في مثل هـذا اليـوم تـم المبايـع**لخـادم البيتيـن صقـر العروبـه
زبن الضعيف الي لجابـه وجايـع**وقفات ابو متعب تزيـل لكروبـه
الصـادق الـي حافـظ ٍ للودايـع**وعلى العدو قاسي شديـد العقوبـه
رحب الصدر راع الاخلاق الوسايع**ملقاء المحيا فـي كلامـه عذوبـه
بحماه حامي من نزل كـل خايـع**عسى الولي يجـزاه عنـا مثوبـه
نصيَر من يشكي له الحق ضايـع**من ضاع حقه له وكيـل ٍ ينوبـه
يمشي بشرع الله خيـر الشرايـع**ولاخاب الي بالدين ماسك دروبـه
الشعب بايع بالولاء حـب طايـع**محبة ٍ من نفس ماهـي مغصوبـه
وتورد بلدنا من جميـع البضايـع**تجارة ٍ بالخيـر ماهـي محجوبـه
من فضل ربي وضعنا وضع رايع**بالمال كل ٍما خلـت بـه جيوبـه
والامن والايمـان بالـدار شايـع**دستورنـا سنـة محمـد مشوبـه
ويضرب على يد السفيه الي صايع**للحق يرجع بالفكر عـن هروبـه
ودون الوطن الأمن حصن ٍمنايـع**جنـود ٍ قويـه والبـلاد مهيوبـه
ديرة أهل التوحيـد قـوم ٍ برايـع**ضد المعادي كان شبـت شبوبـه
جيش الصحابه باقي ٍ لـه طلايـع**إن كان نار الحرب هبـت هبوبـه
مثل الرعد صوتـه يهـز القلايـع**أشد من فتـك الـزلازل حروبـه
انفوسهـم بالعـز تبقـى رفـايـع**الذل من دون الوطـن مارضوبـه
نجدد ولانـا لبـو متعـب نبايـع**من اقصى شمال المملكه مع جنوبه
ومن شرقها للغـرب العـز ذايـع**الروس تفخر بالعقـال معصوبـه
دون الملك والـدار درع ٍ درايـع**والدار مثـل الوالديـن محبوبـه
نفدي وطنـا كـان شبـت ولايـع**موت الشهيـد مكفراتـن ذنوبـه
الصف واحـد ماتصـدع صدايـع**الشعب واعي والمشاعر رحوبـه
ما أثر عليهم مـن تـذرع ذرايـع**المملكه عاشت والاعداء مهزوبـه
شعب الجزيـره باللـوازم فنايـع**عهد الجـدود الأوليـن أمسكوبـه
عطوا الولاء بالصدق ماهو مرايع**من ساس اهلهم العهد مامكروبـه
صعول الرجال يوم أحمر الدم ثايع**تخوض ميدان الوغا فـي عبوبـه
بيَض السرايـر ماخلطهـا قنايـع**عطو العهد فـي الـولاء بايعوبـه
وخسرت وخابت النفوس الدنايـع**اهل الفتن تسعى لوطنـا خروبـه
واخص من هاجر في الغرب سايع**من ادعى يصلح كبيـر الكذوبـه
دس العسل بالسـم يـزرع نزايـع**لو كان ثوبه قصَره عـن كعوبـه
الناس ماتمشـي عليهـا الخدايـع**يامدعي الاصلاح في غيـر ثوبـه
عسـى بلدنـا ماتجيـه الشنـايـع**الله يديم الـي بشـرع أحكموبـه
الجمـع واحـد مايتفـرق نجايـع**ومن كاد كيده يحرقه فـي لهوبـه
الإهداءات
05-06-2013, 08:34 AM
في مثل هذا اليوم تم المبايـع
العرض الشجري
