلي عليهـم بـه ولـه
كـل مـن صـنـّـف ولـعــنـزة حــقــر *** عصى الـلي بالحق مـولاه ارسلـه
مـن تسـمى بغـيـر مـن جابـه خسـر *** يحـمـل اللّعـنـه وفـعـلـه يـخـجـلـه
والـلي دود السوس في راسه نخـر *** والـغـرور أثــر بـعــقـلـه وهـبـلـه
من مديح الـلي اشتهر صابـه قـهـر *** وصـار ينعـق مع فريـق الطهبلـه
مــن تـفــوّق كــل نـاجـح مـنـبـهــر *** والحسـد عـذّب ضميـره واشـغلـه
حـاسـد وحـاقــد فـواده مــا طــهــر *** مـا نظـف قلبـه ولـو كـان غسلـه
يرسب بـعـلـم النـسـب لـو يخـتـبــر *** قلـت خـل العلم ما انت من اهلـه
مـا فـرق عـزوة ربـيعـه مـن مضـر *** ولا أخـذ عـلـم المصـادر وانـقـلـه
يـقـمـح الـلـي ديـدنـه كـذب ودهــر *** اجتهـد بالكـذب والصّـدق اهـملـه
بالسـوالـف تـقـل يسبـح فـي بـحـر *** بالـهـذر يـبـغـي رفـيـع الـمـنـزلـه
بالحـكي يجـمح مثـل جـمح المهـر *** وش بهـا لـو كان يمشي بمهـلـه
قالـوا الأنصـار يقـطـف مـن زهـر *** زاد كـونـه والـشـنـب لهـم فـتـلـه
وثـار يـزمـر تـقـل يـنهـرهـم نهـر *** طـاش والـلي غـرهـم مـعـهـم دلـه
بالعـلـوم السامـجـه عـلـمـه ظـهـر *** بالمخـازي بـان عـلـمـه وخـذلـه
كـشّـر ولـمـغــفـل الـعـزوه عـقــر *** كـم جــاهــل قــيــده ثـم حـبــلــه
سوولـه حفلـه تـقـل حفـلت طـهـر *** وش المجهـود الـلي لعنـاز بذلـه
قـدحـه بـعـنـاز صـرّح بــه جـهــر *** وقـال صنفـتـه ولا من مـشـكـلـه
صنـفّـه نـسـل المـوامـيس العـهـر *** وصـار لقـطـه حصّلـه بالمـزبلـه
جـدنـا مـجـنـاه مـن مـاكـر صـقـر *** مـا تـشبّـه فـي قـطـاه ولا حجلـه
والـذي مـن جـعـبتـه يـورد خـبـر *** مـن تلاعب بالنسب محـد اشبلـه
مـن يسـب جدودنـا صبح وظـهـر *** نـذكـر عـيـوبـه ولا ندرى زعـلــه
مثـل نـبـت العـوشزه مـابـه ثـمـر *** والـوكـاد السرح ما صار نخـلـه
ومـن حـقـر عـنـاز نسقيه الصبر *** يـجـرع الـدفـلا ولـب الحناضلـه
في قبالـه حيـد صمـم مـن صخـر *** لافـح العـاصـوف مـا هـد جـبلـه
الصخر يفـرق عـن حتـات الفهـر *** الفـهـر مـعـجـون كنتـول وحـلـه